Xiaomi ၏ အထွေထွေ ကိုယ်ရေးလုံခြုံမှု မူဝါဒ

ကျွန်ုပ်တို့၏ အထွေထွေ ကိုယ်ရေးလုံခြုံမှု မူဝါဒကို 2026 ခုနှစ်၊ ဇူလိုင်လ 31 ရက်တွင် အပ်ဒိတ်လုပ်ထားသည်။

ကျွန်ုပ်တို့၏ ကိုယ်ရေးလုံခြုံမှုဆိုင်ရာ ဆောင်ရွက်ချက်များကို သိရှိနားလည်အောင် အချိန်ပေးလေ့လာပြီး မေးမြန်းလိုသည်များရှိပါက ကျွန်ုပ်တို့ကို ဆက်သွယ်ပါ။

အကျဉ်းချုပ်

1. မိတ်ဆက်

2. ကိုယ်ရေးအချက်အလက်ဆိုသည်မှာ အဘယ်နည်း။

3. ကျွန်ုပ်တို့က မည်သည့်ကိုယ်ရေးအချက်အလက်များကို မည်သည့်ရည်ရွယ်ချက်များအတွက် စုဆောင်းပြီး အသုံးပြုပါသနည်း။

4. ကျွန်ုပ်တို့က သင့်ကိုယ်ရေးအချက်အလက်များကို မည်သို့မျှဝေသနည်း။

5. သင့်ကိုယ်ရေးအချက်အလက်ကို စီမံဆောင်ရွက်ခြင်းအတွက် ဥပဒေဆိုင်ရာ အခြေခံအကြောင်းရင်းမှာ အဘယ်နည်း။

6. သင့်ကိုယ်ရေးအချက်အလက်ကို ကာကွယ်ရန် ကျွန်ုပ်တို့၏ လုံခြုံရေးအကာအကွယ်များမှာ မည်သည်တို့ဖြစ်သနည်း။

7. သင့်ကိုယ်ရေးအချက်အလက်ကို မည်မျှကြာအောင် သိမ်းဆည်းထားမည်နည်း။

8. သင့်ကိုယ်ရေးလုံခြုံမှုဆိုင်ရာ ဦးစားပေးမှုများကို မည်သို့ စီမံခန့်ခွဲနိုင်မည်နည်း။

9. သင်၏ ဒေတာကာကွယ်ရေး အခွင့်အရေးများမှာ မည်သည်တို့ဖြစ်သနည်း။

10. သင်၏ ဒေတာကာကွယ်ရေး အခွင့်အရေးများကို မည်သို့အသုံးချရမည်နည်း၊ ကျွန်ုပ်တို့ထံ မည်သို့ဆက်သွယ်ရမည်နည်း။

11. သင့်ကိုယ်ရေးအချက်အလက်ကို ကမ္ဘာတစ်ဝန်းသို့ မည်သို့လွှဲပြောင်းသနည်း။

12. အရွယ်မရောက်သေးသူများ၏ ကိုယ်ရေးအချက်အလက်ကို ကျွန်ုပ်တို့ မည်သို့ ကာကွယ်ပေးသနည်း။

13. ပြင်ပအဖွဲ့အစည်း၏ စည်းကမ်းသတ်မှတ်ချက်တစ်ရပ်ရပ်ကို သင်သဘောတူရမည်လား။

14. ဤကိုယ်ရေးလုံခြုံမှု မူဝါဒကို ကျွန်ုပ်တို့ မည်သို့အပ်ဒိတ်လုပ်သနည်း။

1. မိတ်ဆက်

ကျွန်ုပ်တို့၏ ကမ္ဘာတစ်ဝန်းရှိ အဖွဲ့ဝင်များနှင့်အတူ Xiaomi Communications Co., Ltd. (စုစည်း၍ “Xiaomi”၊ ”ကျွန်ုပ်တို့”၊ ”ကျွန်ုပ်တို့ကို” သို့မဟုတ် ”ကျွန်ုပ်တို့၏”) သည် ကိုယ်ရေးလုံခြုံမှုကို အဓိက ဦးစားပေးတန်ဖိုးတစ်ခုအဖြစ် မှတ်ယူပြီး သင့်ကိုယ်ရေးလုံခြုံမှုကို ကာကွယ်ခြင်းသည် ကျွန်ုပ်တို့၏ ထိပ်တန်းဦးစားပေးဖြစ်ပါသည်။ Xiaomi ထုတ်ကုန် သို့မဟုတ် ဝန်ဆောင်မှုတစ်ခုစီတွင် ၎င်း၏ သီးသန့် ကိုယ်ရေးလုံခြုံမှု မူဝါဒ ရှိသော်လည်း ကျွန်ုပ်တို့သည် ဤကိုယ်ရေးလုံခြုံမှု မူဝါဒတွင် အဓိကအချက်အချို့ကို အကျဉ်းချုပ်ဖော်ပြထားပါသည်။ ဤနည်းအားဖြင့် သင်သည် အချက်အလက်များကို ပုံစံနှစ်မျိုးဖြင့် အမြန်ကြည့်ရှုနိုင်ပါမည်- ဤနေရာတွင် ဖော်ပြထားသည့် ပိုမိုရိုးရှင်းသော ဗားရှင်းနှင့် သင်စိတ်ဝင်စားသော ထုတ်ကုန် နှင့်/သို့မဟုတ် ဝန်ဆောင်မှု၏ ကိုယ်ရေးလုံခြုံမှု မူဝါဒကို ရည်ညွှန်းကိုးကားခြင်းဖြင့် ပိုမိုအသေးစိတ်ကျပြီး သီးသန့်ဖြစ်သော ဗားရှင်းဖြစ်သည်။

Xiaomi က လုပ်ဆောင်သည့် ကိုယ်ရေးအချက်အလက် စီမံဆောင်ရွက်ခြင်းသည် သက်ဆိုင်ရာ ထုတ်ကုန်များနှင့်/သို့မဟုတ် ဝန်ဆောင်မှုများအပြင် အသုံးပြုသည့် လုပ်ဆောင်ချက်များနှင့် သုံးစွဲသူတစ်ဦးစီက ရွေးချယ်ထားသော စီစဉ်သတ်မှတ်ချက်ပေါ် မူတည်၍ ကွဲပြားနိုင်သည်ကို မှတ်ထားပေးပါ။ သက်ဆိုင်ရာ ထုတ်ကုန် သို့မဟုတ် ဝန်ဆောင်မှုအပေါ် သက်ရောက်သည့် ကိုယ်ရေးလုံခြုံမှုထုတ်ပြန်ချက် သို့မဟုတ် ဖြည့်စွက် အသိပေးချက် (“ထုတ်ကုန် ကိုယ်ရေးလုံခြုံမှု အသိပေးချက်”) ကို ပြန်လည်သုံးသပ်ပါ။ ၎င်းသည် အဆိုပါ ထုတ်ကုန် သို့မဟုတ် ဝန်ဆောင်မှုက သင့်ကိုယ်ရေးအချက်အလက်များကို မည်သို့စီမံဆောင်ရွက်ပုံ၊ သင့်အခွင့်အရေးများကို မည်သို့အသုံးချနိုင်ပုံ၊ သက်ဆိုင်ရာ ဒေတာထိန်းချုပ်သူ(များ) မည်သူမည်ဝါဖြစ်ကြောင်း အထောက်အထားအချက်အလက်နှင့် ၎င်းတို့ထံ မည်သို့ဆက်သွယ်ပုံကို ရှင်းပြပေးထားပါသည်။ ကွဲလွဲမှုတစ်စုံတစ်ရာ ရှိပါက အဆိုပါ ထုတ်ကုန် သို့မဟုတ် ဝန်ဆောင်မှုအတွက် ထုတ်ကုန် ကိုယ်ရေးလုံခြုံမှု အသိပေးချက်သည် ဦးစားပေးအကျုံးဝင်မည်ဖြစ်ပြီး အခြားနေရာများတွင်မူ ဤမူဝါဒသည် အကျုံးဝင်မည်ဖြစ်သည်။

ကျွန်ုပ်တို့သည် အခြေခံအားဖြင့် ကျွန်ုပ်တို့၏ သုံးစွဲသူအားလုံးအတွက် အကောင်းဆုံးဖြစ်မည့်အရာကို လိုလားပါသည်။ ဤကိုယ်ရေးလုံခြုံမှု မူဝါဒတွင် အကျဉ်းချုပ်ဖော်ပြထားသည့် ကျွန်ုပ်တို့၏ ဒေတာစီမံဆောင်ရွက်မှု ဆောင်ရွက်ချက်များနှင့်ပတ်သက်၍ သင့်တွင် မေးစရာများ ရှိပါက https://privacy.mi.com/support မှတစ်ဆင့် ကျွန်ုပ်တို့ကို ဆက်သွယ်ပြီး သင်မေးမြန်းလိုသည့်အရာ အတိအကျကို ဖော်ပြပေးပါ။ သင်ဆက်သွယ်မည်ကို ဝမ်းမြောက်စွာ မျှော်လင့်ပါသည်။

2. ကိုယ်ရေးအချက်အလက်ဆိုသည်မှာ အဘယ်နည်း။

ဤကိုယ်ရေးလုံခြုံမှု မူဝါဒတွင် "ကိုယ်ရေးအချက်အလက်" ဆိုသည်မှာ သင့်ဒေသရှိ သက်ဆိုင်ရာ ဥပဒေက အခြားတစ်နည်းနည်းဖြင့် အတိအကျ သတ်မှတ်ဖော်ပြထားခြင်းမှလွဲ၍ Xiaomi က ရရှိနိုင်သော တစ်ဦးချင်းစီနှင့်ပတ်သက်သည့် အချက်အလက်ချည်းသက်သက်ကိုဖြစ်စေ၊ အခြားအချက်အလက်များနှင့်ပေါင်းစပ်ထားသော အချက်အလက်များကိုဖြစ်စေ အသုံးပြု၍ တစ်ဦးတစ်ယောက်ကို တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း မည်သူမည်ဝါဖြစ်ကြောင်း ခွဲခြားဖော်ထုတ်ရန် အသုံးပြုနိုင်သည့် အချက်အလက်များဖြစ်သည်။ ၎င်းတွင် အမည်၊ ဆက်သွယ်ရန်အသေးစိတ်အချက်များ၊ အိုင်ဒီနံပါတ်များ၊ တည်နေရာဒေတာ သို့မဟုတ် အွန်လိုင်းအိုင်ဒီများ (ဥပမာ- Xiaomi အကောင့် ID) ကဲ့သို့သော အချက်အလက်များ ပါဝင်ပါသည်။ ကျွန်ုပ်တို့သည် ဤကိုယ်ရေးလုံခြုံမှု မူဝါဒ၊ အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်နှင့် သက်ဆိုင်ရာ ဥပဒေနှင့်အညီ သင့်ကိုယ်ရေးအချက်အလက်များကို အသုံးပြုပါမည်။

3. ကျွန်ုပ်တို့က မည်သည့်ကိုယ်ရေးအချက်အလက်များကို မည်သည့်ရည်ရွယ်ချက်များအတွက် စုဆောင်းပြီး အသုံးပြုပါသနည်း။

3.1 သင့်ထံမှ ကိုယ်ရေးအချက်အလက်များ စုဆောင်းခြင်း

Xiaomi က လုပ်ဆောင်သည့် ကိုယ်ရေးအချက်အလက် စီမံဆောင်ရွက်ခြင်းသည် သက်ဆိုင်ရာ ထုတ်ကုန်များနှင့်/သို့မဟုတ် ဝန်ဆောင်မှုများအပြင် အသုံးပြုသည့် လုပ်ဆောင်ချက်များနှင့် သုံးစွဲသူတစ်ဦးစီက ရွေးချယ်ထားသော စီစဉ်သတ်မှတ်ချက်ပေါ် မူတည်၍ ကွဲပြားနိုင်သည်။ ထို့ကြောင့် ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများကို အသုံးပြုသည့်အခါ သင်ရွေးချယ်ထားသော ထုတ်ကုန်များနှင့်/သို့မဟုတ် ဝန်ဆောင်မှုများကို ပေးအပ်နိုင်ရန်အတွက် သင့်ကိုယ်ရေးအချက်အလက်များကို စီမံဆောင်ရွက်ပါမည်။

သင် အသုံးပြုနေသော ထုတ်ကုန်များနှင့်/သို့မဟုတ် ဝန်ဆောင်မှုများ၏ အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်တွင် နောက်ထပ်အချက်အလက်များကို ရှာဖွေတွေ့ရှိနိုင်သော်လည်း ကျွန်ုပ်တို့ ကိုယ်ရေးအချက်အလက် စုဆောင်းရသည့် အဓိက အကြောင်းရင်းမှာ သင်ရွေးချယ်ထားသော ထုတ်ကုန်များနှင့် ဝန်ဆောင်မှုများကို သင့်အား ပံ့ပိုးပေးနိုင်ရန်ဖြစ်ပါသည်။ ကျွန်ုပ်တို့စုဆောင်းသည့် ကိုယ်ရေးအချက်အလက် အမျိုးအစားများသည် ထုတ်ကုန် သို့မဟုတ် ဝန်ဆောင်မှု၊ စက်ပစ္စည်း၊ ဖွင့်ထားသော လုပ်ဆောင်ချက်များနှင့် နိုင်ငံ သို့မဟုတ် ဒေသအပေါ်မူတည်၍ ကွဲပြားနိုင်သည်။ ထို့ကြောင့် အောက်ဖော်ပြပါ အချက်အလက်အားလုံးကို အခြေအနေတိုင်းတွင် စုဆောင်းမည်မဟုတ်ပါ။

