គោលការណ៍ឯកជនភាពទូទៅរបស់ Xiaomi

គោលការណ៍ឯកជនភាពទូទៅរបស់យើងត្រូវបានធ្វើបច្ចុប្បន្នភាពនៅថ្ងៃទី 31 ខែកក្កដា ឆ្នាំ 2026។

សូមចំណាយពេលបន្តិចដើម្បីស្វែងយល់អំពីការអនុវត្តឯកជនភាពរបស់យើង ហើយប្រាប់យើងឱ្យដឹង ប្រសិនបើអ្នកមានសំណួរណាមួយ។

ទិដ្ឋភាពទូទៅ

1. សេចក្ដីណែនាំ

2. តើព័ត៌មានផ្ទាល់ខ្លួនមានន័យដូចម្តេច?

3. តើយើងប្រមូលព័ត៌មានផ្ទាល់ខ្លួនអ្វីខ្លះ និងប្រើសម្រាប់គោលបំណងអ្វីខ្លះ?

4. តើយើងចែករំលែកព័ត៌មានផ្ទាល់ខ្លួនរបស់អ្នកដោយរបៀបណា?

5. តើអ្វីជាមូលដ្ឋានច្បាប់សម្រាប់ការដំណើរការព័ត៌មានផ្ទាល់ខ្លួនរបស់អ្នក?

6. តើអ្វីជាការការពារសុវត្ថិភាពរបស់យើង ដើម្បីការពារព័ត៌មានផ្ទាល់ខ្លួនរបស់អ្នក?

7. តើព័ត៌មានផ្ទាល់ខ្លួនរបស់អ្នកនឹងត្រូវបានរក្សាទុករយៈពេលប៉ុន្មាន?

8. តើអ្នកអាចគ្រប់គ្រងចំណូលចិត្តឯកជនភាពរបស់អ្នកដោយរបៀបណា?

9. តើអ្វីជាសិទ្ធិការពារទិន្នន័យរបស់អ្នក?

10. តើត្រូវអនុវត្តសិទ្ធិការពារទិន្នន័យរបស់អ្នក និងទាក់ទងមកយើងដោយរបៀបណា?

11. តើព័ត៌មានផ្ទាល់ខ្លួនរបស់អ្នកត្រូវបានផ្ទេរជាសកលដោយរបៀបណា?

12. តើយើងការពារព័ត៌មានផ្ទាល់ខ្លួនរបស់អនីតិជនដោយរបៀបណា?

13. តើអ្នកត្រូវតែយល់ព្រមតាមលក្ខខណ្ឌរបស់ភាគីទីបីណាមួយដែរឬទេ?

14. តើយើងធ្វើបច្ចុប្បន្នភាពគោលការណ៍ឯកជនភាពនេះដោយរបៀបណា?

1. សេចក្ដីណែនាំ

Xiaomi Communications Co., Ltd. រួមជាមួយក្រុមហ៊ុនបុត្រសម្ព័ន្ធសកលរបស់យើង (ហៅរួមគ្នាថា “Xiaomi” “យើង” ឬ “របស់យើង”) ចាត់ទុកឯកជនភាពជាតម្លៃស្នូល ហើយការការពារឯកជនភាពរបស់អ្នកគឺជាអាទិភាពកំពូលរបស់យើង។ ទោះបីជាផលិតផល ឬសេវាកម្មនីមួយៗរបស់ Xiaomi អាចមានគោលការណ៍ឯកជនភាពផ្ទាល់ខ្លួនក៏ដោយ យើងបានសង្ខេបទិដ្ឋភាពសំខាន់ៗមួយចំនួននៅក្នុងគោលការណ៍ឯកជនភាពនេះ។ តាមវិធីនេះ អ្នកអាចចូលប្រើព័ត៌មានបានយ៉ាងរហ័សជាពីរស្រទាប់៖ កំណែសាមញ្ញនៅទីនេះ និងកំណែដែលលម្អិត និងជាក់លាក់ជាងនេះ ដោយយោងទៅលើគោលការណ៍ឯកជនភាពរបស់ផលិតផល និង/ឬសេវាកម្មដែលអ្នកចាប់អារម្មណ៍។

សូមចំណាំថា ការដំណើរការព័ត៌មានផ្ទាល់ខ្លួនដែលធ្វើឡើងដោយ Xiaomi អាចខុសគ្នាអាស្រ័យលើផលិតផល និង/សេវាកម្មដែលបានរៀបរាប់ខាងលើ ក៏ដូចជាមុខងារដែលបានប្រើប្រាស់ និងការកំណត់រចនាសម្ព័ន្ធដែលបានជ្រើសរើសដោយអ្នកប្រើប្រាស់ម្នាក់ៗ។ សូមពិនិត្យមើលសេចក្តីថ្លែងការណ៍ស្តីពីឯកជនភាព ឬសេចក្តីជូនដំណឹងបន្ថែមដែលអាចអនុវត្តបានចំពោះផលិតផល ឬសេវាកម្មពាក់ព័ន្ធ (ពោលគឺ “សេចក្តីជូនដំណឹងស្ដីពីឯកជនភាពផលិតផល”)។ វាពន្យល់អំពីរបៀបដែលផលិតផល ឬសេវាកម្មនោះដំណើរការព័ត៌មានផ្ទាល់ខ្លួនរបស់អ្នក របៀបអនុវត្តសិទ្ធិរបស់អ្នក អត្តសញ្ញាណរបស់អ្នកគ្រប់គ្រងទិន្នន័យដែលពាក់ព័ន្ធ និងរបៀបទាក់ទងជាមួយពួកគេ។ ប្រសិនបើមានភាពផ្ទុយគ្នាណាមួយ សេចក្តីជូនដំណឹងស្ដីពីឯកជនភាពផលិតផលនឹងមានអាទិភាពសម្រាប់ផលិតផល ឬសេវាកម្មនោះ បើមិនដូច្នោះទេ គោលការណ៍នេះនឹងត្រូវបានអនុវត្ត។

ជាចុងក្រោយ អ្វីដែលយើងចង់បានគឺភាពល្អបំផុតសម្រាប់អ្នកប្រើប្រាស់ទាំងអស់របស់យើង។ ប្រសិនបើអ្នកមានសំណួរណាមួយអំពីការអនុវត្តការដំណើរការទិន្នន័យរបស់យើងដូចដែលបានសង្ខេបនៅក្នុងគោលការណ៍ឯកជនភាពនេះ សូមទាក់ទងមកយើងតាមរយៈ https://privacy.mi.com/support ដើម្បីដោះស្រាយសំណួរជាក់លាក់របស់អ្នក។ យើងនឹងរីករាយក្នុងការស្ដាប់មតិយោបល់ពីអ្នក។

2. តើព័ត៌មានផ្ទាល់ខ្លួនមានន័យដូចម្តេច?

នៅក្នុងគោលការណ៍ឯកជនភាពនេះ "ព័ត៌មានផ្ទាល់ខ្លួន" មានន័យថាព័ត៌មានដែលអាចត្រូវបានប្រើ ដើម្បីសម្គាល់អត្តសញ្ញាណបុគ្គលដោយផ្ទាល់ ឬដោយប្រយោល អាចពីព័ត៌មាននោះតែមួយគត់ ឬពីព័ត៌មាននោះរួមបញ្ចូលជាមួយព័ត៌មានផ្សេងទៀតអំពីបុគ្គលនោះ ដែលមាននៅក្នុងការកាន់កាប់របស់ Xiaomi លើកលែងតែមានការកំណត់ជាក់លាក់ផ្សេងពីនេះដោយច្បាប់ជាធរមាននៅក្នុងតំបន់របស់អ្នក។ វារួមបញ្ចូលព័ត៌មានដូចជា ឈ្មោះ ព័ត៌មានលម្អិតអំពីទំនាក់ទំនង លេខអត្តសញ្ញាណ ទិន្នន័យទីតាំង ឬលេខសម្គាល់តាមអ៊ីនធឺណិត (ឧ. លេខសម្គាល់គណនី Xiaomi)។ យើងនឹងប្រើប្រាស់ព័ត៌មានផ្ទាល់ខ្លួនរបស់អ្នក ស្របតាមគោលការណ៍ឯកជនភាពនេះ សេចក្តីជូនដំណឹងស្ដីពីឯកជនភាពផលិតផលដែលមានជាធរមាន និងច្បាប់ជាធរមាន។

3. តើយើងប្រមូលព័ត៌មានផ្ទាល់ខ្លួនអ្វីខ្លះ និងប្រើសម្រាប់គោលបំណងអ្វីខ្លះ?

3.1 ការប្រមូលព័ត៌មានផ្ទាល់ខ្លួនពីអ្នក

ការដំណើរការព័ត៌មានផ្ទាល់ខ្លួនដែលធ្វើឡើងដោយ Xiaomi អាចខុសគ្នាអាស្រ័យលើផលិតផល និង/សេវាកម្ម ក៏ដូចជាមុខងារដែលបានប្រើប្រាស់ និងការកំណត់រចនាសម្ព័ន្ធដែលបានជ្រើសរើសដោយអ្នកប្រើប្រាស់ម្នាក់ៗ។ ដូច្នេះហើយ នៅពេលប្រើប្រាស់ផលិតផល ឬសេវាកម្មរបស់យើង ព័ត៌មានផ្ទាល់ខ្លួនរបស់អ្នកនឹងត្រូវបានដំណើរការ ដើម្បីផ្តល់ជូនអ្នកនូវផលិតផល និង/សេវាកម្មតាមសំណើរបស់អ្នក។

ទោះបីជាអ្នកអាចស្វែងរកព័ត៌មានបន្ថែមនៅក្នុងសេចក្តីជូនដំណឹងស្ដីពីឯកជនភាពផលិតផលដែលមានជាធរមាននៃផលិតផល និង/សេវាកម្មដែលអ្នកកំពុងប្រើប្រាស់ក៏ដោយ ហេតុផលចម្បងដែលយើងប្រមូលព័ត៌មានផ្ទាល់ខ្លួនគឺដើម្បីផ្តល់ជូនអ្នកនូវផលិតផល និងសេវាកម្មតាមជម្រើសរបស់អ្នក។ ប្រភេទព័ត៌មានផ្ទាល់ខ្លួនដែលយើងប្រមូលអាចខុសគ្នាទៅតាមផលិតផល ឬសេវាកម្ម ឧបករណ៍ មុខងារដែលបានបើក និងប្រទេស ឬតំបន់។ ដូច្នេះ មិនមែនគ្រប់ព័ត៌មានដែលបានរាយខាងក្រោម ត្រូវបានប្រមូលក្នុងគ្រប់ករណីទេ។

អាស្រ័យលើសេវាកម្មដែលអ្នកជ្រើសរើស យើងអាចប្រមូលប្រភេទព័ត៌មានដូចខាងក្រោម៖

3.1.1 ព័ត៌មានដែលអ្នកផ្តល់ជូនយើង

យើងអាចប្រមូលព័ត៌មានផ្ទាល់ខ្លួនណាមួយដែលអ្នកផ្តល់ជូនយើង ដែលចាំបាច់សម្រាប់ការផ្តល់សេវាកម្មដែលអ្នកជ្រើសរើស។ អាស្រ័យលើសេវាកម្ម ចំណុចនេះអាចរួមបញ្ចូល៖

• **ទិន្នន័យអត្តសញ្ញាណ និងគណនី៖ **នៅពេលអ្នកបង្កើតគណនី ឬប្រវត្តិរូបជាមួយយើង យើងអាចស្នើសុំព័ត៌មានដូចជា ឈ្មោះ ឈ្មោះហៅក្រៅ លេខសម្គាល់គណនី Xiaomi, ថ្ងៃខែឆ្នាំកំណើត ភេទ សញ្ជាតិ រូបថតប្រវត្តិរូប មុខរបរ និងព័ត៌មានទាក់ទងនឹងសុវត្ថិភាព ដែលអ្នកផ្តល់នៅពេលដែលពាក់ព័ន្ធ។ នៅក្នុងដែនសមត្ថកិច្ចមួយចំនួន យើងអាចស្នើសុំលិខិតបញ្ជាក់អត្តសញ្ញាណរបស់អ្នក ដែលចេញដោយអាជ្ញាធរក្នុងស្រុក ឬព័ត៌មានផ្សេងទៀត ដែលអាចផ្ទៀងផ្ទាត់អត្តសញ្ញាណរបស់អ្នក ដោយផ្អែកលើការចុះឈ្មោះគណនីតាមឈ្មោះពិត ឬការទូទាត់តាមអ៊ីនធឺណិតឬឥណទាន ឬលក្ខខណ្ឌតម្រូវដែលមានជាធរមានផ្សេងទៀត។
• **ទិន្នន័យទំនាក់ទំនង៖ **ប្រសិនបើអ្នកបញ្ជាទិញផលិតផល ឬសេវាកម្មបង់ប្រាក់ពីយើង យើងក៏ស្នើសុំអាសយដ្ឋានអ៊ីមែល លេខទូរសព្ទចល័ត អាសយដ្ឋានសម្រាប់ការដឹកជញ្ជូន ឬអាសយដ្ឋានប្រៃសណីយ៍ និងលេខសម្គាល់ប្រព័ន្ធផ្សព្វផ្សាយសង្គមផងដែរ។ សេវាកម្មមួយចំនួនអនុញ្ញាតឱ្យអ្នកទាក់ទង និងចែករំលែកព័ត៌មានជាមួយអ្នកដទៃ។ ដើម្បីឱ្យសេវាកម្មទាំងនោះអាចដំណើរការបាន យើងអាចដំណើរការព័ត៌មានដូចជា លេខទូរសព្ទរបស់អ្នកផ្ញើ និងអ្នកទទួល។
• **ទិន្នន័យប្រតិបត្តិការ និងហិរញ្ញវត្ថុ៖ **ប្រសិនបើអ្នកបញ្ជាទិញផលិតផល ឬសេវាកម្មបង់ប្រាក់ពីយើង យើងក៏ស្នើសុំព័ត៌មានដូចជា ព័ត៌មានអំពីការបញ្ជាទិញ ព័ត៌មានលម្អិតអំពីការចេញវិក្កយបត្រ លេខគណនីធនាគារ ឈ្មោះម្ចាស់គណនី និងលេខកាតឥណទានផងដែរ។
• **ទំនាក់ទំនងជាមួយយើង៖ **ព័ត៌មានដែលអ្នកផ្តល់ជូន នៅពេលដែលអ្នកប្រាស្រ័យទាក់ទងជាមួយយើង ខ្លឹមសាររបស់យើង ឬសកម្មភាពធ្វើទីផ្សារឬផ្សព្វផ្សាយរបស់យើង (ដូចជាសំឡេងថត ខ្លឹមសារនៃសារ កំណត់ត្រាហៅទូរសព្ទ ប្រវត្តិអ៊ីមែល/ជជែក ខ្លឹមសារដូចជាវីដេអូ និងរូបថតដែលអ្នកបានដាក់បញ្ជូន មតិកែលម្អរបស់អ្នកប្រើប្រាស់សម្រាប់សេវាកម្ម ឬការស្ទង់មតិ)។

