Xiaomi ၏ ကိုယ်ရေးအချက်အလက် ပေါ်လစီ

ကျွန်ုပ်တို့၏ ပုဂ္ဂိုလ်ရေးလုံခြုံမှု မူဝါဒကို ၂၀၂၁၊ ဇန်နဝါရီ ၁၅ တွင် ပြန်ပြင်ထားသည်။

ကျွန်ုပ်တို့၏ စည်းကမ်းဓလေ့ထုံးစံများအား သိရှိနားလည်နိုင်ရန် ကျေးဇူးပြု၍ အချိန်ယူ လေ့လာပါ၊ အကူအညီလိုပါက ကျွန်ုပ်တို့ထံ အချိန်မရွေး ဆက်သွယ်မေးမြန်းနိုင်ပါသည်။

ကျွန်ုပ်တို့၏အကြောင်း

Xiaomi Singapore Pte. Ltd.၊ Xiaomi Technology Netherlands B.V. နှင့် Xiaomi အုပ်စုအောက်ရှိ တွဲဖက်ကုမ္ပဏီအားလုံးသည် (အသေးစိတ်စာရင်းအတွက် ဤနေရာကိုနှိပ်ပါ) - ဤနေရာမှစ၍ "Xiaomi" ၊ "ကျွန်ုပ်တို့" ၊ "ကျွန်ုပ်တို့၏" သို့မဟုတ် "ကျွန်ုပ်တို့ကို" ဟု တစ်စုတစ်စည်းတည်း သုံးပါမည် - သင်၏ ကိုယ်ရေးအချက်အလက်လုံခြုံမှုကို အလွန်အလေးအနက်ထားပါသည်။ ဤကိုယ်ရေးအချက်အလက် ပေါ်လစီအား သတ်မှတ်ရာတွင် သင်စိတ်တွင်လိုအပ်သည့်အတိုင်း ကျွန်ုပ်တို့မှ ထည့်သွင်းစဉ်းစားထားပါသည်။ ကျွန်ုပ်တို့၏ပေါ်လစီကို အပြည့်အဝ နားလည်၍ Xiaomi ထံ ပေးပို့သော ပုဂ္ဂိုလ်ရေးဆိုင်ရာ အချက်အလက်များအား သင် ထိန်းချုပ်နိုင်ရန်ကိုလည်း အထူးတလည် ထည့်သွင်းစဉ်းစားထားပါသည်။

ဤကိုယ်ရေးအချက်အလက် ပေါ်လစီ အကြောင်း

ကိုယ်ရေးအချက်အလက်လုံခြုံမှုမူဝါဒ သီးခြားထားရှိသည့် အချို့သော Xiaomi ထုတ်ကုန်နှင့် ဝန်ဆောင်မှုများမှလွဲ၍ ဤကိုယ်ရေးအချက်အလက်လုံခြုံမှုမူဝါဒကို ရည်ညွှန်းသော သို့မဟုတ် ချိတ်ထားသော Xiaomi စက်များ၊ ဝက်ဘဆိုက်များ သို့မဟုတ် အပလီကေးရှင်းများ အားလုံးသည် ဤကိုယ်ရေးအချက်အလက်လုံခြုံမှုမူဝါဒနှင့် အကျုံးဝင်ပါသည်။ ဤကိုယ်ရေးအချက်အလက်လုံခြုံမှုမူဝါဒတွင် ဝက်ဘဆိုက်များ (https://www.mi.com၊ https://en.miui.com၊ https://account.xiaomi.com) နှင့် မိုဘိုင်းစက်များတွင် ကမ်းလှမ်းထားသည့် ကျွန်ုပ်တို့၏ အပလီကေးရှင်းများမှ ရရှိနိုင်သော ထုတ်ကုန်နှင့် ဝန်ဆောင်မှုများကို သုံးစဉ်၌ သင်က ကျွန်ုပ်တို့အား ပေးထားသော သို့မဟုတ် ကျွန်ုပ်တို့က ကောက်ယူထားသော ကိုယ်ရေးကိုယ်တာအချက်အလက်များကို Xiaomi က ကောက်ယူပုံ၊ အသုံးပြုပုံ၊ ဖွင့်ထုတ်ပုံ၊ ဆောင်ရွက်ပုံနှင့် ကာကွယ်ပုံတို့ကို ရှင်းပြထားပါသည်။ Xiaomi ကုန်တစ်ခုတွင် သီးခြား ပုဂ္ဂိုလ်ရေးလုံခြုံမှု မူဝါဒ ထားရှိပါက အဆိုပါ သီးခြား ပုဂ္ဂိုလ်ရေးလုံခြုံမှု မူဝါဒကို ဦးစားပေး ကျင့်သုံးမည်ဖြစ်ပြီး၊ ၎င်းတွင် မပါသော မည်သည့်အရာမဆို ဤပုဂ္ဂိုလ်ရေးလုံခြုံမှု မူဝါဒ၏ စည်းမျဉ်းများအတိုင်း လိုက်နာရပါမည်။ ၎င်းအပြင် အချို့သော ထုတ်ကုန်နှင့် ဝန်ဆောင်မှုများက သင့်ကိုယ်ရေးကိုယ်တာအချက်အလက်များကို ကောက်ယူပုံသည် မော်ဒယ်၊ ဝန်ဆောင်မှုဗားရှင်း သို့မဟုတ် နယ်မြေအပေါ်မူတည်ပြီး အမျိုးမျိုးကွဲပြားနိုင်ပါသည်။ အသေးစိတ်အတွက် သီးခြား ပုဂ္ဂိုလ်ရေးလုံခြုံမှု မူဝါဒကို ကိုးကားရပါမည်။

ဤကိုယ်ရေးအချက်အလက် ပေါ်လစီတွင် "ပုဂ္ဂိုလ်ရေးဆိုင်ရာ အချက်အလက်"ဆိုသည်မှာ လူတစ်ဦးတစ်ယောက်အား တိုက်ရိုက် သို့မဟုတ် အခြားနည်းဖြင့် အသိအမှတ်ပြုနိုင်သော အချက်အလက်များကိုဆိုသည်၊ ထိုအချက်အလက်များကို သီးသန့် ရယူနိုင်သလို သင့်နယ်ပယ်ဒေသတွင် သက်ဆိုင်ရာ ဥပဒေများက သီးခြားပေးထားသည်မှလွဲ၍၊ Xiaomi မှ ဝင်ရောက်နိုင်သော အချက်အလက်မှ တဆင့် ရယူနိုင်ပါသည်။ ကျွန်ုပ်တို့အနေဖြင့် သင်၏ ပုဂ္ဂိုလ်ရေးဆိုင်ရာအချက်အလက်ကို ကိုယ်ရေးအချက်အလက်ပေါ်လစီအရသာ တိကျစွာ အသုံးပြုပါမည်။ လိုအပ်သောအခါ ကိုယ်ရေးကိုယ်တာအချက်အလက်များတွင် အထိပါးမခံသော ကိုယ်ရေးကိုယ်တာ ဒေတာများ သို့မဟုတ် အချက်အလက်များသည်လည်း တည်ဆဲဥပဒေအရ ပါဝင်ပါမည်။

ကျွန်ုပ်တို့ ဘာကူညီရမလဲ

မည်သို့မဆို သုံးစွဲသူများအတွက် အကောင်းဆုံးဖြစ်ရန် ကျွန်ုပ်တို့ ကြိုးစား ဆောင်ရွက်သွားပါမည်။ ဤကိုယ်ရေးအချက်အလက်လုံခြုံမှုမူဝါဒတွင် အကျဉ်းဖော်ပြထားသည့် ကိုယ်ရေးကိုယ်တာအချက်အလက်များနှင့် ပတ်သက်ပြီး ကျွန်ုပ်တို့၏ ဒေတာကိုင်တွယ်မှု အလေ့အထများအပေါ် မေးခွန်းများရှိပါက https://privacy.mi.com/support မှတစ်ဆင့် ကျွန်ုပ်တို့ထံဆက်သွယ်ပြီး သင်သိလိုသော အချက်များကို ဖော်ပြပေးပါ။ ကျွန်ုပ်တို့ သင့်ထံမှ ကြားရမည်ကို ပျော်ရွှင်စွာဖြင့် မျှော်လင့်ပါသည်။

၁။ ဘယ်အချက်အလက်များကို ကျွန်ုပ်တို့ကောက်ယူသလဲ၊ ၎င်းတို့ကို ဘယ်လိုသုံးသလဲ

၁.၁။ ဘယ်အချက်အလက်များကို ကျွန်ုပ်တို့ကောက်ယူသလဲ

ကျွန်ုပ်တို့သည် သင့်အား ဝန်ဆောင်မှုများပေးနိုင်ရန်အတွက် လိုအပ်သော ကိုယ်ရေးကိုယ်တာအချက်အလက်များကို ပေးအပ်ရန် တောင်းခံပါမည်။ ကျွန်ုပ်တို့သည် ပြတ်သားတိကျရှင်းလင်းပြီး၊ တရားဝင်သော ကိစ္စများအတွက် လိုအပ်သည့် အချက်အလက်ကိုသာ ကောက်ယူမည်ဖြစ်ပြီး ၎င်းကိစ္စများနှင့်မသက်ဆိုင်သော ပြုမူ ဆောင်ရွက်မှုမျိုးအတွက် ဤအချက်အလက်များကို အသုံးမပြုကြောင်း အာမခံသည်။ ကျွန်ုပ်တို့ တောင်းဆိုသည့် အချက်အလက်ကို ပေးရန် မပေးရန် ဆုံးဖြတ်ခွင့် သင့်တွင်ရှိပါသည်၊ သို့သော် ကိစ္စရပ် အတော်များများတွင် အကယ်၍ သင်က သင်၏ ပုဂ္ဂိုလ်ရေးဆိုင်ရာအချက်အလက်ကို မပေးလျှင် ကျွန်ုပ်တို့အနေဖြင့် ကျွန်ုပ်တို့၏ ထုတ်ကုန်ပစ္စည်းများနှင့် ဝန်ဆောင်မှုများကို ပံ့ပိုးပေးနိုင်လိမ့်မည်မဟုတ်ပါ၊ သို့မဟုတ် သင့်မေးမြန်းမှုများကို ပြန်ကြားပေးနိုင်လိမ့်မည်မဟုတ်ပါ။

သင်ရွေးချယ်သည့် ဝန်ဆောင်မှုပေါ်မူတည်၍ ကျွန်ုပ်တို့သည် အောက်ဖော်ပြပါ အချက်အလက် အမျိုးအစားများကို စုစည်းရယူပါမည်-

၁.၁.၁ သင်ကျွန်ုပ်တို့ကို ပေးသည့် အချက်အလက်

သင်ရွေးချယ်ထားသည့် ဝန်ဆောင်မှုအတွက် လိုအပ်သည့် သင် ပေးသည့် မည်သည့် အချက်အလက် ကိုမဆို ကျွန်ုပ်တို့ စုစည်းရယူပါမည်။ ဥပမာ - အမည်၊ မိုဘိုင်းဖုန်းနံပါတ်၊ အီးမေး(လ်)လိပ်စာ၊ ပေးပို့လိပ်စာ၊ အမှာအချက်အလက်များ၊ ငွေတောင်းခံလွှာအသေးစိတ်၊ ဘဏ်အကောင့်နံပါတ်၊ အကောင့်ပိုင်ရှင်အမည်၊ ခရက်ဒစ်ကတ်နံပါတ် နှင့် mi.com လက်လီဖြန့်ချိရေးဝန်ဆောင်မှုကိုသုံးရန် လိုအပ်သော အခြားအချက်အလက်များ ပေးရခြင်း၊ Xiaomi ကလောက် ဝန်ဆောင်မှုများသုံးလျှင် အကြောင်းအရာများ သို့မဟုတ် ဒေတာများ ဆင့်(ခ်)လုပ်ရခြင်း၊ အကောင့်ဖွင့်လျှင် ကျား/မဖော်ပြပြီး၊ လုံခြုံရေးဆိုင်ရာအချက်အလက်များနှင့် အခြားအချက်အလက်များ ပေးရခြင်း၊ ပရိုမိုးရှင်းကိစ္စများသို့ ဝင်လျှင် အမည်ပြောင်၊ အီးမေး(လ်)လိပ်စာ၊ ဓာတ်ပုံ၊ ဗီဒီယိုများ သို့မဟုတ် အခြားလိုအပ်သော အချက်အလက်များ ပေးရခြင်း၊ ကျွန်ုပ်တို့ထံ သို့မဟုတ် ကျွန်ုပ်တို့၏အကြောင်းအရာများ သို့မဟုတ် ကျွန်ုပ်တို့၏ ဈေးကွက်ရှာဖွေရေးတို့ကို ဝင်လျှင် သို့မဟုတ် ဆုမဲပေါက်လျှင် သင့်အမည်၊ မိုဘိုင်းနံပါတ်နှင့် လိပ်စာပေးရခြင်း။

၁.၁.၂။ ဝန်ဆောင်မှုများကို သင်သုံးစဉ်က ကျွန်ုပ်တို့ကောက်ယူထားသော အချက်အလက်များ

• စက် သို့မဟုတ် SIM ဆိုင်ရာ အချက်အလက်များ။ ဥပမာ - IMEI နံပါတ်/ OAID၊ GAID နံပါတ်၊ IMSI နံပါတ်၊ MAC လိပ်စာ၊ အမှတ်စဉ်နံပါတ်၊ စနစ်ဗားရှင်းနှင့် အမျိုးအစား၊ ROM ဗားရှင်း၊ Android ဗားရှင်း၊ Android ID၊ Space ID၊ SIM ကတ်အော်ပရေတာနှင့် ၎င်း၏ တည်နေရာဒေသ၊ မျက်နှာပြင်တွင် ဖော်ပြသည့် အချက်အလက်၊ စက်ကီးပတ်အချက်အလက်၊ စက်ထုတ်လုပ်သူအသေးစိတ်များနှင့် မော်ဒယ်အမည်၊ စက်ကို အသက်သွင်းသည့်အချိန်၊ ကွန်ရက်အော်ပရေတာ၊ ကွန်ရက်အမျိုးအစား၊ အခြေခံ ဟာ့(ဒ်)ဝဲအချက်အလက်များ၊ အရောင်းချန်နယ်များနှင့် သုံးစွဲမှုအချက်အလက် (ဥပမာ - CPU၊ သိုလှောင်ခန်း၊ ဓာတ်ခဲအသုံးပြုမှု၊ မျက်နှာပြင်ရက်ဇလူးရှင်းနှင့် စက်အပူချိန်၊ PPI၊ ကင်မရာမှန်ဘီလူးမော်ဒယ်၊ မျက်နှာပြင် ဖွင့်ခြင်းနှင့် သော့ခတ်ခြင်း အကြိမ်ရေများ)

• ပြင်ပပါတီဝန်ဆောင်မှုပေးသူများနှင့် ကျွန်ုပ်တို့၏လုပ်ငန်းပါတနာများက ချမှတ်ထားသည့် သင်နှင့်ဆိုင်သော သီးခြားအချက်အလက်များ - ကျွန်ုပ်တို့သည် ပြင်ပပါတီဝန်ဆောင်မှုပေးသူများနှင့် ကျွန်ုပ်တို့၏လုပ်ငန်းပါတနာများက ချမှတ်ထားသည့် သင့်ကြော်ငြာ ID ကဲ့သို့ အချက်အလက်များကို ကောက်ယူ အသုံးပြုနိုင်သည်။

• အက်(ပ်)အသုံးပြုမှုဆိုင်ရာ အချက်အလက်များ အက်(ပ်)တစ်ခုအတွက် အထူးသတ်မှတ်ချက်များ (ဥပမာ - VAID၊ OAID၊ AAID၊ စက်ပါ ID)၊ အက်(ပ်)စာရင်း၊ အက်(ပ်) ID အချက်အလက်များ၊ SDK ဗားရှင်း၊ စနစ်အပ်ပဒိတ်ဆက်တင်၊ အက်(ပ်)ဆက်တင် (ဒေသ၊ ဘာသာစကား၊ စံတော်ချိန်၊ ဖောင့်)၊ အက်(ပ်) ရှေ့သို့ ဝင်ချိန်/ထွက်ချိန်များနှင့် အက်(ပ်)အခြေအနေမှတ်တမ်း (ဥပမာ - ဒေါင်းလုဒ်လုပ်ခြင်း၊ ထည့်သွင်းခြင်း၊ အပ်ပဒိတ်လုပ်ခြင်းနှင့် ဖျက်ခြင်း) ကဲ့သို့ အခြေခံ အက်(ပ်)အချက်အလက်များ။

• Xiaomi စနစ်ဝန်ဆောင်မှုကို အသုံးပြုချိန်၌ ထုတ်ပေးသည့် အချက်အလက်များ ဥပမာ - Xiaomi Community ရှိ ဆုတံဆိပ်များ၊ အဆင့်သတ်မှတ်ချက်များ၊ အကောင့်ဝင်အချက်အလက်များနှင့် ဘရောင်းဇင်းမှတ်တမ်း။ Xiaomi Community ရှိ သင့်မက်ဆေ့(ချ်)များ (ပို့သူနှင့် လက်ခံသူသာမြင်နိုင်သည်)။ ဂီတဝန်ဆောင်မှုရှိ အသံဖွင့်မှတ်တမ်းနှင့် ရှာဖွေမှတ်တမ်းများ။ သင်း(မ်)ဝန်ဆောင်မှုများရှိ လိုက်(ခ်)၊ မှတ်ချက်၊ အကြိုက်ဆုံးစာရင်း၊ မျှဝေခြင်းနှင့် ရှာဖွေရေးမှတ်တမ်းများ။ စနစ်ဘာသာစကား၊ နိုင်ငံနှင့် ဒေသ၊ ကွန်ရက်အခြေအနေနှင့် အက်(ပ်)သေတ္တာရှိ အက်(ပ်)စာရင်း။ နောက်ခံပုံရဟတ်ရှိ ဒေသ၊ ID၊ သက်ဆိုင်ရာ အကြောင်းအရာပံ့ပိုးသူ၊ နောက်ခံပုံပြောင်းသည့် ကြိမ်နှုန်း၊ ဓာတ်ပုံမြင်ကွင်းများ၊ ပုံရှာဖွေမုဒ်၊ ပုံရှာရန်ကြာချိန်၊ ကလစ်နှိပ်ခြင်း၊ ဆောင်းပါးများထိတွေ့မှုနှင့် စာရင်းသွင်းရယူမှုများကဲ့သို့သော အသုံးပြုမှုဆိုင်ရာအချက်အလက်များ။

• တည်နေရာအချက်အလက်များ (အချို့သော ဝန်ဆောင်မှုများ/အင်္ဂါရပ်များ အတွက်သာ) - တည်နေရာဆိုင်ရာ ဝန်ဆောင်မှုများသုံးပါက သင်၏ အတိအကျ သို့မဟုတ် အနီးစပ်ဆုံး တည်နေရာ အချက်အလက်အမျိုးမျိုး (လမ်းညွှန်၊ မိုးလေဝသနှင့် စက်ရှာဖွေရေး စသည်)။ ဤအချက်အလက်တွင် ဒေသ၊ နိုင်ငံကုဒ်၊ မြို့ကုဒ်၊ မိုဘိုင်းကွန်ရက်ကုဒ်၊ မိုဘိုင်းနိုင်ငံကုဒ်၊ ဆဲ(လ်)အထောက်အထား၊ လောင်ဂျီတွဒ်နှင့် လတ္တီတွဒ် အချက်အလက်၊ အချိန်ဇုံဆက်တင်နှင့် ဘာသာစကားဆက်တင်တို့ ပါဝင်နိုင်သည်။ သင်သည် အက်(ပ်)တစ်ခုစီ၏ သင့်တည်နေရာအချက်အလက်များ ဖတ်ခြင်းကို ဆက်တင် > အက်(ပ်)များ > ခွင့်ပြုချက်များ > ခွင့်ပြုချက်များ > တည်နေရာတွင် အချိန်မရွေး ကန့်သတ်နိုင်သည်။

• မှတ်တမ်း အချက်အလက်- သင်သုံးစွဲသည့် လုပ်ဆောင်ချက်၊ အက်ပ်၊ ဝက်ဘ်ဆိုဒ် အချို့နှင့် စပ်ဆိုင်သည့် သတင်းအချက်အလက်များကို ဆိုလိုသည်။ ၎င်းတွင် ကွတ်ကီးများနှင့် အခြား ခွဲခြားသတ်မှတ်နည်းပညာများ၊ IP လိပ်စာများ၊ ကွန်ရက်တောင်းဆိုခြင်းအချက်အလက်များ၊ ယာယီမက်ဆေ့(ချ်)မှတ်တမ်း၊ စံစနစ်မှတ်တမ်းများ၊ ချွတ်ယွင်းမှုအချက်အလက်များ၊ ဝန်ဆောင်မှုတစ်ခုကို သုံးရာမှ ထွက်လာသော (မှတ်ပုံတင်ချိန်၊ ဝင်သုံးချိန်၊ လှုပ်ရှားချိန် စသည့်) မှတ်တမ်းအချက်အလက်များ ပါဝင်နိုင်သည်။

• အခြားအချက်အလက်များ - ပတ်ဝန်းကျင်လက္ခဏာများတန်ဖိုး (ECV) (Xiaomi အကောင့် ID မှ ထုတ်သော တန်ဖိုး၊ စက် ID၊ ချိတ်ထားသော Wi-Fi ID နှင့် တည်နေရာအချက်အလက်များကို ဆိုလိုသည်)။