သင်‌ရွေးချယ်သော ဝန်ဆောင်မှုအပေါ်မူတည်၍ အောက်ဖော်ပြပါ အချက်အလက် အမျိုးအစားများကို ကျွန်ုပ်တို့ စုဆောင်းနိုင်သည်-

3.1.1 ကျွန်ုပ်တို့ကို သင်ပေးအပ်သည့် အချက်အလက်များ

သင်ရွေးချယ်သည့် ဝန်ဆောင်မှုအတွက် လိုအပ်ပါက ကျွန်ုပ်တို့ကို သင်ပေးအပ်သည့် ကိုယ်ရေးအချက်အလက်များကို ကျွန်ုပ်တို့ စုဆောင်းနိုင်ပါသည်။ ဝန်ဆောင်မှုအပေါ် မူတည်၍ ၎င်းတွင် အောက်ပါတို့ ပါဝင်နိုင်သည်-

• **မည်သူမည်ဝါဖြစ်ကြောင်းအထောက်အထားနှင့် အကောင့်ဒေတာ- **သင်က ကျွန်ုပ်တို့ထံတွင် အကောင့် သို့မဟုတ် ပရိုဖိုင်တစ်ခု ဖန်တီးသောအခါ ကျွန်ုပ်တို့သည် အမည်၊ အမည်ပြောင်၊ Xiaomi အကောင့် ID၊ မွေးနေ့၊ ကျား/မ၊ နိုင်ငံသား၊ ပရိုဖိုင်ဓာတ်ပုံ၊ အလုပ်အကိုင်နှင့် သက်ဆိုင်ပါက သင်ပေးအပ်သည့် လုံခြုံရေးဆိုင်ရာ အချက်အလက်များကဲ့သို့သော အချက်အလက်များကို တောင်းဆိုနိုင်ပါသည်။ အချို့သော တရားစီရင်ပိုင်ခွင့်နယ်မြေများတွင် ကျွန်ုပ်တို့သည် ဒေသတွင်းအာဏာပိုင်များမှ ထုတ်ပေးသည့် သင်၏သက်သေခံအထောက်အထားများ သို့မဟုတ် အမည်ရင်း အကောင့်မှတ်ပုံတင်ခြင်း၊ ခရက်ဒစ် သို့မဟုတ် အင်တာနက်ငွေပေးချေမှု သို့မဟုတ် အခြားသက်ဆိုင်သော လိုအပ်ချက်များအပေါ် အခြေခံ၍ သင့်အထောက်အထားကို မှန်ကန်ကြောင်း အတည်ပြုနိုင်သည့် အခြားအချက်အလက်ကို တောင်းဆိုနိုင်ပါသည်။
• **အဆက်အသွယ် ဒေတာ- **ကျွန်ုပ်တို့ထံမှ ထုတ်ကုန် သို့မဟုတ် အခပေး ဝန်ဆောင်မှုကို သင်မှာယူပါက ကျွန်ုပ်တို့သည် အီးမေးလ်လိပ်စာ၊ မိုဘိုင်းဖုန်းနံပါတ်၊ ပို့ဆောင်ရန်လိပ်စာ သို့မဟုတ် စာပို့လိပ်စာ၊ ဆိုရှယ်မီဒီယာ ID တို့ကိုလည်း တောင်းခံပါသည်။ အချို့သောဝန်ဆောင်မှုများတွင် သင်က အခြားသူများထံ ဆက်သွယ်ပြီး အချက်အလက်မျှဝေနိုင်စေသည်။ ထိုဝန်ဆောင်မှုများကို အသုံးပြုနိုင်စေရန် ကျွန်ုပ်တို့သည် ပေးပို့သူများနှင့် လက်ခံသူများ၏ ဖုန်းနံပါတ်များကဲ့သို့သော အချက်အလက်များကို စီမံဆောင်ရွက်နိုင်ပါသည်။
• **ငွေရေးကြေးရေးနှင့် ငွေလွှဲပြောင်းမှု ဒေတာ- **ကျွန်ုပ်တို့ထံမှ ထုတ်ကုန် သို့မဟုတ် အခပေး ဝန်ဆောင်မှုကို သင်မှာယူပါက ကျွန်ုပ်တို့သည် အော်ဒါအချက်အလက်၊ ငွေတောင်းခံမှု အသေးစိတ်အချက်များ၊ ဘဏ်အကောင့်နံပါတ်၊ အကောင့်ပိုင်ရှင်အမည်နှင့် ခရက်ဒစ်ကတ်နံပါတ်ကဲ့သို့သော အချက်အလက်များကိုလည်း တောင်းခံပါသည်။
• **ကျွန်ုပ်တို့ထံ ဆက်သွယ်ခြင်း- **သင်သည် ကျွန်ုပ်တို့နှင့်ဖြစ်စေ၊ ကျွန်ုပ်တို့၏ အကြောင်းအရာ သို့မဟုတ် ကျွန်ုပ်တို့၏ ဈေးကွက်ရှာဖွေရေး သို့မဟုတ် အရောင်းမြှင့်တင်ရေး လှုပ်ရှားမှုများနှင့်ဖြစ်စေ ထိတွေ့တုံ့ပြန်သည့်အခါ သင်ပေးအပ်သော အချက်အလက် (ဥပမာ၊ အသံဖမ်းဖိုင်များ၊ မက်ဆေ့ခ်ျပါ အကြောင်းအရာ၊ ဖုန်းခေါ်ဆိုမှုမှတ်တမ်းများ၊ အီးမေးလ်/ချတ်မှတ်တမ်း၊ သင်ပေးပို့သော ဗီဒီယိုနှင့် ဓာတ်ပုံကဲ့သို့သော အကြောင်းအရာများ၊ ဝန်ဆောင်မှုများ သို့မဟုတ် စစ်တမ်းများအတွက် သုံးစွဲသူ၏ တုံ့ပြန်အကြံပြုချက်)။

3.1.2 ဝန်ဆောင်မှုများကို သင်အသုံးပြုစဉ် ကျွန်ုပ်တို့စုဆောင်းသည့် အချက်အလက်များ

• စက်နှင့် အသုံးပြုမှုဆိုင်ရာ အချက်အလက်များ။ ချိတ်ဆက်ထားသောစက်များ (ထုတ်လုပ်သူနှင့် မော်ဒယ်ကဲ့သို့)၊ ဆော့ဖ်ဝဲအချက်အလက်များ (လုပ်ဆောင်ချက်စနစ်နှင့် ဆော့ဖ်ဝဲဗားရှင်းများကဲ့သို့)၊ IMEI/OAID နှင့် အခြား သီးသန့် စက် ID (အမှတ်စဉ်နံပါတ် (SN)၊ MAC လိပ်စာ၊ IP လိပ်စာ၊ ကြော်ငြာ ID (ဥပမာ- မိုဘိုင်းစက်များအတွက် GAID နှင့် Android ID) ကဲ့သို့)၊ SIM နှင့်ဆိုင်သော အချက်အလက်များ (ဥပမာ- IMSI နံပါတ်၊ SIM ကတ် အော်ပရေတာနှင့် ၎င်း၏ တည်နေရာဒေသ)၊ Space ID၊ စခရင် ပြသချက် အချက်အလက်၊ စက်ကီးပတ်အချက်အလက်၊ စက်စဖွင့်ချိန်၊ အခြေခံ ဟာ့ဒ်ဝဲအချက်အလက်များ၊ အရောင်းချန်နယ်၊ စွမ်းဆောင်ရည် မက်ထရစ်များ (CPU၊ ကွန်ရက်၊ သိုလှောင်ခန်း၊ ဘက်ထရီအသုံးပြုမှု၊ စခရင်ရီဆိုလူးရှင်းနှင့် စက်အပူချိန်၊ ကင်မရာမှန်ဘီလူးမော်ဒယ်၊ စခရင်ကို ဖွင့်သည့် သို့မဟုတ် လော့ခ်ဖြေသည့် အကြိမ်အရေအတွက်ကဲ့သို့) နှင့် ဝန်ဆောင်မှုများကို ရယူသုံးစွဲရာတွင် သင်အသုံးပြုသည့် စက်များ၏ ဆက်တင်များအပါအဝင် သင့်စက်နှင့်ဆိုင်သော အချက်အလက်များ။
• **မိုဘိုင်းကွန်ရက်အချက်အလက်။ **ကွန်ရက်အော်ပရေတာ၊ ချိတ်ဆက်မှု အမျိုးအစားအပြင် မိုဘိုင်းနိုင်ငံကုဒ်၊ မိုဘိုင်းကွန်ရက်ကုဒ်၊ တည်နေရာဒေသကုဒ်နှင့် ဆဲလ်အိုင်ဒီတို့ပါဝင်သည့် တည်နေရာအချက်အလက်ကဲ့သို့။
• သင်၏ အက်ပ်အသုံးပြုမှုဆိုင်ရာ အချက်အလက်များ။ ၎င်းတွင် အက်ပ်အတွက် သီးသန့်အိုင်ဒီများ (ဥပမာ- VAID၊ OAID၊ AAID၊ ဖြစ်ရပ် ID) အပြင် အက်ပ်စာရင်း၊ အက်ပ် ID အချက်အလက်များ၊ SDK ဗားရှင်း၊ စနစ်အပ်ဒိတ်ဆက်တင်၊ စနစ် နှင့်/သို့မဟုတ် အက်ပ်ဆက်တင် (နိုင်ငံနှင့် ဒေသ၊ ဘာသာစကား၊ ဒေသစံတော်ချိန်၊ ဖောင့်)၊ အကောင့်ဝင်ရောက်မှု အချက်အလက်၊ ရှေ့မျက်နှာပြင်တွင် အက်ပ်ထဲဝင်ချိန်/အက်ပ်မှထွက်ချိန်၊ အက်ပ်အခြေအနေမှတ်တမ်း (ဥပမာ- ဒေါင်းလုဒ်လုပ်ခြင်း၊ ထည့်သွင်းခြင်း၊ အပ်ဒိတ်လုပ်ခြင်းနှင့် ဖျက်ခြင်း)၊ IP၊ ကွန်ရက်အခြေအနေကဲ့သို့ သင့်စက်တွင် ထည့်သွင်းထားသည့် အခြေခံအက်ပ်အချက်အလက်များ၊ ရှာဖွေကြည့်ရှုမှုနှင့် ပြန်ဖွင့်မှုမှတ်တမ်း၊ ရှာဖွေမေးမြန်းမှုများ၊ အကြောင်းအရာ ပံ့ပိုးသူ သို့မဟုတ် မူလရင်းမြစ် အချက်အလက်၊ အကြောင်းအရာ ကြည့်ရှုမှုနှင့် ထိတွေ့မှု၊ ကြည့်ရှုသည့်မုဒ်နှင့် ကြာချိန်၊ အကြောင်းအရာ သို့မဟုတ် လုပ်ဆောင်ချက် ထိတွေ့တုံ့ပြန်မှု အကြိမ်ရေ၊ စာရင်းသွင်းမှာယူမှုများကဲ့သို့ အက်ပ်များ၊ အကြောင်းအရာနှင့် ဝန်ဆောင်မှုများကို သင်အသုံးပြုပုံနှင့် ထိတွေ့တုံ့ပြန်ပုံအကြောင်း အချက်အလက်များနှင့် နှစ်သက်မှုများ၊ အဆင့်သတ်မှတ်ချက်များ၊ တံဆိပ်များ၊ မှတ်ချက်များ၊ အကြိုက်ဆုံးများ၊ မျှဝေမှုများ သို့မဟုတ် ကလစ်နှိပ်မှုများကဲ့သို့ လှုပ်ရှားဆောင်ရွက်မှုများ ပါဝင်သည်။
• တည်နေရာအချက်အလက်များ (သတ်မှတ်ထားသော ဝန်ဆောင်မှုများ/လုပ်ဆောင်ချက်များအတွက်သာ)- တည်နေရာဆိုင်ရာ ဝန်ဆောင်မှုများ (လမ်းညွှန်၊ မိုးလေဝသ၊ စက်ရှာဖွေရေး စသည်) ကို သင် အသုံးပြုပါက သင်၏ တိကျသော သို့မဟုတ် ခန့်မှန်းခြေ တည်နေရာ အချက်အလက်အမျိုးမျိုး။ ဤအချက်အလက်တွင် ဒေသ၊ နိုင်ငံကုဒ်၊ မြို့ကုဒ်၊ မိုဘိုင်းကွန်ရက်ကုဒ်၊ မိုဘိုင်းနိုင်ငံကုဒ်၊ ဆဲလ်အိုင်ဒီ၊ လောင်ဂျီတွဒ်နှင့် လတ္တီတွဒ် အချက်အလက်၊ ဒေသစံတော်ချိန်ဆက်တင်နှင့် ဘာသာစကားဆက်တင်တို့ ပါဝင်နိုင်သည်။ သင်သည် ဆက်တင် > အက်ပ်များ > ခွင့်ပြုချက်များ > ခွင့်ပြုချက်များ > တည်နေရာတွင် အက်ပ်တစ်ခုစီကို တည်နေရာအချက်အလက် ဝင်သုံးခွင့်မှ အချိန်မရွေး ကန့်သတ်နိုင်သည်။
• မှတ်တမ်းအချက်အလက်- ပြစ်ချက်ရှာဖွေရေး၊ နည်းပညာ၊ ချို့ယွင်းချက်ဆိုင်ရာ အချက်အလက်များအပြင် အချို့သော လုပ်ဆောင်ချက်များ၊ အက်ပ်များနှင့် ဝက်ဘ်ဆိုက်များကို သင်အသုံးပြုမှုနှင့်ဆိုင်သော သုံးစွဲမှုဆိုင်ရာ အချက်အလက်များ။ ၎င်းတွင် ကွတ်ကီးများနှင့် အခြားသော အထောက်အထားခွဲခြားသတ်မှတ်မှု နည်းပညာများ၊ IP လိပ်စာများ၊ ကွန်ရက်တောင်းဆိုမှု အချက်အလက်များ၊ ယာယီမက်ဆေ့ချ်မှတ်တမ်း၊ စံစနစ်မှတ်တမ်းများ၊ ချွတ်ယွင်းမှုအချက်အလက်များ၊ ဝန်ဆောင်မှုတစ်ခုကို အသုံးပြုရာမှ ထုတ်ပေးထားသော မှတ်တမ်းအချက်အလက်များ (မှတ်ပုံတင်ချိန်၊ ဝင်သုံးချိန်၊ လှုပ်ရှားဆောင်ရွက်ချိန် စသည်တို့ကဲ့သို့) ပါဝင်နိုင်သည်။
• **အချက်အလက်များကို ကလောက်ဒ်နှင့် ဆင့်ခ်လုပ်ခြင်း- **ကလောက်ဒ်ဝန်ဆောင်မှုများကို သင်အသုံးပြုနေစဉ်တွင် သင့် Xiaomi အကောင့်နှင့်ဆက်စပ်သော ဓာတ်ပုံများ၊ ဗီဒီယိုများ၊ မှတ်စုများ၊ အဆက်အသွယ်များ၊ ပြက္ခဒိန်များနှင့် သုံးစွဲသူဖန်တီးထားသော အခြားအကြောင်းအရာများကဲ့သို့ အချက်အလက်များ သို့မဟုတ် ဒေတာများကို ဝင်ရောက်သုံးစွဲ၍ မျှဝေရန်အတွက် ဆင့်ခ်လုပ်ထားနိုင်ပါသည်။ ကျွန်ုပ်တို့၏ ဝန်ထမ်းမှန်သမျှ သို့မဟုတ် ပြင်ပအဖွဲ့အစည်းမှန်သမျှကို သင့်သဘောတူညီချက်မရှိဘဲ သင့်ကိုယ်ရေးအချက်အလက် အကြောင်းအရာများအား တိုက်ရိုက်ဝင်ရောက်ကြည့်ရှုခြင်းမှ တားမြစ်ထားပါမည်။
• အခြားအချက်အလက်များ- ပတ်ဝန်းကျင်လက္ခဏာများတန်ဖိုး (ECV) (Xiaomi အကောင့် ID၊ စက် ID၊ ချိတ်ဆက်ထားသော Wi-Fi ID မှ ထုတ်ပေးသော တန်ဖိုးနှင့် တည်နေရာအချက်အလက်များကို ဆိုလိုသည်)။