3.1.2 ព័ត៌មានដែលយើងប្រមូលក្នុងអំឡុងពេលការប្រើប្រាស់សេវាកម្មរបស់អ្នក

• ព័ត៌មានអំពីការប្រើប្រាស់ និងឧបករណ៍ ព័ត៌មានឧបករណ៍របស់អ្នក រួមទាំងឧបករណ៍ដែលបានភ្ជាប់ (ដូចជាក្រុមហ៊ុនផលិត និងម៉ូដែល) និងព័ត៌មានសូហ្វវែរ (ដូចជាប្រព័ន្ធប្រតិបត្តិការ និងកំណែសូហ្វវែរ) IMEI/OAID និងលេខសម្គាល់ឧបករណ៍តែមួយគត់ផ្សេងទៀត (ដូចជាលេខស៊េរី (SN), អាសយដ្ឋាន MAC, អាសយដ្ឋាន IP, លេខសម្គាល់ការផ្សាយពាណិជ្ជកម្ម (ឧ. សម្រាប់ឧបករណ៍ចល័ត, GAID និងលេខសម្គាល់ Android)) ព័ត៌មានទាក់ទងនឹងស៊ីម (ឧ. លេខ IMSI, ប្រតិបត្តិករស៊ីមកាត និងតំបន់ទីតាំងរបស់វា) លេខសម្គាល់ Space, ព័ត៌មានអំពីការបង្ហាញអេក្រង់ ព័ត៌មានអំពីក្តារចុចរបស់ឧបករណ៍ ពេលវេលាបើកដំណើរការឧបករណ៍ ព័ត៌មានអំពីហាតវែរមូលដ្ឋាន បណ្តាញលក់ មេទ្រិកប្រតិបត្តិការ (ដូចជា CPU, បណ្តាញ ទំហំផ្ទុក ការប្រើប្រាស់ថ្ម កម្រិតគុណភាពអេក្រង់ និងសីតុណ្ហភាពឧបករណ៍ ម៉ូដែលឡែនកាមេរ៉ា ចំនួនដងដែលអេក្រង់ត្រូវបានបើកដំណើរការ ឬដោះសោ) និងការកំណត់របស់ឧបករណ៍ដែលអ្នកប្រើ ដើម្បីចូលប្រើសេវាកម្ម។
• **ព័ត៌មានបណ្តាញទូរសព្ទចល័ត **ដូចជាប្រតិបត្តិករបណ្តាញ ប្រភេទនៃការតភ្ជាប់ ព័ត៌មានទីតាំង រួមទាំងលេខកូដប្រទេសនៃឧបករណ៍ចល័ត លេខកូដបណ្តាញទូរសព្ទចល័ត លេខកូដតំបន់ទីតាំង និងអត្តសញ្ញាណទូរសព្ទចល័ត។
• ព័ត៌មានពាក់ព័ន្ធនឹងការប្រើប្រាស់កម្មវិធីរបស់អ្នក រួមទាំងលេខសម្គាល់តែមួយគត់សម្រាប់កម្មវិធី (ឧ. VAID, OAID, AAID, លេខសម្គាល់អង្គ) និងព័ត៌មានមូលដ្ឋានរបស់កម្មវិធីដែលបានដំឡើងនៅលើឧបករណ៍របស់អ្នក ដូចជាបញ្ជីកម្មវិធី ព័ត៌មានអំពីលេខសម្គាល់កម្មវិធី កំណែ SDK, ការកំណត់ការធ្វើបច្ចុប្បន្នភាពប្រព័ន្ធ ការកំណត់ប្រព័ន្ធ និង/ឬការកំណត់កម្មវិធី (ប្រទេស និងតំបន់ ភាសា ល្វែងម៉ោង ពុម្ពអក្សរ) ព័ត៌មានអំពីការចូលគណនី ពេលវេលាដែលកម្មវិធីចូល/ចាកចេញពីផ្ទៃខាងមុខ កំណត់ត្រាស្ថានភាពកម្មវិធី (ឧ. ការទាញយក ការដំឡើង ការធ្វើបច្ចុប្បន្នភាព ការលុប) IP, ស្ថានភាពបណ្តាញ និងព័ត៌មានអំពីរបៀបដែលអ្នកប្រើប្រាស់ និងធ្វើអន្តរកម្មជាមួយកម្មវិធី ខ្លឹមសារនិងសេវាកម្ម ដូចជាប្រវត្តិរុករកនិងប្រវត្តិចាក់ សំណួរស្វែងរក ព័ត៌មានអំពីអ្នកផ្តល់សេវាកម្មខ្លឹមសារឬប្រភព ចំនួនមើលនិងការបញ្ចេញខ្លឹមសារ រយៈពេលនិងម៉ូដមើល ភាពញឹកញាប់នៃការធ្វើអន្តរកម្មជាមួយខ្លឹមសារឬមុខងារ ការជាវ និងសកម្មភាព ដូចជាការចូលចិត្ត ការវាយតម្លៃ ស្លាកសម្គាល់ មតិ ចំណូលចិត្ត ការចែករំលែក ឬការចុចជាដើម។
• ព័ត៌មានទីតាំង (សម្រាប់តែសេវាកម្ម/មុខងារជាក់លាក់ប៉ុណ្ណោះ)៖ ព័ត៌មានជាច្រើនប្រភេទអំពីទីតាំង ជាក់លាក់ ឬទីតាំងប្រហាក់ប្រហែលរបស់អ្នក ប្រសិនបើអ្នកប្រើសេវាកម្មដែលពាក់ព័ន្ធនឹងទីតាំង (ការរុករក អាកាសធាតុ ស្វែងរកឧបករណ៍។ល។)។ ព័ត៌មាននេះអាចរួមបញ្ចូលតំបន់ លេខកូដប្រទេស លេខកូដទីក្រុង លេខកូដបណ្តាញទូរសព្ទចល័ត លេខកូដប្រទេសរបស់ឧបករណ៍ចល័ត អត្តសញ្ញាណទូរសព្ទចល័ត ព័ត៌មានអំពីរយៈបណ្តោយនិងរយៈទទឹង ការកំណត់ល្វែងម៉ោង និងការកំណត់ភាសា។ អ្នកអាចរឹតត្បិតការចូលប្រើព័ត៌មានទីតាំងរបស់កម្មវិធីនីមួយៗបានគ្រប់ពេលនៅក្នុងការកំណត់ > កម្មវិធី > ការអនុញ្ញាត > ការអនុញ្ញាត > ទីតាំង។
• ព័ត៌មានកំណត់ហេតុ៖ ព័ត៌មានអំពីការវិភាគ បច្ចេកទេស បញ្ហា និងការប្រើប្រាស់ ដែលទាក់ទងនឹងការប្រើប្រាស់របស់អ្នកចំពោះមុខងារ កម្មវិធី និងគេហទំព័រមួយចំនួន។ ព័ត៌មាននេះអាចរួមបញ្ចូលខូគី និងបច្ចេកវិទ្យាកំណត់អត្តសញ្ញាណផ្សេងទៀត អាសយដ្ឋាន IP, ព័ត៌មានអំពីសំណើបណ្តាញ ប្រវត្តិសារបណ្តោះអាសន្ន កំណត់ហេតុប្រព័ន្ធស្តង់ដា ព័ត៌មានអំពីការគាំង និងព័ត៌មានអំពីកំណត់ហេតុដែលត្រូវបានបង្កើតឡើងតាមរយៈការប្រើប្រាស់សេវាកម្ម (ដូចជាពេលវេលាចុះឈ្មោះ ពេលវេលាចូលប្រើ ពេលវេលាសកម្មភាព។ល។)។
• **ការធ្វើសមកាលកម្មព័ត៌មានជាមួយក្លោដ៖ **ខ្លឹមសារ ឬទិន្នន័យអាចនឹងត្រូវបានធ្វើសមកាលកម្ម នៅពេលដែលអ្នកកំពុងប្រើសេវាកម្មក្លោដសម្រាប់ការចូលប្រើ និងការចែករំលែក ដូចជារូបថត វីដេអូ កំណត់ចំណាំ ទំនាក់ទំនង ប្រតិទិន និងខ្លឹមសារផ្សេងទៀតដែលបង្កើតឡើងដោយអ្នកប្រើប្រាស់ និងភ្ជាប់ជាមួយគណនី Xiaomi របស់អ្នក។ យើងនឹងហាមឃាត់បុគ្គលិកណាមួយរបស់យើង ឬភាគីទីបីណាមួយមិនឱ្យចូលប្រើដោយផ្ទាល់នូវខ្លឹមសារនៃព័ត៌មានផ្ទាល់ខ្លួនរបស់អ្នក ដោយគ្មានការយល់ព្រមពីអ្នកឡើយ។
• ព័ត៌មានផ្សេងទៀត៖ តម្លៃលក្ខណៈបរិស្ថាន (ECV) (ពោលគឺតម្លៃដែលបានបង្កើតពីលេខសម្គាល់គណនី Xiaomi, លេខសម្គាល់ឧបករណ៍ លេខសម្គាល់ Wi-Fi ដែលបានភ្ជាប់ និងព័ត៌មានទីតាំង)។

អ្នកមិនមានកាតព្វកិច្ចក្នុងការផ្តល់ព័ត៌មានផ្ទាល់ខ្លួនដែលយើងបានស្នើសុំទេ។ ទោះជាយ៉ាងណាក៏ដោយ ប្រសិនបើអ្នកជ្រើសរើសមិនធ្វើដូច្នេះ ក្នុងករណីមួយចំនួន យើងនឹងមិនអាចផ្តល់ជូនអ្នកនូវផលិតផល ឬសេវាកម្មរបស់យើង ឬឆ្លើយតបចំពោះសំណើដែលអ្នកអាចនឹងមាននោះទេ។

3.1.3 ព័ត៌មានពីប្រភពភាគីទីបី

នៅពេលដែលច្បាប់អនុញ្ញាត យើងនឹងប្រមូលព័ត៌មានអំពីអ្នកពីប្រភពសាធារណៈ ឬប្រភពពាណិជ្ជកម្មស្របច្បាប់។ ឧទាហរណ៍៖

• ទិន្នន័យផ្ទៀងផ្ទាត់សម្រាប់សុវត្ថិភាព និងការទប់ស្កាត់ការក្លែងបន្លំ៖ ព័ត៌មាន (ដូចជាលេខទូរសព្ទរបស់អ្នក) ដែលយើងផ្ទៀងផ្ទាត់តាមរយៈប្រភពភាគីទីបីស្របច្បាប់ ដោយមានការអនុញ្ញាតរបស់អ្នក។
• ទិន្នន័យសម្រាប់ការបង្កើនប្រសិទ្ធភាពការផ្សាយពាណិជ្ជកម្ម៖ លេខសម្គាល់តែមួយគត់ (ដូចជា IMEI, OAID ឬ GAID) ដែលទទួលបានពីអ្នកផ្សាយពាណិជ្ជកម្ម និងក្រោមកាលៈទេសៈមួយចំនួន ទិន្នន័យប្រតិបត្តិការការបំប្លែងមួយផ្នែក (ដូចជាការចុច) ដែលត្រូវនឹងការប្រើប្រាស់សេវាកម្មផ្សាយពាណិជ្ជកម្មរបស់អ្នក។
• ព័ត៌មានគណនីបណ្តាញសង្គមភាគីទីបី៖ លេខសម្គាល់គណនី ឈ្មោះហៅក្រៅ រូបថតប្រវត្តិរូប និងអាសយដ្ឋានអ៊ីមែល នៅពេលអ្នកប្រើប្រាស់គណនីបណ្តាញសង្គមដើម្បីចូលសេវាកម្ម Xiaomi។
• ព័ត៌មានអំពីអ្នក ដែលបានផ្តល់ដោយអ្នកប្រើប្រាស់ផ្សេងទៀត៖ ឧទាហរណ៍ អាសយដ្ឋានដឹកជញ្ជូនរបស់អ្នកដែលអ្នកប្រើប្រាស់ផ្សេងទៀតអាចផ្តល់ឱ្យយើង នៅពេលពួកគេទិញផលិតផលសម្រាប់អ្នកតាមរយៈសេវាកម្ម mi.com។

3.1.4 ព័ត៌មានដែលមិនអាចកំណត់អត្តសញ្ញាណផ្ទាល់ខ្លួនបាន

យើងក៏អាចប្រមូលប្រភេទព័ត៌មានផ្សេងទៀតដែលមិនមានទំនាក់ទំនងដោយផ្ទាល់ ឬដោយប្រយោលជាមួយបុគ្គល ហើយដែលអាចនឹងមិនត្រូវបានចាត់ទុកជាព័ត៌មានផ្ទាល់ខ្លួន បើយោងទៅតាមច្បាប់ក្នុងស្រុកជាធរមាន។ ព័ត៌មានបែបនេះត្រូវបានគេហៅថា ព័ត៌មានដែលមិនអាចកំណត់អត្តសញ្ញាណផ្ទាល់ខ្លួនបាន។ យើងអាចប្រមូល ប្រើប្រាស់ ផ្ទេរ និងបង្ហាញព័ត៌មានដែលមិនអាចកំណត់អត្តសញ្ញាណផ្ទាល់ខ្លួនបាន។ នេះគឺជាឧទាហរណ៍មួយចំនួននៃព័ត៌មានដែលយើងប្រមូល និងរបៀបដែលយើងអាចប្រើប្រាស់វាក្នុងទម្រង់ប្រមូលផ្តុំដែលមិនអាចកំណត់អត្តសញ្ញាណផ្ទាល់ខ្លួនបាន៖

• ព័ត៌មាននេះអាចរួមបញ្ចូលទិន្នន័យស្ថិតិដែលបង្កើតនៅពេលអ្នកប្រើប្រាស់សេវាកម្មជាក់លាក់ (ឧទាហរណ៍ ព័ត៌មានទាក់ទងនឹងឧបករណ៍ដែលមិនអាចកំណត់អត្តសញ្ញាណបាន ការប្រើប្រាស់ប្រចាំថ្ងៃ ការចូលមើលទំព័រ រយៈពេលចូលប្រើទំព័រ និងព្រឹត្តិការណ៍វគ្គ)
• ទិន្នន័យត្រួតពិនិត្យបណ្តាញ (ឧ. ពេលវេលាស្នើសុំ ចំនួនសំណើ ឬសំណើដែលមានបញ្ហា។ល។)
• ព្រឹត្តិការណ៍ការគាំងកម្មវិធី (ឧ. កំណត់ហេតុដែលបង្កើតដោយស្វ័យប្រវត្តិបន្ទាប់ពីកម្មវិធីគាំង)។

គោលបំណងនៃការប្រមូលបែបនេះគឺដើម្បីធ្វើឱ្យប្រសើរឡើងនូវសេវាកម្មដែលយើងផ្តល់ជូនអ្នក។ ប្រភេទ និងចំនួនព័ត៌មានដែលបានប្រមូល អាស្រ័យលើវិធីដែលអ្នកប្រើផលិតផល និង/សេវាកម្មរបស់យើង។