၁.၁.၃ တတိယပါတီ အရင်းအမြစ်များမှ အချက်အလက်

ဥပဒေက ခွင့်ပြုသည့်အခါ၊ ကျွန်ုပ်တို့သည် တတိယပါတီ အရင်းအမြစ် များမှ သင့်အကြောင်း အချက်အလက်ကို စုစည်းရယူမည်။ ဥပမာ -

• အကောင့်နှင့် ငွေလွှဲပြောင်းခြင်းများ ပါဝင်နိုင်သော ဝန်ဆောင်များအတွက် ပြင်ပပါတီအရင်းအမြစ်များမှတစ်ဆင့် (ဖုန်းနံပါတ်ကဲ့သို့) သင်ပေးထားသော အချက်အလက်များကို ကျွန်ုပ်တို့က လုံခြုံရေးနှင့် အလိမ်အညာကာကွယ်ရေး ရည်ရွယ်ချက်များအတွက် သင့်ထံမှခွင့်ပြုချက်ယူပြီး စစ်ဆေးပါမည်။

• ကြော်ငြာဝန်ဆောင်မှုများပေးရန် သတ်မှတ်ထားသော အထူးအထောက်အထားများ (ဥပမာ - ကြော်ငြာသူများထံမှ ရရှိသော IMEI/OAID/GAID) နှင့် အချို့သောအခြေအနေများတွင် သင်၏ ကြော်ငြာဝန်ဆောင်မှုများကို အသုံးပြုမှုနှင့် သက်ဆိုင်သည့် စွမ်းဆောင်ရည်တစ်စိတ်တစ်ပိုင်း ပြောင်းလဲခြင်းဒေတာများ (ဥပမာ - နှိပ်ကြည့်ခြင်းများ) မှတစ်ဆင့် ကြော်ငြာမော်ဒယ်အဆင့်မြှင့်ခြင်းကို ဆောင်ရွက်ပါမည်။

• ကျွန်ုပ်တို့သည် ပြင်ပပါတီလူမှုကွန်ရက်ဝန်ဆောင်မှုများမှ အကောင့် ID၊ အမည်ပြောင်၊ ပရိုဖိုင်ပုံနှင့် အီးမေး(လ်)လိပ်စာကဲ့သို့ အချက်အလက်အချို့ကိုလည်း ရယူနိုင်သည် (ဥပမာ - လူမှုကွန်ရက်အကောင့်တစ်ခု သုံးပြီး Xiaomi ဝန်ဆောင်မှုတစ်ခုသို့ အကောင့်ဝင်ချိန်)။

• အခြားသူများက ကျွန်ုပ်တို့ထံပေးသည့် သင့်အကြောင်းအချက်အလက်များ၊ ဥပမာ - အခြားအသုံးပြုသူက mi.com ဝန်ဆောင်မှုများမှတစ်ဆင့် သင့်အတွက် ထုတ်ကုန်များဝယ်ပေးစဉ် ကျွန်ုပ်တို့ထံပေးထားသော သင်၏ ပေးပို့လိပ်စာ။

၁.၁.၄ ကိုယ်ရေးကိုယ်တာမဖော်ထုတ်နိုင်သော အချက်အလက်များ

ကျွန်ုပ်တို့အနေဖြင့် သက်ဆိုင်ရာ ဒေသ ဥပဒေများအရ ပုဂ္ဂိုလ်ရေးဆိုင်ရာ အချက်အလက်အဖြစ် သက်သေမခံနိုင်သည့် တစ်ဦးတစ်ယောက်နှင့် တိုက်ရိုက် သို့မဟုတ် သွယ်ဝိုက်ချိတ်ဆက်မှုမရှိသည့် အခြားသော အချက်အလက် အမျိုးအစားများကိုလည်း စုစည်းရယူပါမည်။ အဆိုပါအချက်အလက်ကို ကိုယ်ရေးကိုယ်တာမဖော်ထုတ်နိုင်သော အချက်အလက်များဟု ခေါ်သည်။ ကျွန်ုပ်တို့သည် ကိုယ်ရေးကိုယ်တာမဖော်ထုတ်နိုင်သော အချက်အလက်များကို ကောက်ယူ၊ အသုံးပြု၊ လွှဲပြောင်းပြီး ဖွင့်ထုတ်နိုင်ပါသည်။ ကောက်ယူသော အချက်အလက်များကို ကိုယ်ရေးကိုယ်တာမဖော်ထုတ်နိုင်သော စုစည်းဖောမတ်ဖြင့် ကျွန်ုပ်တို့ အသုံးပြုနိုင်ပုံ ဥပမာ အချို့ကို ကြည့်ပါ -

• ဤအချက်အလက်များတွင် အချို့သောဝန်ဆောင်မှုများကို သင်သုံးစဉ်က ထုတ်ပေးသော စာရင်းအင်းဒေတာများ (ဥပမာ - အထောက်အထားမဖော်ထုတ်နိုင်သော စက်ဆိုင်ရာအချက်အလက်များ၊ နေ့စဉ်သုံးစွဲနှုန်း၊ စာမျက်နှာကြည့်ခြင်းများ၊ စာမျက်နှာဖတ်သောကြာချိန်နှင့် ဆက်ရှင်ဖြစ်ရပ်များ) ပါဝင်နိုင်သည်။

• ကွန်ရက်စောင့်ကြပ်ဒေတာ (ဥပမာ - တောင်းဆိုချိန်၊ တောင်းဆိုကြိမ် သို့မဟုတ် တောင်းဆိုမှုအမှားအယွင်းများ စသည်)။

• အက်(ပ်)ချွတ်ယွင်းမှုဖြစ်စဉ်များ (ဥပမာ - အက်(ပ်)ချွတ်ယွင်းမှုဖြစ်ပြီးနောက် အလိုအလျောက် ထုတ်ပေးသော မှတ်တမ်းများ)။

ထိုသို့ကောက်ယူရခြင်း၏ ရည်ရွယ်ချက်မှာ ကျွန်ုပ်တို့ပေးထားသည့် ဝန်ဆောင်မှုများ ပိုကောင်းစေရန်ဖြစ်သည်။ စုစည်းရယူသည့် အချက်အလက် အမျိုးအစားနှင့် ပမာဏမှာ သင် ကျွန်ုပ်တို့၏ ထုတ်ကုန်ပစ္စည်းများ နှင့်/သို့မဟုတ် ဝန်ဆောင်မှု များကို မည်သို့အသုံးပြုသည် ဆိုသည့်အပေါ်တွင် မူတည်သည်။

ကျွန်ုပ်တို့သည် သင့်အား ပိုအသုံးဝင်သောအချက်အလက်များ ပံ့ပိုးနိုင်ရန်နှင့် ကျွန်ုပ်တို့၏ ဝက်ဘဆိုက်များ၊ ထုတ်ကုန်နှင့် ဝန်ဆောင်မှုများ၏ မည်သည့်အစိတ်အပိုင်းကို သင်စိတ်အဝင်စားဆုံးဖြစ်ကြောင်း နားလည်နိုင်ရန်အတွက် ဤအချက်အလက်များကို စုစည်းပါသည်။ ဥပမာ - ကျွန်ုပ်တို့သည် တစ်နေ့တာ၌ လှုပ်ရှားနေသော အသုံးပြုသူအရေအတွက်ကိုသာ သိရန်လိုနိုင်ပြီး ထိုနေ့တွင် မည်သူက လှုပ်ရှားနေသည်ကို သိရန်လိုမည်မဟုတ်သောကြောင့် စုစည်းဒေတာများသည် စာရင်းအင်းခွဲခြားစိတ်ဖြာမှုအတွက် လုံလောက်နိုင်သည်။ ကျွန်ုပ်တို့သည် ကိုယ်ရေးကိုယ်တာမဖော်ထုတ်နိုင်သောာ အချက်အလက်များထဲမှ သင့်ကိုယ်ရေးကိုယ်တာ ဒေတာများကို ခွဲခြားနိုင်ရန်နှင့် ၎င်းဒေတာ အမျိုးအစားနှစ်ခုကို သီးခြားခွဲသုံးရန် အတတ်နိုင်ဆုံး ကြိုးပမ်းမည်ဖြစ်ကြောင်း အာမခံသည်။ မည်သို့ပင်ဆိုစေ ကျွန်ုပ်တို့သည် ကိုယ်ရေးကိုယ်တာမဖော်ထုတ်နိုင်သော အချက်အလက်များကို ကိုယ်ရေးကိုယ်တာအချက်အလက်များနှင့် ပူးပေါင်းသည်ဆိုပါက ၎င်းအချက်အလက်များကို ပူးပေါင်းထားသရွေ့ကာလအတွင်း ကိုယ်ရေးကိုယ်တာ အချက်အလက်များအဖြစ် သဘောထားပါမည်။

၁.၂ ကျွန်ုပ်တို့ စုစည်းရယူထား သည့် ပုဂ္ဂိုလ်ရေးဆိုင်ရာ အချက်အလက် ကို ကျွန်ုပ်တို့ ဘယ်လိုသုံးမလဲ

ပုဂ္ဂိုလ်ရေးဆိုင်ရာ အချက်အလက်များကို စုစည်းရယူသည့် ရည်ရွယ်ချက် မှာ သင့်ကို ထုတ်ကုန်ပစ္စည်းနှင့်/ သို့မဟုတ် ဝန်ဆောင် မှုများပေးပြီး၊ ကျွန်ုပ်တို့ သည် ဥပဒေများ၊ စည်းမျဉ်းများနှင့် အခြားသော ထိန်းသိမ်းရန် အာဏာ အပ်နှင်းထားသည့် လိုအပ်ချက်များကို လိုက်နာသည်မှာ သေချာစေရန် ဖြစ်သည်။ ၎င်းတို့တွင် ပါဝင်သည်များမှာ -

• သင့်အား ကျွန်ုပ်တို့၏ ထုတ်ကုန်နှင့်/သို့မဟုတ် ဝန်ဆောင်မှုများ ပံ့ပိုးခြင်း၊ ကိုင်တွယ်ဆောင်ရွက်ခြင်း၊ ထိန်းသိမ်းခြင်း၊ တိုးတက်စေခြင်းနှင့် ဖွံ့ဖြိုးစေခြင်း ဥပမာ - ပေးပို့ခြင်း၊ အသက်သွင်းခြင်း၊ စိစစ်ခြင်း၊ ရောင်းချပြီးနောက်ပိုင်းဝန်ဆောင်မှုများပံ့ပိုးခြင်း၊ ဖောက်သည်ကူညီရေးရာနှင့် ကြော်ငြာခြင်း။

• ဆုံးရှုံးမှုနှင့် လိမ်လည်မှုမှ ကာကွယ်ရန် ရည်ရွယ်ချက်အတွက် လုံခြုံရေးအစီအမံများ အကောင်အထည်ဖော်ခြင်းနှင့် ထိန်းသိမ်းခြင်း ဥပမာ - အသုံးပြုသူများကို စိစစ်ခြင်းနှင့် အသုံးပြုသူအထောက်အထားကို စိစစ်ခြင်း။ ကျွန်ုပ်တို့သည် သင့်အချက်အလက်များကို အောက်ပါအခြေအနေနှစ်ရပ်နှင့် ညီချိန်၌ အလိမ်အညာတိုက်ဖျက်ရေး ရည်ရွယ်ချက်အတွက်သာ သုံးပါသည်။ ထိုသို့သုံးရန်လည်း လိုအပ်ပြီး အကဲဖြတ်ရန်သုံးသော ဒေတာများကို အသုံးပြုသူများနှင့် ဝန်ဆောင်မှုများကို ကာကွယ်ရန်အတွက် Xiaomi ၏ ဥပဒေကြောင်းနှင့် အညီသုံးပါသည်။

• စက်နှင့် ဝန်ဆောင်မှုများဆိုင်ရာ သင်၏မေးခွန်းများ သို့မဟုတ် တောင်းဆိုမှုများကို ကိုင်တွယ်ဖြေရှင်းခြင်း ဥပမာ - ဖောက်သည်မေးခွန်းများကို ဖြေခြင်း၊ စနစ်နှင့် အက်(ပ်)ဆိုင်ရာ အသိပေးချက်များပို့ခြင်း၊ ပွဲစဉ်များနှင့် ပရိုမိုးရှင်းများ (ဥပမာ - ဆုမဲများ) တွင် သင်၏ပါဝင်မှုကို စီမံခန့်ခွဲခြင်း။

• စျေးကွက်ရှာဖွေရေးနှင့် ပရိုမိုးရှင်းပစ္စည်းများ၊ အပ်ပဒိတ်များကဲ့သို့ သက်ဆိုင်ရာ ပရိုမိုးရှင်းလုပ်ဆောင်ချက်များ ဆောင်ရွက်ခြင်း။ ထိုသိုသော ပရိုမိုရှင်းပစ္စည်းများကို ရယူလိုခြင်းမရှိတော့ပါက သက်ဆိုင်ရာဥပဒေများအောက်တွင် အထူးပြုဖော်ပြထားခြင်းမရှိလျှင် မက်ဆေ့(ချ်)တွင် ဖော်ပြထားသော (မက်ဆေ့(ချ်)အောက်ခြေရှိ လင့်ကိုနှိပ်ပြီး စာရင်းမှဖြုတ်ခြင်းကဲ့သို့) နည်းလမ်းဖြင့် ဖယ်ရှားနိုင်သည်။ ကျေးဇူးပြု၍ "သင်၏လုပ်ပိုင်ခွင့်များ" ကို အောက်တွင် ကြည့်ပါ။

• အတွင်းပိုင်း ရည်ရွယ်ချက်များ ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများ အသုံးပြုခြင်းဆိုင်ရာ ကိန်းဂဏန်းအချက်အလက်များ ခွဲခြမ်းစိတ်ဖြာခြင်း၊ သုတေသနနှင့် ဖွံ့ဖြိုးရေး ဆောင်ရွက်ခြင်းတို့အားဖြင့် ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများကို တိုးတက်ကောင်းမွန်အောင် လုပ်ဆောင်ရန်။ ဥပမာ- ကွန်ပျူတာက လေ့လာသင်ယူခြင်း သို့မဟုတ် မော်ဒယ် အယ်လ်ဂိုရစ်သမ် လေ့ကျင့်ခြင်းကို သက်သေခံသတ်မှတ်မှု ပြန်လည် ပယ်ဖျက်ပြီးသည့်အခါ လုပ်ဆောင်သည်။

• စက်စွမ်းဆောင်ရည် အဆင့်မြှင့်ခြင်း ဥပမာ - သင့်အက်(ပ်)များ၏ မန်မိုရီသုံးနှုန်း သို့မဟုတ် CUP အသုံးပြုနှုန်းကို ခွဲခြမ်းစိတ်ဖြာခြင်း။

• ကျွန်ုပ်တို့၏ စီးပွားရေး လည်ပတ်လုပ်ဆောင်မှုများအတွက် သင်နှင့်ပတ်သက်သည့် အချက်အလက် သိမ်းဆည်းခြင်းနှင့် ထိန်းသိမ်းထားရှိခြင်း (ဥပမာ- စီးပွားရေးဆိုင်ရာ ကိန်းဂဏန်းများ) သို့မဟုတ် ကျွန်ုပ်တို့၏ ဥပဒေကြောင်းအရ တာဝန်ယူမှုကို ဆောင်ရွက်နိုင်ရန်။

• Xiaomi ၏ တရား၀င်အကျိုးစီးပွား (ဥပမာ GDPR လက်အောက်ရှိ တရားစီရင်မှုများ) အပေါ် အခြေခံ၍ ဆောင်ရွက်ခြင်း။ တရားဝင်အကျိုးစီးပွားတွင် ကျွန်ုပ်တို့၏ လုပ်ငန်းကို ပိုမိုထိရောက်စွာ ကိုင်တွယ်လည်ပတ်ပြီး ကျွန်ုပ်တို့၏ ထုတ်ကုန်များနှင့် ဝန်ဆောင်မှုများကို ပေးအပ်ခြင်း၊ (ဆုံးရှုံးမှုကာကွယ်ခြင်းနှင့် လိမ်လည်မှုတိုက်ဖျက်ခြင်းတို့ အပါအဝင်) ကျွန်ုပ်တို့ လုပ်ငန်းများ၊ စနစ်များ၊ ထုတ်ကုန်များ၊ ဝန်ဆောင်မှုများနှင့် ဖောက်သည်များကို လုံခြုံရေးအရ ကာကွယ်ခြင်း၊ အတွင်းပိုင်း စီမံခန့်ခွဲခြင်း၊ အတွင်းပိုင်းမူဝါဒများနှင့် လုပ်ငန်းစဉ်များကို လိုက်နာခြင်း၊ ဤမူဝါဒတွင် ဖော်ပြထားသော အခြား တရားဝင်အကျိုးစီးပွားတို့ ပါဝင်သည်။

ဥပမာ - ကျွန်ုပ်တို့ဝန်ဆောင်မှုများ၏ လုံခြုံရေးခိုင်မာစေရန်နှင့် ကျွန်ုပ်တို့အက်(ပ်)များ၏ စွမ်းဆောင်ရည်ကို ကျွန်ုပ်တို့ ပိုမိုနားလည်အောင်ကူညီနိုင်ရန်အတွက် ကျွန်ုပ်တို့သည် သင်၏အသုံးပြုမှုကြိမ်ရေ၊ ချွတ်ယွင်းချက်မှတ်တမ်း အချက်အလက်များ၊ အသုံးပြုမှုအလုံးစုံ၊ စွမ်းဆောင်ရည်ဒေတာနှင့် အက်(ပ်)အရင်းအမြစ်ကဲ့သို့ သက်ဆိုင်ရာ အချက်အလက်များကို မှတ်တမ်းတင်ထားနိုင်သည်။ ခွင့်ပြုချက်မရှိဘဲ ရောင်းချသူများက စက်ကို သော့ဖွင့်မှုများမှ ကာကွယ်ရန် အသုံးပြုသော ကွန်ပျူတာ၏ Xiaomi အကောင့် ID၊ အမှတ်စဉ်နံပါတ်နှင့် IP လိပ်စာ၊ သင့်မိုဘိုင်းစက်၏ အမှတ်စဉ်နံပါတ်နှင့် စက်အချက်အလက်များကို ကျွန်ုပ်တို့က ကောက်ယူနိုင်သည်။

• စက်အတွင်း ဝန်ဆောင်မှုများ ပံ့ပိုးပေးခြင်း သင့်စက်တွင် မှတ်စုများသုံးခြင်းကဲ့သို့ ကျွန်ုပ်တို့၏ ဆာဗာများနှင့် ချိတ်ရန်မလိုသော ဝန်ဆောင်မှုများပေးခြင်း။

• သင်၏ သဘောတူညီမှုဖြင့် အခြားသော ရည်ရွယ်ချက်များ

သင်၏အချက်အလက် (ပုဂ္ဂိုလ်ရေးဆိုင်ရာ အချက်အလက်များ ပါနိုင်ခြေရှိသည်) နှင့် ပတ်သက်၍ အသေးစိတ် ဥပမာများဖြင့် အသုံးပြုပုံ-

• သင်ဝယ်ယူထားသည့် Xiaomi ထုတ်ကုန်ပစ္စည်းများ သို့မဟုတ် ဝန်ဆောင်မှုများကို သင့်အတွက် အသက်သွင်းခြင်း နှင့် မှတ်ပုံတင်ခြင်း။

• Xiaomi အကောင့် ဖွင့်ခြင်းနှင့် ထိန်းသိမ်းစောင့်ရှောက်ခြင်း သင်က ကျွန်ုပ်တို့၏ ဝက်ဘဆိုက်များ သို့မဟုတ် ကျွန်ုပ်တို့၏ မိုဘိုင်းစက်များမှတစ်ဆင့် Xiaomi အကောင့်တစ်ခုဖွင့်ချိန်၌ ကောက်ယူထားသော ကိုယ်ရေးကိုယ်တာအချက်အလက်များကို သင့်အတွက် ကိုယ်ပိုင် Xiaomi အကောင့်နှင့် ပရိုဖိုင်စာမျက်နှာ ဖန်တီးရန် သုံးပါသည်။

• သင်၏ ဈေးဝယ်အမှာစာကို ဆောင်ရွက်ပေးခြင်း e-commerce အမှာစာ နှင့် ပတ်သက်သည့် အချက်အလက်ကို ဈေးဝယ် အမှာစာ ဆောင်ရွက်ပေးခြင်းအပြင် သုံးစွဲသူ အကူအညီနှင့် ပြန်လည်ပေးပို့ခြင်းအပါအဝင် ရောင်းချပြီးနောက် ဝန်ဆောင်မှုများ နှင့်ပတ်သက်သည်များ ဆောင်ရွက်ပေးခြင်းတွင် သုံးသည်။ ၎င်းအပြင် အမှာနံပါတ်အား ပေးပို့သူပါတနာနှင့် အမှာကို အပြန်အလှန်စစ်ရာ၌သာမက ပါဆယ်ပို့ခြင်းကို မှတ်တမ်းတင်ရာ၌လည်း သုံးပါမည်။ အမည်၊ လိပ်စာ၊ ဖုန်းနံပါတ်နှင့် စာပို့သင်္ကေတ အပါအဝင် လက်ခံသူ၏ အချက်အလက်ကို ပစ္စည်းပို့ရန်အတွက် သုံးပါမည်။ သင့်အီးမေးလ်လိပ်စာကို သင့်ထံ ပါဆယ်ပို့သည့်အခါ မည်သည့်နေရာတွင် ရောက်နေသည်ဆိုသည့် ခြေရာကောက် အချက်အလက်ပို့ရန် သုံးသည်။ ဝယ်ယူထားသည် ပစ္စည်းစာရင်းကို ဈေးဝယ်ဖြတ်ပိုင်း ပရင့်ထုတ်ရန်နှင့် ဈေးဝယ်သူက ပါဆယ်ထဲတွင် မည်သည့် ပစ္စည်း များပါသည်ကို ကြည့်နိုင်ရန်အတွက် သုံးသည်။