ကျွန်ုပ်တို့ တောင်းဆိုထားသော ကိုယ်ရေးအချက်အလက်များကို သင် မဖြစ်မနေ ပေးအပ်ရန် မလိုပါ။ သို့သော် အချက်အလက်များကို မပေးအပ်ရန် သင်ရွေးချယ်ပါက ကျွန်ုပ်တို့သည် အချို့သောကိစ္စရပ်များတွင် ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများကို သင့်အား ပံ့ပိုးပေးနိုင်မည်မဟုတ်ပါ သို့မဟုတ် သင်ပြုလုပ်ထားနိုင်သည့် တောင်းဆိုချက်များကို တုံ့ပြန်နိုင်မည်မဟုတ်ပါ။

3.1.3 ပြင်ပအဖွဲ့အစည်း ရင်းမြစ်များမှ အချက်အလက်များ

ဥပဒေအရ ခွင့်ပြုသည့်အခါ ကျွန်ုပ်တို့သည် အများဆိုင် ရင်းမြစ်များ သို့မဟုတ် တရားဝင် လုပ်ငန်း ရင်းမြစ်များမှ သင့်အကြောင်း အချက်အလက်များကို စုဆောင်းပါမည်။ ဥပမာ-

• လုံခြုံရေးနှင့် လိမ်လည်မှုကာကွယ်ရေးအတွက် စိစစ်အတည်ပြုမှု ဒေတာ- သင့်ခွင့်ပြုချက်ဖြင့် တရားဝင် ပြင်ပအဖွဲ့အစည်းရင်းမြစ်များမှတစ်ဆင့် ကျွန်ုပ်တို့ မှန်ကန်ကြောင်း အတည်ပြုထားသည့် အချက်အလက် (ဥပမာ- သင့်ဖုန်းနံပါတ်)။
• ကြော်ငြာဆိုင်ရာ အကောင်းဆုံးချိန်ညှိမှု ဒေတာ- ကြော်ငြာရှင်များထံမှ ရရှိသော သီးသန့်အိုင်ဒီများ (IMEI၊ OAID သို့မဟုတ် GAID ကဲ့သို့) နှင့် အချို့သော အခြေအနေများတွင် ကြော်ငြာဝန်ဆောင်မှုများကို သင်အသုံးပြုမှုနှင့်ဆိုင်သည့် တစ်စိတ်တစ်ပိုင်း တုံ့ပြန်မှု စွမ်းဆောင်ရည်ဒေတာ (ကလစ်နှိပ်ချက်များကဲ့သို့)။
• ပြင်ပအဖွဲ့အစည်း လူမှုကွန်ရက် အကောင့် အချက်အလက်- သင်က Xiaomi ဝန်ဆောင်မှုသို့ ဝင်ရောက်ရန် လူမှုကွန်ရက် အကောင့်တစ်ခုကို အသုံးပြုသည့်အခါ အကောင့် ID၊ အမည်ပြောင်၊ ပရိုဖိုင်ဓာတ်ပုံနှင့် အီးမေးလ်လိပ်စာ။
• အခြားသုံးစွဲသူများက ပေးအပ်ထားသော သင့်အကြောင်း အချက်အလက်များ- ဥပမာအားဖြင့် အခြားသုံးစွဲသူတစ်ဦးက mi.com ဝန်ဆောင်မှုများမှတစ်ဆင့် သင့်အတွက် ထုတ်ကုန်များဝယ်ပေးစဉ် ကျွန်ုပ်တို့ထံ ပေးအပ်နိုင်သော သင်၏ပို့ဆောင်ရန်လိပ်စာ။

3.1.4 မည်သူမည်ဝါဖြစ်ကြောင်း ခွဲခြားဖော်ထုတ်၍ မရနိုင်သော အချက်အလက်များ

ကျွန်ုပ်တို့က တစ်ဦးချင်းစီနှင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ ချိတ်ဆက်၍မရသည့်၊ သက်ဆိုင်ရာ ဒေသတွင်း ဥပဒေများအရ ကိုယ်ရေးအချက်အလက်အဖြစ် မသတ်မှတ်နိုင်သည့် အခြား အချက်အလက် အမျိုးအစားများကိုလည်း စုဆောင်းနိုင်သည်။ အဆိုပါ အချက်အလက်ကို မည်သူမည်ဝါဖြစ်ကြောင်း ခွဲခြားဖော်ထုတ်၍ မရနိုင်သော အချက်အလက်ဟု ခေါ်ပါသည်။ ကျွန်ုပ်တို့က မည်သူမည်ဝါဖြစ်ကြောင်း ခွဲခြားဖော်ထုတ်၍ မရနိုင်သော အချက်အလက်များကို စုဆောင်း၊ အသုံးပြု၊ လွှဲပြောင်းပြီး ထုတ်ဖော်နိုင်သည်။ ကျွန်ုပ်တို့စုဆောင်းသည့် အချက်အလက်နှင့် ၎င်းအချက်အလက်ကို မည်သူမည်ဝါဖြစ်ကြောင်း ခွဲခြားဖော်ထုတ်၍ မရနိုင်သော ပေါင်းစည်းထားသည့်ပုံစံဖြင့် ကျွန်ုပ်တို့အသုံးပြုနိုင်ပုံ ဥပမာအချို့ကို ဤတွင်ဖော်ပြထားပါသည်-

• ဤအချက်အလက်တွင် ဝန်ဆောင်မှုတစ်ခုကို သင်အသုံးပြုချိန်တွင် ထုတ်ပေးထားသည့် စာရင်းအင်းဒေတာများ ပါဝင်နိုင်သည် (ဥပမာ- မည်သူမည်ဝါဖော်ထုတ်၍မရနိုင်သော စက်နှင့်ပတ်သက်သည့် အချက်အလက်များ၊ နေ့စဉ်အသုံးပြုမှု၊ စာမျက်နှာဝင်ကြည့်မှုများ၊ စာမျက်နှာဝင်ကြည့်သည့် ကြာချိန်နှင့် ဆက်ရှင်ဖြစ်ရပ်များ)၊
• ကွန်ရက်စောင့်ကြည့်မှုဒေတာ (ဥပမာ- တောင်းဆိုချိန်၊ တောင်းဆိုသည့်အကြိမ်ရေ သို့မဟုတ် တောင်းဆိုချိန် အမှားအယွင်းဖြစ်သည့် အကြိမ်ရေ စသည်)၊
• အက်ပ်ချွတ်ယွင်းမှုဖြစ်ရပ်များ (ဥပမာ- အက်ပ်ချွတ်ယွင်းသွားပြီးနောက် အလိုအလျောက် ထုတ်ပေးသော မှတ်တမ်းများ)။

ထိုသို့စုဆောင်းရယူခြင်း၏ ရည်ရွယ်ချက်မှာ သင့်အား ကျွန်ုပ်တို့ ပံ့ပိုးပေးသည့် ဝန်ဆောင်မှုများကို တိုးတက်ကောင်းမွန်အောင် လုပ်ဆောင်ရန်ဖြစ်သည်။ စုဆောင်းသည့် အချက်အလက် အမျိုးအစားများနှင့် ပမာဏသည် ကျွန်ုပ်တို့၏ ထုတ်ကုန်များနှင့်/သို့မဟုတ် ဝန်ဆောင်မှုများကို သင် အသုံးပြုပုံအပေါ်တွင် မူတည်သည်။

သင့်အား ပိုမိုအသုံးဝင်သော အချက်အလက်များ ပံ့ပိုးပေးနိုင်ရန်အပြင် ကျွန်ုပ်တို့၏ ဝက်ဘ်ဆိုက်များ၊ ထုတ်ကုန်များနှင့် ဝန်ဆောင်မှုများထဲမှ သင်စိတ်အဝင်စားဆုံး အပိုင်းများကို ကျွန်ုပ်တို့နားလည်နိုင်ရန်အတွက် ကျွန်ုပ်တို့သည် ဤအချက်အလက်ကို ပေါင်းစည်း၍ အသုံးပြုပါသည်။ ဥပမာအားဖြင့် ကျွန်ုပ်တို့သည် တစ်ရက်တာအတွင်း အသုံးပြုနေသော သုံးစွဲသူအရေအတွက်ကို သိရှိရန် လိုအပ်နိုင်သော်လည်း ထိုနေ့တွင် မည်သူမည်ဝါ အသုံးပြုနေသည်ကို သိရန်မလိုပါ။ ထို့ကြောင့် စာရင်းအင်းဆိုင်ရာ စိစစ်လေ့လာချက်အတွက် ပေါင်းစည်းထားသောဒေတာသည် လုံလောက်ပါသည်။ ကျွန်ုပ်တို့သည် မည်သူမည်ဝါဖြစ်ကြောင်း ခွဲခြားဖော်ထုတ်၍ မရနိုင်သော အချက်အလက်များထဲမှ သင့်ကိုယ်ရေးအချက်အလက်များကို သီးသန့်ခွဲထားရန်နှင့် ၎င်းဒေတာ အမျိုးအစားနှစ်ခုကို သီးခြားစီ အသုံးပြုကြောင်း သေချာစေရန် ကြိုးစားပါမည်။ သို့ရာတွင် မည်သူမည်ဝါဖြစ်ကြောင်း ခွဲခြားဖော်ထုတ်၍ မရနိုင်သော အချက်အလက်ကို ကိုယ်ရေးအချက်အလက်နှင့် ကျွန်ုပ်တို့ပေါင်းစပ်ပါက ထိုသို့ပေါင်းစပ်ထားသည့် ကာလပတ်လုံး သက်ဆိုင်ရာ ဒေတာကာကွယ်ရေး ဥပဒေများနှင့် ဤကိုယ်ရေးလုံခြုံမှု မူဝါဒအရ အဆိုပါပေါင်းစပ်အချက်အလက်ကို ကိုယ်ရေးအချက်အလက်အဖြစ် မှတ်ယူပါမည်။

3.2 ကျွန်ုပ်တို့စုဆောင်းသော ကိုယ်ရေးအချက်အလက်များကို အသုံးပြုပုံ

သင် အသုံးပြုသော ထုတ်ကုန်များ သို့မဟုတ် ဝန်ဆောင်မှုများပေါ် မူတည်၍ ကျွန်ုပ်တို့သည် အောက်ပါ ရည်ရွယ်ချက်များထဲမှ တစ်ခု သို့မဟုတ် တစ်ခုထက်ပိုသော ရည်ရွယ်ချက်များအတွက် ကိုယ်ရေးအချက်အလက်များကို စီမံဆောင်ရွက်နိုင်ပါသည်-

• သင်ဝယ်ယူထားသော Xiaomi ထုတ်ကုန်များ သို့မဟုတ် ဝန်ဆောင်မှုများကို သင့်အတွက် သက်ဝင်လုပ်ဆောင်ပေးခြင်းနှင့် မှတ်ပုံတင်ပေးခြင်း။