យើងប្រមូលព័ត៌មាននេះ ដើម្បីផ្តល់ជូនអ្នកនូវព័ត៌មានដែលមានប្រយោជន៍បន្ថែមទៀត និងយល់ដឹងអំពីផ្នែកណាខ្លះនៃគេហទំព័រ ផលិតផល និងសេវាកម្មរបស់យើង ដែលអ្នកចាប់អារម្មណ៍ខ្លាំងបំផុត។ ឧទាហរណ៍ យើងអាចនឹងត្រូវដឹងអំពីចំនួនអ្នកប្រើប្រាស់ដែលសកម្មក្នុងមួយថ្ងៃ ប៉ុន្តែមិនចាំបាច់ដឹងថាអ្នកណាសកម្មនៅថ្ងៃនោះទេ ដូច្នេះហើយ ទិន្នន័យប្រមូលគឺគ្រប់គ្រាន់សម្រាប់ការវិភាគស្ថិតិ។ យើងនឹងខិតខំប្រឹងប្រែងដើម្បីញែកព័ត៌មានផ្ទាល់ខ្លួនរបស់អ្នកចេញពីព័ត៌មានដែលមិនអាចកំណត់អត្តសញ្ញាណផ្ទាល់ខ្លួនបាន និងធានាថាទិន្នន័យទាំងពីរប្រភេទត្រូវបានប្រើប្រាស់ដោយឡែកពីគ្នា។ ទោះយ៉ាងណាក៏ដោយ ប្រសិនបើយើងរួមបញ្ចូលព័ត៌មានដែលមិនអាចកំណត់អត្តសញ្ញាណផ្ទាល់ខ្លួនបាន ជាមួយព័ត៌មានផ្ទាល់ខ្លួន នោះព័ត៌មានដែលបានរួមបញ្ចូលគ្នាបែបនេះនឹងត្រូវបានចាត់ទុកជាព័ត៌មានផ្ទាល់ខ្លួន ក្រោមច្បាប់ការពារទិន្នន័យដែលមានជាធរមាន និងគោលការណ៍ឯកជនភាពនេះ ដរាបណាព័ត៌មាននោះនៅតែរួមបញ្ចូលគ្នា។

3.2 របៀបដែលយើងប្រើប្រាស់ព័ត៌មានផ្ទាល់ខ្លួនដែលយើងប្រមូល

អាស្រ័យលើផលិតផល ឬសេវាកម្មដែលអ្នកប្រើប្រាស់ យើងអាចនឹងដំណើរការព័ត៌មានផ្ទាល់ខ្លួន សម្រាប់គោលបំណងមួយ ឬច្រើនដូចខាងក្រោម៖

• ការបើកដំណើរការ និងការចុះឈ្មោះផលិតផល ឬសេវាកម្ម Xiaomi ដែលអ្នកបានទិញសម្រាប់អ្នក។

• ការបង្កើត និងការថែទាំគណនី Xiaomi របស់អ្នក ដើម្បីផ្តល់ឱ្យអ្នកនូវសេវាកម្មដែលអ្នកស្នើសុំ។

• ការផ្តល់ ការដំណើរការ ការថែទាំ ការកែលម្អ និងការអភិវឌ្ឍផលិតផល និង/ឬសេវាកម្មរបស់យើងដល់អ្នក ដូចជាការដឹកជញ្ជូន ការបើកដំណើរការ ការផ្ទៀងផ្ទាត់ ការជូនដំណឹងអំពីការធ្វើបច្ចុប្បន្នភាពប្រព័ន្ធ/កម្មវិធីនិងការដំឡើង ជំនួយក្រោយពេលលក់ ផ្នែកជំនួយអតិថិជន។

• ការអនុវត្ត និងការថែរក្សាវិធានការការពារសុវត្ថិភាព ដើម្បីទប់ស្កាត់ការបាត់បង់ និងការក្លែងបន្លំ ដូចជាការកំណត់អត្តសញ្ញាណអ្នកប្រើប្រាស់ និងការផ្ទៀងផ្ទាត់អត្តសញ្ញាណអ្នកប្រើប្រាស់។

• ការចាត់ចែងសំណួរ ឬសំណើរបស់អ្នកទាក់ទងនឹងឧបករណ៍ និងសេវាកម្ម ដូចជាការឆ្លើយតបសំណួររបស់អតិថិជន ការផ្ញើការជូនដំណឹងពីប្រព័ន្ធនិងកម្មវិធី និងការគ្រប់គ្រងការចូលរួមរបស់អ្នកនៅក្នុងព្រឹត្តិការណ៍ និងការផ្សព្វផ្សាយ (ឧ. ការចាប់រង្វាន់)។

• ការអនុវត្តសកម្មភាពផ្សព្វផ្សាយពាក់ព័ន្ធ ដូចជាការផ្តល់ខ្លឹមសារផ្សព្វផ្សាយ និងធ្វើទីផ្សារ និងព័ត៌មានថ្មីៗ។ យើងនឹងអនុវត្តសកម្មភាពបែបនេះដោយផ្អែកលើការយល់ព្រមរបស់អ្នក លើកលែងតែមានចែងផ្សេងពីនេះដោយច្បាប់ជាធរមាន។ ប្រសិនបើអ្នកលែងចង់ទទួលបានប្រភេទខ្លឹមសារផ្សព្វផ្សាយមួយចំនួនទៀតហើយ អ្នកអាចដកការយល់ព្រមរបស់អ្នកតាមវិធីដែលបានផ្តល់នៅក្នុងសារ (ដូចជាតំណឈប់ជាវនៅផ្នែកខាងក្រោមនៃសារ)។ សូមមើលផ្នែកទី 9 “តើអ្វីជាសិទ្ធិការពារទិន្នន័យរបស់អ្នក” ខាងក្រោមផងដែរ។

• គោលបំណងផ្ទៃក្នុង ដូចជាការវិភាគទិន្នន័យ ការស្រាវជ្រាវ និងការអភិវឌ្ឍព័ត៌មានស្ថិតិដែលទាក់ទងនឹងការប្រើប្រាស់ផលិតផល ឬសេវាកម្មរបស់យើង ដើម្បីធ្វើឱ្យផលិតផល ឬសេវាកម្មរបស់យើងប្រសើរឡើង។ ឧទាហរណ៍ ការរៀនរបស់ម៉ាស៊ីន ឬការបណ្តុះបណ្តាលក្បួនដោះស្រាយគំរូ ត្រូវបានអនុវត្ត បន្ទាប់ពីដំណើរការការដកការកំណត់អត្តសញ្ញាណ។

• ការកែលម្អបទពិសោធអ្នកប្រើប្រាស់តាមរយៈការវិភាគទិន្នន័យ សូហ្វវែរ និងហាតវែរ ដូចជាការវិភាគការប្រើប្រាស់អង្គចងចាំ ឬការប្រើប្រាស់ CPU នៃកម្មវិធីរបស់អ្នក។ មុខងារមួយចំនួនដែលអ្នកប្រើប្រាស់ជ្រើសរើសចូលរួម ដូចជាកម្មវិធីបទពិសោធអ្នកប្រើប្រាស់ជាដើម អនុញ្ញាតឱ្យ Xiaomi វិភាគទិន្នន័យអំពីរបៀបដែលអ្នកប្រើប្រាស់ប្រើទូរសព្ទចល័ត សេវាកម្មប្រព័ន្ធរបស់ Xiaomi និងសេវាកម្មផ្សេងទៀតដែលផ្តល់ដោយ Xiaomi ដើម្បីកែលម្អបទពិសោធអ្នកប្រើប្រាស់ ដូចជាការផ្ញើរបាយការណ៍គាំងជាដើម។

• ការរក្សាទុក និងការថែទាំព័ត៌មានពាក់ព័ន្ធនឹងអ្នក សម្រាប់ប្រតិបត្តិការអាជីវកម្មរបស់យើង (ដូចជាស្ថិតិអាជីវកម្ម) ឬ សម្រាប់បំពេញកាតព្វកិច្ចផ្នែកច្បាប់របស់យើង។

• ការផ្ដល់សេវាកម្ម និងខ្លឹមសារផ្ទាល់ខ្លួន រួមទាំងការផ្សាយពាណិជ្ជកម្ម ដើម្បីការពារឯកជនភាពរបស់អ្នក យើងប្រើលេខសម្គាល់តែមួយគត់ជំនួសឱ្យឈ្មោះ អ៊ីមែល ឬព័ត៌មានផ្សេងទៀតរបស់អ្នក ដែលអ្នកអាចត្រូវបានកំណត់អត្តសញ្ញាណដោយផ្ទាល់ ដើម្បីផ្តល់ជូនអ្នកនូវផលិតផល សេវាកម្ម និងសកម្មភាពផ្ទាល់ខ្លួន រួមទាំងការផ្សាយពាណិជ្ជកម្ម។

  យើងអាចរួមបញ្ចូលព័ត៌មាននេះជាមួយព័ត៌មានផ្សេងទៀត (រួមទាំងព័ត៌មាននៅលើសេវាកម្ម ឬឧបករណ៍ផ្សេងៗ ដូចជាកុំព្យូទ័រ ទូរសព្ទចល័ត ទូរទស្សន៍ឆ្លាតវៃ និងឧបករណ៍ដែលបានភ្ជាប់ផ្សេងទៀត) ដើម្បីផ្តល់ និងកែលម្អផលិតផល សេវាកម្ម ខ្លឹមសារ និងការផ្សាយពាណិជ្ជកម្មរបស់យើង។

  ឧទាហរណ៍ យើងអាចប្រើប្រាស់ព័ត៌មានលម្អិតអំពីគណនី Xiaomi របស់អ្នកនៅក្នុងសេវាកម្មទាំងអស់ដែលអ្នកប្រើប្រាស់ ដែលតម្រូវឱ្យមានគណនី Xiaomi។ លើសពីនេះទៀត ដើម្បីកែលម្អបទពិសោធរបស់អ្នក និងសេវាកម្មរបស់យើង រួមទាំងគោរពតាមច្បាប់ និងបទប្បញ្ញត្តិដែលពាក់ព័ន្ធ និង (នៅពេលចាំបាច់) ដោយមានការយល់ព្រមពីអ្នក យើងអាចតម្រៀបព័ត៌មានពីផលិតផល សេវាកម្ម ឬឧបករណ៍ផ្សេងៗគ្នាដែលមកពីអ្នក ឬពាក់ព័ន្ធនឹងអ្នក ដើម្បីបង្កើតស្លាក ដែលនឹងត្រូវបានប្រើសម្រាប់ផ្តល់ការណែនាំ ខ្លឹមសារដែលសម្របតាមបំណង និងមុខងារផ្ទាល់ខ្លួន។

  ឧទាហរណ៍ ការផ្សាយពាណិជ្ជកម្មផ្ទាល់ខ្លួននឹងត្រូវបានផ្តល់ជូន ដោយផ្អែកលើសកម្មភាព ការប្រើប្រាស់ និងចំណូលចិត្តរបស់អ្នក ដែលទាក់ទងនឹងកម្មវិធី និងសេវាកម្មរបស់យើង។ យើងបង្កើតប្រវត្តិរូបនានាដោយវិភាគព័ត៌មានដែលបានរៀបរាប់ខាងលើ និងបង្កើតផ្នែកនានា (ក្រុមដែលមានលក្ខណៈរួមជាក់លាក់) ហើយដោយដាក់ព័ត៌មានផ្ទាល់ខ្លួនរបស់អ្នកទៅក្នុងផ្នែកមួយ ឬច្រើន។ ការផ្សាយពាណិជ្ជកម្មតាមគោលដៅត្រូវបានធ្វើឡើងដោយមានការយល់ព្រមពីអ្នកតែប៉ុណ្ណោះ ក្នុងករណីដែលតម្រូវតាមច្បាប់ជាធរមាន។

  ផ្អែកលើហេតុផលសម្រាប់ការរួមបញ្ចូលគ្នាដែលបានរៀបរាប់ខាងលើ និងលក្ខខណ្ឌតម្រូវនៃច្បាប់ជាធរមាន យើងនឹងផ្តល់ឱ្យអ្នកនូវយន្តការគ្រប់គ្រងជាក់លាក់សម្រាប់ការបែងចែកជាផ្នែក និងការកំណត់ផ្ទាល់ខ្លួនបែបនេះ។ អ្នកមានសិទ្ធិក្នុងការគ្រប់គ្រងថាតើត្រូវទទួលការធ្វើទីផ្សារផ្ទាល់ពីយើងដែរឬទេ។ ដើម្បីអនុវត្តសិទ្ធិទាំងនេះ អ្នកអាចបើក ឬបិទមុខងារទាំងនេះបានគ្រប់ពេលនៅក្នុងការកំណត់ > ពាក្យសម្ងាត់ និងសុវត្ថិភាព > ឯកជនភាព > ការកំណត់ ឬសេវាកម្មផ្សាយពាណិជ្ជកម្ម > ពាក្យសម្ងាត់ និងសុវត្ថិភាព > សុវត្ថិភាពប្រព័ន្ធ > សេវាកម្មផ្សាយពាណិជ្ជកម្ម ឬអ្នកអាចទាក់ទងមកយើងតាមរយៈ https://privacy.mi.com/support ឬសូមមើលយន្តការគ្រប់គ្រងដែលបានពណ៌នានៅក្នុងគោលការណ៍ឯកជនភាពផលិតផលដែលមានជាធរមានសម្រាប់ផលិតផលនីមួយៗ។ សូមមើលផ្នែកទី 9 "តើអ្វីជាសិទ្ធិការពារទិន្នន័យរបស់អ្នក" ខាងក្រោមផងដែរ។

• ការផ្តល់សេវាកម្មក្នុងមូលដ្ឋានលើឧបករណ៍ស្ថានីយ ដែលមិនតម្រូវឱ្យមានទំនាក់ទំនងជាមួយម៉ាស៊ីនមេរបស់យើង ដូចជាការប្រើប្រាស់កំណត់ចំណាំនៅលើឧបករណ៍របស់អ្នក នៅពេលដែលការធ្វើសមកាលកម្មក្លោដមិនត្រូវបានបើក។

ព័ត៌មានបន្ថែមអំពីរបៀបដែលផលិតផល ឬសេវាកម្មជាក់លាក់ដំណើរការព័ត៌មានផ្ទាល់ខ្លួន អាចរកបាននៅក្នុងទំព័រការកំណត់ដែលពាក់ព័ន្ធ ឬសេចក្តីជូនដំណឹងស្ដីពីឯកជនភាពផលិតផលដែលមានជាធរមាន។ លទ្ធភាពផ្ដល់ជូនមុខងារមួយចំនួនអាចខុសគ្នាទៅតាមប្រទេស ឬតំបន់។ លើសពីនេះទៀត មុខងារ និងរបៀបដែលយើងដំណើរការព័ត៌មានផ្ទាល់ខ្លួនដែលទាក់ទងនឹងផលិតផល ឬសេវាកម្មដូចគ្នា អាចខុសគ្នាទៅតាមប្រទេស ឬតំបន់។

4. តើយើងចែករំលែកព័ត៌មានផ្ទាល់ខ្លួនរបស់អ្នកដោយរបៀបណា?