• Xiaomi Community တွင် ပါဝင်ခြင်း။ Xiaomi Community သို့မဟုတ် အခြား Xiaomi အင်တာနက် ပလက်ဖောင်းများနှင့် သက်ဆိုင်သော ကိုယ်ရေးကိုယ်တာအချက်အလက်များကို ပရိုဖိုင်စာမျက်နှာ ပြသခြင်း၊ အခြားအသုံးပြုသူများနှင့် အပြန်အလှန်ဆက်သွယ်ခြင်း၊ Xiaomi Community တွင် ပါဝင်ခြင်းတို့အတွက် သုံးနိုင်သည်။

• စနစ်ဝန်ဆောင်မှုမျး ပံ့ပိုးခြင်း။ စနစ်ဝန်ဆောင်မှုများ အသက်သွင်းရာတွင် အောက်ဖော်ပြပါ အချက်အလက်များကို သုံးသည် - GAID နံပါတ်၊ IMEI နံပါတ်၊ IMSI နံပါတ်၊ ဖုန်းနံပါတ်၊ စက် ID၊ စက်လည်ပတ်စနစ်၊ MAC လိပ်စာ၊ စက်အမျိုးအစား၊ စနစ်နှင့် စွမ်းဆောင်ရည်အချက်အလက်များ အပါအဝင် စက် သို့မဟုတ် SIM ကတ်ဆိုင်ရာ အချက်အလက်များနှင့် မိုဘိုင်း နိုင်ငံကုဒ်၊ မိုဘိုင်း ကွန်ရက်ကုဒ်၊ တည်နေရာ ဧရိယာကုဒ်နှင့် ဆဲ(လ်)အထောက်အထားအပါအဝင် တည်နေရာအချက်အလက်များ။

• အသက်သွင်းရာတွင် မအောင်မြင်သောအခါ ချွတ်ယွင်းချက်ရှာဖွေရန်။ တည်နေရာ အချက်အလက်ဖြင့် ဆင်းမ်ကဒ် အသက်သွင်းရာတွင် မအောင်မြင်သော အကြောင်းရင်း (ဥပမာ- စာတိုဝန်ဆောင်မှု (SMS) ဂိတ်ဝေးနှင့် ကွန်ရက်ချွတ်ယွင်းချက်)အား သုံးသပ်ပြီး ထိုဝန်ဆောင်မှု၏ ကွန်ရက် အော်ပရေတာသို့ ချွတ်ယွင်းချက်ကို အကြောင်းကြားပေးပါမည်။

• အခြားစနစ်ဝန်ဆောင်မှုများ ပံ့ပိုးခြင်း။ Xiaomi စနစ်ဝန်ဆောင်မှုကို သုံးချိန်၌ ကောက်ယူထားသော အချက်အလက်များအား အဆိုပါဝန်ဆောင်မှု၏ လုပ်ဆောင်ချက်များကို ဆောင်ရွက်ရန်နှင့် ဝန်ဆောင်မှုအဆင့်မြှင့်ခြင်းကို ပံ့ပိုးရန် သုံးပါသည်။ ဥပမာ - စနစ်ဝန်ဆောင်မှုများဆိုင်ရာ လှုပ်ရှားမှုများကို ဒေါင်းလုဒ်လုပ်ခြင်း၊ အပ်ပဒိတ်လုပ်ခြင်း၊ မှတ်ပုံတင်ခြင်း၊ အသုံးပြုဆောင်ရွက်ခြင်း သို့မဟုတ် အဆင့်မြှင့်ခြင်း။ ဥပမာ- သင်းမ်စတိုးမှ စုစည်းရယူထားသည့် ပုဂ္ဂိုလ်ရေးဆိုင်ရာအချက်အလက် သည် သင်၏ ဒေါင်းလုဒ်လုပ်ခြင်းနှင့် လျှောက်ကြည့်ထားသည့် မှတ်တမ်း ပေါ်အခြေခံပြီး ကိုယ်ပိုင် သင်းမ်အဖြစ် ထောက်ခံအကြုံပြု ဝန်ဆောင်မှုများကိုလုပ်ပေးသည်။

• စက်ကိုရှာဖွေခြင်း စက်ပျောက်လျှင် သို့မဟုတ် အခိုးခံရလျှင် Xiaomi ၏ စက်ရှာဖွေစနစ်အင်္ဂါရပ်နှင့်ရှာပြီး လုံခြုံအောင်လုပ်ရန် ကူညီနိုင်သည်။ သင့်စက်၏ တည်နေရာအချက်အလက်များကိုသုံးပြီး စက်ကို မြေပုံတွင်ရှာခြင်း၊ ဒေတာများကို အဝေးမှလှမ်းဖျက်ခြင်း သို့မဟုတ် စက်ကိုသော့ခတ်ခြင်းများ ပြုလုပ်နိုင်သည်။ စက်ရှာဖွေရေးအင်္ဂါရပ်ကို သုံးချိန်တွင် တည်နေရာအချက်အလက်ကို မိုဘိုင်းစက်မှ ဖမ်းယူသည်။ အချို့အခြေအနေများတွင် ဤအချက်အလက်ကို ဆဲ(လ်)တာဝါတိုင်များ သို့မဟုတ် Wi-Fi ဟော့စပေါ့များမှ ရနိုင်သည်။ ဤအင်္ဂါရပ်ကို ဆက်တင် > Xiaomi အကောင့် > Xiaomi ကလောက် > စက်ရှာဖွေစနစ် တွင် အချိန်မရွေး အဖွင့်အပိတ်လုပ်နိုင်သည်။

• ဓာတ်ပုံတွင် တည်နေရာအချက်အလက် မှတ်သားရန်။ ဓာတ်ပုံ ရိုက်ယူသောအခါ ဓာတ်ပုံတွင် တည်နေရာအချက်အလက်အား မှတ်သားနိုင်ပါသည်။ ဤအချက်အလက်အား ဓာတ်ပုံ ဖိုလ်ဒါ အတွင်းတွင် ကြည့်နိုင်ပါသည်။ ထို့အပြင် ဓာတ်ပုံ၏ ဂုဏ်သတ္တိအချက်အလက်တစ်ခုအဖြစ် ထည့်သွင်းထားပါမည်။ ဓာတ်ပုံ ရိုက်ယူသောအခါ ဓာတ်ပုံတွင် တည်နေရာအချက်အလက်အား မမှတ်သားလိုပါက ကင်မရာဆက်တင်တွင် အချိန်မရွေး ပိတ်နိုင်ပါသည်။

• မက်ဆေ့(ချ်)အင်္ဂါရပ်များ ပံ့ပိုးခြင်း (ဥပမာ - Mi Talk၊ Mi မက်ဆေ့(ချ်))။ သင်သည် Mi Talk ကို ဒေါင်းလုဒ်လုပ်ပြီး သုံးပါက Mi Talk က ကောက်ယူသော အချက်အလက်များကို ဤဝန်ဆောင်မှု အသက်သွင်းရန်နှင့် အသုံးပြုသူနှင့် မက်ဆေ့(ချ်)လက်ခံသူအား စိစစ်ရန် သုံးပါမည်။ ၎င်းအပြင် အသုံးပြုသူတစ်ဦးက အက်(ပ်)ကို ဖြုတ်ပြီးပြန်ထည့်လျှင် ချတ်မှတ်တမ်းပြန်တင်ခြင်း အဆင်ပြေစေရန်နှင့် စက်များအကြား ဆင့်(ခ်)လုပ်ခြင်းအတွက် ချတ်မှတ်တမ်းကို သိမ်းပါသည်။ ပို့သူနှင့် လက်ခံသူ၏ ဖုန်းနံပါတ်များနှင့် Mi မက်ဆေ့(ချ်) ID များကဲ့သို့ အချက်အလက်များအား Mi မက်ဆေ့(ချ်)အတွက် ဝန်ဆောင်မှုအသက်သွင်းရန်နှင့် မက်ဆေ့(ချ်)လမ်းကြောင်းပေးခြင်းအပါအဝင် ၎င်း၏ အခြေခံလုပ်နိုင်စွမ်းကို ဖွင့်ရန် သုံးနိုင်သည်။

• တည်နေရာအခြေပြုဝန်ဆောင်မှုများ ပေးခြင်း။ Xiaomi စနစ်ဝန်ဆောင်မှုများကို သုံးသည့်အခါ Android ပလက်ဖောင်း၏ တစ်စိတ်တစ်ဒေသအဖြစ် အသုံးပြုသူအတွေ့အကြုံ တတ်နိုင်သမျှ အကောင်းဆုံးဖြစ်ရေးအတွက် ပြင်ပပါတီဝန်ဆောင်မှုပေးသူများနှင့် လုပ်ငန်းပါတနာများသည် (ပိုမိုသိနိုင်ရန် "သင်၏ ကိုယ်ရေးကိုယ်တာအချက်အလက်များကို ကျွန်ုပ်တို့က မျှဝေ၊ လွှဲပြောင်းပြီး လူအများကြားချပြပုံ" ကို အောက်တွင်ကြည့်ပါ) သင့်အား ဝန်ဆောင်မှုပေးရန်နှင့် တည်နေရာအချက်အလက်များအကြောင်း တိတိကျကျ အသေးစိတ် (ဥပမာ မိုးလေဝသအသေးစိတ်) ပံ့ပိုးနိုင်ရန် တည်နေရာအချက်အလက်များကိုလည်း သုံးနိုင်သည်။ တည်နေရာဝန်ဆောင်မှုများကို ဆက်တင်တွင် ပိတ်နိုင်သည် သို့မဟုတ် အက်(ပ်)တစ်ခုစီအတွက် တည်နေရာဝန်ဆောင်မှုများသုံးခြင်းကို အချိန်မရွေးပိတ်နိုင်သည်။

• ဒေတာ၊ ဟာ့(ဒ်)ဝဲနှင့် ဆော့(ဖ်)ဝဲ ခွဲခြမ်းစိတ်ဖြာမှုများမှ တစ်ဆင့် အသုံးပြုသူအတွေ့အကြုံ တိုးတက်ရေး။ အသုံးပြုသူအတွေ့အကြုံ ပရိုဂရမ်ကဲ့သို့ ရွေးချယ်ဝင်ရောက်မှုအင်္ဂါရပ်အချို့သည် မိုဘိုင်းဖုန်း၊ Xiaomi စနစ်ဝန်ဆောင်မှုများနှင့် Xiaomi မှ ပံ့ပိုးသော အခြားဝန်ဆောင်မှုများကို အသုံးပြုသူများက အသုံးပြုပုံဆိုင်ရာ ဒေတာများကို Xiaomi အား ခွဲခြမ်းစိတ်ဖြာခွင့်ပြုပြီး ၎င်းက ချွတ်ယွင်းမှုအစီရင်ခံစာ ပို့ခြင်းကဲ့သို့ အသုံးပြုသူအတွေ့အကြုံကို တိုးတက်စေပါသည်။ Xiaomi သည် သုံးစွဲသူအတွေ့အကြုံကို ပိုမိုတိုးမြှင့်နိုင်ရန် ဟာ့ဒဝဲနှင့် ဆော့ဖဝဲ ဆန်းစစ်မှုများကိုလည်း ဆောင်ရွက်ပါမည်။

• လုံခြုံရေးအင်္ဂါရပ်ကို ပံ့ပိုးခြင်း။ ကောက်ယူထားသော အချက်အလက်များကို လုံခြုံရေးနှင့် လုံခြုံရေးအက်(ပ်)ရှိ စနစ်ထိန်းသိမ်းရေးအင်္ဂါရပ်များ၊ ဥပမာ - လုံခြုံရေးစကန်၊ ဓာတ်ခဲချွေတာစနစ်၊ ဘလော့စာရင်း၊ သန့်ရှင်းစက် စသည်တို့အတွက် သုံးနိုင်သည်။ ဤအင်္ဂါရပ်များအနက် အချို့ကို ပြင်ပပါတီဝန်ဆောင်မှုပေးသူများနှင့်/ သို့မဟုတ် ကျွန်ုပ်တို့၏ လုပ်ငန်းပါတနာများက လည်ပတ်သည် (ပိုမိုသိနိုင်ရန် "သင်၏ ကိုယ်ရေးကိုယ်တာအချက်အလက်များကို ကျွန်ုပ်တို့က မျှဝေ၊ လွှဲပြောင်းပြီး လူအများကြားချပြပုံ" ကို အောက်တွင်ကြည့်ပါ)။ ကိုယ်ရေးကိုယ်တာအချက်အလက်မဟုတ်သော ဗိုင်းရပ်သတ်မှတ်ချက်စာရင်းများကဲ့သို့ အချက်အလက်များကို လုံခြုံရေးစကန်လုပ်ဆောင်ချက်များအတွက် သုံးပါသည်။

• တွန်းပို့ဝန်ဆောင်မှု ပံ့ပိုးခြင်း။ ကြော်ငြာစွမ်းဆောင်ရည်များကို အကဲဖြတ်ရန်နှင့် စနစ်ထံမှ လျှော့ဈေးနှင့် ပရိုမိုးရှင်းများအကြောင်းအပါအဝင် ဆော့(ဖ်)ဝဲအပ်ပဒိတ်များ သို့မဟုတ် ထုတ်ကုန်အသစ်ကြေညာချက်များအကြောင်း အသိပေးချက်များပို့ပေးသော Xiaomi တွန်းပို့ဝန်ဆောင်မှုနှင့် Xiaomi အသိပေးချက်ဝန်ဆောင်မှုများကို ပံ့ပိုးပေးနိုင်ရန်အတွက် Xiaomi အကောင့် ID၊ GAID၊ FCM တိုကင်၊ Android ID နှင့် Space ID (Xiaomi စက်များတွင် ဒုတိယနေရာ အင်္ဂါရပ်ဖွင့်ထားမှသာ ရရှိနိုင်သည်) တို့ကိုလည်း အသုံးပြုပါမည်။ သင့်အား အထက်ပါဝန်ဆောင်မှုပေးနိုင်ရန် သက်ဆိုင်ရာအက်(ပ်)အချက်အလက်များ (အက်(ပ်)ဗားရှင်း ID၊ အက်(ပ်)ပက်ကေ့(ဂျ်)အမည်) နှင့် သက်ဆိုင်ရာစက်အချက်အလက်များ (မော်ဒယ်၊ တံဆိပ်) တို့ကိုလည်း ကောက်ယူပါမည်။ ကျွန်ုပ်တို့၏ ထုတ်ကုန်နှင့် ဝန်ဆောင်မှုများနှင့်/သို့မဟုတ် ရွေးချယ်ထားသော ပြင်ပပါတီများ၏ ထုတ်ကုန်နှင့် ဝန်ဆောင်မှုများကို ကမ်းလှမ်းရန် သို့မဟုတ် ကြော်ငြာများရန်အတွက် သင့်ထံသို့ တွန်းပို့မက်ဆေ့(ချ်)များ (ကျွန်ုပ်တို့ ဝန်ဆောင်မှုအတွင်းမှ မက်ဆေ့(ချ်)စနစ်ဖြင့်/ အီးမေး(လ်)ဖြင့်/ အခြားနည်းများဖြင့်) ပို့နိုင်ရန် ရည်ရွယ်၍ သင့်ကိုယ်ရေးကိုယ်တာအချက်အလက်များကို သုံးနိုင်သည်။ ၎င်းကို သက်ဆိုင်ရာ ဥပဒေများ၏ လိုအပ်ချက်အရ သင့်ထံမှ သဘောတူခွင့်ပြုချက်များနှင့် အညီသာ ဆောင်ရွက်ပါမည်။ ဆက်တင်တွင် စိတ်ကြိုက်များ ပြောင်းခြင်း သို့မဟုတ် Xiaomi တွန်းပို့ သုံးထားသော ပြင်ပပါတီ အက်(ပ်)/ဝက်ဘဆိုက်တွင် စိတ်ကြိုက်များကို စီမံခန့်ခွဲခြင်းဖြင့် ကျွန်ုပ်တို့နှင့် ပြင်ပပါတီများထံမှ ကြော်ငြာအချက်အလက်များ ရရှိခြင်းကို အချိန်မရွေး ဖြုတ်နိုင်သည်။ ကျေးဇူးပြု၍ "သင်၏လုပ်ပိုင်ခွင့်များ" ကို အောက်တွင် ကြည့်ပါ။

• အသုံးပြုသူအထောက်အထား စိစစ်ခြင်း။ Xiaomi သည် အသုံးပြုသူအထောက်အထားကို စိစစ်ရန်နှင့် ခွင့်ပြုချက်မရှိဘဲအကောင့်ဝင်ခြင်းကို ရှောင်ရန် ECV ကို သုံးသည်။

• သုံးစွဲသူ တုံ့ပြန်အကြံပြုချက်အား စုဆောင်းမည်။ သင် ရွေးချယ်တင်ပြသော တုံ့ပြန်အကြံပြုချက်သည် ကျွန်ုပ်တို့၏ Xiaomi ဝန်ဆောင်မှုများကို တိုးတက်ကောင်းမွန်အောင် လုပ်ဆောင်ရာတွင် အလွန်အကျိုးပြုပါသည်။ သင်၏ တုံ့ပြန်အကြံပြုချက်အား ဖြေရှင်းပေးရန် ပုဂ္ဂိုလ်ရေးဆိုင်ရာ အချက်အလက်ဖြင့် ပြဿနာဖြေရှင်းခြင်းနှင့် ဝန်ဆောင်မှုများကို တိုးတက်ကောင်းမွန်အောင် လုပ်ဆောင်ရာတွင် သင့်ထံ ဆက်သွယ်ပြီး မှတ်တမ်းကိုလည်း သိမ်းဆည်းထားပါမည်။

• အသိပေးချက်များ ပေးပို့မည်။ ပုဂ္ဂိုလ်ရေးဆိုင်ရာ အချက်အလက်များဖြင့် ငွေပေးချေမှု၊ ကျွန်ုပ်တို့၏ စည်းကမ်းချက်နှင့် ပေါ်လစီ ပြောင်းလဲမှုများ အပါအဝင် အရေးကြီးသော အသိပေးချက်များကို ပေးပို့ပါမည်။ အဆိုပါအချက်အလက်များသည် သင်နှင့် Xiaomi ဆက်သွယ်ရေးတွင် အလွန်အရေးကြီးသောကြောင့် ဤနို့တစ်များ လက်ခံခြင်းကို သဘောတူရန် အလေးအနက် အကြံပြုလိုပါသည်။

• ပရိုမိုးရှင်းလှုပ်ရှားမှုများ ဆောင်ရွက်ခြင်း။ သင်သည် Xiaomi လူမှုမီဒီယာပလက်ဖောင်းမှတစ်ဆင့် ကံစမ်းမဲ၊ ပြိုင်ပွဲ သို့မဟုတ် အလားတူ ပရိုမိုးရှင်းလှုပ်ရှားမှုတစ်ခုတွင် ပါဝင်ပါက ဆုရလျှင် ပို့နိုင်ရန်အတွက် သင်ပေးထားသော ကိုယ်ရေးကိုယ်တာအချက်အလက်များကို ကျွန်ုပ်တို့က သုံးနိုင်သည်။

• ကြော်ငြာအပါအဝင် စိတ်ကြိုက်ဝန်ဆောင်မှုများနှင့် အကြောင်းအရာများပေးခြင်း။ ကျွန်ုပ်တို့သည် သင့်အား ကြော်ငြာအပါအဝင် စိတ်ကြိုက်ထုတ်ကုန်များ၊ ဝန်ဆောင်မှုများနှင့် လုပ်ဆောင်ချက်များကို ပံ့ပိုးပေးရာတွင် သင့်ကိုယ်ရေးကိုယ်တာကို ကာကွယ်ရန်အတွက် သင့်အမည်၊ အီးမေး(လ်) သို့မဟုတ် အခြား သင်မှန်းတိုက်ရိုက်သိနိုင်သော အချက်အလက်များကို မသုံးဘဲ အထူးအညွှန်းနံပါတ် တစ်ခုကိုသာ သုံးပါသည်။

ကျွန်ုပ်တို့၏ ထုတ်ကုန်ပစ္စည်းများ၊ ဝန်ဆောင်မှုများ၊ အကြောင်းအရာနှင့် ကြော်ငြာခြင်းများကို ပေးရန်နှင့် တိုးတက်ကောင်းမွန်အောင်လုပ်ဆောင်ရန်အတွက် ကျွန်ုပ်တို့အနေဖြင့် ဤအချက်အလက်ကို အခြား အချက်အလက်များ (ကွန်ပျူတာများ၊ မိုဘိုင်းဖုန်းများ၊ စမတ်တီဗီများနှင့် အခြား ဆက်သွယ်ချိတ်ဆက်ထားသည့် စက်ကိရိယာများ ကဲ့သို့သော မတူညီသည့် ဝန်ဆောင်မှုများနှင့် စက်ကိရိယာများ၏ အချက်အလက်များ အပါအဝင်) နှင့် ပေါင်းပါမည်။