• သင်တောင်းဆိုသော ဝန်ဆောင်မှုများကို သင့်အား ပေးအပ်ရန် သင့် Xiaomi အကောင့်ကို ဖန်တီးခြင်းနှင့် ထိန်းသိမ်းခြင်း။

• သင့်အား ကျွန်ုပ်တို့၏ ထုတ်ကုန်များနှင့်/သို့မဟုတ် ဝန်ဆောင်မှုများ ပံ့ပိုးခြင်း၊ ၎င်းတို့ကို စီမံဆောင်ရွက်ခြင်း၊ ပြုပြင်ထိန်းသိမ်းခြင်း၊ တိုးတက်အောင် လုပ်ဆောင်ခြင်းနှင့် တီထွင်ဖန်တီးခြင်း၊ ဥပမာ- ပေးပို့ခြင်း၊ အသက်သွင်းခြင်း၊ စိစစ်အတည်ပြုခြင်း၊ စနစ်/အက်ပ် အပ်ဒိတ်များနှင့် ထည့်သွင်းမှုများ အသိပေးချက်၊ ရောင်းချပြီးနောက်ပိုင်း ပံ့ပိုးကူညီမှု၊ သုံးစွဲသူပံ့ပိုးကူညီမှုကဲ့သို့။

• ဆုံးရှုံးမှုနှင့် လိမ်လည်မှုကို တားဆီးရန် လုံခြုံရေးအကာအကွယ်များ အကောင်အထည်ဖော်ခြင်းနှင့် ဆက်လက်ထားရှိခြင်း၊ ဥပမာ- သုံးစွဲသူများကို စိစစ်ဖော်ထုတ်ခြင်းနှင့် သုံးစွဲသူအထောက်အထားကို မှန်ကန်ကြောင်းအတည်ပြုခြင်းကဲ့သို့။

• စက်များ၊ ဝန်ဆောင်မှုများနှင့်ပတ်သက်သည့် သင်၏မေးခွန်းများ သို့မဟုတ် တောင်းဆိုမှုများကို ကိုင်တွယ်ဖြေရှင်းခြင်း၊ ဥပမာ- ဖောက်သည်၏စုံစမ်းမေးမြန်းမှုများကို ဖြေကြားခြင်း၊ စနစ်နှင့် အက်ပ်ဆိုင်ရာ အသိပေးချက်များပို့ခြင်း၊ ပွဲအစီအစဉ်များနှင့် ပရိုမိုးရှင်းများ (ဥပမာ- ဆုမဲများ) တွင် သင်၏ပါဝင်မှုကို စီမံခန့်ခွဲခြင်းကဲ့သို့။

• သက်ဆိုင်ရာ အရောင်းမြှင့်တင်ရေး လှုပ်ရှားမှုများကို ဆောင်ရွက်ခြင်း၊ ဥပမာ- ဈေးကွက်ရှာဖွေရေးနှင့် အရောင်းမြှင့်တင်ရေး အကြောင်းအရာများနှင့် အပ်ဒိတ်များကို ဖော်ပြပေးခြင်းကဲ့သို့။ သက်ဆိုင်ရာ ဥပဒေများအရ အခြားနည်းဖြင့် သတ်မှတ်မထားလျှင် ကျွန်ုပ်တို့သည် သင့်သဘောတူညီချက်ကို အခြေခံ၍ ထိုကဲ့သို့သော လှုပ်ရှားမှုများကို ဆောင်ရွက်မည်ဖြစ်သည်။ အချို့သော အရောင်းမြှင့်တင်ရေး အချက်အလက် အမျိုးအစားများကို သင်လက်ခံမရယူလိုတော့ပါက (မက်ဆေ့ချ်အောက်ခြေရှိ စာရင်းသွင်းမှုပယ်ဖျက်ရန်လင့်ခ်ကဲ့သို့) မက်ဆေ့ချ်တွင် ဖော်ပြထားသော နည်းလမ်းအတိုင်း သင့်သဘောတူညီချက်ကို ရုပ်သိမ်းနိုင်ပါသည်။ အောက်ရှိ အပိုင်း 9 "သင်၏ ဒေတာ ကာကွယ်ရေး အခွင့်အရေးများမှာ မည်သည်တို့ဖြစ်သနည်း" ကိုလည်း ကြည့်ရှုပါ။

• လုပ်ငန်းတွင်း ရည်ရွယ်ချက်များ၊ ဥပမာ- ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများ အသုံးပြုခြင်းဆိုင်ရာ စာရင်းအင်းအချက်အလက်နှင့်ပတ်သက်သော ဒေတာစိစစ်လေ့လာချက်၊ သုတေသနနှင့် တီထွင်မှု ဆောင်ရွက်ခြင်းတို့အားဖြင့် ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများကို တိုးတက်ကောင်းမွန်အောင် လုပ်ဆောင်ရန်။ ဥပမာအားဖြင့် အထောက်အထားအချက်အလက်ဖယ်ရှားခြင်း ဆောင်ရွက်ပြီးနောက် စက်သင်ယူမှု သို့မဟုတ် မော်ဒယ်အယ်လ်ဂိုရီသမ် လေ့ကျင့်မှုကို ဆောင်ရွက်သည်။

• ဒေတာ၊ ဟာ့ဒ်ဝဲနှင့် ဆော့ဖ်ဝဲ ခွဲခြမ်းစိတ်ဖြာခြင်းဖြင့် သုံးစွဲသူအတွေ့အကြုံကို မြှင့်တင်ခြင်း၊ ဥပမာ- သင့်အက်ပ်များ၏ မမ်မိုရီသုံးစွဲနှုန်း သို့မဟုတ် CPU အသုံးပြုနှုန်းကို စိစစ်လေ့လာခြင်းကဲ့သို့။ သုံးစွဲသူအတွေ့အကြုံ ပရိုဂရမ်ကဲ့သို့ ပါဝင်ရန်ရွေးချယ်နိုင်သည့် လုပ်ဆောင်ချက်အချို့တွင် မိုဘိုင်းဖုန်း၊ Xiaomi စနစ်ဝန်ဆောင်မှုများနှင့် Xiaomi က ပံ့ပိုးသော အခြားဝန်ဆောင်မှုများကို သုံးစွဲသူများ၏ အသုံးပြုပုံဆိုင်ရာ ဒေတာများကို Xiaomi အား စိစစ်လေ့လာခွင့်ပြုသည်။ သို့မှသာ ချွတ်ယွင်းချက်အစီရင်ခံစာများ ပို့ခြင်းကဲ့သို့ သုံးစွဲသူအတွေ့အကြုံ တိုးတက်စေရန် လုပ်ဆောင်နိုင်ပါမည်။

• ကျွန်ုပ်တို့၏ လုပ်ငန်းလည်ပတ်မှုများ (လုပ်ငန်းစာရင်းဇယားများကဲ့သို့) အတွက် သို့မဟုတ် ကျွန်ုပ်တို့၏ ဥပဒေအရ တာဝန်ဝတ္တရားများကို ဖြည့်ဆည်းဆောင်ရွက်နိုင်ရန်အတွက် သင်နှင့်သက်ဆိုင်သည့် အချက်အလက်များကို သိမ်းဆည်းခြင်းနှင့် ထိန်းသိမ်းထားရှိခြင်း။

• ကြော်ငြာများအပါအဝင် တစ်ဦးချင်းစိတ်ကြိုက် ဝန်ဆောင်မှုများနှင့် အကြောင်းအရာများ ပံ့ပိုးပေးခြင်း။ ကျွန်ုပ်တို့သည် သင့်အား ကြော်ငြာအပါအဝင် တစ်ဦးချင်းစိတ်ကြိုက် ထုတ်ကုန်များ၊ ဝန်ဆောင်မှုများနှင့် လုပ်ဆောင်မှုများကို ပံ့ပိုးပေးရာတွင် သင့်ကိုယ်ရေးလုံခြုံမှုကို ကာကွယ်ရန်အတွက် သင့်အမည်၊ အီးမေးလ် သို့မဟုတ် သင့်ကို တိုက်ရိုက်ခွဲခြားဖော်ထုတ်နိုင်သည့် အခြားအချက်အလက်များကို မသုံးဘဲ သီးသန့်အိုင်ဒီတစ်ခုကိုသာ သုံးပါသည်။

  ကျွန်ုပ်တို့၏ ထုတ်ကုန်များ၊ ဝန်ဆောင်မှုများ၊ အကြောင်းအရာနှင့် ကြော်ငြာများကို ပံ့ပိုးပေးရန်နှင့် တိုးတက်အောင်လုပ်ရန်အတွက် ဤအချက်အလက်ကို အခြားအချက်အလက်များ (ကွန်ပျူတာများ၊ မိုဘိုင်းဖုန်းများ၊ စမတ် TV များနှင့် အခြားချိတ်ဆက်ထားသောစက်များကဲ့သို့ မတူညီသော ဝန်ဆောင်မှုများ သို့မဟုတ် စက်များရှိ အချက်အလက်များ အပါအဝင်) နှင့် ပေါင်းစပ်နိုင်ပါသည်။

  ဥပမာအားဖြင့် Xiaomi အကောင့်လိုအပ်သည့် သင်အသုံးပြုသော ဝန်ဆောင်မှုအားလုံးတွင် သင်၏ Xiaomi အကောင့် အသေးစိတ်အချက်များကို ကျွန်ုပ်တို့အသုံးပြုနိုင်သည်။ ထို့အပြင် သင့်အတွေ့အကြုံနှင့် ကျွန်ုပ်တို့၏ ဝန်ဆောင်မှုများကို တိုးတက်စေရန်အတွက် သက်ဆိုင်ရာ ဥပဒေများနှင့် စည်းမျဉ်းများကို လိုက်နာပြီး (လိုအပ်သည့်နေရာ၌) သင့်သဘောတူညီချက်ကို ရယူလျက် ကျွန်ုပ်တို့သည် သင်၏ သို့မဟုတ် သင်နှင့်သက်ဆိုင်သော ထုတ်ကုန်၊ ဝန်ဆောင်မှု သို့မဟုတ် ပစ္စည်းကိရိယာအမျိုးမျိုးမှ အချက်အလက်များကို ခွဲခြားရွေးထုတ်ပြီး အညွှန်းတစ်ခု ပြုလုပ်နိုင်သည်။ ထိုအညွှန်းကို အသုံးပြုပြီး အကြံပြုချက်များ၊ စိတ်ကြိုက်အကြောင်းအရာများနှင့် တစ်ဦးချင်းစိတ်ကြိုက် လုပ်ဆောင်ချက်များကို ပံ့ပိုးပေးပါမည်။

  ဥပမာအားဖြင့် ကျွန်ုပ်တို့၏ အက်ပ်များ၊ ဝန်ဆောင်မှုများနှင့်ဆိုင်သော သင်၏လှုပ်ရှားမှုများ၊ အသုံးပြုမှုနှင့် ဦးစားပေးမှုများပေါ် အခြေခံ၍ တစ်ဦးချင်းစိတ်ကြိုက် ကြော်ငြာများကို ပံ့ပိုးပေးပါမည်။ ကျွန်ုပ်တို့သည် အထက်ဖော်ပြပါ အချက်အလက်များကို စိစစ်လေ့လာခြင်း၊ အပိုင်းများ (သီးခြားလက္ခဏာများတူညီသည့် အုပ်စုများ) ဖန်တီးခြင်းနှင့် သင့်ကိုယ်ရေးအချက်အလက်များကို အပိုင်းတစ်ခု သို့မဟုတ် ထို့ထက်ပိုသော အပိုင်းများတွင် ထားရှိခြင်းဖြင့် ပရိုဖိုင်များကို ဖန်တီးပြုလုပ်ပါသည်။ သက်ဆိုင်ရာ ဥပဒေများအရ လိုအပ်သည့်နေရာ၌ သင့်သဘောတူညီချက်ကို ရရှိမှသာ ပစ်မှတ်ထားကြော်ငြာခြင်းကို လုပ်ဆောင်သည်။

  အထက်ဖော်ပြပါ ပေါင်းစည်းမှုအတွက် အကြောင်းရင်းများနှင့် သက်ဆိုင်ရာ ဥပဒေများ၏ ပြဋ္ဌာန်းချက်များအရ ကျွန်ုပ်တို့သည် အဆိုပါအပိုင်းခွဲခြင်းနှင့် တစ်ဦးချင်းစိတ်ကြိုက်ပြုလုပ်ခြင်းအတွက် သီးခြားထိန်းချုပ်မှုနည်းလမ်းများကို သင့်အား ပံ့ပိုးပေးပါမည်။ ကျွန်ုပ်တို့ထံမှ တိုက်ရိုက်ဈေးကွက်ရှာဖွေခြင်း အကြောင်းအရာကို လက်ခံရယူမည်၊ မရယူမည်ကို သင် ထိန်းချုပ်ပိုင်ခွင့် ရှိပါသည်။ ဤအခွင့်အရေးများကို အသုံးချရန်အတွက် သင်သည် ဆက်တင်များ > စကားဝှက်များနှင့် လုံခြုံရေး > ကိုယ်ရေးလုံခြုံမှု > ကြော်ငြာဝန်ဆောင်မှုများ သို့မဟုတ် ဆက်တင်များ > စကားဝှက်များနှင့် လုံခြုံရေး > စနစ်လုံခြုံရေး > ကြော်ငြာဝန်ဆောင်မှုများတွင် ဤလုပ်ဆောင်ချက်များကို အချိန်မရွေး ဖွင့်နိုင် သို့မဟုတ် ပိတ်နိုင်သည် သို့မဟုတ် https://privacy.mi.com/support မှတစ်ဆင့် ကျွန်ုပ်တို့ထံ ဆက်သွယ်နိုင်သည် သို့မဟုတ် ထုတ်ကုန်တစ်ခုစီအတွက် သက်ဆိုင်ရာ ထုတ်ကုန် ကိုယ်ရေးလုံခြုံမှု မူဝါဒတွင် ဖော်ပြထားသော ထိန်းချုပ်ရေးနည်းလမ်းများကို ဖတ်ရှုကိုးကားနိုင်သည်။ အောက်ရှိ အပိုင်း 9 "သင်၏ ဒေတာ ကာကွယ်ရေး အခွင့်အရေးများမှာ မည်သည်တို့ဖြစ်သနည်း" ကိုလည်း ကြည့်ရှုပါ။