ដើម្បីផ្តល់ជូនអ្នកនូវផលិតផល និងសេវាកម្មរបស់យើង យើងអាចចែករំលែកព័ត៌មានផ្ទាល់ខ្លួនរបស់អ្នកជាមួយនីតិបុគ្គលខាងក្រោម សម្រាប់គោលបំណងដែលបានរៀបរាប់ខាងលើ។

• **ក្រុមហ៊ុនបុត្រសម្ព័ន្ធ៖ **ក្រុមហ៊ុនបុត្រសម្ព័ន្ធ Xiaomi ផ្សេងទៀត។ យើងអាចចែករំលែកព័ត៌មានផ្ទាល់ខ្លួនជាមួយពួកគេសម្រាប់តែគោលបំណងជាក់លាក់ ច្បាស់លាស់ និងស្របច្បាប់ ដូចជាការវាស់ស្ទង់ការផ្សាយពាណិជ្ជកម្ម ការស្រាវជ្រាវនិងការអភិវឌ្ឍ ភស្តុភារកម្មនិងការបំពេញការបញ្ជាទិញ និងសេវាកម្មក្រោយពេលលក់ សុវត្ថិភាពទិន្នន័យ ការបង្ហោះលើក្លោដ សេវាកម្មថែទាំ IT។

• **ដៃគូអាជីវកម្ម៖ **ភាគីទីបីដែលយើងសហការជាមួយ ដើម្បីផ្តល់សេវាកម្ម។ ឧទាហរណ៍ យើងអាចនឹងចែករំលែកព័ត៌មានរបស់អ្នកជាមួយប្រភេទដៃគូភាគីទីបីដូចខាងក្រោម៖

  • ក្រុមហ៊ុនផ្ដល់ខ្លឹមសារ ឬមុខងារ (ឧ. ក្រុមហ៊ុនផ្តល់សេវាកម្មផែនទីសម្រាប់ការរុករក ក្រុមហ៊ុនផ្តល់សេវាកម្មទិន្នន័យអាកាសធាតុសម្រាប់សេវាកម្មអាកាសធាតុ)
  • ក្រុមហ៊ុនផ្តល់សេវាកម្មផលិតផល ឬសេវាកម្មបច្ចេកទេស (ឧ. ក្រុមហ៊ុនផ្តល់សេវាកម្មទូទាត់ ក្រុមហ៊ុនផ្តល់សេវាកម្មដឹកជញ្ជូន និងភស្តុភារសម្រាប់ការបំពេញការបញ្ជាទិញ)
  • ដៃគូផ្សាយពាណិជ្ជកម្ម ដូចជាបណ្តាញផ្សាយពាណិជ្ជកម្ម ផ្លេតហ្វមផ្សាយពាណិជ្ជកម្ម និងក្រុមហ៊ុនផ្ដល់សេវាកម្មវាស់ស្ទង់ ដែលជួយយើងក្នុងការផ្តល់ វាស់ស្ទង់ និងកែលម្អការផ្សាយពាណិជ្ជកម្ម និងសេវាកម្មពាក់ព័ន្ធ
  • អ្នកអភិវឌ្ឍន៍ភាគីទីបីដែលផ្តល់សេវាកម្មតាមរយៈផ្លេតហ្វមរបស់យើង

• **ក្រុមហ៊ុនផ្តល់សេវាកម្ម៖ **ក្រុមហ៊ុនដែលបានជ្រើសរើសដោយប្រុងប្រយ័ត្នដែលផ្តល់សេវាកម្មសម្រាប់យើង ឬក្នុងនាមជាយើង ដូចជាការថែទាំអតិថិជននិងមជ្ឈមណ្ឌលទំនាក់ទំនង ហេដ្ឋារចនាសម្ព័ន្ធក្លោដ និងក្រុមហ៊ុនផ្តល់សេវាកម្មបង្ហោះ ក្រុមហ៊ុនផ្តល់សេវាកម្មផ្នែកវិភាគ និងស្រាវជ្រាវទីផ្សារ ក៏ដូចជាក្រុមហ៊ុនផ្តល់សេវាកម្មផ្នែកធ្វើទីផ្សារ និងការផ្ដល់ទំនាក់ទំនង។ ពួកគេមានកាតព្វកិច្ចក្នុងការដំណើរការព័ត៌មានផ្ទាល់ខ្លួនស្របតាមគោលការណ៍ឯកជនភាពនេះ និងស្របតាមសេចក្តីណែនាំរបស់យើង។ ពួកគេមិនអាចប្រើប្រាស់ព័ត៌មានផ្ទាល់ខ្លួនដែលយើងចែករំលែកសម្រាប់គោលបំណងផ្ទាល់ខ្លួនរបស់ពួកគេបានទេ។

លើសពីនេះទៀត និងតាមវិសាលភាពចាំបាច់ Xiaomi នឹងបង្ហាញព័ត៌មានផ្ទាល់ខ្លួនដែលពាក់ព័ន្ធដល់អាជ្ញាធរសាធារណៈដែលមានសមត្ថកិច្ច អាជ្ញាធរនិយតកម្ម តុលាការ សាលាជំនុំជម្រះ ឬភ្នាក់ងារអនុវត្តច្បាប់ នៅពេលដែលតម្រូវដោយច្បាប់ជាធរមាន ឬស្របតាមដំណើរការផ្លូវច្បាប់ត្រឹមត្រូវ។ ក្នុងករណីដែលច្បាប់អនុញ្ញាត យើងនឹងវាយតម្លៃសុពលភាព និងវិសាលភាពនៃសំណើ ហើយបង្ហាញតែព័ត៌មានផ្ទាល់ខ្លួនដែលចាំបាច់សមហេតុផលសម្រាប់គោលបំណងស្របច្បាប់ជាធរមាន។

នៅពេលចាំបាច់ និងអនុញ្ញាតដោយច្បាប់ជាធរមាន Xiaomi នឹងបង្ហាញព័ត៌មានផ្ទាល់ខ្លួនរបស់អ្នក ដើម្បីបង្កើត អនុវត្ត ឬការពារការទាមទារតាមច្បាប់ ការពារសិទ្ធិ ទ្រព្យសម្បត្តិ ទ្រព្យសកម្ម ឬសេវាកម្មរបស់យើង ឬទប់ស្កាត់ការក្លែងបន្លំ និងការគំរាមកំហែងសុវត្ថិភាព។

យើងអាចចែករំលែកព័ត៌មានផ្ទាល់ខ្លួនរបស់អ្នកជាមួយគណនេយ្យករ សវនករ មេធាវី ឬទីប្រឹក្សាវិជ្ជាជីវៈខាងក្រៅផ្សេងទៀតរបស់យើង នៅពេលចាំបាច់ ដើម្បីឱ្យពួកគេផ្តល់ដំបូន្មានវិជ្ជាជីវៈ ឬសេវាកម្ម។ ទីប្រឹក្សាទាំងនេះត្រូវស្ថិតក្រោមកាតព្វកិច្ចរក្សាការសម្ងាត់ តាមវិជ្ជាជីវៈ ឬតាមកិច្ចសន្យា។

យើងអាចចែករំលែកព័ត៌មានផ្ទាល់ខ្លួនរបស់អ្នកជាមួយអ្នកវិនិយោគ និងភាគីទីបីពាក់ព័ន្ធផ្សេងទៀត ក្នុងករណីមានការលក់ជាក់ស្តែង ឬអាចកើតមាន ឬប្រតិបត្តិការសាជីវកម្មផ្សេងទៀតដែលទាក់ទងនឹងនីតិបុគ្គលណាមួយនៅក្នុង Xiaomi Group ដោយអនុលោមតាមវិធានការការពារសមស្របសម្រាប់ការរក្សាការសម្ងាត់ និងការពារទិន្នន័យ។

សម្រាប់ព័ត៌មានបន្ថែមអំពីបញ្ហានេះ ដោយសារផលិតផល ឬសេវាកម្មនីមួយៗមានលក្ខណៈផ្ទាល់ខ្លួនរៀងៗខ្លួន សូមចូលទៅកាន់សេចក្តីជូនដំណឹងស្ដីពីឯកជនភាពផលិតផល ដែលមានជាធរមាននៃផលិតផល និង/សេវាកម្មដែលអ្នកកំពុងប្រើប្រាស់។

5. តើអ្វីជាមូលដ្ឋានច្បាប់សម្រាប់ការដំណើរការព័ត៌មានផ្ទាល់ខ្លួនរបស់អ្នក?

យើងដំណើរការព័ត៌មានផ្ទាល់ខ្លួនរបស់អ្នក តែនៅពេលដែលយើងមានមូលដ្ឋានផ្លូវច្បាប់ត្រឹមត្រូវក្រោមច្បាប់ជាធរមានប៉ុណ្ណោះ។ ក្នុងករណីដែលអាចអនុវត្តបានក្រោមច្បាប់ក្នុងដែនសមត្ថកិច្ចរបស់អ្នក មូលដ្ឋានផ្លូវច្បាប់សម្រាប់ការដំណើរការព័ត៌មានផ្ទាល់ខ្លួនរបស់អ្នកក្រោមគោលការណ៍ស្ដីពីឯកជនភាពនេះគឺ៖

• ដើម្បីអនុលោមតាមកាតព្វកិច្ចតាមកិច្ចសន្យា។ នៅពេលដែលអ្នកបង្កើតប្រវត្តិរូប ចុះឈ្មោះ ឬចូលប្រើផលិតផល និងសេវាកម្មរបស់ Xiaomi គោលបំណងនៃការដំណើរការព័ត៌មានផ្ទាល់ខ្លួនរបស់អ្នកត្រូវបានកំណត់ជាចម្បងដោយសេវាកម្មនោះ ហើយយើងនឹងដំណើរការព័ត៌មានផ្ទាល់ខ្លួនរបស់អ្នក ដើម្បីឱ្យយើងអាចផ្តល់សេវាកម្មនោះដល់អ្នក។

  សូមចំណាំថា ការផ្តល់ព័ត៌មានផ្ទាល់ខ្លួនមួយចំនួនរបស់អ្នកគឺជាកាតព្វកិច្ច (ឧ. នៅពេលដែលត្រូវបានសម្គាល់បែបនេះ ឬដោយសញ្ញាផ្កាយ)។ ប្រសិនបើអ្នកមិនផ្តល់ព័ត៌មានផ្ទាល់ខ្លួនបែបនេះទេ យើងអាចនឹងមិនអាចផ្តល់ជូនអ្នកនូវផលិតផល ឬសេវាកម្មរបស់យើងឡើយ។

• ដោយសារការយល់ព្រមរបស់អ្នក។ តាមរយៈការយល់ព្រមរបស់អ្នក យើងអាចដំណើរការព័ត៌មានផ្ទាល់ខ្លួនដែលអ្នកផ្តល់ដោយស្ម័គ្រចិត្ត នៅពេលដែលអ្នកចូលរួមក្នុងសកម្មភាពស្រេចចិត្ត ដូចជាការផ្សព្វផ្សាយជាដើម។

• ផ្អែកលើកាតព្វកិច្ចផ្លូវច្បាប់របស់ Xiaomi។ ក្នុងកាលៈទេសៈមួយចំនួន យើងអាចត្រូវបានតម្រូវដោយច្បាប់ឲ្យរក្សាទុក ឬដំណើរការតាមវិធីផ្សេងទៀតនូវព័ត៌មានផ្ទាល់ខ្លួនរបស់អ្នក។ ក្នុងករណីមួយចំនួន (ឧទាហរណ៍ សម្រាប់ការរក្សាទុកព័ត៌មានផ្ទាល់ខ្លួនរបស់អ្នក ដោយសារការវិវាទ ឬតាមសំណើ/ការសាកសួររបស់អាជ្ញាធរត្រួតពិនិត្យការពារទិន្នន័យ) ការដំណើរការព័ត៌មានផ្ទាល់ខ្លួនរបស់អ្នកនឹងជាការចាំបាច់សម្រាប់យើង ដើម្បីបំពេញកាតព្វកិច្ចទាំងនេះ។

• ក្នុងវិសាលភាពនៃផលប្រយោជន៍ស្របច្បាប់។ ម្តងម្កាល ដោយគិតគូរពីផលប៉ះពាល់ឯកជនភាពតិចតួចបំផុតចំពោះអ្នក ការដំណើរការព័ត៌មានផ្ទាល់ខ្លួនរបស់អ្នកគឺចាំបាច់សម្រាប់ផលប្រយោជន៍ស្របច្បាប់ដូចខាងក្រោម៖

  • សុវត្ថិភាពប្រព័ន្ធព័ត៌មាន សុវត្ថិភាពបណ្តាញ និងសុវត្ថិភាពតាមអ៊ីនធឺណិតនៅក្នុង Xiaomi។
  • ដើម្បីកែលម្អសុវត្ថិភាពប្រព័ន្ធ ទប់ស្កាត់ការក្លែងបន្លំតាមគេហទំព័រដាក់នុយ និងការពារសុវត្ថិភាពគណនី។
  • ប្រតិបត្តិការសាជីវកម្ម ការត្រួតពិនិត្យលម្អិត សវនកម្មផ្ទៃក្នុង (ជាពិសេស ទាក់ទងនឹងសុវត្ថិភាពព័ត៌មាន និង/ឬឯកជនភាព)។
  • ការអភិវឌ្ឍ និងការកែលម្អផលិតផល (រួមទាំងការវិភាគ និងការបង្កើនប្រសិទ្ធភាពនៃការកំណត់ ឬមុខងាររបស់គណនី Xiaomi)។

  ឧទាហរណ៍ ដើម្បីធានាសុវត្ថិភាពនៃសេវាកម្មរបស់យើង និងដើម្បីជួយយើងឱ្យយល់កាន់តែច្បាស់អំពីដំណើរការនៃកម្មវិធីរបស់យើង យើងអាចកត់ត្រាព័ត៌មានពាក់ព័ន្ធ ដូចជាភាពញឹកញាប់នៃការប្រើប្រាស់របស់អ្នក ព័ត៌មានអំពីកំណត់ហេតុការគាំង ការប្រើប្រាស់ជារួម ទិន្នន័យប្រតិបត្តិការ និងប្រភពកម្មវិធី។ ដើម្បីទប់ស្កាត់អ្នកផ្គត់ផ្គង់ដែលគ្មានការអនុញ្ញាតពីការដោះសោឧបករណ៍ យើងអាចប្រមូលលេខសម្គាល់គណនី Xiaomi លេខស៊េរី និងអាសយដ្ឋាន IP របស់កុំព្យូទ័រដែលបានប្រើប្រាស់ ព្រមទាំងលេខស៊េរី និងព័ត៌មានឧបករណ៍នៃឧបករណ៍ចល័តរបស់អ្នក។

6. តើអ្វីជាការការពារសុវត្ថិភាពរបស់យើង ដើម្បីការពារព័ត៌មានផ្ទាល់ខ្លួនរបស់អ្នក?