ဥပမာ ကျွန်ုပ်တို့သည် သင်၏ Xiaomi အကောင့်အသေးစိတ်ကို Xiaomi အကောင့်လိုသည့် သင်သုံးသော ဝန်ဆောင်မှုအားလုံးတွင် အသုံးပြုနိုင်သည်။ ထို့အပြင် သင်၏ အသုံးပြုသူအတွေ့အကြုံနှင့် ကျွန်ုပ်တို့၏ ဝန်ဆောင်မှုများ ပိုတိုးတက်စေရန်အတွက် သက်ဆိုင်ရာ ဥပဒေများနှင့် စည်းမျဉ်းစည်းကမ်းများကို (လိုအပ်သောနေရာ၌) လိုက်နာပြီး သင့်ထံမှ သဘောတူခွင့်ပြုချက်ယူလျက် အကြံဉာဏ်များ၊ စိတ်ကြိုက်အကြောင်းအရာများနှင့် စိတ်ကြိုက်အင်္ဂါရပ်များ ပံ့ပိုးရာ၌ သုံးမည့် အညွှန်းတစ်ခုပြုလုပ်ရန် ထုတ်ကုန်နှင့် ဝန်ဆောင်မှုအမျိုးမျိုး သို့မဟုတ် သင့်ထံမှ သို့မဟုတ် သင်နှင့်သက်ဆိုင်သော ပစ္စည်းများ၏ အချက်အလက်များကို ရွေးထုတ်နိုင်သည်။

စိတ်ကြိုက်ကြော်ငြာများကို ဥပမာအားဖြင့် သင်၏လှုပ်ရှားမှု၊ အသုံးပြုမှု၊ ကျွန်ုပ်တို့၏ အက်(ပ်)များနှင့် ဝန်ဆောင်မှုများဆိုင်ရာ စိတ်ကြိုက်ရွေးချယ်မှုများအပေါ် အခြေခံပြီး ပံ့ပိုးသည်။ ကျွန်ုပ်တို့သည် အထက်ဖော်ပြပါ အချက်အလက်များကို ခွဲခြမ်းစိတ်ဖြာခြင်း၊ အစိတ်အပိုင်းများတည်ဆောက်ခြင်း (မျှဝေထားသော လက္ခဏာများနှင့် အုပ်စုများ) နှင့် သင့်ကိုယ်ရေးကိုယ်တာအချက်အလက်များကို တစ်ခု သို့မဟုတ် တစ်ခုထက်ပိုသော အစိတ်အပိုင်းများတွင် ထားရှိခြင်းတို့အားဖြင့် ပရိုဖိုင်များကို ပြုလုပ်သည်။ ရည်ရွယ်သော ကြော်ငြာများကို သက်ဆိုင်ရာ ဥပဒေများ၏ လိုအပ်ချက်အရ သင့်ထံမှ သဘောတူခွင့်ပြုချက်များနှင့် အညီသာ ဆောင်ရွက်ပါမည်။ သင့်တွင် တိုက်ရိုက်စျေးကွက်ရှာဖွေမှုရည်ရွယ်ချက်များနှင့် ဆောင်ရွက်ခြင်းအပါအဝင် စိတ်ကြိုက်ကြော်ငြာများလက်ခံခြင်းနှင့် ပရိုဖိုင်တွင် တွဲခြင်းတို့ကို အချိန်မရွေး ရှောင်ဖယ်ခွင့်ရှိသည်။

အထက်ဖော်ပြပါ ပေါင်းစည်းမှုနှင့် သက်ဆိုင်ရာဥပဒေများ၏ လိုအပ်ချက်များနှင့်အညီ ကျွန်ုပ်တို့သည် သင့်အား အဆိုပါအကန့်ခွဲခြင်းနှင့် စိတ်ကြိုက်ပြုလုပ်ခြင်းတို့အတွက် အထူးထိန်းချုပ်ယန္တရားများ ပံ့ပိုးပါမည်။ သင့်တွင် ကျွန်ုပ်တို့ထံမှ တိုက်ရိုက်စျေးကွက်ရှာဖွေမှုနှင့် အလိုအလျောက် ဆုံးဖြတ်ချက်ချမှုများ လက်ခံရရှိနေခြင်းကို ရှောင်ဖယ်ခွင့် ရှိပါသည်။ ဤအခွင့်အရေးများကို ကျင့်သုံးရန်အတွက် ဆက်တင် > စကားဝှက်နှင့် လုံခြုရေး > ကိုယ်ရေးအချက်အလက်လုံခြုံမှု > ကြော်ငြာဝန်ဆောင်မှုများ သို့မဟုတ် ဆက်တင် > စကားဝှက်နှင့် လုံခြုရေး > စနစ်လုံခြုံရေး > ကြော်ငြာဝန်ဆောင်မှုများတွင် ဤအင်္ဂါရပ်များကို အချိန်မရွေး အဖွင့်အပိတ်လုပ်နိုင်သည်၊ သို့မဟုတ် https://privacy.mi.com/support မှတစ်ဆင့် ကျွန်ုပ်တို့ထံဆက်သွယ်နိုင်သည်၊ သို့မဟုတ် ထုတ်ကုန်တစ်ခုစီ၏ သီးခြား ကိုယ်ရေးအချက်အလက်လုံခြုံမှုမူဝါဒတွင် ဖော်ပြထားသော ထိန်းချုပ်ယန္တရားများအတိုင်း ဆောင်ရွက်နိုင်သည်။ ကျေးဇူးပြု၍ "သင်၏လုပ်ပိုင်ခွင့်များ" ကို အောက်တွင် ကြည့်ပါ။

၂။ ကွတ်ကီးများနှင့် အခြားနည်းပညာများကို ကျွန်ုပ်တို့အသုံးပြုပုံ

ကွတ်ကီးများ၊ ဝက်ဘဆိုက်ဘေကွန်များ၊ ပစ်ဆယ်တဂ်များကဲ့သို့ နည်းပညာများကို Xiaomi နှင့် ကျွန်ုပ်တို့၏ ပြင်ပပါတီဝန်ဆောင်မှုပေးသူများ၊ လုပ်ငန်းပါတနာများက အသုံးပြုပါသည်။ (ပိုမိုသိနိုင်ရန် "သင်၏ ကိုယ်ရေးကိုယ်တာအချက်အလက်များကို ကျွန်ုပ်တို့က မျှဝေ၊ လွှဲပြောင်းပြီး လူအများကြားချပြပုံ" ကို အောက်တွင်ကြည့်ပါ)။ ဤနည်းပညာများကို ခေတ်စားနေသည်များကို ဆန်းစစ်ရန်၊ ဝက်ဘဆိုက်စီမံခန့်ခွဲရန်၊ ဝက်ဘဆိုက်အတွင်း အသုံးပြုသူများ၏ လှုပ်ရှားမှုကို ခြေရာခံရန်နှင့် အသုံးပြုသူများအား ကျား/မ အ လူဦးရေစာရင်း ခြုံငုံကောက်ရန် အသုံးပြုပါသည်။ ဤနည်းပညာကို အခြခံ၍ ကုမ္ပဏီ သို့မဟုတ် တစ်ဦးချင်း စိစစ်လေ့လာသော အစီရင်ခံစာများ လက်ခံရရှိပါမည်။ ဤနည်းပညာများသည် ကျွန်ုပ်တို့အား အသုံးပြုသူများ၏ အမူအကျင့်များကို သိနိုင်ရန် ကူညီသည်၊ ကျွန်ုပ်တို့ဝက်ဘဆိုက်၏ မည်သည့်အပိုင်းကို လူကြည့်များကြောင်း ပြောပြသည်၊ ကြော်ငြာများနှင့် ဝက်ဘဆိုက်များရှာဖွေရေးအတွက် ထိရောက်မှုကို တိုင်းတာရာတွင် လွယ်ကူစေသည်။

• မှတ်တမ်းဖိုင်များ- ဝက်ဘ်ဆိုက် အများစု ကဲ့သို့ပင် ကျွန်ုပ်တို့သည် အချက်အလက်များအား စုဆောင်းပြီး မှတ်တမ်းဖိုင်များတွင် သိမ်းဆည်းထားပါမည်။ ဤအချက်အလက်များတွင် IP လိပ်စာ၊ ဘရောက်ဇာအမျိုးအစား၊ အင်တာနက်ဝန်ဆောင်မှု ပံ့ပိုးသူ (ISP)၊ မှီငြမ်း/အထွက် စာမျက်နှာများ၊ စက်လည်ပတ်စနစ်၊ ရက်စွဲ/အချိန် တံဆိပ် နှင့်/သို့မဟုတ် ကလစ်မှတ်တမ်းဒေတာများ ပါဝင်နိုင်သည်။ အလိုအလျောက် စုဆောင်းသော ဤမှတ်တမ်းဒေတာများအား အခြား အချက်အလက်များနှင့် ချိတ်ဆက်မည် မဟုတ်ပါ။

• အတွင်းပိုင်း သိုလှောင်ခန်း – HTML5/Flash- ကျွန်ုပ်တို့သည် အတွင်းပိုင်း သိုလှောင်မှု အရာ (LSO) ၊ ဥပမာ- HTML5 သို့မဟုတ် Flash ဖြင့် အကြောင်းအရာနှင့် ဦးစားပေးချက်များအား သိုလှောင်ပါမည်။ သင်၏ ဝက်ဘ်ဆိုဒ်ကြည့်ရှုမှုအပေါ် မူတည်၍ ကျွန်ုပ်တို့နှင့် ပူး​ပေါင်း​ဆောက်ရွက်သော ပြင်ပအဖွဲ့အစည်းမှ HTML5 သို့မဟုတ် ဖလက်ရှ်ကွတ်ကီးဖြင့် အချက်အလက်များကို စုဆောင်း၊ သိမ်းဆည်းပါမည်။ ဘရောက်ဇာများမှ HTML5 LSO အား ဖယ်ရှားရန် ကိုယ်ပိုင် စီမံဖြေရှင်းရေး တူးလ်များ ရှိပါသည်။ သင့်ဖလက်(ရှ်)ကွတ်ကီးများကို စီမံခန့်ခွဲရန် ဤနေရာကိုနှိပ်ပါ။

• ကြော်ငြာကွတ်ကီးများ - ကျွန်ုပ်တို့သည် ကျွန်ုပ်တို့၏ ဝက်ဘဆိုက်တွင် ကြော်ငြာပြသရန် သို့မဟုတ် ကြော်ငြာများကို အခြားဆိုက်များတွင် စီမံခန့်ခွဲရန်အတွက် ပြင်ပပါတီဝန်ဆောင်မှုပေးသူများ၊ လုပ်ငန်းပါတနာများနှင့် လက်တွဲဆောင်ရွက်ပါသည် (ပိုမိုသိနိုင်ရန် "သင်၏ ကိုယ်ရေးကိုယ်တာအချက်အလက်များကို ကျွန်ုပ်တို့က မျှဝေ၊ လွှဲပြောင်းပြီး လူအများကြားချပြပုံ" ကို အောက်တွင်ကြည့်ပါ)။ ကျွန်ုပ်တို့၏ ပြင်ပပါတီ ဝန်ဆောင်မှုပေးသူများနှင့် လုပ်ငန်းပါတနာများသည် သင့်အွန်လိုင်း လှုပ်ရှားမှုများနှင့် စိတ်ဝင်စားမှုများဆိုင်ရာ အချက်အလက်များ ကောက်ယူပြီး သင့်ပရိုဖိုင်၊ စိတ်ဝင်စားမှုတို့နှင့် အကိုက်ညီဆုံး ကြော်ငြာများပေးနိုင်ရန်အတွက် ကြော်ငြာကွက်ကီးများသုံးနိုင်သည်။ ကြော်ငြာဝန်ဆောင်မှုအား မပံ့ပိုးမီ သင့်ထံ သဘောတူခွင့်ပြုချက် တောင်းခံပါမည်။ ဤအချက်အလက်များအား သင့်စိတ်ဝင်စားမှုကိုအခြေခံသော ကြော်ငြာများ ပို့ရန် ရည်ရွယ်ချက်အတွက် မသုံးစေလိုပါက ကွတ်ကီးဆက်တင်ကိုပြောင်းပြီး ဖြုတ်နိုင်ပါသည်။

• မိုဘိုင်း ခွဲခြမ်းစိတ်ဖြာမှုများ - ကျွန်ုပ်တို့သည် ကျွန်ုပ်တို့၏ ဝက်ဘဆိုက်ကို ဝင်ကြည့်သူများ အနေနှင့် မည်သို့ မည်ပုံ ဝင်ကြည့်သည်ဟူသော အချက်အလက်များကို ကောက်ယူရန် ကျွန်ုပ်တို့၏ မိုဘိုင်းအက်(ပ်)များအတွင်း Analytics ကွတ်ကီးများကို သုံးပါသည်။ ဤကွတ်ကီးများက အက်(ပ်)ကို သင်အသုံးပြုသည့် ကြိမ်နှုန်း၊ အက်(ပ်)တွင်း ဖြစ်ပေါ်သော ဖြစ်ရပ်များ၊ ပေါင်းစည်းအသုံးပြုမှု၊ စွမ်းဆောင်ရည်ဒေတာနှင့် အက်(ပ်)အတွင်း ချွတ်ယွင်းချက်များ ဖြစ်ပေါ်သည့် နေရာ ကဲ့သို့ အချက်အလက်များကို ကောက်ယူပါသည်။ ကျွန်ုပ်တို့သည် Analytics ဆော့(ဖ်)ဝဲအတွင်း သိမ်းထားသော အချက်အလက်များကို အက်(ပ်)အတွင်း သင်တင်ထားသော ကိုယ်ရေးကိုယ်တာအချက်အလက်တစ်ခုနှင့်မျှ လင့်ချိတ်မည်မဟုတ်ပါ။

၃။ သင့်ကိုယ်ရေးအချက်အလက်များအား ကျွန်ုပ်တို့မှ ကောက်ယူပုံ၊ အသုံးပြုပုံနှင့် အများပြည်သူထံ ထုတ်ဖော်ပြသပုံ

၃.၁ မျှဝေခြင်း

ကျွန်ုပ်တို့သည် သင်၏ ပုဂ္ဂိုလ်ရေးဆိုင်ရာ အချက်အလက်များကို မရောင်းချပါ။

ကျွန်ုပ်တို့အနေဖြင့် တခါတရံ သင်၏ ပုဂ္ဂိုလ်ရေးဆိုင်ရာ အချက်အလက်ကို၊ သင်၏လိုအပ်ချက်အပေါ်မူတည်ပြီး ထုတ်ကုန်ပစ္စည်းနှင့် ဝန်ဆောင်မှုများပေးခြင်းအပါအဝင်၊ ကျွန်ုပ်တို့၏ ထုတ်ကုန်ပစ္စည်းများ သို့မဟုတ် ဝန်ဆောင်မှုများကို ပေးရန် သို့မဟုတ် တိုးတက်ကောင်း မွန်အောင်လုပ်ရန်အတွက် ပြင်ပအဖွဲ့အစည်းများ(အောက်တွင် ဖော်ပြထားသည့်အတိုင်း) နှင့် မျှဝေပါမည်။ ဒေတာမျှဝေခြင်းဆိုင်ရာ နောက်ထပ် အချက်အလက်များကို အောက်တွင် ဖော်ပြထားသည်။

၃.၁.၁ သင် တက်ကြွစွာ ရွေးချယ်မှု သို့မဟုတ် တောင်းဆိုမှုကြောင့် မျှဝေခြင်း

ကျွန်ုပ်တို့သည် သင့်ထံမှ သဘောတူခွင့်ပြုမှု သို့မဟုတ် တောင်းဆိုမှုအရ သင်၏ကိုယ်ရေးကိုယ်တာအချက်အလက်များကို သင်ရွေးချယ်သတ်မှတ်ထားသော ပြင်ပပါတီများထံသို့ သင်၏သဘောတူခွင့်ပြုမှု/ တောင်းဆိုမှု ဘောင်အတွင်းမှ မျှဝေပါမည် (ဥပမာ - သင်သည် Xiaomi အကောင့်ကို အကောင့်ဝင်ရန် ပြင်ပပါတီဝက်ဘဆိုက် သို့မဟုတ် အက်(ပ်)တစ်ခုကို သုံးချိန်)။

၃.၁.၂ ကျွန်ုပ်တို့၏အုပ်စုနှင့် အချက်အလက် မျှဝေခြင်း

လုပ်ငန်းလည်ပတ်မှုများကို အောင်မြင်စွာဆောင်ရွက်နိုင်ရန်နှင့် ကျွန်ုပ်တို့ထုတ်ကုန်နှင့် ဝန်ဆောင်မှုများ၏ အင်္ဂါရပ်အားလုံးကို သင့်ထံဆောင်ကြဉ်းပေးနိုင်ရန်အတွက် သင့်ကိုယ်ရေးကိုယ်တာအချက်အလက်များကို Xiaomi ၏ တွဲဖက်များနှင့် အခါအားလျော်စွာ မျှဝေနိုင်သည်။

၃.၁.၃ ကျွန်ုပ်တို့၏ Ecosystem ကုမ္ပဏီများနှင့် မျှဝေခြင်း

Xiaomi သည် ကုမ္ပဏီများအဖွဲ့နှင့် လက်တွဲအလုပ်လုပ်ပြီး Xiaomi ဂေဟစနစ်ကို တည်ဆောက်သည်။ Xiaomi ဂေဟစနစ် ကုမ္ပဏီများသည် Xiaomi မှ ရင်းနှီးမြှုပ်နှံသော၊ ပြုစုပျိုးထောင်သော သီးခြားအဖွဲ့အစည်းများဖြစ်ပြီး ၎င်းတို့ နယ်ပယ်များတွင် ကျွမ်းကျင်ပညာရှင်များ ဖြစ်ကြပါသည်။ Xiaomi သည် သင့်အား ဂေဟစနစ်ကုမ္ပဏီများမှ လက်ရှိထုတ်ကုန်နှင့် ဝန်ဆောင်မှုများ (ဟာ့(ဒ်)ဝဲနှင့် ဆော့(ဖ်)ဝဲနှစ်မျိုးလုံး) ပံ့ပိုးနိုင်ရန်နှင့် ၎င်းတို့တိုးတက်စေရန်အတွက် သင့်ကိုယ်ရေးကိုယ်တာအချက်အလက်များကို ဂေဟစနစ်ကုမ္ပဏီများသို့ ဖွင့်ထုတ်နိုင်သည်။ အချို့ ထုတ်ကုန် သို့မဟုတ် ဝန်ဆောင်မှုများသည် Xiaomi တံဆိပ်ကို သုံးပြီး အချို့သည်လည်း ကိုယ်ပိုင်တံဆိပ်ကို အသုံးပြုမည် ဖြစ်ပါသည်။ ဂေဟစနစ်ကုမ္ပဏီများသည် Xiaomi တံဆိပ်အောက်မှ ထုတ်ကုန်နှင့် ဝန်ဆောင်မှုများနှင့် သက်ဆိုင်သော ဟာ့(ဒ်)ဝဲနှင့် ဆော့(ဖ်)ဝဲ ဝန်ဆောင်မှုများပေးရာတွင် ပိုကောင်းသော အင်္ဂါရပ်များနှင့် အသုံးပြုသူအတွေ့အကြုံကို ပေးနိုင်ရန်အတွက် အချက်အလက်များကို Xiaomi နှင့် အခါအားလျော်စွာ မျှဝေနိုင်သည်။ Xiaomi သည် ပုဂ္ဂိုလ်ရေးဆိုင်ရာ အချက်အလက်များအား လုပ်ဆောင်ရာတွင် ပုဂ္ဂိုလ်ရေးဆိုင်ရာ အချက်အလက်များကို ကုဒ်ဖွဲ့ခြင်းတွင် ကန့်သတ်မှုမရှိခြင်းအပါအဝင် လုံခြုံရေးကိစ္စများကို သေချာစေရန်အတွက် သင့်လျော်သော စီမံခန့်ခွဲမှုနှင့် နည်းပညာဆိုင်ရာ လုပ်ဆောင်မှုများကို ပြုလုပ်သည်။

၃.၁.၄။ ပြင်ပပါတီဝန်ဆောင်မှုပေးသူများ၊ လုပ်ငန်းပါတနာများနှင့် မျှဝေခြင်း

ဤပုဂ္ဂိုလ်ရေးလုံခြုံမှု မူဝါဒတွင် ဖော်ပြထားသည့်အတိုင်း သင့်အား ထုတ်ကုန်နှင့် ဝန်ဆောင်မှုများ ပံ့ပိုးနိုင်ရန် ကျွန်ုပ်တို့သည် လိုအပ်လျှင် သင့်ကိုယ်ရေးကိုယ်တာအချက်အလက်များကို ပြင်ပပါတီဝန်ဆောင်မှုပေးသူများ၊ လုပ်ငန်းပါတနာများနှင့် မျှဝေပါမည်။