• ကလောက်ဒ်နှင့် ဆင့်ခ်လုပ်ခြင်း မဖွင့်ဘဲ သင့်စက်တွင် မှတ်စုများသုံးခြင်းကဲ့သို့ ကျွန်ုပ်တို့၏ ဆာဗာများနှင့် ဆက်သွယ်ချိတ်ဆက်ရန်မလိုသော စက်များပေါ်တွင် စက်တွင်းဝန်ဆောင်မှုများ ပံ့ပိုးပေးခြင်း။

သီးခြား ထုတ်ကုန်များ သို့မဟုတ် ဝန်ဆောင်မှုများက ကိုယ်ရေးအချက်အလက်ကို စီမံဆောင်ရွက်ပုံနှင့် ပတ်သက်သည့် နောက်ထပ် အချက်အလက်များကို သက်ဆိုင်ရာ ဆက်တင်စာမျက်နှာ သို့မဟုတ် အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်တွင် ဖတ်ရှုနိုင်ပါသည်။ အချို့သော လုပ်ဆောင်ချက်များ၏ ရရှိနိုင်မှုသည် နိုင်ငံ သို့မဟုတ် ဒေသအလိုက် ကွဲပြားနိုင်သည်။ ထို့အပြင် တူညီသော ထုတ်ကုန် သို့မဟုတ် ဝန်ဆောင်မှုနှင့်စပ်လျဉ်း၍ ကိုယ်ရေးအချက်အလက်ကို ကျွန်ုပ်တို့စီမံဆောင်ရွက်သည့် နည်းလမ်းနှင့် လုပ်ဆောင်ချက်များသည် နိုင်ငံ သို့မဟုတ် ဒေသပေါ်မူတည်၍ ကွဲပြားနိုင်သည်။

4. ကျွန်ုပ်တို့က သင့်ကိုယ်ရေးအချက်အလက်များကို မည်သို့မျှဝေသနည်း။

ကျွန်ုပ်တို့၏ ထုတ်ကုန်များနှင့် ဝန်ဆောင်မှုများကို သင့်အား ပံ့ပိုးပေးရန် ကျွန်ုပ်တို့သည် အထက်ဖော်ပြပါ ရည်ရွယ်ချက်များအတွက် သင့်ကိုယ်ရေးအချက်အလက်များကို အောက်ပါအဖွဲ့အစည်းများနှင့် မျှဝေနိုင်သည်။

• **အဖွဲ့ဝင်များ- **အခြားသော Xiaomi အဖွဲ့ဝင်ကုမ္ပဏီများ။ ကျွန်ုပ်တို့သည် ကြော်ငြာဆိုင်ရာ တိုင်းတာမှု၊ သုတေသနနှင့် တီထွင်ဖန်တီးမှု၊ ထောက်ပံ့ပို့ဆောင်ရေးနှင့် မှာယူမှု စီစဉ်ဆောင်ရွက်ပေးခြင်း၊ ရောင်းချပြီးနောက် ဝန်ဆောင်မှုများ၊ ဒေတာလုံခြုံရေး၊ ကလောက်ဒ်တွင် လက်ခံသိမ်းဆည်းခြင်းနှင့် IT ပြုပြင်ထိန်းသိမ်းရေး ဝန်ဆောင်မှုကဲ့သို့ တိကျသေချာသော တရားဝင်ရည်ရွယ်ချက်များအတွက်သာ ကိုယ်ရေးအချက်အလက်များကို ၎င်းတို့နှင့် မျှဝေနိုင်ပါသည်။

• **လုပ်ငန်းမိတ်ဖက်များ- **ဝန်ဆောင်မှုများ ပံ့ပိုးရာတွင် ကျွန်ုပ်တို့ပူးပေါင်းဆောင်ရွက်သည့် ပြင်ပအဖွဲ့အစည်းများ။ ဥပမာအားဖြင့် ကျွန်ုပ်တို့သည် သင့်အချက်အလက်များကို အောက်ပါလုပ်ငန်းမိတ်ဖက်အမျိုးအစားများနှင့် မျှဝေနိုင်သည်-

  • အကြောင်းအရာ သို့မဟုတ် လုပ်ဆောင်ချက် ပံ့ပိုးပေးသူများ (ဥပမာ၊ လမ်းညွှန်မှုအတွက် မြေပုံ ဝန်ဆောင်မှု ပံ့ပိုးပေးသူများ၊ မိုးလေဝသ ဝန်ဆောင်မှုများအတွက် မိုးလေဝသ ဒေတာ ပံ့ပိုးပေးသူများ)
  • ထုတ်ကုန် သို့မဟုတ် နည်းပညာပိုင်းဆိုင်ရာ ဝန်ဆောင်မှုများကို ပံ့ပိုးပေးသူများ (ဥပမာ၊ ငွေပေးချေမှု ဝန်ဆောင်မှု ပံ့ပိုးပေးသူများနှင့် မှာယူမှု စီစဉ်ဆောင်ရွက်ခြင်းအတွက် ပို့ဆောင်ရေးနှင့် ထောက်ပံ့ပို့ဆောင်ရေး ပံ့ပိုးပေးသူများ)
  • ကြော်ငြာခြင်းနှင့် ဆက်စပ်ဝန်ဆောင်မှုများကို ပေးအပ်ရန်၊ တိုင်းတာရန်နှင့် ပိုမိုကောင်းမွန်စေရန် ကျွန်ုပ်တို့အား ကူညီပေးသော ကြော်ငြာကွန်ရက်များ၊ ကြော်ငြာပလက်ဖောင်းများနှင့် တိုင်းတာမှုပံ့ပိုးပေးသူများကဲ့သို့ ကြော်ငြာမိတ်ဖက်များ
  • ကျွန်ုပ်တို့၏ ပလက်ဖောင်းများမှတစ်ဆင့် ဝန်ဆောင်မှုများကို ပေးအပ်သည့် ပြင်ပအဖွဲ့အစည်း ဆော့ဖ်ဝဲတီထွင်ဖန်တီးသူများ

• **ဝန်ဆောင်မှု ပံ့ပိုးပေးသူများ- **ကျွန်ုပ်တို့အတွက် သို့မဟုတ် ကျွန်ုပ်တို့၏ကိုယ်စား သုံးစွဲသူစောင့်ရှောက်မှုနှင့် ဆက်သွယ်ရေးစင်တာများ၊ ကလောက်ဒ်အခြေခံဖွဲ့စည်းတည်ဆောက်ပုံစနစ်နှင့် ကလောက်ဒ်တွင် လက်ခံသိမ်းဆည်းရေး ပံ့ပိုးပေးသူများ၊ ခွဲခြမ်းစိတ်ဖြာမှုနှင့် ဈေးကွက်သုတေသန ဝန်ဆောင်မှု ပံ့ပိုးပေးသူများအပြင် ဈေးကွက်ရှာဖွေရေးနှင့် ဆက်သွယ်ပေးပို့ရေး ပံ့ပိုးပေးသူများကဲ့သို့ ဂရုတစိုက် ရွေးချယ်ထားသော ဝန်ဆောင်မှု ပံ့ပိုးရေး ကုမ္ပဏီများ။ ၎င်းတို့သည် ဤကိုယ်ရေးလုံခြုံမှု မူဝါဒနှင့်အညီလည်းကောင်း၊ ကျွန်ုပ်တို့၏ ညွှန်ကြားချက်များနှင့်အညီလည်းကောင်း ကိုယ်ရေးအချက်အလက်များကို စီမံဆောင်ရွက်ရန် တာဝန်ရှိသည်။ ၎င်းတို့သည် ကျွန်ုပ်တို့မျှဝေသော ကိုယ်ရေးအချက်အလက်များကို ၎င်းတို့၏ ကိုယ်ပိုင်ရည်ရွယ်ချက်များအတွက် အသုံးပြုခွင့်မရှိပါ။

ထို့အပြင် လိုအပ်သည့်အတိုင်းအတာအထိ Xiaomi သည် သက်ဆိုင်ရာ ဥပဒေ သို့မဟုတ် ခိုင်လုံသော ဥပဒေဆိုင်ရာ လုပ်ငန်းစဉ်အရ လိုအပ်သည့်အခါတွင် သက်ဆိုင်ရာ ကိုယ်ရေးအချက်အလက်များကို လုပ်ပိုင်ခွင့်ရှိသော ပြည်သူ့အာဏာပိုင်များ၊ စည်းကမ်းထိန်းသိမ်းရေးအဖွဲ့များ၊ တရားရုံးများ၊ ခုံရုံးများ သို့မဟုတ် ဥပဒေစိုးမိုးရေးအေဂျင်စီများထံ ထုတ်ဖော်မည်ဖြစ်သည်။ ဥပဒေအရ ခွင့်ပြုထားသည့်အခါ ကျွန်ုပ်တို့သည် တောင်းဆိုချက်၏ ခိုင်လုံမှုနှင့် အတိုင်းအတာကို အကဲဖြတ်ပြီး သက်ဆိုင်ရာ ဥပဒေနှင့်ညီညွတ်သော ရည်ရွယ်ချက်အတွက် ကျိုးကြောင်းဆီလျော်စွာ လိုအပ်သော ကိုယ်ရေးအချက်အလက်များကိုသာ ထုတ်ဖော်ပါမည်။

သက်ဆိုင်ရာ ဥပဒေက ခွင့်ပြုပြီး လိုအပ်သည့်အခါတွင် Xiaomi သည် ဥပဒေဆိုင်ရာ တောင်းဆိုချက်များကို အခိုင်အမာ သက်သေပြရန်၊ အသုံးချရန် သို့မဟုတ် ခုခံချေပရန်၊ ကျွန်ုပ်တို့၏ အခွင့်အရေးများ၊ ပိုင်ဆိုင်မှု၊ ပိုင်ဆိုင်ပစ္စည်းများ သို့မဟုတ် ဝန်ဆောင်မှုများကို ကာကွယ်ရန် သို့မဟုတ် လိမ်လည်မှုနှင့် လုံခြုံရေးဆိုင်ရာ ခြိမ်းခြောက်မှုများကို တားဆီးရန်အတွက် သင့်ကိုယ်ရေးအချက်အလက်ကို ထုတ်ဖော်ပါမည်။

ကျွန်ုပ်တို့၏ စာရင်းကိုင်များ၊ စာရင်းစစ်များ၊ ရှေ့နေများ သို့မဟုတ် အခြားသော ကျွမ်းကျင်ပြင်ပအကြံပေးများက ကျွမ်းကျင်ပညာရှင် အကြံဉာဏ် သို့မဟုတ် ဝန်ဆောင်မှုများ ပေးအပ်နိုင်ရန်အတွက် လိုအပ်လာပါက သင့်ကိုယ်ရေးအချက်အလက်ကို ၎င်းတို့ထံ ကျွန်ုပ်တို့မျှဝေနိုင်ပါသည်။ ထိုအကြံပေးများတွင် ပရော်ဖက်ရှင်နယ်ဆန်သော သို့မဟုတ် စာချုပ်နှင့်ဆိုင်သော လျှို့ဝှက်ထိန်းသိမ်းရေး တာဝန်ဝတ္တရားများ ရှိပါသည်။

လက်တွေ့ရောင်းချမှုဖြစ်စဉ် သို့မဟုတ် ရောင်းချနိုင်ခြေအလားအလာရှိသည့် ဖြစ်စဉ် သို့မဟုတ် Xiaomi Group ရှိ အဖွဲ့အစည်းတစ်ခုနှင့်ပတ်သက်နေသည့် အခြားကော်ပိုရိတ်လုပ်ငန်းဆောင်ရွက်မှု ဖြစ်စဉ်တွင် ရင်းနှီးမြှုပ်နှံသူများနှင့် အခြားသော ဆက်စပ်ပြင်ပအဖွဲ့အစည်းများထံ သင့်ကိုယ်ရေးအချက်အလက်ကို သင့်လျော်သော လျှို့ဝှက်ထိန်းသိမ်းရေး၊ ဒေတာကာကွယ်ရေးအစီအမံများနှင့်အညီ ကျွန်ုပ်တို့မျှဝေနိုင်သည်။

ထုတ်ကုန်တစ်ခုချင်း သို့မဟုတ် ဝန်ဆောင်မှုတစ်ခုချင်းစီတွင် ၎င်း၏ကိုယ်ပိုင်လက္ခဏာများ ရှိသောကြောင့် ဤအကြောင်းနှင့်ပတ်သက်သည့် နောက်ထပ်အချက်အလက်များအတွက် သင်အသုံးပြုနေသော ထုတ်ကုန်များနှင့်/သို့မဟုတ် ဝန်ဆောင်မှုများ၏ အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်ကို ဝင်ရောက်ကြည့်ရှုပါ။