6.1 វិធានការការពារសុវត្ថិភាពរបស់ Xiaomi

យើងប្តេជ្ញាចិត្តក្នុងការរក្សាព័ត៌មានផ្ទាល់ខ្លួនរបស់អ្នកឱ្យមានសុវត្ថិភាព។ ដើម្បីទប់ស្កាត់ការចូលប្រើដោយគ្មានការអនុញ្ញាត ការបង្ហាញព័ត៌មាន ឬហានិភ័យស្រដៀងគ្នាផ្សេងទៀត យើងបានដាក់ឲ្យមាននូវនីតិវិធីរូបវន្ត អេឡិចត្រូនិក និងការគ្រប់គ្រងទាំងអស់ដែលតម្រូវដោយច្បាប់ ដើម្បីការពារ និងរក្សាសុវត្ថិភាពព័ត៌មានដែលយើងប្រមូលពីអ្នក។ យើងនឹងធានាថា យើងការពារព័ត៌មានផ្ទាល់ខ្លួនរបស់អ្នកស្របតាមច្បាប់ជាធរមាន។

ឧទាហរណ៍ នៅពេលដែលអ្នកចូលប្រើគណនី Xiaomi របស់អ្នក អ្នកនឹងប្រើប្រាស់កម្មវិធីផ្ទៀងផ្ទាត់ពីរជំហានរបស់យើង ដើម្បីទទួលបានសុវត្ថិភាពកាន់តែប្រសើរ ប្រសិនបើគណនីរបស់អ្នកមានហានិភ័យ។ នៅពេលអ្នកផ្ញើ ឬទទួលទិន្នន័យពីឧបករណ៍ Xiaomi របស់អ្នកទៅកាន់ម៉ាស៊ីនមេរបស់យើង យើងធានាថាទិន្នន័យទាំងនោះត្រូវបានអ៊ិនគ្រីបដោយប្រើសុវត្ថិភាពស្រទាប់បញ្ជូន ("TLS") និងក្បួនដោះស្រាយផ្សេងទៀត។

រាល់ព័ត៌មានផ្ទាល់ខ្លួនរបស់អ្នកត្រូវបានរក្សាទុកនៅលើម៉ាស៊ីនមេដែលមានសុវត្ថិភាព ហើយត្រូវបានការពារនៅក្នុងកន្លែងដែលត្រូវបានគ្រប់គ្រង។ យើងចាត់ថ្នាក់ព័ត៌មានរបស់អ្នកដោយផ្អែកលើសារៈសំខាន់ និងភាពរសើប ហើយធានាថាព័ត៌មានផ្ទាល់ខ្លួនរបស់អ្នកទទួលបានកម្រិតសុវត្ថិភាពដែលត្រូវការ។ យើងមានការគ្រប់គ្រងការចូលប្រើពិសេសសម្រាប់ការផ្ទុកទិន្នន័យលើក្លោដ ហើយយើងត្រួតពិនិត្យជាទៀងទាត់នូវការអនុវត្តរបស់យើងទាក់ទងនឹងការប្រមូលព័ត៌មាន ការផ្ទុក និងការដំណើរការ រួមទាំងវិធានការសុវត្ថិភាពរូបវន្ត ដើម្បីការពារប្រឆាំងនឹងការចូលប្រើ និងការប្រើប្រាស់ដោយគ្មានការអនុញ្ញាតណាមួយ។

ទោះជាយ៉ាងណាក៏ដោយ អ្នកគួរតែដឹងថា ការប្រើប្រាស់អ៊ីនធឺណិតមិនមានសុវត្ថិភាពទាំងស្រុងនោះទេ ហើយដោយសារហេតុផលនេះ យើងមិនអាចធានានូវសុវត្ថិភាព ឬសុច្ចរិតភាពនៃព័ត៌មានផ្ទាល់ខ្លួនណាមួយ នៅពេលដែលត្រូវបានផ្ទេរពីអ្នក ឬទៅកាន់អ្នកតាមរយៈអ៊ីនធឺណិតឡើយ។

យើងធ្វើការត្រួតពិនិត្យលម្អិតលើដៃគូអាជីវកម្ម និងក្រុមហ៊ុនផ្តល់សេវាកម្មភាគីទីបី ដើម្បីធានាថាពួកគេអាចការពារព័ត៌មានផ្ទាល់ខ្លួនរបស់អ្នកបាន។ យើងក៏ពិនិត្យមើលផងដែរថា ស្តង់ដាសុវត្ថិភាពសមស្របត្រូវបានរក្សាដោយភាគីទីបីទាំងនេះ តាមរយៈការដាក់ចេញនូវការរឹតត្បិតតាមកិច្ចសន្យាសមស្រប ហើយនៅពេលចាំបាច់ ការធ្វើសវនកម្ម និងការវាយតម្លៃ។ លើសពីនេះទៀត បុគ្គលិករបស់យើង និងបុគ្គលិករបស់ដៃគូអាជីវកម្ម និងបុគ្គលិករបស់ក្រុមហ៊ុនផ្តល់សេវាកម្មភាគីទីបីរបស់យើង ដែលចូលប្រើព័ត៌មានផ្ទាល់ខ្លួនរបស់អ្នក គឺស្ថិតក្រោមកាតព្វកិច្ចតាមកិច្ចសន្យាដែលអាចអនុវត្តបានក្នុងការរក្សាការសម្ងាត់។ យើងដឹកនាំវគ្គបណ្តុះបណ្តាលស្តីពីការការពារសុវត្ថិភាព និងឯកជនភាព និងការធ្វើតេស្ត ដើម្បីបង្កើនការយល់ដឹងរបស់បុគ្គលិករបស់យើងអំពីសារៈសំខាន់នៃការការពារព័ត៌មានផ្ទាល់ខ្លួន។ យើងនឹងចាត់វិធានការការពារទាំងអស់ដែលអាចអនុវត្តបាន និងតម្រូវតាមច្បាប់ សម្រាប់ព័ត៌មានផ្ទាល់ខ្លួនរបស់អ្នក។

ប្រសិនបើមានការបំពានព័ត៌មានផ្ទាល់ខ្លួនកើតឡើង យើងនឹងអនុលោមតាមលក្ខខណ្ឌតម្រូវផ្នែកច្បាប់ក្រោមច្បាប់ការពារទិន្នន័យដែលមានជាធរមាន ដែលរួមបញ្ចូលទាំងការជូនដំណឹងអំពីការបំពាននេះទៅកាន់អាជ្ញាធរត្រួតពិនិត្យការពារទិន្នន័យពាក់ព័ន្ធ និងកម្មវត្ថុទិន្នន័យ ប្រសិនបើចាំបាច់។

6.2 អ្វីដែលអ្នកអាចធ្វើបាន

អ្នកអាចកំណត់ពាក្យសម្ងាត់ដាច់ដោយឡែកសម្រាប់សេវាកម្ម Xiaomi ដោយមិនបង្ហាញពាក្យសម្ងាត់សម្រាប់ការចូលគណនី ឬព័ត៌មានគណនីរបស់អ្នកដល់នរណាម្នាក់ (លើកលែងតែបុគ្គលនោះបានទទួលការអនុញ្ញាតពីអ្នកដោយត្រឹមត្រូវ) ដើម្បីជៀសវាងការបែកធ្លាយពាក្យសម្ងាត់ទៅកាន់គេហទំព័រផ្សេងទៀត ដែលអាចប៉ះពាល់ដល់សុវត្ថិភាពគណនីរបស់អ្នកនៅ Xiaomi។ នៅពេលណាដែលអាចធ្វើទៅបាន សូមកុំបង្ហាញលេខកូដផ្ទៀងផ្ទាត់ដែលអ្នកបានទទួលដល់អ្នកណាម្នាក់ (រួមទាំងអ្នកដែលអះអាងថាជាសេវាកម្មអតិថិជនរបស់ Xiaomi)។ នៅពេលដែលអ្នកចូលគណនីជាអ្នកប្រើប្រាស់គណនី Xiaomi នៅលើផ្លេតហ្វមនេះ ជាពិសេសនៅលើកុំព្យូទ័ររបស់អ្នកដទៃ ឬនៅលើស្ថានីយអ៊ីនធឺណិតសាធារណៈ អ្នកគួរតែចាកចេញជានិច្ចនៅចុងបញ្ចប់នៃវគ្គរបស់អ្នក។ Xiaomi មិនអាចទទួលខុសត្រូវចំពោះការខ្វះខាតសុវត្ថិភាព ដែលបណ្តាលមកពីភាគីទីបីចូលប្រើព័ត៌មានផ្ទាល់ខ្លួនរបស់អ្នក ដោយសារតែអ្នកមិនអាចរក្សាព័ត៌មានផ្ទាល់ខ្លួនរបស់អ្នកឱ្យនៅជាឯកជននោះទេ។ ទោះបីជាមានចែងខាងលើក៏ដោយ អ្នកគួរតែជូនដំណឹងដល់យើងភ្លាមៗ ប្រសិនបើមានការចូលប្រើដោយគ្មានការអនុញ្ញាត ឬការប្រើប្រាស់គណនីរបស់អ្នកដោយអ្នកប្រើប្រាស់អ៊ីនធឺណិតផ្សេងទៀត ឬការបំពានសុវត្ថិភាពផ្សេងទៀត។ ជំនួយរបស់អ្នកនឹងជួយយើងការពារឯកជនភាពនៃព័ត៌មានផ្ទាល់ខ្លួនរបស់អ្នក។

6.3 ការចូលប្រើមុខងារផ្សេងទៀតនៅលើឧបករណ៍របស់អ្នក

កម្មវិធីរបស់យើងអាចចូលប្រើមុខងារមួយចំនួននៅលើឧបករណ៍របស់អ្នក។ ព័ត៌មាននេះត្រូវបានប្រើប្រាស់ដើម្បីអនុញ្ញាតឱ្យកម្មវិធីដំណើរការនៅលើឧបករណ៍របស់អ្នក និងអនុញ្ញាតឱ្យអ្នកធ្វើអន្តរកម្មជាមួយកម្មវិធីទាំងនោះ។ អ្នកអាចដកការអនុញ្ញាតរបស់អ្នកនៅពេលណាក៏បាន ដោយបិទការអនុញ្ញាតទាំងនោះនៅកម្រិតឧបករណ៍ ឬដោយទាក់ទងមកយើងតាមរយៈ https://privacy.mi.com/support។

7. តើព័ត៌មានផ្ទាល់ខ្លួនរបស់អ្នកនឹងត្រូវបានរក្សាទុករយៈពេលប៉ុន្មាន?

ជាវិធានទូទៅ យើងរក្សាទុកព័ត៌មានផ្ទាល់ខ្លួនក្នុងរយៈពេលចាំបាច់សម្រាប់គោលបំណងដែលបានពណ៌នានៅក្នុងគោលការណ៍ឯកជនភាពរបស់យើង ឬតាមការកំណត់ដោយច្បាប់ជាធរមាន។ យើងនឹងឈប់រក្សាទុក និងលុប ឬធ្វើអនាមិកកម្មព័ត៌មានផ្ទាល់ខ្លួន នៅពេលដែលគោលបំណងនៃការប្រមូលត្រូវបានសម្រេច ឬបន្ទាប់ពីយើងបញ្ជាក់ពីសំណើរបស់អ្នកសម្រាប់ការលុបចេញ ឬបន្ទាប់ពីយើងបញ្ឈប់ប្រតិបត្តិការនៃសេវាកម្មដែលត្រូវគ្នា លើកលែងតែពេលច្បាប់ជាធរមានបានតម្រូវ ឬអនុញ្ញាត ក្នុងករណីនោះ ព័ត៌មានផ្ទាល់ខ្លួនរបស់អ្នកនឹងត្រូវញែកដោយឡែក ហើយនឹងមិនត្រូវបានដំណើរការបន្ថែមទៀតទេ លើកលែងតែសម្រាប់ការបំពេញទំនួលខុសត្រូវតាមច្បាប់ និងគោលបំណងផ្សេងទៀតដែលច្បាប់ជាធរមានបានអនុញ្ញាត។ ក្នុងកាលៈទេសៈបែបនេះ ព័ត៌មានផ្ទាល់ខ្លួនរបស់អ្នកអាចត្រូវបានផ្តល់ជូនតែចំពោះភាគីដែលត្រូវបានអនុញ្ញាតដោយច្បាប់ជាធរមានប៉ុណ្ណោះ។ នៅពេលដែលរយៈពេលរក្សាទុកដែលត្រូវគ្នាបានផុតកំណត់ ព័ត៌មានផ្ទាល់ខ្លួនបែបនេះនឹងត្រូវបានលុប ឬត្រូវបានធ្វើអនាមិកកម្ម។

8. តើអ្នកអាចគ្រប់គ្រងចំណូលចិត្តឯកជនភាពរបស់អ្នកដោយរបៀបណា?

យើងទទួលស្គាល់ថាក្ដីកង្វល់អំពីឯកជនភាពមានលក្ខណៈខុសគ្នាពីមនុស្សម្នាក់ទៅមនុស្សម្នាក់។ ដូច្នេះហើយ យើងផ្ដល់ឧទាហរណ៍នៃវិធីនានាសម្រាប់អ្នក ដើម្បីដាក់កំហិតការប្រមូល ការប្រើប្រាស់ ការបង្ហាញព័ត៌មាន ឬការដំណើរការផ្សេងទៀតនៃព័ត៌មានផ្ទាល់របស់អ្នក និងដើម្បីគ្រប់គ្រងការកំណត់ឯកជនភាពរបស់អ្នក៖

• មើល និងធ្វើបច្ចុប្បន្នភាពព័ត៌មានសុវត្ថិភាពគណនី ព័ត៌មានផ្ទាល់ខ្លួន ការអនុញ្ញាត និងការគ្រប់គ្រងឧបករណ៍របស់អ្នកនៅលើឧបករណ៍របស់អ្នកនៅក្នុងការកំណត់ > គណនី Xiaomi ឬដោយការចូលទៅកាន់ https://account.xiaomi.com
• មើល និងធ្វើបច្ចុប្បន្នភាពព័ត៌មានរបស់អ្នកនៅក្នុងគណនីរបស់ផ្លេតហ្វមនេះនៅក្នុងគណនីរបស់ខ្ញុំ > កែព័ត៌មាន
• ធ្វើបច្ចុប្បន្នភាពចំណូលចិត្តការជូនដំណឹងរបស់អ្នកនៅក្នុងគណនីរបស់ផ្លេតហ្វមនេះនៅក្នុងគណនីរបស់ខ្ញុំ > ចំណូលចិត្តការជូនដំណឹង
• លុបចោលសេវាកម្ម ឬគណនី។ ប្រសិនបើអ្នកចង់លុបចោលគណនី Xiaomi របស់អ្នក អ្នកអាចធ្វើដូច្នេះបានដោយអនុវត្តតាមជំហាននៅក្នុងការកំណត់ > គណនី Xiaomi > ជំនួយ > លុបគណនី ឬដោយចូលទៅកាន់ https://account.xiaomi.com
• ប្រសិនបើអ្នកធ្លាប់បានយល់ព្រមឱ្យយើងប្រើប្រាស់ព័ត៌មានផ្ទាល់ខ្លួនរបស់អ្នកសម្រាប់គោលបំណងដែលបានបញ្ជាក់នៅក្នុងគោលការណ៍ឯកជនភាពដែលពាក់ព័ន្ធ រួមទាំងគោលការណ៍ឯកជនភាពនេះ និងសេចក្តីជូនដំណឹងស្ដីពីឯកជនភាពផលិតផលដែលមានជាធរមាន អ្នកអាចផ្លាស់ប្តូរការសម្រេចចិត្តរបស់អ្នកនៅពេលណាក៏បាន ដោយទាក់ទងមកយើងតាមរយៈ https://privacy.mi.com/support។

សូមចំណាំថា ការលុបចោលគណនី Xiaomi ឬប្រវត្តិរូបរបស់អ្នក នឹងរារាំងអ្នកពីការប្រើប្រាស់ផលិតផល Xiaomi គ្រប់ប្រភេទ និងសេវាកម្មពាក់ព័ន្ធរបស់ Xiaomi។ ដើម្បីការពារសិទ្ធិ និងផលប្រយោជន៍ស្របច្បាប់របស់អ្នក ឬអ្នកដទៃ យើងនឹងវាយតម្លៃថាតើគួរគាំទ្រសំណើសម្រាប់ការលុបចោលរបស់អ្នកដែរឬទេ ដោយផ្អែកលើការប្រើប្រាស់របស់អ្នកចំពោះផលិតផល និងសេវាកម្មផ្សេងៗរបស់ Xiaomi។

9. តើអ្វីជាសិទ្ធិការពារទិន្នន័យរបស់អ្នក?