၎င်းတွင် ကျွန်ုပ်တို့၏ ပစ္စည်းပို့ဝန်ဆောင်မှုပေးသူများ၊ ဒေတာစင်တာများ၊ ဒေတာသိမ်းစက်ရုံများ၊ ဖောက်သည်ကူညီရေးရာ ဝန်ဆောင်မှုပေးသူများ၊ ကြော်ငြာနှင့် ဈေးကွက်ဆိုင်ရာ ဝန်ဆောင်မှုပေးသူများ၊ အခြားလုပ်ငန်းပါတနာများ ပါဝင်နိုင်သည်။ ဤပြင်ပအဖွဲ့အစည်းများသည် သင်၏ပုဂ္ဂိုလ်ရေး ဆိုင်ရာ အချက်အလက် လုပ်ဆောင်ခြင်း၊ သို့မဟုတ် ဤကိုယ်ရေးအချက်အလက် ပေါ်လစီ၏ရည်ရွယ်ချက် တစ်ခုထက်မကအတွက် လုပ်ဆောင်ခြင်းကို Xiaomi ၏ကိုယ်စား ဆောင်ရွက်ပါမည်၊ သင့်အား ဝန်ဆောင်မှုပေးနိုင်ရန်အတွက် ကိုယ်ရေးကိုယ်တာအချက်အလက်များကို မျှဝေခြင်းသည် တရားဝင်၊ ဥပဒေအရ လိုအပ်မှုအရ တိကျခိုင်မာသည့် အထူးရည်ရွယ်ချက်များအတွက်သာ ဖြစ်ကြောင်း ကျွန်ုပ်တို့ အာမခံပါသည်။ Xiaomi သည် ပြင်ပပါတီ ဝန်ဆောင်မှုပေးသူများကို ၎င်းတို့သည် သက်ဆိုင်ရာ ပုဂ္ဂိုလ်ရေးလုံခြုံမှု ဥပဒေများကို သင်၏ တရားစီရင်ပိုင်ခွင့်တွင် လေးစားလိုက်နာမှု ရှိစေရန် သဘောတူစာချုပ်များဖြင့် ဝီရိယထား ဆောင်ရွက်ပါသည်။ ပြင်ပအဖွဲ့အစည်း ဝန်ဆောင်မှုပေးသူများတွင် ၎င်းတို့၏ လုပ်ငန်းခွဲများရှိသည်မှာ ရံဖန်ရံခါမှသာ ဖြစ်ပါသည်။

လုပ်ဆောင်နိုင်စွမ်း တိုင်းတာမှုပေးရန်၊ ခွဲခြမ်းစိတ်ဖြာရန်နှင့် အခြား စီးပွားရေး ဝန်ဆောင်မှုများပေးရန်အတွက် ကျွန်ုပ်တို့အနေဖြင့် ပြင်ပအဖွဲ့အစည်းများ(ကျွန်ုပ်တို့ ဝက်ဘ်ဆိုက်တွင် ကြော်ငြာသူများ စသဖြင့်) နှင့် လည်း အချက်အလက်များ(ပုဂ္ဂိုလ်ရေးဆိုင်ရာ မပါသည့် အချက်အလက်) ကို စုပေါင်းခြုံငုံပုံစံဖြင့် မျှဝေပါသည်။ အဆိုပါ အချက်အလက်ကို ကျွန်ုပ်တို့သည် ကြော်ငြာသူများနှင့် အခြား စီးပွားရေး ပါတနာများက ၎င်းတို့၏ ကြော်ငြာနှင့်ဝန်ဆောင်မှုများ ထိရောက်မှုရှိမရှိ၊ လွှမ်းခြုံမှုရှိမရှိတို့ကို အကဲဖြတ်ရာတွင် အကူအညီပေးရန် အတွက်နှင့် ၎င်းတို့၏ ဝန်ဆောင်မှုများသုံးနေသည့် သူ အမျိုးအစားများကို နားလည်စေရန်နှင့် ၎င်းတို့၏ ဝက်ဘ်ဆိုက်များ၊ အက်ပ်များနှင့် ဝန်ဆောင်မှုများကို လူအများမည်သို့ အပြန်အလှန် ပြုမူသည် ဆိုသည်ကို နားလည်စေရန် အတွက် အသုံးပြုပါသည်။ ကျွန်ုပ်တို့အနေဖြင့် ဥပမာ − ပစ္စည်းများကို ဝယ်ယူသည့် သို့မဟုတ် အရောင်းအဝယ်များတွင် ပါဝင်သည့် အုပ်စုတစ်ခုအတွင်းရှိ ဝယ်ယူသုံးစွဲသူအရေအတွက် ကဲ့သို့သော ၎င်းတို့နှင့် ကျွန်ုပ်တို့၏ဝန်ဆောင်မှု အတွက် ယေဘုယျ သုံးစွဲမှု ဦးတည်ရာ လမ်းကြောင်းကိုလည်း မျှဝေပါသည်။

၃.၁.၅ အခြား

Xiaomi သည် ဥပဒေလိုအပ်ချက်များ၊ ဥပဒေလုပ်ထုံးလုပ်နည်းများ၊ တရားစွဲဆိုခြင်းနှင့်/ သို့မဟုတ် လူထုကိုယ်စားလှယ်များနှင့် အစိုးရကိုယ်စားလှယ်များမှ တောင်းဆိုခြင်းများအရ သင့်ကိုယ်ရေးကိုယ်တာအချက်အလက်များကို ဖွင့်ထုတ်ရန် လိုနိုင်သည်။ အကယ်၍ အဆိုပါ ထုတ်ဖော်ပြသမှုသည် နိုင်ငံတော် လုံခြုံရေးအတွက်၊ ဥပဒေ စိုးမိုးရေးအတွက်၊ သို့မဟုတ် ပြည်သူလူထုအတွက် အရေးကြီးသည့် အခြားသော ကိစ္စရပ်များအတွက် လိုအပ်လျှင် သို့မဟုတ် သင့်လျော်လျှင်၊ ကျွန်ုပ်တို့ သင့်အကြောင်း အချက်အလက်ကို ထုတ်ဖော်ပြသပါမည်။

ကျွန်ုပ်တို့၏ စည်းမျဉ်းစည်းကမ်းများကို လိုက်နာရန် သို့မဟုတ် ကျွန်ုပ်တို့၏ လုပ်ငန်း၊ ရပိုင်ခွင့်များ၊ ပိုင်ဆိုင်မှုများ သို့မဟုတ် ထုတ်ကုန်များကို ကာကွယ်ရန် သို့မဟုတ် အသုံးပြုသူများကို ကာကွယ်ရန် သို့မဟုတ် အောက်ပါရည်ရွယ်ချက်များ (လိမ်လည်မှုများ၊ ထုတ်ကုန်ကို တရားမဝင်အသုံးပြုခြင်း၊ ကျွန်ုပ်တို့၏ စည်းမျဉ်းစည်းကမ်းများ သို့မဟုတ် မူဝါဒများအား ချိုးဖောက်ခြင်း၊ သို့မဟုတ် အခြား အန္တရာယ်ရှိသော သို့မဟုတ် ဥပဒေနှင့်မညီသော လှုပ်ရှားမှုများကို ဖော်ထုတ်၊ ကာကွယ်၊ ဖြေရှင်းရန်) အတွက် ကျိုးကြောင်းဆီလျော်စွာ ဖွင့်ထုတ်မှုလိုအပ်လျှင် ကျွန်ုပ်တို့က သင့်အချက်အလက်များကို ဖွင့်ထုတ်ပါမည်။ Xiaomi သည် သင်၏ ကိုယ်ရေးကိုယ်တာ အချက်အလက်များကို ကောက်ယူခြင်း၊ အသုံးပြုခြင်း သို့မဟုတ် ဖွင့်ထုတ်ခြင်းတို့အား သက်ဆိုင်ရာ ဒေတာကာကွယ်ရေးဥပဒေများအရ အတိုင်းအတာတစ်ခုအထိ ခွင့်ပြုမှသာ ဆောင်ရွက်ပါသည်။ ၎င်းတွင် သင်၏ကိုယ်ရေးကိုယ်တာအချက်အလက်များကို လူထုကိုယ်စားလှယ်များ သို့မဟုတ် အစိုးရကိုယ်စားလှယ်များထံ ပေးအပ်ခြင်း သို့မဟုတ် လိမ်လည်မှု၊ ချိုးဖောက်မှုများနှင့် အခြားအန္တရာယ်ရှိသော အပြုအမူများမှ ကာကွယ်ရန်အတွက် သင့်အကောင့်၏ စိတ်ချရမှုအကြောင်းကို ပြင်ပပါတီပါတနာများနှင့် ဆက်သွယ်ဆောင်ရွက်ခြင်းတို့ ပါဝင်သည်။

ထို့အပြင်၊ ကျွန်ုပ်တို့အနေဖြင့် သင်၏ပုဂ္ဂိုလ်ရေးဆိုင်ရာ အချက်အလက်ကို အောက်ဖော်ပြပါတို့နှင့် မျှဝေ ပါမည်-

• ကျွန်ုပ်တို့၏ စာရင်းကိုင်များ၊ စာရင်းစစ်များ၊ ရှေ့နေများ သို့မဟုတ် အလားတူအကြံပေးများထံမှ ကျွမ်းကျင်အကြံဉာဏ်များပေးရန် တောင်းဆိုသည့်အခါ။

• အမှန်တကယ် သို့မဟုတ် ရောင်းချရန်အလားအလာ ရှိသည့်၊ သို့မဟုတ် Xiaomi Group ၏ဖြစ်တည်မှုနှင့် ပတ်သက်နေသည့် အခြားသော ပူးပေါင်းဆောင်ရွက်မှုတွင် ပါဝင်သည့် ရင်းနှီးမြှုပ်နှံသူများနှင့် အခြား ဆက်စပ်နေသည့် ပြင်ပအဖွဲ့အစည်းများ၊ နှင့်

• အချို့သော ဖွင့်ထုတ်မှုနှင့် ပက်သက်ပြီး ဤပုဂ္ဂိုလ်ရေးလုံခြုံမှု မူဝါဒတွင် အသေးစိတ်ဖော်ပြထားသော အခြားပြင်ပပါတီများမှ ပြုလုပ်ရန် အကြောင်းကြားလာခြင်း သို့မဟုတ် သင်က ခွင့်ပြုခြင်း။

၃.၂ လွှဲပြောင်းခြင်း

Xiaomi သည် သင်၏ အချက်အလက်ကို အောက်ဖော်ပြပါကိစ္စရပ်များမှ လွဲ၍ မည်သည့် အကြောင်းအရာကိုမျှ လွှဲပြောင်းပေးမည်မဟုတ်ပါ-

• သင်၏တိကျပြတ်သားသော သဘောတူညီမှုကို ကျွန်ုပ်တို့ ရရှိသော အခါ၊

• Xiaomi သည် ကုမ္ပဏီချင်း ပေါင်းခြင်း၊ ၎င်း၏ပိုင်ဆိုင်မှုအားလုံး သို့မဟုတ် တစ်စိတ်တစ်ပိုင်းကို ရယူခြင်း သို့မဟုတ် ရောင်းချခြင်းတို့တွင် ပါဝင်သည့်အခါ ကျွန်ုပ်တို့သည် ပိုင်ရှင်ပြောင်းလဲမှု၊ သုံးစွဲမှုနှင့် သင်၏ကိုယ်ရေးကိုယ်တာအချက်အလက်များနှင့် ပတ်သက်သော ရွေးချယ်စရာမှန်သမျှကို အီးမေး(လ်)ဖြင့်လည်းကောင်း ကျွန်ုပ်တို့၏ ဝက်ဘဆိုက်များတွင် ထင်ရှားစွာကြေညာခြင်းဖြင့်လည်းကောင်း အခြားသင့်လျော်သော နည်းလမ်းဖြင့်လည်းကောင်း သင့်ထံသို့ အကြောင်းကြားပါမည်။

• ဤကိုယ်ရေးအချက်အလက်လုံခြုံမှုမူဝါဒတွင် ရှင်းပြထားသော သို့မဟုတ် သင့်ထံအကြောင်းကြားထားသော အခြေအနေများ။

၃.၃ အများပြည်သူကို ထုတ်ဖော်ပြသခြင်း

Xiaomi သည် သင်၏ ကိုယ်ရေးကိုယ်တာအချက်အလက်များကို အောက်ပါ အခြေအနေများတွင် လူသိရှင်ကြား ဖွင့်ထုတ်နိုင်သည် -

• ကန့်သတ်အချက်အလက်များကိုသာ ဖွင့်ထုတ်သော ပရိုမိုးရှင်း၊ ပြိုင်ပွဲ သို့မဟုတ် ထီတွင် အနိုင်ရသူကို ကြေညာရန်လိုအပ်သောအချိန်များတွင်၊

• သင့်ထံမှ တိကျသော သဘောတူခွင့်ပြုချက်ရရှိလျှင် သို့မဟုတ် သင်သည် လူမှုကွန်ရက်စာမျက်နှာများ သို့မဟုတ် အများသုံးဖိုရမ်များကဲ့သို့ ကျွန်ုပ်တို့၏ ဝန်ဆောင်မှုများတွင် အချက်အလက်များကို ဖွင့်ထုတ်ထားပြီး ဖြစ်လျှင်၊

• အများပြည်သူသို့ ထုတ်ဖော်ပြသခြင်းသည် ဥပဒေ သို့မဟုတ် ခိုင်လုံသောအကြောင်းအရင်းများအပေါ်အခြေခံသည် - ၎င်းတို့တွင် ဥပဒေနှင့် စည်းမျဉ်းများ၊ တရားရေးလုပ်ထုံးလုပ်နည်းများ၊ တရားစွဲဆိုခြင်း သို့မဟုတ် အခွင့်အာဏာရှိသော အစိုးရဌာနများမှ တောင်းဆိုမှုများပါဝင်သည်။

၄။ သင်၏ပုဂ္ဂိုလ်ရေးဆိုင်ရာ အချက်အလက်ကို ကျွန်ုပ်တို့ ဘယ်လို သိမ်းဆည်းပြီး ကာကွယ်ထိန်းသိမ်းပေးသလဲ

၄.၁ Xiaomi ၏ လုံခြုံရေး အကာအကွယ်များ

သင်၏ ပုဂ္ဂိုလ်ရေးဆိုင်ရာ အချက်အလက်များသည် လုံခြုံစွာထားရှိကြောင်း အာမခံပါသည်။ ခွင့်ပြုချက်မရှိသော ဝင်ရောက်မှု၊ ကိုယ်ရေးအချက်အလက် ပေါက်ကြားမှုနှင့် အလားတူ လုံခြုံရေး အန္တရာယ်များမှ ကာကွယ်တားဆီးနိုင်ရေးအတွက် တရားဝင်လိုအပ်ချက်ဖြစ်သော ရုပ်ပိုင်းဆိုင်ရာ၊ အီလက်ထရွန်နစ် စနစ်နှင့် စီမံခန့်ခွဲမှုဆိုင်ရာ ပရိုဂရမ်များဖြင့် မိုဘိုင်းစက်နှင့် Xiaomi ဝက်ဘ်ဆိုဒ်များတွင် ကျွန်ုပ်တို့ စုဆောင်းသော အချက်အလက်အား ထိန်းသိမ်းစောင့်ရှောက်သွားပါမည်။ ကျွန်ုပ်တို့သည် သင်၏ကိုယ်ရေးကိုယ်တာအချက်အလက်များကို သက်ဆိုင်ရာဥပဒေများနှင့်အညီ ကာကွယ်ကြောင်း အာမခံပါမည်။

ဥပမာ - Xiaomi အကောင့်သို့ ဝင်ရောက်သောအခါ အကောင့်ပိုမိုလုံခြုံစေရန် ကျွန်ုပ်တို့မှ ပံ့ပိုးသော အစီအစဉ်ဖြစ်သည့် လုံခြုံရေးနှစ်ထပ်သုံးစနစ်ကို ရွေးချယ်အသုံးပြုနိုင်ပြီး ထိုသို့သုံးရန်လည်း ကျွန်ုပ်တို့က အလေးအနက် တိုက်တွန်းလိုပါသည်။ ကျွန်ုပ်တို့သည် သင့်ကိုယ်ရေးကိုယ်တာအချက်အလက်များကို Xiaomi စက်အချင်းချင်းနှင့် ကျွန်ုပ်တို့၏ ဆာဗာများအကြား လွှဲပြောင်းသည့်အခါ Transport Layer လုံခြုံရေးစနစ် (TLS) နှင့် သင့်လျော်သော ကုဒ်ဖွဲ့အယ်လဂိုရစ်သမ်များသုံးပြီး ဒေတာများကို ကုဒ်ဖွဲ့ထားကြောင်း အာမခံပါသည်။

သင်၏ ပုဂ္ဂိုလ်ရေးဆိုင်ရာ အချက်အလက် အားလုံးကို လုံခြုံစိတ်ချရသော ကျွန်ုပ်တို့၏ ဆာဗာတွင် ကာကွယ်မှုများဖြင့် သိမ်းဆည်းထားပါသည်။ သင့်ဒေတာ၏ အရေးပါမှုအလိုက် အမျိုးအစားခွဲခြား၍ သင်၏ ပုဂ္ဂိုလ်ရေးဆိုင်ရာ အချက်အလက်များကို လုံခြုံရေးအဆင့်အရ သေချာစွာ သိမ်းဆည်းထားပါသည်။ ခွင့်ပြုချက်မရှိသော ဝင်ရောက်သုံးစွဲခြင်းမှ ကာကွယ်တားဆီးရန် ကလောက်အခြေခံသော ဒေတာသိမ်းဆည်းမှုများနှင့် ရယူသုံးစွဲမှုများကို ထိန်းချုပ်ကာ ကျွန်ုပ်တို့သည် အချက်အလက် စုဆောင်းပုံ၊ သိမ်းဆည်းပုံနှင့် ရုပ်ပိုင်းဆိုင်ရာ လုံခြုံရေး နည်းလမ်း များအား ပုံမှန် ပြန်လည်သုံးသပ်ပါသည်။

ကျွန်ုပ်တို့သည် စီးပွားရေး ပါတနာများနှင့် ပြင်ပအဖွဲ့အစည်း ဝန်ဆောင်မှုပေးသူများကို ၎င်းတို့သည် သင်၏ ပုဂ္ဂိုလ်ရေးဆိုင်ရာ အချက်အလက်များ ကာကွယ်ထိန်းသိမ်းနိုင်မှု သေချာစေရန် အတွက်လည်း ဝီရိယထား ဆောင်ရွက်ပါသည်။ ကျွန်ုပ်တို့သည် ဤပြင်ပအဖွဲ့အစည်းများက ကျွန်ုပ်တို့နှင့် သင့်လျော်သည့် သဘောတူစာချုပ် ကန့်သတ်ချက်များ ထားရှိခြင်းအားဖြင့် သင့်လျော်သည့် လုံခြုံရေး စံနှုန်းများကို ထိန်းသိမ်းထားမှုအားလည်း စစ်ဆေးသည်၊ လိုအပ်ပါက၊ စာရင်းစစ်ခြင်းနှင့် အကဲဖြတ်ခြင်းတို့ကိုပါ ဆောင်ရွက်သည်။ ထို့အပြင်၊ သင်၏ ပုဂ္ဂိုလ်ရေးဆိုင်ရာ အချက်အလက်များကို အသုံးပြုသည့် ကျွန်ုပ်တို့၏ ဝန်ထမ်းများနှင့် စီးပွားရေးပါတနာများနှင့် ပြင်ပအဖွဲ့အစည်း ဝန်ဆောင်မှုပေးသူများသည် သဘောတူညီမှုဆိုင်ရာ၊ ယုံကြည်စိတ်ချရမှုဆိုင်ရာ တာဝန်ဝတ္တရားများကို လိုက်နာရမည်။

ကျွန်ုပ်တို့၏ ဝန်ထမ်းများ ပုဂ္ဂိုလ်ရေးဆိုင်ရာ အချက်အလက်ကို ကာကွယ်ရန် အရေးကြီးကြောင်း သိရှိနားလည်သဘောပေါက်မှုကို မြှင့်တင်ရန်အတွက် လုံခြုံရေးနှင့် ကိုယ်ရေးအချက်အလက် ကာကွယ်ထိန်းသိမ်းခြင်း သင်တန်းများနှင့် စာမေးပွဲစစ်ဆေးခြင်းများ ပြုလုပ်ပါသည်။ သင်၏ပုဂ္ဂိုလ်ရေးဆိုင်ရာ အချက်အလက်များအား တတ်နိုင်သမျှနည်းလမ်းဖြင့် တရားဝင် ထိန်းသိမ်းစောင့်ရှောက်ပါမည်။ သို့သော် အင်တာနက်အသုံးပြုမှုက အပြည့်အဝစိတ်မချရကြောင်း သင်သတိပြုသင့်ပါသည်။ ထို့ကြောင့် အင်တာနက်မှတစ်ဆင့် သင့်ထံမှ သို့မဟုတ် သင့်ထံသို့ လွှဲပြောင်းသော ကိုယ်ရေးကိုယ်တာအချက်အလက်များ၏ လုံခြုံရေး သို့မဟုတ် ခိုင်မာမှုကို ကျွန်ုပ်တို့ အာမမခံနိုင်ပါ။

သက်ဆိုင်ရာ ဒေတာ ကာကွယ်ရေး ကြီးကြပ်မှု အာဏာပိုင်နှင့် ဒေတာအကြောင်းအရာများကို လိုအပ်ခဲ့လျှင် ဒေတာချိုးဖောက်မှုကို အကြောင်းကြားပြီး၊ သက်ဆိုင်ရာ ဒေတာ ကာကွယ်မှုဥပဒေအရ လိုအပ်လျှင် ကျွန်ုပ်တို့သည် ပုဂ္ဂိုလ်ရေးဆိုင်ရာ အချက်အလက်များ ချိုးဖောက်မှုကို ကိုင်တွယ်ဆောင်ရွက်ပါသည်။