5. သင့်ကိုယ်ရေးအချက်အလက်ကို စီမံဆောင်ရွက်ခြင်းအတွက် ဥပဒေဆိုင်ရာ အခြေခံအကြောင်းရင်းမှာ အဘယ်နည်း။

ကျွန်ုပ်တို့သည် သက်ဆိုင်ရာ ဥပဒေအရ ခိုင်လုံသော တရားဝင် အခြေခံအကြောင်းရင်း ရှိမှသာလျှင် သင့်ကိုယ်ရေးအချက်အလက်ကို စီမံဆောင်ရွက်ပါသည်။ သင်နေထိုင်ရာ တရားစီရင်ပိုင်ခွင့်နယ်မြေရှိ ဥပဒေအရ သက်ရောက်မှုရှိသည့်နေရာ၌ ဤကိုယ်ရေးလုံခြုံမှု မူဝါဒအရ သင့်ကိုယ်ရေးအချက်အလက်များကို စီမံဆောင်ရွက်ခြင်းအတွက် ဥပဒေဆိုင်ရာ အခြေခံအကြောင်းရင်းများမှာ-

• စာချုပ်ပါ တာဝန်ဝတ္တရားများကို လိုက်နာဆောင်ရွက်ရန်။ သင်က ပရိုဖိုင်တစ်ခုကို ဖန်တီးချိန်၊ မှတ်ပုံတင်ချိန် သို့မဟုတ် Xiaomi ထုတ်ကုန်များနှင့် ၎င်း၏ဝန်ဆောင်မှုများကို ဝင်ရောက်သုံးစွဲချိန်တွင် သင့်ကိုယ်ရေးအချက်အလက်များကို စီမံဆောင်ရွက်ခြင်းဆိုင်ရာ ရည်ရွယ်ချက်များကို ထိုဝန်ဆောင်မှုက အဓိကဆုံးဖြတ်ပြီး ထိုဝန်ဆောင်မှုကို သင့်အား ပံ့ပိုးပေးနိုင်ရန်အတွက် သင့်ကိုယ်ရေးအချက်အလက်များကို ကျွန်ုပ်တို့က စီမံဆောင်ရွက်ပါမည်။

  သင့်ကိုယ်ရေးအချက်အလက်အချို့ကို မဖြစ်မနေပေးရမည်ဖြစ်ကြောင်း သတိပြုပါ (ဥပမာ- ထိုသို့အမှတ်အသားပြုထားသည့်အခါ သို့မဟုတ် ခရေပွင့်အမှတ်အသားပြထားသည့်အခါ)။ သင်သည် အဆိုပါ ကိုယ်ရေးအချက်အလက်များကို မပေးပါက ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများကို သင့်အား ပံ့ပိုးနိုင်မည်မဟုတ်ပါ။

• သင့်သဘောတူညီချက်၏ ရလဒ်အနေဖြင့်။ ပရိုမိုးရှင်းများကဲ့သို့ ဆန္ဒရှိလျှင် ရွေးချယ်နိုင်သော လုပ်ဆောင်မှုများတွင် သင် ပါဝင်သည့်အခါ သင့်သဘောဆန္ဒအလျောက် ပေးအပ်သော ကိုယ်ရေးအချက်အလက်များကို သင့်သဘောတူညီချက်ဖြင့် ကျွန်ုပ်တို့စီမံဆောင်ရွက်နိုင်သည်။

• Xiaomi ၏ တရားဝင်တာဝန်ဝတ္တရားများအပေါ် အခြေခံ၍။ အချို့သော အခြေအနေများတွင် ကျွန်ုပ်တို့သည် ဥပဒေအရ သင့်ကိုယ်ရေးအချက်အလက်များကို ထိန်းသိမ်းထားရန် သို့မဟုတ် အခြားနည်းဖြင့် စီမံဆောင်ရွက်ရန် လိုအပ်နိုင်ပါသည်။ အချို့အခြေအနေများတွင် (ဥပမာ- အငြင်းပွားမှုကြောင့် သို့မဟုတ် ဒေတာကာကွယ်ရေးဆိုင်ရာ ကြီးကြပ်ရေးအာဏာပိုင်များ၏ တောင်းဆိုမှု/စုံစမ်းမေးမြန်းမှုအရ သင့်ကိုယ်ရေးအချက်အလက်များကို သိမ်းဆည်းထားခြင်းဖြစ်ပါက) အဆိုပါတာဝန်ဝတ္တရားများကို ကျွန်ုပ်တို့က ကျေပွန်အောင် ဖြည့်ဆည်းပေးနိုင်ရန်အတွက် သင့်ကိုယ်ရေးအချက်အလက်ကို စီမံဆောင်ရွက်ရန် လိုအပ်ပါမည်။

• တရားဝင်အကျိုးစီးပွားရှိသည့် အတိုင်းအတာအတွင်း။ ရံဖန်ရံခါတွင် သင့်အတွက် ကိုယ်ရေးလုံခြုံမှုဆိုင်ရာ ထိခိုက်မှုအနည်းဆုံးဖြစ်အောင် ထည့်သွင်းစဉ်းစားလျက် အောက်ပါတရားဝင်အကျိုးစီးပွားများအတွက် သင့်ကိုယ်ရေးအချက်အလက်ကို စီမံဆောင်ရွက်ရန် လိုအပ်ပါသည်-

  • Xiaomi အတွင်း အချက်အလက်စနစ်လုံခြုံရေး၊ ကွန်ရက်လုံခြုံရေးနှင့် ဆိုက်ဘာလုံခြုံရေး။
  • စနစ်လုံခြုံရေးကို တိုးမြှင့်ရန်၊ အချက်အလက်ခိုးယူသည့် ဝက်ဘ်ဆိုက်၏ လိမ်လည်မှုကို တားဆီးရန်နှင့် အကောင့်လုံခြုံရေး ကာကွယ်ရန်။
  • ကော်ပိုရိတ်လုပ်ငန်းဆောင်ရွက်မှုများ၊ ကြိုတင်စိစစ်မှုနှင့် လုပ်ငန်းတွင်းစာရင်းစစ်ခြင်း (အထူးသဖြင့် အချက်အလက်လုံခြုံရေး နှင့်/သို့မဟုတ် ကိုယ်ရေးလုံခြုံမှုနှင့် စပ်လျဉ်း၍)။
  • ထုတ်ကုန် တီထွင်ဖန်တီးခြင်းနှင့် အဆင့်မြှင့်ခြင်း (Xiaomi အကောင့် ဆက်တင်များ သို့မဟုတ် လုပ်ဆောင်ချက်များကို စိစစ်လေ့လာခြင်းနှင့် အကောင်းဆုံး ချိန်ညှိခြင်း အပါအဝင်)။

  ဥပမာအားဖြင့် ကျွန်ုပ်တို့ဝန်ဆောင်မှုများ၏ လုံခြုံရေးခိုင်မာစေရန်နှင့် ကျွန်ုပ်တို့အက်ပ်များ၏ စွမ်းဆောင်ရည်ကို ကျွန်ုပ်တို့ ပိုမိုနားလည်အောင် ကူညီနိုင်ရန်အတွက် ကျွန်ုပ်တို့သည် သင်၏အသုံးပြုမှုကြိမ်ရေ၊ ချွတ်ယွင်းချက်မှတ်တမ်း အချက်အလက်များ၊ အသုံးပြုမှုအလုံးစုံ၊ စွမ်းဆောင်ရည်ဒေတာနှင့် အက်ပ်ရင်းမြစ်ကဲ့သို့ သက်ဆိုင်ရာ အချက်အလက်များကို မှတ်တမ်းတင်ထားနိုင်သည်။ ခွင့်ပြုချက်မရှိဘဲ ရောင်းချသူများက စက်များကို သော့ဖွင့်ခြင်းမှ ကာကွယ်ရန် ကျွန်ုပ်တို့သည် အသုံးပြုသော ကွန်ပျူတာ၏ Xiaomi အကောင့် ID၊ အမှတ်စဉ်နံပါတ်နှင့် IP လိပ်စာ၊ သင့်မိုဘိုင်းစက်၏ အမှတ်စဉ်နံပါတ်နှင့် စက်အချက်အလက်များကို စုဆောင်းရယူနိုင်သည်။

6. သင့်ကိုယ်ရေးအချက်အလက်ကို ကာကွယ်ရန် ကျွန်ုပ်တို့၏ လုံခြုံရေးအကာအကွယ်များမှာ မည်သည်တို့ဖြစ်သနည်း။

6.1 Xiaomi ၏ လုံခြုံရေးအကာအကွယ်များ

ကျွန်ုပ်တို့သည် သင့်ကိုယ်ရေးအချက်အလက်များကို လုံခြုံစွာထားရှိရန် ကတိပြုပါသည်။ ခွင့်ပြုချက်မရှိဘဲ ဝင်ရောက်သုံးစွဲခြင်း၊ ထုတ်ဖော်ပြောကြားခြင်း သို့မဟုတ် အလားတူအန္တရာယ်များမှ တားဆီးကာကွယ်နိုင်ရန်အလို့ငှာ ကျွန်ုပ်တို့သည် သင့်ထံမှ စုဆောင်းထားသော အချက်အလက်များကို ဥပဒေအရလိုအပ်သော ရုပ်ပိုင်းဆိုင်ရာ၊ အီလက်ထရောနစ်ပိုင်းနှင့် စီမံခန့်ခွဲမှုပိုင်းဆိုင်ရာ လုပ်ထုံးလုပ်နည်းအားလုံးဖြင့် ကာကွယ်ပြီး လုံခြုံအောင်ထားရှိပါသည်။ ကျွန်ုပ်တို့သည် သင့်ကိုယ်ရေးအချက်အလက်များကို သက်ဆိုင်ရာဥပဒေနှင့်အညီ ကာကွယ်ကြောင်း အာမခံပါမည်။

ဥပမာအားဖြင့် Xiaomi အကောင့်ကို သင်ဝင်ရောက်သုံးစွဲသည့်အခါ သင့်အကောင့်သည် အန္တရာယ်ရှိနေပါက ပိုမိုကောင်းမွန်သော လုံခြုံရေးအတွက် ကျွန်ုပ်တို့၏ နှစ်ဆင့်စိစစ်အတည်ပြုမှု အစီအစဉ်ကို သင် အသုံးပြုရပါမည်။ သင့် Xiaomi စက်မှ ကျွန်ုပ်တို့၏ဆာဗာများသို့ ဒေတာပေးပို့ခြင်း သို့မဟုတ် ကျွန်ုပ်တို့၏ဆာဗာများမှ ဒေတာများကို သင့်စက်တွင် လက်ခံရယူခြင်း ပြုလုပ်သည့်အခါ ကျွန်ုပ်တို့သည် Transport Layer Security ("TLS") နှင့် အခြားနည်းလမ်းများသုံး၍ ဒေတာများကို ကုဒ်ပြောင်းဝှက်ထားကြောင်း သေချာအောင် လုပ်ဆောင်ပါသည်။

သင့်ကိုယ်ရေးအချက်အလက်အားလုံးကို လုံခြုံသောဆာဗာများတွင် သိမ်းထားပြီး ထိန်းချုပ်ထားသော အဆောက်အအုံများတွင် ကာကွယ်ထားပါသည်။ သင့်အချက်အလက်များကို အရေးပါမှုနှင့် ထိလွယ်ရှလွယ်ဖြစ်မှုအလိုက် အမျိုးအစားခွဲထားသောကြောင့် သင့်ကိုယ်ရေးအချက်အလက်များအတွက် လိုအပ်သော လုံခြုံရေးအဆင့်ကို လက်ခံရရှိကြောင်း အာမခံသည်။ ကျွန်ုပ်တို့တွင် ကလောက်ဒ်အခြေပြု ဒေတာသိုလှောင်ခန်းအတွက် အထူးဝင်ရောက်သုံးစွဲခွင့် ထိန်းချုပ်မှုများရှိပြီး ခွင့်ပြုချက်မရှိဘဲ ဝင်ရောက်သုံးစွဲမှုနှင့် အသုံးပြုမှုမှန်သမျှမှ ကာကွယ်ရန်အတွက် ရုပ်ပိုင်းဆိုင်ရာ လုံခြုံရေး အစီအမံများ အပါအဝင် ကျွန်ုပ်တို့၏ အချက်အလက် စုဆောင်းမှု၊ သိမ်းဆည်းမှုနှင့် စီမံဆောင်ရွက်မှု အလေ့အထများကို ပုံမှန်ပြန်လည်သုံးသပ်ပါသည်။

သို့သော် အင်တာနက်အသုံးပြုမှုက အပြည့်အဝစိတ်မချရကြောင်း သင်သတိပြုသင့်ပါသည်။ ထို့ကြောင့် အင်တာနက်မှတစ်ဆင့် သင့်ထံမှ သို့မဟုတ် သင့်ထံသို့ လွှဲပြောင်းသော ကိုယ်ရေးအချက်အလက်များ၏ လုံခြုံရေး သို့မဟုတ် ယုံကြည်စိတ်ချရမှုကို ကျွန်ုပ်တို့ အာမခံမပေးနိုင်ပါ။