អ្នកមានសិទ្ធិមួយចំនួនទាក់ទងនឹងព័ត៌មានផ្ទាល់ខ្លួនដែលយើងមានអំពីអ្នក (ហៅនៅទីនេះថា "សំណើ")។ សូមចំណាំថា អាស្រ័យលើកន្លែងដែលអ្នកស្ថិតនៅ សិទ្ធិទាំងនេះនឹងត្រូវស្ថិតក្រោមការដកចេញ និងករណីលើកលែងជាក់លាក់ ស្របតាមច្បាប់ក្នុងស្រុកជាធរមាន៖

• សិទ្ធិចូលប្រើ/ទទួលបានរបាយការណ៍លម្អិតអំពីព័ត៌មានផ្ទាល់ខ្លួនដែលយើងមានអំពីអ្នក។ ច្បាប់ចម្លងនៃព័ត៌មានផ្ទាល់ខ្លួនរបស់អ្នក ដែលយើងបានដំណើរការនឹងត្រូវបានផ្តល់ជូនអ្នកតាមសំណើរបស់អ្នក ដោយឥតគិតថ្លៃ។ ចំពោះសំណើបន្ថែមណាមួយសម្រាប់ព័ត៌មានដែលពាក់ព័ន្ធ យើងអាចគិតថ្លៃសេវាសមរម្យដោយផ្អែកលើថ្លៃចំណាយរដ្ឋបាលជាក់ស្តែង ស្របតាមច្បាប់ជាធរមាន។ ក្នុងករណីណាក៏ដោយ សូមចំណាំថា អ្នកអាចចូលទៅកាន់គណនី Xiaomi និង/ឬផ្លេតហ្វមនេះ ដើម្បីពិនិត្យមើលព័ត៌មានផ្ទាល់ខ្លួនមួយចំនួនរបស់អ្នកដែលយើងរក្សាទុកអំពីអ្នក។
• សិទ្ធិក្នុងការកែតម្រូវព័ត៌មានផ្ទាល់ខ្លួនរបស់អ្នក។ ប្រសិនបើព័ត៌មានណាមួយដែលយើងមានអំពីអ្នកមិនត្រឹមត្រូវ ឬមិនពេញលេញ អ្នកមានសិទ្ធិក្នុងការស្នើឱ្យយើងកែតម្រូវ ឬបញ្ចប់ព័ត៌មានផ្ទាល់ខ្លួនរបស់អ្នកដោយផ្អែកលើគោលបំណងនៃការប្រើប្រាស់។ សូមចំណាំថា អ្នកក៏អាចចូលគណនី Xiaomi និង/ឬផ្លេតហ្វមនេះ ដើម្បីកែតម្រូវទិន្នន័យមួយចំនួនរបស់អ្នកបានផងដែរ។
• សិទ្ធិក្នុងការលុបព័ត៌មានផ្ទាល់ខ្លួនរបស់អ្នក។ ផ្អែកលើលក្ខខណ្ឌតម្រូវនៃច្បាប់ជាធរមាន អ្នកមានសិទ្ធិស្នើសុំឱ្យលុបចោល ឬដកចេញនូវព័ត៌មានផ្ទាល់ខ្លួនរបស់អ្នក ក្នុងករណីដែលគ្មានហេតុផលគ្រប់គ្រាន់សម្រាប់ឱ្យយើងបន្តប្រើប្រាស់វា។ យើងនឹងពិចារណាលើហេតុផលទាក់ទងនឹងសំណើសុំលុបចោលរបស់អ្នក ហើយចាត់វិធានការសមហេតុផល រួមទាំងវិធានការបច្ចេកទេស ដើម្បីបន្តការលុបព័ត៌មានផ្ទាល់ខ្លួនរបស់អ្នក។ សូមចំណាំថា យើងប្រហែលជាមិនអាចលុបព័ត៌មានចេញពីប្រព័ន្ធបម្រុងទុកភ្លាមៗបានទេ ដោយសារតែច្បាប់ជាធរមាន (ឧទាហរណ៍ នៅពេលចាំបាច់ដើម្បីរក្សាទុកព័ត៌មានផ្ទាល់ខ្លួនរបស់អ្នកសម្រាប់ការទាមទារដែលអាចកើតឡើងពី ឬទាក់ទងនឹងការដំណើរការព័ត៌មានផ្ទាល់ខ្លួនបែបនេះ) និង/ឬដែនកំណត់បច្ចេកវិទ្យា។ ប្រសិនបើនេះជាករណី យើងនឹងរក្សាទុកព័ត៌មានផ្ទាល់ខ្លួនរបស់អ្នកយ៉ាងមានសុវត្ថិភាព ហើយដាក់វាដាច់ឡែកពីការដំណើរការបន្ថែម រហូតទាល់តែព័ត៌មាននេះអាចត្រូវបានលុប ឬធ្វើឱ្យក្លាយជាអានាមិក។
• សិទ្ធិជំទាស់ទៅនឹងការដំណើរការព័ត៌មានផ្ទាល់ខ្លួនរបស់អ្នក។ ផ្អែកលើហេតុផលដែលទាក់ទងនឹងស្ថានភាពរបស់អ្នក អ្នកមានសិទ្ធិជំទាស់ទៅនឹងការដំណើរការព័ត៌មានផ្ទាល់ខ្លួនរបស់អ្នក ដែលផ្អែកលើផលប្រយោជន៍ស្របច្បាប់របស់ Xiaomi ឬហេតុផលស្របច្បាប់ផ្សេងទៀត ដែលត្រូវបានអនុញ្ញាតដោយច្បាប់ជាធរមាន។ ប្រសិនបើអ្នកជំទាស់ទៅនឹងការដំណើរការបែបនេះ យើងនឹងមិនដំណើរការទិន្នន័យរបស់អ្នកសម្រាប់ហេតុផល និងគោលបំណងទាំងនេះទៀតទេ លើកលែងតែយើងត្រូវបានអនុញ្ញាតដោយច្បាប់ជាធរមាន។ អ្នកក៏មានសិទ្ធិជំទាស់ទៅនឹងការដំណើរការសម្រាប់ការធ្វើទីផ្សារផ្ទាល់នៅពេលណាក៏បាន ស្របតាមច្បាប់ជាធរមាន ហើយយើងនឹងបញ្ឈប់ការដំណើរការបែបនេះ។
• សិទ្ធិក្នុងការរឹតត្បិតការដំណើរការព័ត៌មានផ្ទាល់ខ្លួនរបស់អ្នក។ អ្នកមានសិទ្ធិក្នុងការរឹតត្បិតការដំណើរការព័ត៌មានផ្ទាល់ខ្លួនរបស់អ្នកដោយយើង ឧទាហរណ៍ នៅពេលដែលការដំណើរការនេះខុសច្បាប់យោងតាមការយល់ដឹងរបស់អ្នក ប៉ុន្តែអ្នកប្រឆាំងនឹងការលុបចេញនូវព័ត៌មានផ្ទាល់ខ្លួនរបស់អ្នក។ ក្នុងករណីបែបនេះ ព័ត៌មានផ្ទាល់ខ្លួនរបស់អ្នកនឹងត្រូវបានដំណើរការដោយមានការការយល់ព្រមរបស់អ្នកតែប៉ុណ្ណោះ សម្រាប់ការអនុវត្ត ឬការការពារការទាមទារស្របច្បាប់ ឬសម្រាប់/ក្រោមហេតុផល/គោលបំណងស្របច្បាប់ផ្សេងទៀតដែលត្រូវបានអនុញ្ញាតដោយច្បាប់ជាធរមាន។
• សិទ្ធិក្នុងការផ្ទេរទិន្នន័យ។ ក្រោមកាលៈទេសៈមួយចំនួនដែលបានផ្ដល់ដោយច្បាប់ អ្នកមានសិទ្ធិទទួលបានព័ត៌មានផ្ទាល់ខ្លួនដែលទាក់ទងនឹងអ្នក ក្នុងទម្រង់ដែលមានរចនាសម្ព័ន្ធ ប្រើប្រាស់ជាទូទៅ និងអាចអានដោយម៉ាស៊ីន និង/ឬបញ្ជូនព័ត៌មានផ្ទាល់ខ្លួននោះទៅកាន់អ្នកគ្រប់គ្រងទិន្នន័យផ្សេងទៀត។
• សិទ្ធិក្នុងការដកការយល់ព្រម។ ក្នុងករណីដែលការយល់ព្រមរបស់អ្នកត្រូវបានតម្រូវឱ្យមានសម្រាប់ការដំណើរការព័ត៌មានផ្ទាល់ខ្លួនរបស់អ្នក អ្នកអាចដកការយល់ព្រមបែបនេះនៅពេលណាក៏បាន។ ទោះយ៉ាងណាក៏ដោយ សូមចំណាំថា ប្រសិនបើអ្នកដកការយល់ព្រមរបស់អ្នក អ្នកប្រហែលជាមិនអាចបន្តប្រើប្រាស់ផ្លេតហ្វមនេះ និងសេវាកម្មពាក់ព័ន្ធរបស់ខ្លួន និង/ឬចូលប្រើព័ត៌មាន ឬមុខងារមួយចំនួនបានឡើយ។ ការដកការយល់ព្រម ឬការអនុញ្ញាតរបស់អ្នកនឹងមិនប៉ះពាល់ដល់សុពលភាពនៃការប្រមូល និងការដំណើរការរបស់យើង ដែលបានអនុវត្តដោយផ្អែកលើការយល់ព្រម រហូតដល់ពេលនៃការដកនោះទេ។
• សិទ្ធិផ្សេងទៀតក្រោមច្បាប់ជាធរមាន។

សូមចងចាំថា អ្នកក៏អាចចូលប្រើ ធ្វើបច្ចុប្បន្នភាព និងលុបព័ត៌មានលម្អិតមួយចំនួនដែលទាក់ទងនឹងព័ត៌មានផ្ទាល់ខ្លួនជាក់លាក់នៅក្នុងគណនីរបស់អ្នកនៅលើផ្លេតហ្វមនេះ នៅក្នុងគណនី Xiaomi របស់អ្នកនៅ https://account.xiaomi.com ឬដោយចូលគណនី Xiaomi របស់អ្នកនៅលើឧបករណ៍របស់អ្នក។ សម្រាប់ព័ត៌មានបន្ថែម សូមសរសេរមកកាន់យើង ឬទាក់ទងមកយើងតាមរយៈ https://privacy.mi.com/support។

10. តើត្រូវអនុវត្តសិទ្ធិការពារទិន្នន័យរបស់អ្នក និងទាក់ទងមកយើងដោយរបៀបណា?

ប្រសិនបើអ្នកមានមតិ ឬសំណួរណាមួយអំពីគោលការណ៍ឯកជនភាពនេះ ឬសំណួរណាមួយដែលទាក់ទងនឹងការប្រមូល ការប្រើប្រាស់ ឬការបង្ហាញព័ត៌មានផ្ទាល់ខ្លួនរបស់អ្នកដោយ Xiaomi ឬអ្នកចង់ប្រើប្រាស់សិទ្ធិការពារទិន្នន័យរបស់អ្នកស្របតាមផ្នែកខាងលើ អ្នកអាចទាក់ទងមកយើងបានដោយសេរី តាមរយៈការចូលទៅកាន់ https://privacy.mi.com/support ឬតាមអាសយដ្ឋានខាងក្រោម (សំណើរបស់អ្នកគួរធ្វើជាលាយលក្ខណ៍អក្សរ)។ នៅពេលយើងទទួលបានសំណួរអំពីព័ត៌មានផ្ទាល់ខ្លួន ឬសំណើសុំទាញយក ឬចូលប្រើធាតុ យើងមានក្រុមអ្នកជំនាញដែលដោះស្រាយកង្វល់ទាំងនេះ រួមទាំងមន្ត្រីការពារទិន្នន័យ (DPO) ដែលអាចទាក់ទងបានតាមរយៈ https://privacy.mi.com/support ឬតាមអាសយដ្ឋានប្រៃសណីយ៍ខាងក្រោម។ ប្រសិនបើសំណួររបស់អ្នកផ្ទាល់ទាក់ទងនឹងបញ្ហាសំខាន់ យើងអាចសុំព័ត៌មានបន្ថែមពីអ្នក។ ប្រសិនបើអ្នកពិគ្រោះជាមួយយើង យើងនឹងផ្តល់ព័ត៌មានអំពីបណ្តាញបណ្តឹងដែលពាក់ព័ន្ធដែលអាចអនុវត្តបានដោយផ្អែកលើស្ថានភាពជាក់ស្តែងរបស់អ្នក។

• សម្រាប់អ្នកប្រើប្រាស់ដែលស្ថិតនៅក្នុងតំបន់សេដ្ឋកិច្ចអ៊ឺរ៉ុប (EEA) ចក្រភពអង់គ្លេស និងស៊្វីស (CH)៖

Xiaomi Technology Netherlands B.V., Prinses Margrietplantsoen 39, 2595 AM, The Hague, ហូឡង់

• សម្រាប់អ្នកប្រើប្រាស់ដែលស្ថិតនៅប្រទេសឥណ្ឌា៖

Xiaomi Technology India Private Limited, Building Orchid, Block E, Embassy Tech Village, Outer Ring Road, Devarabisanahalli, Bengaluru, Karnataka - 560103, ឥណ្ឌា

រាល់ភាពមិនស្របគ្នា និងបណ្តឹងសាទុក្ខផ្សេងៗដែលទាក់ទងនឹងដំណើរការព័ត៌មានផ្ទាល់ខ្លួនរសើប ឬព័ត៌មានត្រូវធ្វើការផ្តល់ដំណឹងទៅមន្រ្តីផ្នែកបណ្តឹងសាទុក្ខ ដែលបានចាត់តាំង ដូចមានរៀបរាប់ខាងក្រោម៖