ကျွန်ုပ်တို့၏ လုံခြုံရေးမူဝါဒများနှင့် လုပ်ထုံးလုပ်နည်းများကို နိုင်ငံတကာစံနှုန်းအတိုင်း ပုံဖော်ထားပြီး ၎င်းတို့၏ ထိရောက်မှုကို စိစစ်ရန် ပြင်ပပါတီစာရင်းစစ်များထံ ပုံမှန်အပ်နှံပါသည်။ Xiaomi အချက်အလက်စနစ်သည် အချက်အလက်လုံခြုံရေးစီမံခန့်ခွဲမှုစနစ်များ (ISMS) အတွက် ISO/IEC 27001:2013 ဆာတီဖီကိတ် ရထားပါသည်။ Xiaomi အီလက်ထရောနစ်ဈေးကွက်နှင့် Mi Home IoT ပလက်ဖောင်းသည် ကိုယ်ရေးကိုယ်တာအချက်အလက်များ စီမံခန့်ခွဲရေးစနစ်များ (PIMS) အတွက် ISO/IEC 27701:2019 ဆာတီဖီကိတ် ရထားပါသည်။ Xiaomi စက်လည်ပတ်စနစ်သည် အများသုံးကလောက် ကိုယ်ရေးကိုယ်တာအချက်အလက်များကာကွယ်ရေးအတွက် ISO/IEC 27018:2019 ဆာတီဖီကိတ် ရထားပါသည်။

၄.၂ သင် ဘာတွေလုပ်နိုင်သလဲ

သင့်စကားဝှက်သည် အခြားဝက်ဘဆိုက်များသို့ ပေါက်ကြားပြီး Xiaomi ရှိ သင်၏အကောင့် လုံခြုံရေးကို ထိခိုက်စေခြင်းမှ ရှောင်နိုင်ရန် သင့်စကားဝှက် သို့မဟုတ် အကောင့်အချက်အလက်များကို (သင်က လုပ်ပိုင်ခွင့်ပေးထားသူမှလွဲ၍) မည်သူ့ကိုမျှ မသိစေဘဲ Xiaomi ဝန်ဆောင်မှုများအတွက် ထူးခြားစကားဝှက်သတ်မှတ်နိုင်သည်။ သင်ရရှိသော အတည်ပြုကုဒ်များကို (Xiaomi ကူညီရေးရာဝန်ထမ်းဟု ပြောသူများအပါအဝင်) မည်သူ့ကိုမျှ တတ်နိုင်သမျှ မပေးပါနှင့်။ Xiaomi ဝက်ဘဆိုက်များ အထူးသဖြင့် သူတစ်ပါး၏ ကွန်ပျူတာ သို့မဟုတ် အများသုံးအင်တာနက်တို့မှတစ်ဆင့် Xiaomi အကောင့်အသုံးပြုသူတစ်ဦးအဖြစ် အကောင့်ဝင်တိုင်း သုံးပြီးလျှင် အကောင့်ထွက်ရန် အမြဲသတိရပါ။

သင်၏ ကိုယ်ရေးကိုယ်တာအချက်အလက်များကို လျှို့ဝှက်ထားရန် ပျက်ကွက်မှုကြောင့် သင့်ကိုယ်ရေးကိုယ်တာအချက်အလက်များကို ပြင်ပပါတီတစ်ခုခုက ရယူပြီး လုံခြုံရေး ချိုးဖောက်ခံရပါက Xiaomi က တာဝန်ယူမည် မဟုတ်ပါ။ သို့ရာတွင် သင့်အကောင့်သို့ ခွင့်ပြုချက်မရှိသော ဝင်ရောက်မှုများ သို့မဟုတ် အခြား ကိုယ်ရေးအချက်အလက် လုံခြုံရေး ပေါက်ကြားမှုများ ရှိပါက ကျွန်ုပ်တို့အား ချက်ချင်း အကြောင်းကြားပါရန် မေတ္တာရပ်ခံအပ်ပါသည်။ သင်၏ အကူအညီသည် ပုဂ္ဂိုလ်ရေးဆိုင်ရာ အချက်အလက်အား ကာကွယ်ထိန်းသိမ်းရာတွင် အထောက်အကူ ပြုနိုင်ပါသည်။

၄.၃ စက်ထဲရှိ အခြား အင်္ဂါရပ်များအား ဝင်ရောက်သုံးစွဲခြင်း

ကျွန်ုပ်တို့၏ အက်(ပ်)များသည် သင့်စက်ရှိ အင်္ဂါရပ်အချို့ကို ဝင်နိုင်သည်။ ဥပမာ - အီးမေး(လ်)အားအဆက်အသွယ်များ၊ SMS သိုလှောင်ခန်းနှင့် Wi-Fi ကွန်ရက်အခြေအနေတို့ကို သုံးခွင့်ပေးခြင်း။ အက်(ပ်)များကို သင့်စက်တွင်ဖွင့်ခွင့်ပြုရန်နှင့် သင့်အား ၎င်းတို့နှင့် အပြန်အလှန်ဆက်ဆံခွင့်ပြုရန် ဤအချက်အလက်ကို သုံးပါသည်။ ဤအင်္ဂါရပ်များကို သင့်စက်တွင် အချိန်မရွေးပိတ်နိုင်သည် သို့မဟုတ် https://privacy.mi.com/support မှတစ်ဆင့် ကျွန်ုပ်တို့ထံဆက်သွယ်ပြီး ပိတ်နိုင်သည်။

၄.၄ သိမ်းဆည်းမှု ပေါ်လစီ

ကျွန်ုပ်တို့သည် ဤကိုယ်ရေးအချက်အလက်ပေါ်လစီတွင်၊ သို့မဟုတ် သတ်မှတ် ထုတ်ကုန်ပစ္စည်း သို့မဟုတ် ဝန်ဆောင်မှု ဆိုင်ရာ သီးခြား ကိုယ်ရေးအချက်အလက် ပေါ်လစီတွင် ဖော်ပြထားသည့် အချက်အလက် စုဆောင်းခြင်း ရည်ရွယ်ချက်အတွက်၊ သို့မဟုတ် သက်ဆိုင်ရာ ဥပဒေအရလိုအပ်လျှင် လိုအပ်သည့်ကာလအတွက် ပုဂ္ဂိုလ်ရေးဆိုင်ရာ အချက်အလက်အား ထိန်းသိမ်းပါသည်။ ဆက်လက်ထိန်းသိမ်းထားသည့်ကာလ အသေးစိတ်ကို သတ်မှတ် ဝန်ဆောင်မှု သို့မဟုတ် သက်ဆိုင်ရာ ကုန်ပစ္စည်းစာမျက်နှာတွင် ပြဋ္ဌာန်းထားပါသည်။ ကောက်ယူရခြင်းရည်ရွယ်ချက် ပြည့်စုံလျှင်၊ သို့မဟုတ် သင်၏ဖျက်ပေးရန် တောင်းဆိုမှုကို အတည်ပြုပြီးလျှင်၊ သို့မဟုတ် သက်ဆိုင်ရာ ထုတ်ကုန် သို့မဟုတ် ဝန်ဆောင်မှုကို ရပ်ဆိုင်းပြီးလျှင် ကိုယ်ရေးကိုယ်တာအချက်အလက်ကို ထိန်းသိမ်းခြင်းမှ ရပ်ပြီး ဖျက်လိုက်ပါမည် သို့မဟုတ် အမည်မဲ့အဖြစ် ပြုလုပ်ပါမည်။ ကျွန်ုပ်တို့သည် အမျိုးအစု၊ အမျိုးအစား သို့မဟုတ် အကြောင်းအရာ ခွဲခြားသတ်မှတ်ထားသော ကိုယ်ရေးကိုယ်တာဒေတာများကို မည်မျှကြာအောင် စံနမူနာပြု ထိန်းသိမ်းကြောင်း တတ်နိုင်သမျှဖော်ပြထားသည်။ ကျွန်ုပ်တို့သည် အောက်ပါအချက်များကို ထည့်သွင်းစဉ်းစားပြီး ဤထိန်းသိမ်းကာလများကို ဆုံးဖြတ်ပါသည် -

• ကိုယ်ရေးကိုယ်တာအချက်အလက်များ၏ ပမာဏ၊ သဘောသဘာဝနှင့် ထိပါးမခံနိုင်မှု။

• ခွင့်ပြုချက်မရှိဘဲသုံးခြင်း သို့မဟုတ် ဖွင့်ထုတ်ခြင်းကြောင့် ဖြစ်လာနိုင်သော အန္တရာယ်။

• ကိုယ်ရေးကိုယ်တာအချက်အလက်များကို ကျွန်ုပ်တို့က ထိန်းသိမ်းထားရသော ရည်ရွယ်ချက်များနှင့် အချို့သောဒေတာများအတွက် ၎င်းရည်ရွယ်ချက်များ အထမြောက်ရန်လိုအပ်သော အချိန်ကာလ။

• ကိုယ်ရေးကိုယ်တာအချက်အလက်များသည် တိကျပြီး နောက်ဆုံးပေါ်ဖြစ်နေနိုင်သေးသည့် အချိန်ကာလ။

• ကိုယ်ရေးကိုယ်တာအချက်အလက်များသည် နောက်နောင် တရားတဘောင်ဖြင့် တောင်းဆိုစရာများဖြစ်လာနိုင်ရန် လိုအပ်သော အချိန်ကာလ။ နှင့်

• မှတ်တမ်းများထိန်းသိမ်းရမည့်အချိန်အား သတ်မှတ်ထားသော သက်ဆိုင်ရာ ဥပဒေ၊ စာရင်းအင်း၊ အစီရင်ခံစာ သို့မဟုတ် စည်းမျဉ်းစည်းကမ်းလိုအပ်ချက်များ။

သင်၏ စီရင်ပိုင်ခွင့်အပေါ် မူတည်ပြီး အများအကျိုးဆိုင်ရာ၊ သိပ္ပံပညာဆိုင်ရာ၊ သမိုင်းဆိုင်ရာ သုတေသန သို့မဟုတ် ကိန်းဂဏန်း စာရင်းအင်း ရည်ရွယ်ချက်များအတွက် ဆောင်ရွက်နေသည့် ကိုယ်ရေးကိုယ်တာအချက်အလက်များကို ခြွင်းချက်ထားပါသည်။ နောက်ပိုင်း ဒေတာလုပ်ဆောင်မှုများသည် မူလ ကောက်ယူထားသည့်ရည်ရွယ်ချက်နှင့် မပတ်သက်တော့စေကာမူ လိုအပ်လျှင် Xiaomi က ဤအချက်အလက် အမျိုးအစားကို သက်ဆိုင်ရာ ဥပဒေ ခွင့်ပြုချက်အရ သို့မဟုတ် သင်၏တောင်းဆိုမှုအရ သတ်မှတ်ထိန်းသိမ်းကာလထက် ပိုကြာစွာ ထိန်းသိမ်းထားပါမည်။

၅။ သင်၏ရပိုင်ခွင့်များ

သင်သည် သင့်ကိုယ်ရေးကိုယ်တာအချက်အလက်များကို ထိန်းချုပ်နိုင်စွမ်းရှိသည်။

၅.၁ ကြီးကြပ်ကွပ်ကဲမှု ဆက်တင်

ကိုယ်ရေးအချက်အလက်အပေါ် စိုးရိမ်ပူပန်မှုသည် တစ်ဦးနှင့် တစ်ဦး ကွာခြားကြောင်း Xiaomi မှ သိရှိနားလည်ပါသည်။ ထို့ကြောင့် Xiaomi မှ သင်၏ ပုဂ္ဂိုလ်ရေးဆိုင်ရာ အချက်အလက်များအား စုဆောင်းခြင်း၊ အသုံးပြုခြင်း၊ ထုတ်ဖော်ခြင်း သို့မဟုတ် လုပ်ဆောင်ခြင်းနှင့် ကိုယ်ရေးအချက်အလက် ဆက်တင် ထိန်းချုပ်မှု ဆိုင်ရာ ကန့်သတ်ချက်အား ဥပမာနှင့်တကွ ဖော်ပြထားပါသည်။

• အသုံးပြုသူ အတွေ့အကြုံပရိုဂရမ်နှင့် တည်နေရာဖတ်အင်္ဂါရပ်ကို အဖွင့်အပိတ် လုပ်ရန်။

• Xiaomi အကောင့်သို့ အကောင့်ဝင်ရန် သို့မဟုတ် ထွက်ရန်။

• Xiaomi ကလောက်ဆင့်(ခ်) အဖွင့်အပိတ် လုပ်ရန်။

• Xiaomi ကလောက်၌ သိမ်းထားသော အချက်အလက်မှန်သမျှကို https://i.mi.com တွင် ဖျက်ရန်။

• အထိပါးမခံသော သို့မဟုတ် ကိုယ်ရေးကိုယ်တာဖြစ်သော အချက်အလက်များကို ကိုင်တွယ်သည့် အခြားဝန်ဆောင်မှုများနှင့် အင်္ဂါရပ်များကို အဖွင့်အပိတ်လုပ်ရန်။ လုံခြုံရေးအက်(ပ်)တွင်လည်း စက်လုံခြုံရေး အခြေအနေနှင့် ပတ်သက်၍ အသေးစိတ်အချက်အလက်များ ရယူနိုင်သည်။

သင်၏ကိုယ်ရေးကိုယ်တာအချက်အလက်များကို အထက်ပါ ရည်ရွယ်ချက်များအတွက်သုံးရန် ယခင်က သဘောတူထားလျှင်လည်း အပြောင်းအလဲလုပ်လိုပါက https://privacy.mi.com/support မှတစ်ဆင့် ကျွန်ုပ်တို့ထံဆက်သွယ်နိုင်သည်။

၅.၂ သင်၏ပုဂ္ဂိုလ်ရေးဆိုင်ရာ အချက်အလက်အပေါ် သင်၏လုပ်ပိုင်ခွင့်များ

သက်ဆိုင်ရာ ဥပဒေများနှင့် စည်းကမ်းစည်းမျဉ်းများအပေါ် မူတည်ပြီး သင့်အကြောင်းနှင့် ပတ်သက်သော ကျွန်ုပ်တို့ ရယူထားသည့် ကိုယ်ရေးကိုယ်တာအချက်အလက်မှန်သမျှ (ဤနေရာမှစ၍ တောင်းဆိုချက်ဟု ရည်ညွှန်းမည်) ကို ဝင်သုံးခွင့်၊ ပြင်ဆင်ခွင့်၊ ပြန်လည်အတည်ပြုခွင့် (နှင့် အခြားအခွင့်အရေးအချို့) ရှိသည်။ ဤအခွင့်အရေးများသည် သက်ဆိုင်ရာ ဥပဒေအောက်ရှိ သတ်မှတ်နုတ်ပယ်မှုများနှင့် ခြွင်းချက်များအပေါ် မူတည်သည်။

ကိုယ်ရေးကိုယ်တာအချက်အလက်များနှင့် ပတ်သက်သမျှအသေးစိတ်ကို သင့် Xiaomi အကောင့် https://account.xiaomi.com တွင်လည်းကောင်း သင့်စက်တွင် အကောင့်ဝင်၍လည်းကောင်း ဖတ်ရှုပြီး အပ်ပဒိတ်လုပ်နိုင်သည်။ ပိုမိုသိလိုသည်များရှိပါက ကျွန်ုပ်တို့ထံ https://privacy.mi.com/support မှ တစ်ဆင့် ဆက်သွယ်ပါ။

သင့်တောင်းဆိုချက်သည် အောက်ပါအခြေအနေများနှင့် ကိုက်ညီပါက အထိရောက်ဆုံးဆောင်ရွက်ပေးနိုင်ရန် အထောက်အကူဖြစ်စေပါမည် -

(၁) အထက်တွင် အသေးစိတ်ဖော်ပြထားသော Xiaomi ၏ အထူးတောင်းဆိုမှုချန်နယ်မှတဆင့် တောင်းဆိုချက်ကို တင်ရမည်ဖြစ်ပြီး (ဒေသန္တရ ဥပဒေအရ နှုတ်ဖြင့် တောင်းဆိုမှုကို ထင်ထင်ရှားရှား အသိအမှတ်ပြုထားခြင်း မရှိလျှင်) အချက်အလက်များလုံခြုံရေးအတွက် တောင်းဆိုချက်ကို စာဖြင့်ရေးသားရပါမည်။

(၂) သင်သည် Xiaomi အား သင့်မှတ်ပုံတင်ကို စစ်ဆေးပြီး သင်သည် ဒေတာပိုင်ဆိုင်သူ သို့မဟုတ် ဒေတာပိုင်ဆိုင်သူကိုယ်စား တရားဝင် လုပ်ပိုင်ခွင့်ရှိသူ ဟုတ်မဟုတ် စစ်ဆေးနိုင်ရန်အတွက် လုံလောက်သော အချက်အလက်များ ပေးရပါမည်။

သင့်တောင်းဆိုချက်ကို ဆောင်ရွက်နိုင်ကြောင်းအတည်ပြုရန် လိုအပ်သည့် အချက်အလက်များ လုံလောက်စွာရရှိသည်နှင့် တစ်ပြိုင်နက် သင့်တောင်းဆိုချက်ကို သင်နှင့်သက်ဆိုင်သော ဒေတာကာကွယ်ရေးဥပဒေ အရ သတ်မှတ်ထားသည့် အချိန်အပိုင်းအခြားအတွင်း ပြန်ကြားဆောင်ရွက်ပေးပါမည်။

အသေးစိတ် -

• ကျွန်ုပ်တို့က သင်၏ပုဂ္ဂိုလ်ရေးဆိုင်ရာ အချက်အလက်နှင့် သင်၏ရပိုင်ခွင့်များအား မည်သို့ အသုံးပြုနေသည် ဆိုသည်ကို ရှင်းလင်း၊ မြင်သာ၊ သဘောပေါက်လွယ်သော အချက်အလက်များဖြင့် သင့်ကို ပေးရန် တောင်းဆိုပိုင်ခွင့် သင့်တွင်ရှိသည်။ ထို့ကြောင့် အဆိုပါ အချက်အလက်ကို ဤကိုယ်ရေးအချက်အလက် ပေါ်လစီတွင် သင့်ကို ဖော်ပြပေးနေခြင်းဖြစ်ပါသည်။

• သက်ဆိုင်ရာ ဥပဒေများ၏ လိုအပ်ချက်များအပေါ်အခြေခံပြီး ကျွန်ုပ်တို့ ကောက်ယူဆောင်ရွက်သည့် သင့်ကိုယ်ရေးကိုယ်တာအချက်အလက်များကို သင်တောင်းဆိုလျှင် မိတ္တူတစ်စောင် အခမဲ့ပေးပါမည်။ သက်ဆိုင်ရာ အချက်အလက်များအပေါ် မည်သည့် အပိုတောင်းဆိုမှုများအတွက်မဆို သက်ဆိုင်ရာ ဥပဒေအရ၊ ခွင့်ပြုလျှင် အမှန်တကယ် စီမံခန့်ခွဲမှု ကုန်ကျစရိတ်အပေါ် အခြေခံပြီး သင့်တင့်သော အခကြေးငွေကို ကျွန်ုပ်တို့က ကောက်ခံပါမည်။

• အကယ်၍ ကျွန်ုပ်တို့ ရယူထားသည့် သင်၏ အချက်အလက် တစ်ခုခုသည် မမှန်ကန် သို့မဟုတ် မပြည့်စုံပါက သင့်တွင် အချက်အလက်ကို အသုံးပြုမည့် ရည်ရွယ်ချက်ပေါ်မူတည်ပြီး မှန်အောင် သို့မဟုတ် ပြည့်စုံအောင် ပြင်ခိုင်းခွင့်ရှိပါသည်။

• သက်ဆိုင်ရာ ဥပဒေများ၏လိုအပ်ချက်များအရ သင့်ကိုယ်ရေးကိုယ်တာအချက်အလက်များကို ဖျက်ရန် သို့မဟုတ် ဖယ်ရှားရန် တောင်းဆိုခွင့်ရှိပြီး ကျွန်ုပ်တို့တွင် ၎င်းကို ဆက်လက်အသုံးပြုရန် ခိုင်လုံသောအကြောင်းပြချက် တစ်ခုမျှမရှိပါ။ ဖျက်ပေးရန်တောင်းဆိုမှုနှင့် ပတ်သက်ပြီး ခိုင်လုံသော အကြောင်းပြချက်များကို ထည့်သွင်းစဉ်းစားပြီး နည်းပညာအစီအမံများအပါအဝင် သင့်လျော်သော အဆင့်များကို ဆောင်ရွက်ပါမည်။ သက်ဆိုင်ရာ ဥပဒေနှင့်/ သို့မဟုတ် နည်းပညာအကန့်အသတ်များကြောင့် အချက်အလက်များကို အရံသိမ်းစနစ်မှ ချက်ချင်း ဖယ်ရှားနိုင်မည်မဟုတ်ကြောင်း သတိပြုပါ။ ထိုသို့ဖြစ်လာပါက သင်၏ ကိုယ်ရေးကိုယ်တာအချက်အလက်များကို လုံခြုံစွာ သိမ်းထားပေးမည်ဖြစ်ပြီး၊ အရံသိမ်းစနစ်တွင် မဖျက်မချင်း သို့မဟုတ် အမည်မဲ့ မလုပ်မချင်း ထပ်ဆောင်းဆောင်ရွက်မည့် စာရင်းမှ သီးခြားခွဲထုတ်ထားပါမည်။