လုပ်ငန်းမိတ်ဖက်များနှင့် ပြင်ပအဖွဲ့အစည်း ဝန်ဆောင်မှုပေးသူများက သင့်ကိုယ်ရေးအချက်အလက်များကို ကာကွယ်ပေးနိုင်ကြောင်း သေချာစေရန်အတွက် ကျွန်ုပ်တို့က ထိုသူများအား ကြိုတင်စိစစ်မှု ဆောင်ရွက်ပါသည်။ ကျွန်ုပ်တို့သည် သင့်လျော်သော စာချုပ်ပါကန့်သတ်ချက်များ ထားရှိပြီး လိုအပ်သည့်နေရာ၌ စာရင်းစစ်ခြင်းနှင့် အကဲဖြတ်ခြင်းများ ဆောင်ရွက်ခြင်းအားဖြင့် ဤပြင်ပအဖွဲ့အစည်းများက သင့်လျော်သော လုံခြုံရေးစံနှုန်းများကို ထိန်းသိမ်းခြင်းရှိ၊ မရှိ စစ်ဆေးပါသည်။ ထို့အပြင် သင့်ကိုယ်ရေးအချက်အလက်များကို ဝင်ရောက်သုံးစွဲခွင့်ရှိသည့် ကျွန်ုပ်တို့၏ ဝန်ထမ်းများ၊ ကျွန်ုပ်တို့လုပ်ငန်းမိတ်ဖက်များ၏ ဝန်ထမ်းများ၊ ပြင်ပအဖွဲ့အစည်း ဝန်ဆောင်မှုပေးသူများ၏ ဝန်ထမ်းများသည် သက်ရောက်ပြဋ္ဌာန်းနိုင်သည့် စာချုပ်ပါ လျှို့ဝှက်ထားရှိရေး တာဝန်ဝတ္တရားများကို လိုက်နာရပါသည်။ ကိုယ်ရေးအချက်အလက်ကာကွယ်ရေး၏ အရေးကြီးပုံနှင့်ပတ်သက်၍ ကျွန်ုပ်တို့ဝန်ထမ်းများ၏ သိရှိနားလည်မှုကို မြှင့်တင်ပေးရန်အတွက် လုံခြုံရေးနှင့် ကိုယ်ရေးအချက်အလက်ကာကွယ်မှု သင်တန်းများပေးခြင်းနှင့် စာမေးပွဲစစ်ခြင်းများ ဆောင်ရွက်ပါသည်။ ကျွန်ုပ်တို့သည် သင့်ကိုယ်ရေးအချက်အလက်များကို ကာကွယ်ရန် လက်တွေ့ဆောင်ရွက်နိုင်သည့် ဥပဒေအရ သတ်မှတ်ထားသော အဆင့်အားလုံးကို ဆောင်ရွက်ပါမည်။

ကိုယ်ရေးအချက်အလက် ပေါက်ကြားမှု ဖြစ်ပွားပါက ကျွန်ုပ်တို့သည် သက်ဆိုင်ရာ ဒေတာကာကွယ်ရေး ဥပဒေနှင့်အညီ တရားဝင်သတ်မှတ်ချက်များကို လိုက်နာဆောင်ရွက်ပါမည်။ ၎င်းတွင် လိုအပ်ပါက အချက်အလက်ပေါက်ကြားမှုအကြောင်းကို သက်ဆိုင်ရာ ဒေတာကာကွယ်ရေး ကြီးကြပ်ရေးအာဏာပိုင်နှင့် ဒေတာပိုင်ရှင်များထံသို့ အကြောင်းကြားခြင်းလည်း ပါဝင်သည်။

6.2 သင်လုပ်နိုင်သည်များ

အခြားဝက်ဘ်ဆိုက်များသို့ စကားဝှက်ပေါက်ကြားပြီး Xiaomi ရှိ သင့်အကောင့် လုံခြုံရေးကို ထိခိုက်စေခြင်းမှ ရှောင်ရှားနိုင်ရန် Xiaomi ဝန်ဆောင်မှုများအတွက် သီးသန့်စကားဝှက်တစ်ခုကို သတ်မှတ်နိုင်ပြီး သင်၏ အကောင့်ဝင်ရန်စကားဝှက် သို့မဟုတ် အကောင့်အချက်အလက်များကို (သင်က သင့်လျော်စွာ ခွင့်ပြုပေးထားသူမဟုတ်လျှင်) မည်သူ့ထံမျှ ထုတ်ဖော်မပြောသင့်ပါ။ ဖြစ်နိုင်လျှင် သင်ရရှိသော အတည်ပြုကုဒ်ကို (Xiaomi သုံးစွဲသူဝန်ဆောင်မှုဟု ပြောသူများအပါအဝင်) မည်သူထံမျှ ထုတ်ဖော်မပြောပြပါနှင့်။ သင်သည် အထူးသဖြင့် အခြားသူတစ်ဦး၏ ကွန်ပျူတာပေါ်တွင် သို့မဟုတ် အများသုံးအင်တာနက်ချိတ်ထားသည့် စက်များပေါ်တွင် ဤပလက်ဖောင်းရှိ Xiaomi အကောင့် သုံးစွဲသူတစ်ဦးအဖြစ် အကောင့်ဝင်သည့်အခါတိုင်း သင်အသုံးပြုပြီးချိန်တွင် အမြဲတမ်း အကောင့်မှ ထွက်ထားသင့်သည်။ သင့်ကိုယ်ရေးအချက်အလက်ကို သီးသန့်ထားရှိရန် သင်၏ပျက်ကွက်မှုကြောင့် ပြင်ပအဖွဲ့အစည်းက သင့်ကိုယ်ရေးအချက်အလက်ကို ဝင်ရောက်သုံးစွဲရာမှ ဖြစ်ပေါ်လာသော လုံခြုံရေးဆိုင်ရာ ချွတ်ယွင်းချက်များအတွက် Xiaomi က တာဝန်မယူနိုင်ပါ။ အထက်တွင် မည်သို့ပင်ဆိုထားစေကာမူ အခြားအင်တာနက်သုံးစွဲသူတစ်ဦးဦးက သင့်အကောင့်ကို ခွင့်ပြုချက်မရှိဘဲ ဝင်ရောက်သုံးစွဲခြင်း သို့မဟုတ် အသုံးပြုခြင်း သို့မဟုတ် အခြားလုံခြုံရေးကျိုးပေါက်မှု တစ်ခုခုရှိပါက ကျွန်ုပ်တို့ထံ ချက်ချင်းအကြောင်းကြားရပါမည်။ သင့်အကူအညီသည် သင့်ကိုယ်ရေးအချက်အလက်များ၏ လုံခြုံမှုကို ကာကွယ်ရာတွင် အထောက်အကူဖြစ်ပါမည်။

6.3 သင့်စက်ပေါ်ရှိ အခြားလုပ်ဆောင်ချက်များကို ဝင်ရောက်သုံးစွဲခြင်း

ကျွန်ုပ်တို့၏ အပလီကေးရှင်းများသည် သင့်စက်ပေါ်ရှိ အချို့လုပ်ဆောင်ချက်များကို ဝင်ရောက်သုံးစွဲနိုင်ပါသည်။ အပလီကေးရှင်းများကို သင့်စက်ပေါ်တွင် လုပ်ဆောင်ခွင့်ပြုရန်၊ အပလီကေးရှင်းများနှင့် သင်အပြန်အလှန်တုံ့ပြန်နိုင်စေရန်အတွက် ဤအချက်အလက်ကို သုံးပါသည်။ သင့်ခွင့်ပြုချက်များကို စက်အဆင့်တွင် ပိတ်ခြင်း သို့မဟုတ် https://privacy.mi.com/support မှတစ်ဆင့် ကျွန်ုပ်တို့ထံ ဆက်သွယ်ခြင်းဖြင့် သင့်ခွင့်ပြုချက်များကို အချိန်မရွေး ပြန်ရုပ်သိမ်းနိုင်သည်။

7. သင့်ကိုယ်ရေးအချက်အလက်ကို မည်မျှကြာအောင် သိမ်းဆည်းထားမည်နည်း။

များသောအားဖြင့် ကျွန်ုပ်တို့သည် ကိုယ်ရေးအချက်အလက်များကို ကျွန်ုပ်တို့၏ ကိုယ်ရေးလုံခြုံမှု မူဝါဒများတွင် ဖော်ပြထားသော ရည်ရွယ်ချက်များအတွက် သို့မဟုတ် သက်ဆိုင်ရာ ဥပဒေအရ ပြဋ္ဌာန်းထားသည့်အတိုင်း လိုအပ်သည့်အချိန်ကာလတစ်ခုအထိ ထိန်းသိမ်းထားပါမည်။ သက်ဆိုင်ရာ ဥပဒေအရ သတ်မှတ်ထားသည့်အခါ သို့မဟုတ် ခွင့်ပြုထားသည့်အခါမှအပ စုဆောင်းရသည့် ရည်ရွယ်ချက်ပြည့်မီပါက သို့မဟုတ် သင်၏ဖျက်ပစ်ရန်တောင်းဆိုမှုကို ကျွန်ုပ်တို့အတည်ပြုပြီးနောက် သို့မဟုတ် သက်ဆိုင်ရာဝန်ဆောင်မှုများအား လုပ်ဆောင်မှုကို ကျွန်ုပ်တို့ရပ်စဲလိုက်ပြီးနောက်တွင် သင့်ကိုယ်ရေးအချက်အလက်များကို ထိန်းသိမ်းခြင်းအား ရပ်တန့်ကာ ၎င်းတို့ကို ဖျက်ပစ်ပါမည် သို့မဟုတ် ပိုင်ရှင်မည်သူမှန်းမသိအောင် ပြုလုပ်ပါမည်။ အကယ်၍ သက်ဆိုင်ရာ ဥပဒေအရ ခွင့်ပြုထားသည့် ကိစ္စရပ်မျိုးတွင် သင့်ကိုယ်ရေးအချက်အလက်ကို သီးခြားခွဲထားမည်ဖြစ်ပြီး တရားဝင်တာဝန်များနှင့် သက်ဆိုင်ရာ ဥပဒေက ခွင့်ပြုထားသော အခြားရည်ရွယ်ချက်များအတွက် ဆောင်ရွက်ရခြင်းမှလွဲ၍ ထပ်မံစီမံဆောင်ရွက်ခြင်းပြုမည်မဟုတ်ပါ။ ယင်းကဲ့သို့သော အခြေအနေများတွင်မူ သင့်ကိုယ်ရေးအချက်အလက်များကို သက်ဆိုင်ရာ ဥပဒေအရ ခွင့်ပြုထားသော အဖွဲ့အစည်းများသာ အသုံးပြုနိုင်စေရန် ပြုလုပ်ပေးပါမည်။ သက်ဆိုင်ရာ ထိန်းသိမ်းထားမည့်ကာလများ ကုန်လွန်သွားသည်နှင့်တစ်ပြိုင်နက် အဆိုပါ ကိုယ်ရေးအချက်အလက်များကို ဖျက်ပစ်ပါမည် သို့မဟုတ် ပိုင်ရှင်မည်သူမှန်းမသိအောင် ပြုလုပ်ပါမည်။

8. သင့်ကိုယ်ရေးလုံခြုံမှုဆိုင်ရာ ဦးစားပေးမှုများကို မည်သို့ စီမံခန့်ခွဲနိုင်မည်နည်း။

ကိုယ်ရေးလုံခြုံမှုဆိုင်ရာ စိုးရိမ်မှုများသည် လူတစ်ဦးနှင့်တစ်ဦး ကွဲပြားသည်ကို ကျွန်ုပ်တို့ သိရှိနားလည်ပါသည်။ ထို့ကြောင့် သင့်ကိုယ်ရေးအချက်အလက်များကို စုစည်းရယူခြင်း၊ အသုံးပြုခြင်း၊ ထုတ်ဖော်ပြောဆိုခြင်း သို့မဟုတ် အခြားတစ်နည်းနည်းဖြင့် စီမံဆောင်ရွက်ခြင်းကို သင် ကန့်သတ်နိုင်ပြီး သင့်ကိုယ်ရေးလုံခြုံမှု ဆက်တင်များကို ထိန်းချုပ်နိုင်မည့် နည်းလမ်းများ၏ ဥပမာများကို ကျွန်ုပ်တို့က ဖော်ပြပေးထားသည်-

• သင့်စက်တွင် ဆက်တင်များ > Xiaomi အကောင့်၌ဖြစ်စေ၊ https://account.xiaomi.com ၌ အကောင့်ဝင်၍ဖြစ်စေ သင့်အကောင့်လုံခြုံရေး အချက်အလက်၊ ကိုယ်ရေးအချက်အလက်၊ ခွင့်ပြုချက်များနှင့် စက်စီမံခန့်ခွဲမှုတို့ကို ကြည့်ရှုပြီး အပ်ဒိတ်လုပ်နိုင်သည်၊
• ဤပလက်ဖောင်း၏ အကောင့်အတွင်းရှိ "ကျွန်ုပ်၏ အကောင့် > အချက်အလက်ပြင်ဆင်ရန်" တွင် သင့်အချက်အလက်များကို ကြည့်ရှုပြီး အပ်ဒိတ်လုပ်နိုင်သည်၊
• ဤပလက်ဖောင်း၏ အကောင့်အတွင်းရှိ "ကျွန်ုပ်၏ အကောင့် > အသိပေးချက် ဦးစားပေးမှုများ" တွင် သင်၏ အသိပေးချက် ဦးစားပေးမှုများကို အပ်ဒိတ်လုပ်နိုင်သည်၊
• ဝန်ဆောင်မှု သို့မဟုတ် အကောင့်ကို ပယ်ဖျက်နိုင်သည်။ သင်၏ Xiaomi အကောင့်ကို ပယ်ဖျက်လိုပါက ဆက်တင်များ > Xiaomi အကောင့် > အကူအညီ > အကောင့် ဖျက်မည်ရှိ အဆင့်များအတိုင်း လုပ်ဆောင်၍ သို့မဟုတ် https://account.xiaomi.comသို့ သွားရောက်၍ ဖျက်ပစ်နိုင်ပါသည်၊
• ဤကိုယ်ရေးလုံခြုံမှု မူဝါဒ အပါအဝင် သက်ဆိုင်ရာ ကိုယ်ရေးလုံခြုံမှု မူဝါဒနှင့် အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်တွင် ဖော်ပြထားသော ရည်ရွယ်ချက်များအတွက် သင့်ကိုယ်ရေးအချက်အလက်များအား ကျွန်ုပ်တို့အသုံးပြုခြင်းကို ယခင်က သင်သဘောတူထားပါက https://privacy.mi.com/support တွင် ကျွန်ုပ်တို့ကို ဆက်သွယ်၍ သင့်သဘောထားကို အချိန်မရွေး ပြောင်းလဲနိုင်ပါသည်။