ឈ្មោះ៖ Vishwanath C

ទូរសព្ទ៖ 080 6885 6286, ចន្ទ-សៅរ៍ ចាប់ពីម៉ោង 9 ព្រឹក ដល់ម៉ោង 6 ល្ងាច

អ៊ីមែល៖ grievance.officer@xiaomi.com

• សម្រាប់អ្នកប្រើប្រាស់ដែលស្ថិតនៅប្រទេស/ដែនដីផ្សេងទៀត៖

Xiaomi Technologies Singapore Pte. Ltd. 1 Fusionopolis Link #04-02/03 Nexus@one-north, Singapore 138542

សូមប្រាកដថា អ្នកផ្តល់ព័ត៌មានគ្រប់គ្រាន់ ដើម្បីឱ្យ Xiaomi អាចផ្ទៀងផ្ទាត់អត្តសញ្ញាណរបស់អ្នក និងធានាថាអ្នកជាកម្មវត្ថុទិន្នន័យ ឬមានការអនុញ្ញាតស្របច្បាប់ក្នុងការធ្វើសកម្មភាពជំនួសកម្មវត្ថុទិន្នន័យ។ នៅពេលដែលយើងទទួលបានព័ត៌មានគ្រប់គ្រាន់ដើម្បីបញ្ជាក់ថាសំណើរបស់អ្នកអាចត្រូវបានដំណើរការ នោះយើងនឹងបន្តឆ្លើយតបទៅនឹងសំណើរបស់អ្នកក្នុងរយៈពេលណាមួយដែលត្រូវបានកំណត់ដោយច្បាប់ការពារទិន្នន័យដែលអនុវត្តចំពោះអ្នក។

យើងមានសិទ្ធិបដិសេធក្នុងការដំណើរការសំណើដែលគ្មានអត្ថន័យ គ្មានមូលដ្ឋានច្បាស់លាស់ ឬលើសលប់ សំណើដែលប៉ះពាល់ដល់សិទ្ធិឯកជនភាពរបស់អ្នកដទៃ សំណើដែលមិនប្រាកដនិយមបំផុត និងសំណើដែលតម្រូវឱ្យមានការងារបច្ចេកទេសមិនសមស្រប ព្រមទាំងសំណើដែលមិនត្រូវបានទាមទារដោយច្បាប់ក្នុងតំបន់ ទាក់ទងនឹងព័ត៌មានដែលត្រូវបានផ្សព្វផ្សាយជាសាធារណៈ និងទាក់ទងនឹងព័ត៌មានដែលត្រូវបានផ្តល់ឱ្យក្រោមលក្ខខណ្ឌសម្ងាត់។ ប្រសិនបើយើងជឿជាក់ថាទិដ្ឋភាពជាក់លាក់នៃសំណើសុំលុប ឬចូលប្រើព័ត៌មានអាចបណ្តាលឱ្យយើងមិនអាចប្រើប្រាស់ព័ត៌មានដោយស្របច្បាប់សម្រាប់គោលបំណងប្រឆាំងការក្លែងបន្លំ និងគោលបំណងសុវត្ថិភាពដែលបានរៀបរាប់ខាងលើ សំណើនេះក៏អាចត្រូវបានបដិសេធផងដែរ។ យើងនឹងជូនដំណឹងដល់អ្នកអំពីការសម្រេចណាមួយបែបនេះក្នុងការដែលមិនដំណើរការសំណើរបស់អ្នក និងហេតុផលនៃការសម្រេចនេះ ប្រសិនបើច្បាប់ជាធរមានតម្រូវឱ្យធ្វើដូច្នេះ។ ក្នុងករណីនោះ យើងនឹងជូនដំណឹងដល់អ្នកក្នុងរយៈពេលណាមួយដែលបានកំណត់ក្រោមច្បាប់ជាធរមាន។

ប្រសិនបើអ្នកមិនពេញចិត្តនឹងការឆ្លើយតបដែលអ្នកបានទទួល អ្នកអាចបញ្ជូនបញ្ហានេះទៅកាន់អាជ្ញាធរនិយតកម្មពាក់ព័ន្ធនៅក្នុងដែនសមត្ថកិច្ចរបស់អ្នក។

11. តើព័ត៌មានផ្ទាល់ខ្លួនរបស់អ្នកត្រូវបានផ្ទេរជាសកលដោយរបៀបណា?

Xiaomi ដំណើរការ និងបម្រុងទុកព័ត៌មានផ្ទាល់ខ្លួនតាមរយៈប្រតិបត្តិការ និងហេដ្ឋារចនាសម្ព័ន្ធគ្រប់គ្រងជាសកល។ នីតិបុគ្គល Xiaomi ដែលគ្រប់គ្រងព័ត៌មានផ្ទាល់ខ្លួនរបស់អ្នកអាចខុសគ្នា អាស្រ័យលើទីលំនៅរបស់អ្នក និងការប្រើប្រាស់ផលិតផល ឬសេវាកម្មជាក់លាក់របស់អ្នក។ ក្នុងករណីពាក់ព័ន្ធ ព័ត៌មានលម្អិតបន្ថែមទៀតនឹងត្រូវបានផ្តល់ជូននៅក្នុងសេចក្តីជូនដំណឹងស្ដីពីឯកជនភាពផលិតផលដែលមានជាធរមាន។

ការប្រើប្រាស់របស់អ្នកចំពោះសេវាកម្មរបស់យើងអាចពាក់ព័ន្ធនឹងការផ្ទេរ ការផ្ទុក និងការដំណើរការព័ត៌មានផ្ទាល់ខ្លួនរបស់អ្នកនៅក្នុង និងក្រៅប្រទេសនិវាសដ្ឋានរបស់អ្នក នៅពេលចាំបាច់ ដើម្បីសម្រេចបាននូវគោលបំណងដែលបានរៀបរាប់នៅក្នុងគោលការណ៍ឯកជនភាពនេះ សេចក្តីជូនដំណឹងស្ដីពីឯកជនភាពផលិតផលដែលមានជាធរមាន និងច្បាប់ជាធរមាន។ Xiaomi ប្រើប្រាស់ហេដ្ឋារចនាសម្ព័ន្ធសម្រាប់ការបង្ហោះទិន្នន័យតាមតំបន់ ដែលមានទីតាំងនៅប្រទេសឥណ្ឌា ហូឡង់ រុស្ស៊ី និងសិង្ហបុរី ដើម្បីគាំទ្រដល់ផលិតផល និងសេវាកម្មរបស់យើង ដែលផ្តល់ជូននៅក្រៅចិនដីគោក។

ទីតាំងបង្ហោះត្រូវបានកំណត់ដោយតំបន់ដែលសេវាកម្មពាក់ព័ន្ធត្រូវបានផ្តល់ជូន។ ជាពិសេស៖

• ព័ត៌មានផ្ទាល់ខ្លួនដែលយើងប្រមូល និងបង្កើតនៅក្នុងប្រតិបត្តិការរបស់យើងនៅប្រទេសរុស្ស៊ី ត្រូវបានរក្សាទុកនៅក្នុងមជ្ឈមណ្ឌលទិន្នន័យដែលមានទីតាំងនៅប្រទេសរុស្ស៊ី។
• ព័ត៌មានផ្ទាល់ខ្លួនដែលយើងប្រមូល និងបង្កើតនៅក្នុងប្រតិបត្តិការនៅប្រទេសឥណ្ឌា ត្រូវបានរក្សាទុកនៅក្នុងមជ្ឈមណ្ឌលទិន្នន័យដែលមានទីតាំងនៅប្រទេសឥណ្ឌា។
• ព័ត៌មានផ្ទាល់ខ្លួនដែលយើងប្រមូល និងបង្កើតក្នុងប្រតិបត្តិការនៅតំបន់សេដ្ឋកិច្ចអ៊ឺរ៉ុប/ចក្រភពអង់គ្លេស/ស៊្វីស ត្រូវបានរក្សាទុកនៅក្នុងមជ្ឈមណ្ឌលទិន្នន័យដែលមានទីតាំងនៅប្រទេសហូឡង់។
• ព័ត៌មានផ្ទាល់ខ្លួនដែលយើងប្រមូល និងបង្កើតក្នុងប្រតិបត្តិការនៅតំបន់ផ្សេងៗ ក្រៅពីតំបន់ដែលបានរៀបរាប់ខាងលើ ត្រូវបានរក្សាទុកនៅក្នុងមជ្ឈមណ្ឌលទិន្នន័យដែលមានទីតាំងនៅប្រទេសសិង្ហបុរី។
• Xiaomi ក៏ផ្ទេរព័ត៌មានផ្ទាល់ខ្លួនទៅកាន់ក្រុមហ៊ុនបុត្រសម្ព័ន្ធ ក្រុមហ៊ុនផ្តល់សេវាកម្មភាគីទីបី និងដៃគូអាជីវកម្ម ដែលមានទីតាំងនៅខាងក្រៅតំបន់ដែលព័ត៌មានត្រូវបានបង្ហោះ សម្រាប់គោលបំណងដែលបានពណ៌នានៅក្នុងគោលការណ៍ឯកជនភាពនេះ និងសេចក្តីជូនដំណឹងស្ដីពីឯកជនភាពផលិតផលដែលមានជាធរមាន។
• នៅពេលដែល Xiaomi ផ្ទេរព័ត៌មានផ្ទាល់ខ្លួនទៅខាងក្រៅតំបន់ដែលវាត្រូវបានបង្ហោះ មិនថាទៅកាន់ក្រុមហ៊ុនបុត្រសម្ព័ន្ធ ឬក្រុមហ៊ុនផ្តល់សេវាកម្មភាគីទីបី ឬដៃគូអាជីវកម្មនោះទេ យើងគោរពតាមច្បាប់ការពារទិន្នន័យដែលមានជាធរមាន។ យើងធានាថា រាល់ការផ្ទេរទាំងឡាយស្ថិតក្រោមយន្តការផ្ទេរស្របច្បាប់ដែលមានជាធរមាន និងវិធានការបច្ចេកទេស និងមានការរៀបចំសមស្រប ដូចជាការធ្វើរហស្សនាមកម្ម ការអ៊ិនគ្រីប ការគ្រប់គ្រងការចូលប្រើ និងការវាយតម្លៃសុវត្ថិភាពជាប្រចាំ ដើម្បីការពារព័ត៌មានរបស់អ្នកក្នុងអំឡុងពេលបញ្ជូន និងពេញមួយការដំណើរការជាបន្តបន្ទាប់របស់វា។ អ្នកអាចទទួលបានព័ត៌មានបន្ថែមអំពីវិធានការការពារដែលអាចអនុវត្តចំពោះព័ត៌មានផ្ទាល់ខ្លួនរបស់អ្នក ដោយទាក់ទងមកយើងតាមរយៈ https://privacy.mi.com/support។

12. តើយើងការពារព័ត៌មានផ្ទាល់ខ្លួនរបស់អនីតិជនដោយរបៀបណា?

យើងប្តេជ្ញាការពារព័ត៌មានផ្ទាល់ខ្លួនរបស់អនីតិជន។ មាតាបិតា និងអាណាព្យាបាលត្រូវបានលើកទឹកចិត្តឱ្យណែនាំ និងត្រួតពិនិត្យការប្រើប្រាស់របស់ពួកគាត់ចំពោះផលិតផល និងសេវាកម្មរបស់យើង ហើយយើងនឹងដំណើរការព័ត៌មានផ្ទាល់ខ្លួនរបស់អនីតិជន និងផ្តល់នូវវិធានការការពារសមស្រប ស្របតាមច្បាប់ជាធរមាន។

ប្រសិនបើអ្នកជាមាតាបិតា ឬអាណាព្យាបាល ហើយអ្នកជឿថាអនីតិជនបានផ្តល់ព័ត៌មានផ្ទាល់ខ្លួនដល់ Xiaomi ដោយគ្មានការអនុញ្ញាតសមស្រប សូមទាក់ទងមកយើងតាមរយៈ https://privacy.mi.com/support។ យើងនឹងពិនិត្យមើលបញ្ហានេះ និងចាត់វិធានការសមស្រប រួមទាំងការលុបព័ត៌មាន ប្រសិនបើមានការតម្រូវដោយច្បាប់ជាធរមាន។

13. តើអ្នកត្រូវតែយល់ព្រមតាមលក្ខខណ្ឌរបស់ភាគីទីបីណាមួយដែរឬទេ?

គោលការណ៍ឯកជនភាពរបស់យើងមិនអនុវត្តចំពោះផលិតផល ឬសេវាកម្មដែលផ្តល់ដោយភាគីទីបីឡើយ។ អាស្រ័យលើការប្រើប្រាស់សេវាកម្មរបស់អ្នក ផលិតផល និងសេវាកម្មមួយចំនួនរបស់យើងអាចរួមបញ្ចូលផលិតផល ឬសេវាកម្មរបស់ភាគីទីបី ដូចជាសេវាកម្មដំណើរការទូទាត់ជាដើម។ សេវាកម្មមួយចំនួនក្នុងចំណោមទាំងនេះនឹងត្រូវបានផ្តល់ជូនក្នុងទម្រង់ជាតំណទៅកាន់គេហទំព័ររបស់ភាគីទីបី ហើយមួយចំនួនទៀតនឹងត្រូវបានចូលប្រើក្នុងទម្រង់ជា SDK, API ជាដើម។ ព័ត៌មានរបស់អ្នកក៏អាចនឹងត្រូវបានប្រមូលដោយភាគីទីបីទាំងនេះផងដែរ នៅពេលដែលអ្នកប្រើប្រាស់ផលិតផល ឬសេវាកម្មទាំងនេះ។ សម្រាប់ហេតុផលនេះ យើងសូមណែនាំឱ្យអ្នកចំណាយពេលអានគោលការណ៍ឯកជនភាពរបស់ភាគីទីបី។ គោលការណ៍ឯកជនភាពនេះមិនអនុវត្តចំពោះព័ត៌មានផ្ទាល់ខ្លួនដែលបានដំណើរការដោយឯករាជ្យដោយភាគីទីបីទាំងនោះទេ។ យើងមិនទទួលខុសត្រូវ និងមិនអាចគ្រប់គ្រងវិធីដែលភាគីទីបីប្រើប្រាស់ព័ត៌មានផ្ទាល់ខ្លួនដែលពួកគេប្រមូលបានពីអ្នកទេ។

14. តើយើងធ្វើបច្ចុប្បន្នភាពគោលការណ៍ឯកជនភាពនេះដោយរបៀបណា?