• သင်သည် တိုက်ရိုက်စျေးကွက်ရှာခြင်း (ပရိုဖိုင်ကို သုံးသည့် နေရာအပါအဝင်)နှင့် အချို့သော အခြေအနေများတွင် (ပရိုဖိုင်သုံးခြင်းအပါအဝင်) ကျွန်ုပ်တို့၏ တရားဝင်အကျိုးစီးပွားအတွက် ကိုင်တွယ်ဆောင်ရွက်ခြင်းအပါအဝင် အချို့သော ကိုင်တွယ်ဆောင်ရွက်ခြင်းအမျိုးအစားများကို သက်ဆိုင်ရာဥပဒေအရ ငြင်းခွင့်ရှိသည်။

အထူးသဖြင့် အချို့သောတရားစီရင်ပိုင်ခွင့် ဥပဒေများအောက်တွင်-

• သင်သည် သင့်ကိုယ်ရေးကိုယ်တာအချက်အလက်များ ကိုင်တွယ်ဆောင်ရွက်ခြင်းကို ကန့်သတ်ရန် တောင်းဆိုခွင့်ရှိသည်။ ကျွန်ုပ်တို့သည် သင်၏ကန့်သတ်ရန် တောင်းဆိုမှုကို အကြောင်းပြချက်ခိုင်လုံမှု ရှိ မရှိ စဉ်းစားမည် ဖြစ်ပါသည်။ အကြောင်းပြချက်များသည် GDPR အရ ခိုင်လုံပါက သင့်ကိုယ်ရေးကိုယ်တာအချက်အလက်များကို GDPR တွင်ဖော်ပြထားသော သက်ဆိုင်ရာ အခြေအနေများ၌သာ ကိုင်တွယ်ဆောင်ရွက်မည်ဖြစ်ပြီး ကိုင်တွယ်ဆောင်ရွက်မှုကန့်သတ်ချက်ကို မရုပ်သိမ်းမီ သင့်ထံအကြောင်းကြားပါမည်။

• သင့်တွင် ဥပဒေအရ သင်နှင့်သက်ဆိုင်လာနိုင်သည့်၊ သို့မဟုတ် သင့်ကို အလားတူ အန္တရာယ် ကျရောက်စေမည့် အရာများ ဖြစ်စေသည့် ပရိုဖိုင်တွဲခြင်း အပါအဝင် အလိုအလျောက်လုပ်ဆောင်ခြင်း တစ်ခုတည်းကိုသာ အခြေခံသည့် ဆုံးဖြတ်ချက်များကို မလိုက်နာ ခွင့်ရှိပါသည်၊

• သင့်ကိုယ်ရေးကိုယ်တာအချက်အလက်များကို စနစ်တကျရှိသော အများသုံးဖောမတ်ဖြင့် သုံးရန်နှင့် အခြားဒေတာထိန်းချုပ်စနစ်သို့ လွှဲပြောင်းရန် (ဒေတာသယ်ပို့မှုပြုရန်) တောင်းဆိုခွင့်ရှိသည်။

ကျွန်ုပ်တို့တွင် တောင်းဆိုမှုများဆောင်ရွက်ရန် ငြင်းပိုင်ခွင့် သို့မဟုတ် ခြွင်းချက်ရှိသောနေရာတွင် တောင်းဆိုမှုများ၏ တစ်စိတ်တစ်ပိုင်းကိုသာ ဆောင်ရွက်ခွင့်ရှိပြီး တောင်းဆိုမှုသည် အခြေအမြစ်မရှိခြင်း သို့မဟုတ် အလွန်အမင်းဖြစ်ခြင်း သို့မဟုတ် ၎င်းတောင်းဆိုမှုကြောင့် ပြင်ပပါတီနှင့် ပတ်သက်သော အချက်အလက်များကို ဖွင့်ထုတ်ရန် လိုအပ်ခြင်းတို့ဖြစ်လာပါက ကျွန်ုပ်တို့တွင် ဥပဒေအရ ငြင်းပိုင်ခွင့်ရှိပါသည်။ အချို့သော အခြေအနေများတွင် သက်ဆိုင်ရာဥပဒေအရ ခွင့်ပြုပါက ကျွန်ုပ်တို့အနေနှင့် အခကြေးငွေတောင်းခံနိုင်ပါသည်။ အဆိုပါ အချက်အလက်ကို ဖျက်ရန် တောင်းဆိုမှုသည် ရှုထောင့် အချို့မှ ကြည့်လျှင် တည်ဆောက်ခြင်း၊ ကျင့်သုံးခြင်း သို့မဟုတ် ဥပဒေအရ ကာကွယ်ခြင်း သို့မဟုတ် သက်ဆိုင်ရာဥပဒေအရ လိုအပ်သော ရည်ရွက်ချက်များ အတွက် အဆိုပါအချက်အလက်ကို ကျွန်ုပ်တို့က တရားဝင်သုံးစွဲနိုင်မှုမရှိ ဖြစ်စေမည်ဟု ကျွန်ုပ်တို့က ယုံကြည်လျှင်လည်း ၎င်းတောင်းဆိုမှုကို ပယ်ချနိုင်ပါသည်။

၅.၃ သဘောတူညီမှု ရုပ်သိမ်းခြင်း

သင် ယခင်က စုဆောင်းရယူခြင်း၊ အသုံးပြုခြင်း နှင့်/သို့မဟုတ် ကျွန်ုပ်တို့၏အပိုင် သို့မဟုတ် ထိန်းချုပ်မှု ရှိသင်၏ပုဂ္ဂိုလ်ရေးဆိုင်ရာ အချက်အလက်များကို ထုတ်ပြန်ခြင်း အပါအဝင် တောင်းဆိုချက်တစ်ခုတင်သွင်းပြီး၊ အထူးသဖြင့် ရည်ရွယ်ချက် တစ်ခုအတွက် ကျွန်ုပ်တို့ကို သင်ပေးထားသည့် သဘောတူခွင့်ပြုချက်ကို ရုပ်သိမ်းနိုင်ပါသည်။ သင် အသုံးပြုနေသော ဝန်ဆောင်မှုအပေါ် အခြေခံ၍ သင်သည် https://privacy.mi.com/support တွင် ကျွန်ုပ်တို့ကို ဆက်သွယ်နိုင်ပါသည်။ သင့်တောင်းဆိုမှုကို သင်တောင်းဆိုလိုက်သည့်အချိန်မှ အဆင်ပြေဆီလျော်သည့်အချိန်တခုအတွင်းတွင် ဆောင်ရွက်ပေးပါမည်၊ ထို့အချိန်မှစ၍ သင်၏ တောင်းဆိုချက်အတိုင်း သင်၏ပုဂ္ဂိုလ်ရေးဆိုင်ရာ အချက်အလက်ကို စုဆောင်းရယူခြင်း၊ သုံးစွဲခြင်း နှင့်/သို့မဟုတ် ထုတ်ဖော်ပြသခြင်း မလုပ်တော့ပါ။

သင့်သဘောတူညီချက်ရုပ်သိမ်းသည့်အတိုင်းအတာ ပေါ်မူတည်ပြီး၊ ကျေးဇူးပြု၍ သင်မှတ်သားထားရမည်မှာ သင့်အနေဖြင့် Xiaomi ၏ ထုတ်ကုန်ပစ္စည်းနှင့် ဝန်ဆောင်မှုများဆိုင်ရာ အကျိုးကျေးဇူးကို ပြည့်ပြည့်ဝဝ ဆက်လက်ရရှိနိုင်တော့မည် မဟုတ်တော့ပါ။ သင်၏ သဘောတူညီချက် သို့မဟုတ် အခွင့်အာဏာ ပြန်လည်ရုပ်သိမ်းမှုသည် အဆိုပါ ရုပ်သိမ်းမှုပြီးသည့်နေရာ မရောက်မချင်း အခြေခံသဘောတူညီချက်အပေါ်ရှိ ကျွန်ုပ်တို့၏ လုပ်ဆောင်ချက်တရားဝင်မှုကို ထိခိုက်လိမ့်မည်မဟုတ်ပါ။

၅.၄ ဝန်ဆောင်မှု သို့မဟုတ် အကောင့် တစ်ခုကို ဖျက်သိမ်းခြင်း

ထုတ်ကုန် သို့မဟုတ် ဝန်ဆောင်မှု တစ်ခုခုကို ဖျက်သိမ်းလိုပါက https://privacy.mi.com/support မှ တစ်ဆင့် ကျွန်ုပ်တို့ထံ ဆက်သွယ်နိုင်သည်။

အကယ်၍ သင် Xiaomi အကောင့်ကို ဖျက်သိမ်းလိုလျှင် ကျေးဇူးပြု၍ သင်မှတ်သားထားရမည်မှာ အဆိုပါ ဖျက်သိမ်းမှုသည် သင့်အား Xiaomi ထုတ်ကုန်ပစ္စည်းများနှင့် ဝန်ဆောင်မှုများအားလုံး အသုံးပြုခြင်းမှ တားဆီလိမ့်မည်။ အဆိုပါ အခြေအနေများတွင် ရုပ်သိမ်းခြင်းကို တားမြစ်ခြင်း သို့မဟုတ် ဆိုင်းငံ့ခြင်း ပြုလုပ်ထားနိုင်သည်။ ဥပမာ - သင့်အကောင့်တွင် Mi တေးဂီတအဖွဲ့ဝင်ကြေး မပေးရသေးခြင်း၊ သင်း(မ်)ထဲတွင် ဝယ်ထားသော သင်း(မ်)များရှိခြင်း သို့မဟုတ် Mi ဘဏ္ဍာရေးတွင် မပေးရသေးသော အကြွေးများရှိခြင်းစသည့် ငွေကြေးဆိုင်ရာ ကိစ္စရပ်များရှိပါက သင့်တောင်းဆိုမှုကို ချက်ချင်းမဆောင်ရွက်နိုင်ပါ။

သင် Xiaomi သို့ ပြင်ပအဖွဲ့အစည်း အကောင့်ဖြင့် လော့ဂ်အင် ဝင်ရောက်သည့်အခါ အဆိုပါ ပြင်ပအဖွဲ့အစည်း၏အကောင့်ကို ဖျက်သိမ်းရန် လိုအပ်ပါသည်။

၆။ သင့်ကိုယ်ရေးကိုယ်တာအချက်အလက်များကို ကမ္ဘာအနှံ့သို့ လွှဲပြောင်းနည်း

Xiaomi သည် ပုဂ္ဂိုလ်ရေးဆိုင်ရာ အချက်အလက်များကို ကမ္ဘာလုံးဆိုင်ရာ လည်ပတ်မှုနှင့် ထိန်းချုပ်မှု အခြေခံအဆောက်အဉီမှ တဆင့် အရံသိမ်းဆည်းမှု လုပ်ဆောင်ပါသည်။ လက်ရှိတွင် Xiaomi သည် တရုတ်၊ အိန္ဒိယ၊ အမေရိကန်၊ ဂျာမနီ၊ ရုရှားနှင့် စင်္ကာပူ တို့၌ ဒေတာစင်တာများ ရှိပါသည်။ ဤကိုယ်ရေးအချက်အလက်လုံခြုံမှုမူဝါဒတွင် ဖော်ပြထားသော ရည်ရွယ်ချက်များအရ သင့်အချက်အလက်များကို ဤဒေတာစင်တာများသို့ သက်ဆိုင်ရာဥပဒေနှင့်အညီ လွှဲပြောင်းနိုင်သည်။

ကျွန်ုပ်တို့အနေဖြင့် သင်၏ပုဂ္ဂိုလ်ရေးဆိုင်ရာ အချက်အလက်ကို ပြင်ပအဖွဲ့အစည်း ဝန်ဆောင်မှု ပေးသူများနှင့် စီးပွားရေး ပါတနာများထံလည်း လွှဲပြောင်း ပေးပို့မည်ဖြစ်သည့်အတွက် သင်၏အချက်အလက်များသည် အခြားသော နိုင်ငံများ သို့မဟုတ် ဒေသများသို့ ပို့ခြင်းမျိုးဖြစ်နိုင်ပါသည်။ အဆိုပါ နိုင်ငံတကာ စက်ရုံအလုပ်ရုံများတည်ရှိရာ ဒေသရှိ တရားစီရင်ပိုင်ခွင့်သည် သင်၏ဒေသရှိ တရားစီရင်ပိုင်ခွင့်၌ ရှိသည့် ပုဂ္ဂိုလ်ရေးဆိုင်ရာ အချက်အလက် အပေါ်ထားရှိသည့် တူညီသည့် စံနှုန်းများအတိုင်း ကာကွယ်ပေးလိမ့်မည် သို့မဟုတ် အကာအကွယ်ပေးချင်မှ ပေးလိမ့်မည် ဖြစ်ပါသည်။ ကွဲပြားသော ဒေတာကာကွယ်ရေးဥပဒေများအရ ဖြစ်နိုင်သော အန္တရာယ်လည်း ကွဲပြားပါသည်။ မည်သို့ပင်ဖြစ်စေကာမူ၊ ထိုအချက်က ကိုယ်ရေးအချက်အလက် ပေါ်လစီကို လိုက်နာရန်နှင့် သင်၏ပုဂ္ဂိုလ်ရေးဆိုင်ရာ အချက်အလက်ကို ကာကွယ်ထိန်းသိမ်းရန်ဆိုသည့် ကျွန်ုပ်တို့၏ ကတိကဝတ်ကို ပြောင်းလဲစေမည်မဟုတ်ပါ။

အထူးသဖြင့်၊

• တရုတ်ပြည်မကြီးတွင် လုပ်ငန်းဆောင်ရွက်စဉ်က ကျွန်ုပ်တို့ ကောက်ယူ ထုတ်လွှတ်ထားသော ကိုယ်ရေးကိုယ်တာအချက်အလက်များကို သက်ဆိုင်ရာဥပဒေအရခွင့်ပြုသော နယ်စပ်ဖြတ်ကျော် ဒေတာထုတ်လွှတ်မှုများမှအပ တရုတ်ပြည်မကြီးရှိ ဒေတာစင်တာများတွင် သိမ်းသည်။

• ရုရှားနိုင်ငံတွင် ကျွန်ုပ်တို့ စုဆောင်းရယူပြီး၊ လည်ပတ်လုပ်ဆောင်မှုများမှ ထွက်လာသည့် ပုဂ္ဂိုလ်ရေးဆိုင်ရာ အချက်အလက်များကို၊ ရုရှား ဥပဒေအရ ခွင့်ပြုထားသည့် နယ်စပ်ဖြတ်ကျော် လွှဲပြောင်း ပေးပို့ခြင်းမှလွဲ၍၊ ရုရှားနိုင်ငံရှိ ဒေတာ စင်တာများတွင် သိမ်းဆည်းပါသည်၊

• အိန္ဒိယနိုင်ငံတွင် ကျွန်ုပ်တို့ စုဆောင်းရယူပြီး၊ လည်ပတ်လုပ်ဆောင်မှုများမှ ထွက်လာသည့် ပုဂ္ဂိုလ်ရေးဆိုင်ရာ အချက်အလက်များကို အိန္ဒိယနိုင်ငံရှိ ဒေတာစင်တာများတွင် သိမ်းဆည်းပါသည်၊

အကယ်၍ ကျွန်ုပ်တို့အနေဖြင့် သင်၏ပုဂ္ဂိုလ်ရေးဆိုင်ရာ အချက်အလက်ကို သင်၏တရားစီရင်ပိုင်ခွင့်နယ်မြေ ပြင်ပရှိ ကျွန်ုပ်တို့နှင့် ဆက်စပ်နေသော အဖွဲ့အစည်းများ သို့မဟုတ် ပြင်ပအဖွဲ့အစည်း ဝန်ဆောင်မှုပေးသူများသို့ လွှဲပြောင်းပေးပို့ရန် လိုအပ်ပါက၊ ကျွန်ုပ်တို့သည် ဆက်စပ်နေသည့် သက်ဆိုင်ရာ ဥပဒေများအတိုင်း လိုက်နာ ဆောင်ရွက်ပါမည်။ အဆိုပါ လွှဲပြောင်း ပေးပို့မှုအားလုံးကို တူညီသော အကာအကွယ် ပုံစံများ အကောင်အထည်ဖော်ခြင်းဖြင့် သက်ဆိုင်ရာ ဒေသန္တရ အချက်အလက် ကာကွယ်ထိန်းသိမ်းရေး ဥပဒေများ၏ လိုအပ်ချက်များနှင့် ကိုက်ညီသည်မှာ ကျွန်ုပ်တို့အနေဖြင့် သေချာပါသည်။ ကျွန်ုပ်တို့၏ လုံခြုံရေးယန္တရားများအကြောင်း ပိုမိုလေ့လာရန် https://privacy.mi.com/support မှတစ်ဆင့် ကျွန်ုပ်တို့ထံ ဆက်သွယ်နိုင်သည်။

အကယ်၍ ဥရောပ စီးပွားရေး ဧရိယာ European Economic Area (EEA) ရှိ ကျွန်ုပ်တို့၏ ထုတ်ကုန်ပစ္စည်းများနှင့် ဝန်ဆောင်မှုများကို သင်အသုံးပြုလျှင်၊ Xiaomi Technologh Netharlands B.V. က အချက်အလက် ထိန်းချုပ်စီမံခန့်ခွဲသူ အဖြစ် ဆောင်ရွက်မည်ဖြစ်ပြီး၊ Xiaomi Singapore Pte. Ltd. က အချက်အလက်များ လုပ်ဆောင်ရန်အတွက် တာဝန်ရှိမည်ဖြစ်ပါသည်။ ဆက်သွယ်ရန် အသေးစိတ်ကို "ကျွန်ုပ်တို့ကို ဆက်သွယ်ရန်" ဆက်ရှင်တွင် တွေ့နိုင်ပါသည်။

Xiaomi သည် EEA အတွင်း သင့်ထံမှအစပျိုးသော ကိုယ်ရေးကိုယ်တာဒေတာများကို Xiaomi အုပ်စု အဖွဲ့အစည်းတစ်ခု သို့မဟုတ် EEA ပြင်ပရှိ ပြင်ပပါတီဝန်ဆောင်မှုပေးသူတစ်ဦးထံ မျှဝေပါက EU သတ်မှတ်စံညွှန်းစာချုပ်ပါ အပိုဒ်များ သို့မဟုတ် GDPR တွင်ပံ့ပိုးထားသော အခြားအကာအကွယ်စနစ်များနှင့်အညီ ဆောင်ရွက်ပါမည်။ ကျွန်ုပ်တို့၏ လုံခြုံရေးယန္တရားများအကြောင်း ပိုမိုလေ့လာလိုပါက သို့မဟုတ် ကျွန်ုပ်တို့၏ သတ်မှတ်စံညွှန်းစာချုပ်ပါ အပိုဒ်များကို မိတ္တူတစ်စောင် တောင်းလိုပါက https://privacy.mi.com/support မှတစ်ဆင့် ကျွန်ုပ်တို့ထံ ဆက်သွယ်နိုင်သည်။

၇။ အရွယ်မရောက်သေးသူများအား ကာကွယ်ခြင်း

ကျွန်ုပ်တို့၏ ထုတ်ကုန်ပစ္စည်းများ သို့မဟုတ် ဝန်ဆောင်မှုများကို ကလေးငယ်များ အသုံးပြုမှုနှင့် ပတ်သက်၍ မိဘ သို့မဟုတ် အုပ်ထိန်းသူတွင် တာဝန် ရှိသည်ဟု ယူဆပါသည်။ သို့သော် ကျွန်ုပ်တို့သည် ကလေးများထံ ဝန်ဆောင်မှုပေးရန် တိုက်ရိုက်ကမ်းလှမ်းခြင်း သို့မဟုတ် ဈေးကွက်ရည်ရွယ်ချက်ဖြင့် ကလေးများ၏ ကိုယ်ရေးကိုယ်တာအချက်အလက်များကို သုံးခြင်းတို့အား မပြုလုပ်ပါ။

သင်သည် မိဘ သို့မဟုတ် အုပ်ထိန်းသူတစ်ဦးဖြစ်ပြီး အရွယ်မရောက်သေးသူတစ်ဦးက Xiaomi သို့ ကိုယ်ရေးကိုယ်တာအချက်အလက်များ ပေးပို့ထားသည်ဟု ယုံကြည်ပါက https://privacy.mi.com/support မှတစ်ဆင့် ကျွန်ုပ်တို့ထံဆက်သွယ်ပြီး အဆိုပါ ကိုယ်ရေးကိုယ်တာအချက်အလက်ကို ချက်ချင်းဖျက်ပစ်ရန်နှင့် အရွယ်မရောက်သေးသူအား သက်ဆိုင်ရာ Xiaomi ဝန်ဆောင်မှုများ စာရင်းသွင်းရယူမှုမှန်သမျှမှ ဖြုတ်ရန် တောင်းဆိုပါ။