យើងពិនិត្យមើលគោលការណ៍ឯកជនភាពនេះជាទៀងទាត់ ដោយផ្អែកលើការផ្លាស់ប្ដូរនៅក្នុងអាជីវកម្មរបស់យើង បច្ចេកវិទ្យា ច្បាប់ជាធរមាន និងការអនុវត្តដ៏ល្អ ហើយយើងអាចនឹងធ្វើបច្ចុប្បន្នភាពគោលការណ៍ឯកជនភាពនេះ។ ប្រសិនបើយើងធ្វើការផ្លាស់ប្ដូរខ្លឹមសារចំពោះគោលការណ៍ឯកជនភាពនេះ យើងនឹងជូនដំណឹងដល់អ្នកតាមរយៈផ្ទាំងលោតឡើង ឬតាមរយៈអ៊ីមែលផ្ញើទៅកាន់អាសយដ្ឋានអ៊ីមែលដែលត្រូវគ្នានឹងគណនី Xiaomi របស់អ្នក ឬតាមរយៈវិធីផ្សេងទៀតដែលស្របច្បាប់ និងអាចប្រើបាន ដើម្បីឱ្យអ្នកអាចស្វែងយល់អំពីព័ត៌មានដែលយើងប្រមូល និងរបៀបដែលយើងប្រើប្រាស់ព័ត៌មាននោះ។ ការផ្លាស់ប្តូរបែបនេះចំពោះគោលការណ៍ឯកជនភាពនេះ នឹងអនុវត្តចាប់ពីកាលបរិច្ឆេទចូលជាធរមានដែលបានបញ្ជាក់នៅក្នុងសេចក្តីជូនដំណឹងខាងលើ។ យើងសូមលើកទឹកចិត្តឲ្យអ្នកពិនិត្យមើលទំព័រនេះជាប្រចាំ ដើម្បីទទួលបានព័ត៌មានថ្មីបំផុតស្តីពីការអនុវត្តឯកជនភាពរបស់យើង។ ក្នុងករណីដែលច្បាប់ជាធរមានតម្រូវ យើងនឹងសុំការយល់ព្រមច្បាស់លាស់ពីអ្នក នៅពេលដែលយើងប្រមូលព័ត៌មានផ្ទាល់ខ្លួនបន្ថែមពីអ្នក ឬនៅពេលដែលយើងប្រើប្រាស់ ឬបង្ហាញព័ត៌មានផ្ទាល់ខ្លួនរបស់អ្នកសម្រាប់គោលបំណងថ្មី។

ឧបសម្ព័ន្ធសម្រាប់តំបន់សេដ្ឋកិច្ចអ៊ឺរ៉ុប ចក្រភពអង់គ្លេស និងស៊្វីស (EEA/UK/CH)

ឧបសម្ព័ន្ធនេះបន្ថែមលើគោលការណ៍ឯកជនភាពទូទៅរបស់ Xiaomi (ដែលហៅថា "គោលការណ៍ឯកជនភាព") ហើយអនុវត្តចំពោះអ្នក ប្រសិនបើអ្នករស់នៅក្នុងតំបន់សេដ្ឋកិច្ចអ៊ឺរ៉ុប (“EEA”) ចក្រភពអង់គ្លេស (“UK”) ឬស៊្វីស (“CH”)។ ឧបសម្ព័ន្ធនេះផ្តល់ព័ត៌មានបន្ថែមដែលតម្រូវតាមច្បាប់ការពារទិន្នន័យជាធរមាន។ ឧបសម្ព័ន្ធនេះមានអាទិភាពលើគោលការណ៍ឯកជនភាព ដែលបើមិនដូច្នោះទេ អនុវត្តចំពោះបញ្ហានានាដែលមិនត្រូវបានគ្របដណ្ដប់នៅក្នុងឧបសម្ព័ន្ធនេះ។

អ្នកគ្រប់គ្រង

ប្រសិនបើអ្នករស់នៅក្នុងតំបន់សេដ្ឋកិច្ចអ៊ឺរ៉ុប ចក្រភពអង់គ្លេស ឬស៊្វីស នោះ Xiaomi Technology Netherlands B.V. និង Xiaomi Communications Co., Ltd. នឹងដើរតួជាអ្នកគ្រប់គ្រងទិន្នន័យរួមគ្នា សម្រាប់សកម្មភាពដំណើរការដែលពួកគេកំណត់រួមគ្នានូវគោលបំណង និងមធ្យោបាយសំខាន់ៗ។ ព័ត៌មានផ្ទាល់ខ្លួនរបស់អ្នកក៏អាចត្រូវបានចូលប្រើពីចម្ងាយពីចិនដីគោក តាមរយៈបណ្តាញចូលប្រើមានកម្រិត និងមានសុវត្ថិភាពផងដែរ ហើយត្រឹមតែក្នុងកម្រិតចាំបាច់សម្រាប់គោលបំណងជាក់លាក់ប៉ុណ្ណោះ ដូចជាការដោះស្រាយបញ្ហាបច្ចេកទេសតាមករណី និងការចាត់ចែងសំណើសេវាកម្មក្រោយពេលលក់។

សម្រាប់អ្នកនៅចក្រភពអង់គ្លេស តំណាងរបស់យើងនៅចក្រភពអង់គ្លេសគឺ៖

Xiaomi Technology UK Limited, ដែលមានអាសយដ្ឋានចុះបញ្ជីនៅ Us & Co Stratford, Floor BR 40-11-12-13-14 11 Burford Road London, England E15 2ST

សម្រាប់អ្នកនៅស៊្វីស តំណាងរបស់យើងនៅស៊្វីសគឺ៖

Xiaomi Technology Switzerland GmbH ដែលមានអាសយដ្ឋានចុះបញ្ជីនៅ Thurgauerstrasse 101, 8152 Glattpark (Opfikon)។

មូលដ្ឋានច្បាប់សម្រាប់ការដំណើរការ

យើងដំណើរការព័ត៌មានផ្ទាល់ខ្លួនរបស់អ្នក លុះត្រាតែយើងមានមូលដ្ឋានច្បាប់ត្រឹមត្រូវប៉ុណ្ណោះ។ តារាងខាងក្រោមបង្ហាញពីគោលបំណងដែលយើងដំណើរការព័ត៌មានផ្ទាល់ខ្លួនរបស់អ្នក មូលដ្ឋានច្បាប់ដែលត្រូវគ្នា និងផលប្រយោជន៍ជាក់លាក់ដែលយើងបន្ត នៅពេលដែលយើងពឹងផ្អែកលើផលប្រយោជន៍ស្របច្បាប់។

ការផ្ទេរទិន្នន័យក្រៅប្រទេស

ដើម្បីគាំទ្រប្រតិបត្តិការរបស់យើងនៅក្នុងតំបន់សេដ្ឋកិច្ចអ៊ឺរ៉ុប/ចក្រភពអង់គ្លេស/ស៊្វីស៖

• ក្រុមហ៊ុនមួយចំនួនក្នុងក្រុមហ៊ុនសាជីវកម្មរបស់យើងអាចគាំទ្រប្រតិបត្តិការរបស់យើងនៅក្នុងតំបន់សេដ្ឋកិច្ចអ៊ឺរ៉ុប ចក្រភពអង់គ្លេស និងស៊្វីស។ Xiaomi Technologies Singapore Pte. Ltd. ដើរតួជាអ្នកដំណើរការក្នុងក្រុមហ៊ុន និងដំណើរការព័ត៌មានផ្ទាល់ខ្លួនក្នុងនាមជា និងក្រោមការណែនាំរបស់អ្នកគ្រប់គ្រងពាក់ព័ន្ធ។ ក្រុមហ៊ុននេះផ្តល់សេវាកម្មគាំទ្រផ្សេងៗ ដូចជាការថែទាំម៉ាស៊ីនមេ និងការថែទាំហេដ្ឋារចនាសម្ព័ន្ធ និងការគាំទ្របច្ចេកទេស។ ការផ្ទេរបែបនេះត្រូវបានអនុញ្ញាតតែនៅពេលចាំបាច់ប៉ុណ្ណោះ ក្រោមពិធីសារតឹងរឹងនៃការអនុញ្ញាតផ្ទៃក្នុង និងការគ្រប់គ្រងការចូលប្រើ។
• យើងផ្ទេរព័ត៌មានផ្ទាល់ខ្លួនរបស់អ្នកទៅឱ្យក្រុមហ៊ុនផ្តល់សេវាកម្មភាគីទីបី និងដៃគូអាជីវកម្មដែលមានទីតាំងនៅក្រៅតំបន់សេដ្ឋកិច្ចអ៊ឺរ៉ុប/ចក្រភពអង់គ្លេស/ស៊្វីស ដើម្បីឱ្យសេវាកម្មដែលបានពណ៌នានៅក្នុងគោលការណ៍ឯកជនភាពនេះ ឬសេចក្តីជូនដំណឹងស្ដីពីឯកជនភាពផលិតផលដែលមានជាធរមានអាចដំណើរការបាន។ ដោយសារភាពខុសគ្នារវាងផលិតផល និងសេវាកម្មរបស់យើង ព័ត៌មានលម្អិតជាក់លាក់នៃការផ្ទេរទាំងនេះ (រួមទាំងអ្នកទទួល ប្រទេស និងយន្តការស្របច្បាប់) មានភាពខុសគ្នា។

នៅពេលដែលយើងផ្ទេរព័ត៌មានផ្ទាល់ខ្លួនពីតំបន់សេដ្ឋកិច្ចអ៊ឺរ៉ុប/ចក្រភពអង់គ្លេស/ស៊្វីសទៅកាន់ប្រទេសនៅក្រៅតំបន់សេដ្ឋកិច្ចអ៊ឺរ៉ុប/ចក្រភពអង់គ្លេស/ស៊្វីស យើងពឹងផ្អែកលើយន្តការស្របច្បាប់ដូចខាងក្រោម តាមការសមស្រប៖

• ការសម្រេចស្តីពីភាពគ្រប់គ្រាន់៖ គណៈកម្មការអ៊ឺរ៉ុប រដ្ឋាភិបាលចក្រភពអង់គ្លេស និងក្រុមប្រឹក្សាសហព័ន្ធស៊្វីសរៀងៗខ្លួន បានទទួលស្គាល់ប្រទេសមួយចំនួនថាផ្តល់នូវកម្រិតការពារទិន្នន័យគ្រប់គ្រាន់។ សម្រាប់ផលិតផល ឬសេវាកម្មមួយចំនួន យើងអាចផ្ទេរទិន្នន័យទៅកាន់ក្រុមហ៊ុនផ្តល់សេវាកម្មភាគីទីបី ឬដៃគូអាជីវកម្មមួយចំនួន នៅក្នុងប្រទេសទាំងនោះ ដោយផ្អែកលើការសម្រេចទាំងនេះ។ សូមមើលសេចក្តីជូនដំណឹងស្ដីពីឯកជនភាពផលិតផលដែលមានជាធរមាន ដើម្បីទទួលបានព័ត៌មានលម្អិត។
• មាត្រាតាមកិច្ចសន្យាស្តង់ដា (SCC)៖ នៅពេលដែលមិនមានការសម្រេចស្តីពីភាពគ្រប់គ្រាន់ ជាទូទៅយើងពឹងផ្អែកលើមាត្រាតាមកិច្ចសន្យាស្តង់ដាដែលត្រូវបានអនុម័តដោយគណៈកម្មការអ៊ឺរ៉ុប ជាវិធានការការពារចម្បង។ មាត្រាទាំងនេះ (និងមាត្រាសមមូលដែលបានអនុម័តរបស់ពួកគេសម្រាប់ចក្រភពអង់គ្លេស និងស៊្វីស) ត្រូវបានប្រើប្រាស់សម្រាប់ការផ្ទេរ និងការចូលប្រើពីចម្ងាយដែលមានកំណត់ ទៅកាន់នីតិបុគ្គលក្នុងក្រុមរបស់យើងនៅខាងក្រៅតំបន់សេដ្ឋកិច្ចអ៊ឺរ៉ុប/ចក្រភពអង់គ្លេស/ស៊្វីស ដែលយើងបានចុះកិច្ចព្រមព្រៀង SCC ជាមួយ។ នីតិបុគ្គលទាំងនេះស្ថិតនៅប្រទេសសិង្ហបុរី និងចិនដីគោក។ ការផ្ទេរទៅកាន់ចិនដីគោកពាក់ព័ន្ធនឹងការចូលប្រើពីចម្ងាយដែលមានកំណត់ និងមានសុវត្ថិភាពតែប៉ុណ្ណោះ។ SCC ក៏ត្រូវបានប្រើប្រាស់សម្រាប់ការផ្ទេរទៅកាន់ក្រុមហ៊ុនផ្តល់សេវាកម្មភាគីទីបី ឬដៃគូអាជីវកម្មមួយចំនួនផងដែរ។ ក្នុងករណីបែបនេះ នឹងមានការកត់សម្គាល់នៅក្នុងសេចក្តីជូនដំណឹងស្ដីពីឯកជនភាពផលិតផលដែលមានជាធរមាន។ សម្រាប់រាល់ការផ្ទេរដែលផ្អែកលើវិធានការការពារតាមកិច្ចសន្យា យើងវាយតម្លៃច្បាប់ និងការអនុវត្តរបស់ប្រទេសទិសដៅ ហើយអនុវត្តវិធានការបន្ថែមនៅពេលចាំបាច់—រួមទាំងការធ្វើរហស្សនាមកម្ម ការអ៊ិនគ្រីប ការគ្រប់គ្រងការចូលប្រើលម្អិត និងការត្រួតពិនិត្យជាបន្តបន្ទាប់—ដើម្បីធានាកម្រិតគ្រប់គ្រាន់នៃការការពារ។

អ្នកអាចទទួលបានព័ត៌មានបន្ថែមអំពីវិធានការការពារដែលពាក់ព័ន្ធ រួមទាំងច្បាប់ចម្លងនៃ SCC ដោយការទាក់ទងទៅមន្ត្រីការពារទិន្នន័យរបស់យើងតាមរយៈ https://privacy.mi.com/support។

បណ្តឹង

អ្នកមានសិទ្ធិក្នុងការដាក់ពាក្យបណ្តឹងទៅកាន់អាជ្ញាធរត្រួតពិនិត្យការពារទិន្នន័យក្នុងតំបន់របស់អ្នក។ អ្នកអាចរកឃើញបញ្ជីអាជ្ញាធរតំបន់សេដ្ឋកិច្ចអ៊ឺរ៉ុបនៅទីនេះ។ នៅចក្រភពអង់គ្លេស អ្នកអាចដាក់ពាក្យបណ្តឹងទៅកាន់ការិយាល័យស្នងការព័ត៌មាន (ICO) ហើយនៅស៊្វីស អ្នកអាចដាក់ពាក្យបណ្តឹងទៅកាន់ស្នងការព័ត៌មាន ការពារទិន្នន័យសហព័ន្ធ (FDPIC)។ អ្នកក៏អាចលើកឡើងពីកង្វល់របស់អ្នកដោយផ្ទាល់ទៅកាន់ក្រុមការពារទិន្នន័យរបស់យើងតាមរយៈ https://privacy.mi.com/support ឬទាក់ទងទៅមន្រ្តីការពារទិន្នន័យរបស់យើងដោយប្រើព័ត៌មានលម្អិតដែលបានផ្តល់ជូនខាងក្រោម។

ទាក់ទងមកយើង

ប្រសិនបើអ្នកមានសំណួរអំពីឧបសម្ព័ន្ធនេះ ឬចង់ប្រើប្រាស់សិទ្ធិរបស់អ្នក អ្នកអាចទាក់ទងយើង និងមន្ត្រីការពារទិន្នន័យរបស់យើងតាមរយៈ៖

• អនឡាញ៖ https://privacy.mi.com/support
• អាសយដ្ឋានប្រៃសណីយ៍៖ Prinses Margrietplantsoen 39, 2595 AM, The Hague, ហូឡង់