၈။ ပြင်ပပါတီဝက်ဘဆိုက်များနှင့် ဝန်ဆောင်မှုများ

ကျွန်ုပ်တို့၏ ပုဂ္ဂိုလ်ရေးလုံခြုံမှု မူဝါဒသည် ပြင်ပပါတီများမှ ဆောင်ရွက်သော ထုတ်ကုန်များ၊ ဝန်ဆောင်မှုများနှင့် မသက်ဆိုင်ပါ။ သင်အသုံးပြုသည့် Xiaomi ထုတ်ကုန် သို့မဟုတ် ဝန်ဆောင်မှု အပေါ်မူတည်၍ ၎င်းသည် အသံပံ့ပိုးမှု၊ ကင်မရာလုပ်ဆောင်ချက်၊ ဗီဒီယိုဖွင့်ခြင်း၊ စနစ်ရှင်းလင်းခြင်းနှင့် လုံခြုံရေးဆိုင်ရာဝန်ဆောင်မှုများ၊ ဂိမ်း၊ စာရင်းအင်းများ၊ လူမှုကွန်ရက်ဆက်သွယ်မှုများ၊ ငွေပေးချေမှုဆောင်ရွက်ခြင်းများ၊ မြေပုံလမ်းညွှန်၊ မျှဝေခြင်း၊ တွန်းပို့ခြင်း၊ အချက်အလက်စစ်ထုတ်ခြင်း၊ စာရိုက်စနစ် စသည်တို့အပါအဝင် ပြင်ပပါတီများ၏ ထုတ်ကုန် သို့မဟုတ် ဝန်ဆောင်မှုများနှင့် ပူးပေါင်းဆောင်ရွက်ခြင်း ရှိနိုင်သည်။ အချို့ပုံစံများမှာ ပြင်ပအဖွဲ့အစည်းသို့ လင့်ခ်ချိတ်ပေးလိမ့်မည် − ဝက်ဘ်ဆိုက်များနှင့် အချို့ကို SDKs ၊ APIs စသည့် ပုံစံများဖြင့် ဝင်ရောက်အသုံးပြုရပါမည်။ ဤထုတ်ကုန်ပစ္စည်းများ သို့မဟုတ် ဝန်ဆောင်မှုများကို သင်အသုံးပြုသည့်အခါ သင်၏အချက်အလက်များကိုလည်း စုဆောင်းရယူလိမ့်မည်။ ထိုအကြောင်းကြောင့် ကျွန်ုပ်တို့ အထူး အကြံပြုလိုသည်မှာ ကျွန်ုပ်တို့၏ ကိုယ်ရေးအချက်အလက် ပေါ်လစီကို သင်ဖတ်သလို ပြင်ပအဖွဲ့အစည်းများ၏ ကိုယ်ရေးအချက်အလက် ပေါ်လစီကို အချိန်ပေးဖတ်ရန် ဖြစ်ပါသည်။ သင့်ထံမှ ၎င်းတို့ စုဆောင်းရယူထားသည့် သင်၏ပုဂ္ဂိုလ်ရေးဆိုင်ရာ အချက်အလက်များကို ပြင်ပအဖွဲ့အစည်းများက မည်သို့ အသုံးပြုမည် ဆိုသည့်အချက်နှင့်ပတ်သက်၍ ကျွန်ုပ်တို့တွင် တာဝန်မရှိသည့်အပြင်၊ ကျွန်ုပ်တို့ မထိန်းချုပ်နိုင်ပါ။ ကျွန်ုပ်တို့၏ ကိုယ်ရေးအချက်အလက် ပေါ်လစီသည် ကျွန်ုပ်တို့ ဝန်ဆောင်မှုများမှ လင့်ခ်လုပ်ထားသော အခြားဆိုဒ်များနှင့် မသက်ဆိုင်ပါ။

အထက်ပါစာရင်းတွင် ဖော်ပြထားသော အချို့သောထုတ်ကုန်များကို အသုံးပြုချိန်၌ အကျုံးဝင်နိုင်သော ပြင်ပပါတီ စည်းမျဉ်းစည်းကမ်းများနှင့် ကိုယ်ရေးအချက်အလက်လုံခြုံမှုမူဝါဒ ဥပမာများမှာ အောက်ပါအတိုင်းဖြစ်သည် -

အမှာကို အပြီးသတ်ပြီး ငွေပေးချေရန်အတွက် ပြင်ပပါတီ ငွေပေးချေဝန်ဆောင်မှုတစ်ခုခုကို သုံးချိန်၌ ငွေပေးချေမှုဆောင်ရွက်ချိန်တွင် ၎င်းပြင်ပပါတီ၏ ကိုယ်ရေးအချက်အလက်လုံခြုံမှုမူဝါဒအရ သင်ပေးထားသည့် ကိုယ်ရေးကိုယ်တာအချက်အလက်များ။

လုံခြုံရေးအက်(ပ်)ရှိ လုံခြုံရေးစကန်ကို သုံးချိန်တွင် သင်ရွေးထားသော ဝန်ဆောင်မှုအပေါ် မူတည်ပြီး အောက်ပါတို့အနက် တစ်ခုကို သုံးပါမည် -

• Avast ၏ ကိုယ်ရေးအချက်အလက်နှင့် သတင်းအချက်အလက် လုံခြုံရေးပေါ်လစီ- https://www.avast.com/privacy-policy

• Antiy မိုဘိုင်းလုံခြုံရေး AVL SDK ၏ ပုဂ္ဂိုလ်ရေးလုံခြုံမှု မူဝါဒ - https://www.avlsec.com/en/privacy-policy

• Tencent ၏ ကိုယ်ရေးအချက်အလက်လုံခြုံမှုမူဝါဒ - https://privacy.qq.com/

လုံခြုံရေးအက်(ပ်)တွင် သန့်ရှင်းစက်အင်္ဂါရပ်သုံးချိန်၌ ကျင့်သုံးသော Tencent ၏ ကိုယ်ရေးအချက်အလက်လုံခြုံမှုမူဝါဒ - https://privacy.qq.com

အမျိုးမျိုးသောစနစ်အက်(ပ်)များ၌ ကြော်ငြာဝန်ဆောင်မှုများ သုံးချိန်တွင် သင်ရွေးထားသော ဝန်ဆောင်မှုအပေါ် မူတည်ပြီး အောက်ပါတို့အနက် တစ်ခုကို သုံးပါမည် -

• Google ၏ ကိုယ်ရေးအချက်အလက် ပေါ်လစီ- https://www.google.com/policies/privacy

• Facebook ၏ ကိုယ်ရေးအချက်အလက် ပေါ်လစီ- https://www.facebook.com/about/privacy/update?ref=old_policy

Google ရေးသွင်းနည်းစနစ်ကို အသုံးပြုသည့်အခါ Google ကိုယ်ရေးအချက်အလက် ပေါ်လစီဆိုင်ရာ- https://policies.google.com/privacy

ကျွန်ုပ်တို့သည် စာရင်းအင်းများခွဲခြမ်းစိတ်ဖြာချိန်၊ အက်(ပ်)ချွတ်ယွင်းမှုနှုန်းများ စောင့်ကြပ်ချိန်နှင့် ကလောက်ထိန်းချုပ်နိုင်စွမ်းများ ပံ့ပိုးချိန်တွင် Google Analytics for Firebase သို့မဟုတ် Google, Inc. မှ ပံ့ပိုးသော Firebase Analytic ကို သုံးပါသည်။ Google Firebase ကိုယ်ရေးအချက်အလက်လုံခြုံမှုမူဝါဒအကြောင်းကို ပိုမိုလေ့လာနိုင်သည် - https://policies.google.com/privacy နှင့် https://www.google.com/policies/privacy/partners။

Xiaomi စနစ်အက်(ပ်)များတွင် ကြော်ငြာများထည့်နိုင်ရန် သင့်အွန်လိုင်းလှုပ်ရှားမှုများမှ ထွက်လာသော သင်၏ကြော်ငြာနှိပ်ကြည့်မှု၊ အကြောင်းအရာကို ကြည့်ရှုမှုများ သို့မဟုတ် ဝက်ဘဆိုက်များနှင့် အက်(ပ်)များရှိ အခြားလှုပ်ရှားမှုများကဲ့သို့ ဒေတာများကို ပြင်ပပါတီကြော်ငြာပါတနာများက ကောက်ယူနိုင်သည်။

• Google ၏ ကိုယ်ရေးအချက်အလက် ပေါ်လစီ- https://www.google.com/policies/privacy

• Facebook ၏ ကိုယ်ရေးအချက်အလက် ပေါ်လစီ- https://www.facebook.com/about/privacy/update?ref=old_policy

• Unity ၏ ပုဂ္ဂိုလ်ရေးလုံခြုံမှု မူဝါဒ - https://unity3d.com/legal/privacy-policy

• Vungle ၏ ပုဂ္ဂိုလ်ရေးလုံခြုံမှု မူဝါဒ - https://vungle.com/privacy/

• ironSource ၏ ပုဂ္ဂိုလ်ရေးလုံခြုံမှု မူဝါဒ - https://developers.ironsrc.com/ironsource-mobile/air/ironsource-mobile-privacy-policy/

• AppLovin ၏ ပုဂ္ဂိုလ်ရေးလုံခြုံမှု မူဝါဒ - https://www.applovin.com/privacy/

• Chartboost ၏ ပုဂ္ဂိုလ်ရေးလုံခြုံမှု မူဝါဒ - https://answers.chartboost.com/en-us/articles/200780269/

• MoPub ၏ ပုဂ္ဂိုလ်ရေးလုံခြုံမှု မူဝါဒ - https://www.mopub.com/legal/privacy/

• Mytarget ၏ ပုဂ္ဂိုလ်ရေးလုံခြုံမှု မူဝါဒ - https://legal.my.com/us/mail/privacy_nonEU/

• Yandex ၏ ပုဂ္ဂိုလ်ရေးလုံခြုံမှု မူဝါဒ - https://yandex.com/legal/privacy/

• Tapjoy ၏ ပုဂ္ဂိုလ်ရေးလုံခြုံမှု မူဝါဒ - https://www.tapjoy.com/legal/advertisers/privacy-policy/

• AdColony' ၏ ပုဂ္ဂိုလ်ရေးလုံခြုံမှု မူဝါဒ - https://www.adcolony.com/privacy-policy/

ကျွန်ုပ်တို့သည် ကျွန်ုပ်တို့၏ ကြော်ငြာပါတနာများအတွက် အစီရင်ခံစာများ (ကျွန်ုပ်တို့ကြော်ငြာများနှင့် သင်တို့ကြား အပြန်အလှန်ဆက်သွယ်မှု ကိန်းဂဏန်းများ အပါအဝင်) ထုတ်ပေးနိုင်ရန်အတွက် သင့်အချက်အလက်များကို ကျွန်ုပ်တို့၏ ကြော်ငြာပါတနာများ၏ လမ်းညွှန်များနှင့်အညီ ကောက်ယူပြီး အသိအမှတ်ပြုပြင်ပပါတီကုမ္ပဏီများနှင့် မျှဝေခြင်း ပြုလုပ်နိုင်သည်။ သင်သုံးသော စနစ်အက်(ပ်)များအပေါ် မူတည်ပြီး ပြင်ပပါတီ ညွှန်းကိန်းကုမ္ပဏီများက အောက်ပါတို့ကို ထည့်နိုင်သည် -

• Adjust ၏ ပုဂ္ဂိုလ်ရေးလုံခြုံမှု မူဝါဒ - https://www.adjust.com/terms/privacy-policy/

• Appsflyer ၏ ကိုယ်ရေးအချက်အလက်လုံခြုံမှုမူဝါဒ - https://www.appsflyer.com/privacy-policy/

• Affise ၏ ပုဂ္ဂိုလ်ရေးလုံခြုံမှု မူဝါဒ - https://affise.com/privacy-policy/

• Miaozhen ၏ ပုဂ္ဂိုလ်ရေးလုံခြုံမှု မူဝါဒ - https://www.miaozhen.com/en/privacy/

• Nielsen ၏ ပုဂ္ဂိုလ်ရေးလုံခြုံမှု မူဝါဒ - https://www.nielsen.com/cn/en/legal/privacy-policy/

၉။ ဤပုဂ္ဂိုလ်ရေးလုံခြုံမှု မူဝါဒကို ဘယ်လို ပြန်ပြင်သလဲ

ကျွန်ုပ်တို့သည် ဤကိုယ်ရေးအချက်အလက်လုံခြုံမှုမူဝါဒကို လုပ်ငန်း၊ နည်းပညာနှင့် သက်ဆိုင်ရာ ဥပဒေနှင့် အကောင်းဆုံးအလေ့အထတို့၏ အပြောင်းအလဲအပေါ် မူတည်ပြီး အခါအားလျော်စွာ သုံးသပ် ပြုပြင်နိုင်သည်။ ဤကိုယ်ရေးအချက်အလက်လုံခြုံမှုမူဝါဒကို အပြောင်းအလဲလုပ်ပါက ကျွန်ုပ်တို့ ကောက်ယူသော အချက်အလက်များနှင့် ၎င်းတို့ကို အသုံးပြုပုံအကြောင်းအား သင်လေ့လာနိုင်ရန်အတွက် သင်စာရင်းသွင်းထားသော ဆက်သွယ်ရန်အချက်အလက်များ၊ ဥပမာ - အီးမေး(လ်)မှတစ်ဆင့် အကြောင်းကြားခြင်း (သင့်အကောင့်တွင် ဖော်ပြထားသော အီးမေး(လ်)လိပ်စာသို့ ပို့ပါမည်)၊ Xiaomi ဝက်ဘဆိုက်တွင် ထုတ်လွှင့်ခြင်း သို့မဟုတ် မိုဘိုင်းစက်များမှတစ်ဆင့် အကြောင်းကြားခြင်းတို့ ပြုလုပ်ပါမည်။ ကိုယ်ရေးအချက်အလက်လုံခြုံမှုမူဝါဒရှိ ထိုသို့သောအပြောင်းအလဲများသည် နို့တစ် သို့မဟုတ် ဝက်ဘဆိုက်တွင် ဖော်ပြထားသည့် ရက်စွဲမှ စတင်အကျုံးဝင်ပါမည်။ ကျွန်ုပ်တို့၏ ကိုယ်ရေးအချက်အလက် ပေါ်လစီ အပေါ် နောက်ဆုံး ပြောင်းလဲထားသည့် အချက်အလက်ကို သိရှိနိုင်စေရန် ဤစာမျက်နှာကို ပုံမှန် စစ်ဆေးရန် သင့်အား တိုက်တွန်းပါသည်။ သင်သည် ကျွန်ုပ်တို့၏ ဝက်ဘဆိုက်၊ မိုဘိုင်းဖုန်း နှင့်/သို့မဟုတ် အခြားမည်သည့်စက်မှမဆို ထုတ်ကုန်နှင့် ဝန်ဆောင်မှုများကို ဆက်လက်သုံးစွဲပါက အပ်ပဒိတ်လုပ်ထားသော ကိုယ်ရေးအချက်အလက်လုံခြုံမှုမူဝါဒကို လိုက်နာရပါမည်။ ကိုယ်ရေးကိုယ်တာအချက်အလက်များ ထပ်မံကောက်ယူချိန် သို့မဟုတ် သင့်ကိုယ်ရေးကိုယ်တာအချက်အလက်များကို ရည်ရွယ်ချက်အသစ်အတွက် အသုံးပြုသည့်အခါ သို့မဟုတ် ထုတ်ဖော်ပြသသည့်အခါတွင် ကျွန်ုပ်တို့သည် ဥပဒေအရ လိုအပ်လျှင် သင့်ထံမှ တိကျသော သဘောတူညီချက်ကို တောင်းခံပါမည်။

၁၀။ ကျွန်ုပ်တို့ကို ဆက်သွယ်ရန်

ဤကိုယ်ရေးအချက်အလက်လုံခြုံမှုမူဝါဒနှင့် ပတ်သက်ပြီး သုံးသပ်ချက်များ သို့မဟုတ် မေးခွန်းများရှိလျှင် သို့မဟုတ် သင့်ကိုယ်ရေးကိုယ်တာအချက်အလက်များကို Xiaomi က ကောက်ယူမှု၊ အသုံးပြုမှု သို့မဟုတ် ဖွင့်ထုတ်မှုနှင့် ပတ်သက်ပြီး မေးခွန်းများရှိလျှင် ကျွန်ုပ်တို့အား https://privacy.mi.com/support မှ တစ်ဆင့် သို့မဟုတ် အောက်ပါလိပ်စာအတိုင်း ဆက်သွယ်ပါ။ ကျွန်ုပ်တို့ထံတွင် ကိုယ်ရေးကိုယ်တာအချက်အလက်များကို ဝင်ဖတ်ခြင်း သို့မဟုတ် ဒေါင်းလုဒ်လုပ်ခြင်းနှင့် ပတ်သက်သော ပုဂ္ဂိုလ်ရေး သို့မဟုတ် ကိုယ်ရေးကိုယ်တာ အချက်အလက်တောင်းဆိုမှုများကို လက်ခံရရှိပါက ၎င်းပြဿနာများကို ဖြေရှင်းပေးရန် ကျွမ်းကျင်ပညာရှင်အသင်းတစ်သင်း ရှိပါသည်။ သင်၏မေးခွန်းကိုယ်၌တွင် ထင်ရှားသည့်ပြဿနာ ပါဝင်နေပါက ကျွန်ုပ်တို့က အခြားအချက်အလက်များကို မေးမြန်းနိုင်သည်။

သင့်ကိုယ်ရေးကိုယ်တာအချက်အလက်နှင့် ပတ်သက်ပြီး ကျွန်ုပ်တို့ထံမှ တုံ့ပြန်မှုအပေါ် ကျေနပ်မှုမရှိပါက သင်၏ တိုင်ကြားချက်ကို သင့်လုပ်ပိုင်ခွင့်အတွင်းမှ သက်ဆိုင်ရာ ဒေတာကာကွယ်ရေးစည်းမျဉ်း အာဏာပိုင်ထံ လွှဲပြောင်းနိုင်သည်။ သင်က ကျွန်ုပ်တို့ထံအကြံတောင်းလျှင် သင့်အခြေအနေမှန်အပေါ်မူတည်ပြီး အသုံးပြုနိုင်သော သင့်လျှော်သည့် တိုင်ကြားမှုချန်နယ်များဆိုင်ရာ အချက်အလက်များကို ကျွန်ုပ်တို့ထံမှ ပေးပါမည်။

Xiaomi Communications Co., Ltd. #019, 9th Floor, Building 6, 33 Xi'erqi Middle Road, Haidian District, Beijing, China 100085

Xiaomi Singapore Pte. Ltd. 20 Cross Street, China Court #02-12 Singapore 048422

အိန္ဒိယမှ အသုံးပြုသူများအတွက် -

Xiaomi Technology India Private Limited Building Orchid, Block E, Embassy Tech Village, Outer Ring Road, Devarabisanahalli, Bengaluru, Karnataka - 560103, India

အထိပါးမခံသည့် ကိုယ်ရေးကိုယ်တာဒေတာများ သို့မဟုတ် အချက်အလက်များနှင့် ပတ်သက်ပြီး မကိုက်ညီမှုများ သို့မဟုတ် မကျေနပ်မှုများ တစ်စုံတစ်ရာရှိပါက အောက်ပါ မကျေနပ်ချက်ဆိုင်ရာအရာရှိထံ အကြောင်းကြားရမည် -

အမည် - Vishwanath C

တယ်လီဖုန်း - 080 6885 6286၊ တနင်္လာ - စနေ၊ နံနက် ၉ - ညနေ ၆

အီးမေး(လ်) - grievance.officer@xiaomi.com

ဥရောပစီးပွားရေးနယ်မြေ (EEA) ရှိ အသုံးပြုသူများအတွက် -

Xiaomi Technology Netherlands B.V. Prinses Beatrixlaan 582, The Hague 2595BM Netherlands

ကျွန်ုပ်တို့၏ ကိုယ်ရေးအချက်အလက် ပေါ်လစီကို အချိန်ပေးဖတ်သည့်အတွက် ကျေးဇူးတင်ပါသည်။

မွမ်းမံမှု အသစ်များ

ကျွန်ုပ်တို့သည် အောက်ပါအတိုင်း အပ်ပဒိတ်များစွာ ပြုလုပ်ထားပါသည် -

• ကွန်ုပ်တို့၏ ဆက်သွယ်ရန်အချက်အလက်အချို့ကို အပ်ပဒိတ်လုပ်ထားပါသည်။

• ကျွန်ုပ်တို့နှင့် ပြင်ပပါတီများမှ ကောက်ယူသော အချက်အလက်အချို့ကို အပ်ပဒိတ်လုပ်ထားပါသည်။

• ကျွန်ုပ်တို့သည် ကိုယ်ရေးကိုယ်တာမဖော်ထုတ်နိုင်သော အချက်အလက်များကို ကျွန်ုပ်တို့ အသုံးပြုပုံအတွက် ပိုမိုရှင်းလင်းစွာ သတ်မှတ်ပြီးဖြစ်ပါသည်။

• ကိုယ်ရေးကိုယ်တာအချက်အလက်များအား ဥပဒေအရ ကိုင်တွယ်အသုံးပြုပုံ အသေးစိတ်ကို တင်ပြခြင်းအပါအဝင် သင့်ကိုယ်ရေးကိုယ်တာအချက်အလက်များကို ကျွန်ုပ်တို့က အသုံးပြုပုံအား အပ်ပဒိတ်လုပ်ထားပါသည်။

• ဒေတာထိန်းသိမ်းခြင်းအကြောင်း ပိုမိုအသေးစိတ် ဖော်ပြထားပါသည်။

• ကျွန်ုပ်တို့သည် ကိုယ်ရေးကိုယ်တာအချက်အလက်များနှင့် ပတ်သက်သော သင့်အခွင့်အရေးများကို ပိုမိုရှင်းလင်းစွာ သတ်မှတ်ပြီးဖြစ်ပါသည်။