သင့် Xiaomi အကောင့် သို့မဟုတ် ပရိုဖိုင်ကို ပယ်ဖျက်လိုက်ပါက Xiaomi ထုတ်ကုန်များနှင့် ၎င်း၏ဆက်စပ်ဝန်ဆောင်မှုများကို သင့်အနေဖြင့် အပြည့်အဝ အသုံးပြုနိုင်တော့မည်မဟုတ်ကြောင်း သတိပြုပေးပါ။ သင်၏ သို့မဟုတ် အခြားသူများ၏ တရားဝင် အခွင့်အရေးများနှင့် အကျိုးစီးပွားများကို ကာကွယ်ရန် ကျွန်ုပ်တို့က Xiaomi ထုတ်ကုန်နှင့် ဝန်ဆောင်မှု အမျိုးမျိုးကို သင်အသုံးပြုခြင်းအပေါ် အခြေခံ၍ ပယ်ဖျက်ရန်အတွက် သင့်တောင်းဆိုမှုကို ထောက်ခံခြင်းရှိ၊ မရှိ အကဲဖြတ်ပါမည်။

9. သင်၏ ဒေတာကာကွယ်ရေး အခွင့်အရေးများမှာ မည်သည်တို့ဖြစ်သနည်း။

ကျွန်ုပ်တို့ထိန်းသိမ်းထားသည့် သင့်ကိုယ်ရေးအချက်အလက်များနှင့် စပ်လျဉ်း၍ သင့်တွင် အခွင့်အရေးအချို့ ရှိပါသည် (ဤနေရာမှစ၍ "တောင်းဆိုမှု" ဟု ရည်ညွှန်းပါမည်)။ ဤအခွင့်အရေးများသည် သင်အခြေစိုက်သည့် နေရာအလိုက် သက်ဆိုင်ရာ ဒေသတွင်း ဥပဒေအောက်ရှိ သီးခြားချန်လှပ်ခြင်းများနှင့် ခြွင်းချက်များအပေါ် မူတည်မည်ဖြစ်ကြောင်း သတိပြုပါ-

• ကျွန်ုပ်တို့ထိန်းသိမ်းထားသော သင့်ကိုယ်ရေးအချက်အလက်အကြောင်း အသေးစိတ်ဖော်ပြထားသည့် အစီရင်ခံစာကို ဝင်ရောက်ကြည့်ရှုခွင့်/ရယူခွင့်။ ကျွန်ုပ်တို့စီမံဆောင်ရွက်ထားသည့် သင့်ကိုယ်ရေးအချက်အလက်များ၏ မိတ္တူတစ်စုံကို သင်တောင်းဆိုပါက သင့်အား အခမဲ့ ပေးအပ်ပါမည်။ သက်ဆိုင်ရာ အချက်အလက်များအတွက် ထပ်ဆောင်းတောင်းဆိုမှုများ ပြုလုပ်ပါက သက်ဆိုင်ရာ ဥပဒေနှင့်အညီ အမှန်တကယ် စီမံခန့်ခွဲရေး ကုန်ကျစရိတ်များအပေါ် အခြေခံ၍ သင့်တင့်သော အခကြေးငွေကို ကျွန်ုပ်တို့က ကောက်ခံနိုင်သည်။ မည်သည့်အခြေအနေတွင်မဆို သင့်အနေဖြင့် Xiaomi အကောင့်နှင့်/သို့မဟုတ် ဤပလက်ဖောင်းထဲသို့ ဝင်ရောက်ပြီး ကျွန်ုပ်တို့ထိန်းသိမ်းထားသော သင့်ကိုယ်ရေးအချက်အလက်အချို့ကို စစ်ဆေးကြည့်ရှုနိုင်ကြောင်း မှတ်ထားပေးပါ။
• သင့်ကိုယ်ရေးအချက်အလက်များကို ပြင်ဆင်ပိုင်ခွင့်။ ကျွန်ုပ်တို့ထိန်းသိမ်းထားသော သင့်အချက်အလက်တစ်ခုခုသည် မှားယွင်းနေပါက သို့မဟုတ် မပြည့်စုံပါက အသုံးပြုမှု ရည်ရွယ်ချက်အပေါ် အခြေခံ၍ သင့်အနေဖြင့် သင့်ကိုယ်ရေးအချက်အလက်ကို ပြင်ဆင်ပိုင်ခွင့် သို့မဟုတ် ဖြည့်စွက်ပိုင်ခွင့် ရှိသည်။ သင့်အနေဖြင့် Xiaomi အကောင့်နှင့်/သို့မဟုတ် ဤပလက်ဖောင်းထဲသို့ ဝင်ရောက်ပြီး သင့်ဒေတာအချို့ကို ပြင်ဆင်နိုင်ကြောင်းလည်း မှတ်ထားပေးပါ။
• သင့်ကိုယ်ရေးအချက်အလက်များကို ဖျက်ပစ်ပိုင်ခွင့်။ သက်ဆိုင်ရာ ဥပဒေသတ်မှတ်ချက်များအပေါ် အခြေခံ၍ ကျွန်ုပ်တို့တွင် သင့်ကိုယ်ရေးအချက်အလက်ကို ဆက်လက်အသုံးပြုရန် ခိုင်လုံသော အကြောင်းရင်း မရှိပါက ၎င်းကို ဖျက်ပစ်ရန် သို့မဟုတ် ဖယ်ရှားပေးရန် သင့်တွင် တောင်းဆိုပိုင်ခွင့် ရှိသည်။ သင့်ကိုယ်ရေးအချက်အလက်များအား ဖျက်ပစ်ခြင်းကို ဆက်လက်လုပ်ဆောင်ရန်အတွက် ကျွန်ုပ်တို့က သင်၏ ဖျက်ပစ်ရန် တောင်းဆိုမှုနှင့်စပ်လျဉ်းသည့် အကြောင်းရင်းများကို ထည့်သွင်းစဉ်းစားပြီး နည်းပညာဆိုင်ရာ အစီအမံများ အပါအဝင် ကျိုးကြောင်းဆီလျော်သော အဆင့်များကို လုပ်ဆောင်ရပါမည်။ ကျွန်ုပ်တို့က သက်ဆိုင်ရာဥပဒေ (ဥပမာအားဖြင့် အဆိုပါ ကိုယ်ရေးအချက်အလက်များကို စီမံဆောင်ရွက်ခြင်းကြောင့် ဖြစ်ပေါ်လာနိုင်သည့် သို့မဟုတ် ယင်းနှင့်စပ်လျဉ်းသည့် နစ်နာကြေးတောင်းဆိုနိုင်ခြေများအတွက် သင့်ကိုယ်ရေးအချက်အလက်ကို ထိန်းသိမ်းထားရန် လိုအပ်သည့်အခါ) နှင့်/သို့မဟုတ် နည်းပညာဆိုင်ရာ ကန့်သတ်ချက်များကြောင့် အချက်အလက်များကို အရန်သိမ်းစနစ်မှ ချက်ချင်း ဖယ်ရှားနိုင်မည် မဟုတ်ကြောင်းကို သတိပြုပါ။ ဤကိစ္စရပ်တွင် ကျွန်ုပ်တို့သည် သင့်ကိုယ်ရေးအချက်အလက်များကို လုံခြုံစွာ သိမ်းဆည်းထားမည်ဖြစ်ပြီး ထိုအချက်အလက်ကို ဖျက်ပစ်နိုင်သည်အထိ သို့မဟုတ် အမည်မဖော်နိုင်အောင် ပြုလုပ်နိုင်သည်အထိ ၎င်းကို နောက်ထပ်စီမံဆောင်ရွက်ခြင်းမပြုဘဲ သီးခြားခွဲထုတ်ထားပါမည်။
• သင့်ကိုယ်ရေးအချက်အလက်များကို စီမံဆောင်ရွက်ခြင်းအပေါ် ကန့်ကွက်ပိုင်ခွင့်။ သင့်အခြေအနေနှင့်စပ်လျဉ်းသည့် အကြောင်းရင်းများရှိပါက Xiaomi ၏ တရားဝင် အကျိုးစီးပွား သို့မဟုတ် သက်ဆိုင်ရာ ဥပဒေအရ ခွင့်ပြုထားသည့် အခြားတရားဝင်အကြောင်းရင်းများပေါ် အခြေခံသည့် သင့်ကိုယ်ရေးဒေတာကို စီမံဆောင်ရွက်ခြင်းအား သင့်အနေဖြင့် ကန့်ကွက်ပိုင်ခွင့် ရှိသည်။ ထိုသို့စီမံဆောင်ရွက်ခြင်းကို သင်ကန့်ကွက်ပါက ကျွန်ုပ်တို့သည် သက်ဆိုင်ရာ ဥပဒေအရ ခွင့်ပြုထားခြင်းမရှိလျှင် အဆိုပါ အကြောင်းရင်းများနှင့် ရည်ရွယ်ချက်များအတွက် သင့်ဒေတာများကို စီမံဆောင်ရွက်တော့မည်မဟုတ်ပါ။ သက်ဆိုင်ရာ ဥပဒေများအရ တိုက်ရိုက်ဈေးကွက်ရှာဖွေရေးအတွက် စီမံဆောင်ရွက်ခြင်းကို သင့်အနေဖြင့် အချိန်မရွေး ကန့်ကွက်ပိုင်ခွင့်လည်း ရှိပြီး ကျွန်ုပ်တို့က ထိုသို့သော စီမံဆောင်ရွက်မှုကို ရပ်တန့်ပေးပါမည်။
• သင့်ကိုယ်ရေးအချက်အလက်များကို စီမံဆောင်ရွက်ခြင်းအပေါ် ကန့်သတ်ပိုင်ခွင့်။ ဥပမာအားဖြင့် စီမံဆောင်ရွက်ခြင်းက သင့်နားလည်မှုအရ ဥပဒေနှင့်မညီသော်လည်း သင့်ကိုယ်ရေးအချက်အလက်အား ဖျက်ပစ်ခြင်းကို သင်ကန့်ကွက်သည့်အခါ သင့်ကိုယ်ရေးအချက်အလက်များအား ကျွန်ုပ်တို့ စီမံဆောင်ရွက်ခြင်းကို သင့်အနေဖြင့် ကန့်သတ်ပိုင်ခွင့်ရှိသည်။ ထိုကဲ့သို့ကိစ္စရပ်များတွင် သင့်သဘောတူညီချက်ဖြင့်၊ ဥပဒေရေးရာ တောင်းဆိုချက်များကို အသုံးချခြင်း သို့မဟုတ် ခုခံချေပခြင်း သို့မဟုတ် သက်ဆိုင်ရာ ဥပဒေအရ ခွင့်ပြုထားသော အခြား တရားဝင်ရည်ရွယ်ချက်များ/အကြောင်းရင်းများအတွက်/ယင်းတို့နှင့်အညီသာ သင့်ကိုယ်ရေးအချက်အလက်များကို စီမံဆောင်ရွက်ပါမည်။
• ဒေတာလွှဲပြောင်းခွင့်။ ဥပဒေက ပြဋ္ဌာန်းထားသည့် အချို့သောအခြေအနေများတွင် သင်သည် သင်နှင့်သက်ဆိုင်သော ကိုယ်ရေးအချက်အလက်များကို စနစ်တကျဖွဲ့စည်းထားသည့်၊ အသုံးများ၍ စက်ဖြင့်ဖတ်နိုင်သော ဖောမတ်ဖြင့် လက်ခံရရှိပိုင်ခွင့်နှင့်/သို့မဟုတ် ထိုကိုယ်ရေးအချက်အလက်ကို အခြားဒေတာထိန်းချုပ်သူထံသို့ လွှဲပြောင်းပိုင်ခွင့် ရှိသည်။
• သဘောတူညီချက်ကို ရုပ်သိမ်းပိုင်ခွင့်။ သင့်ကိုယ်ရေးအချက်အလက်ကို စီမံဆောင်ရွက်ခြင်းအတွက် သင့်သဘောတူညီချက်ကို လိုအပ်သည့်ကိစ္စရပ်များတွင် သင်သည် ထိုသဘောတူညီချက်ကို အချိန်မရွေး ရုပ်သိမ်းနိုင်သည်။ သို့သော် သင့်သဘောတူညီချက်ကို ရုပ်သိမ်းပါက သင်သည် ဤပလက်ဖောင်းနှင့် ၎င်း၏ဆက်စပ်ဝန်ဆောင်မှုများကို ဆက်လက်အသုံးပြုနိုင်မည်မဟုတ်ကြောင်းနှင့်/သို့မဟုတ် အချို့သော အချက်အလက်များ သို့မဟုတ် လုပ်ဆောင်ချက်များကို ရယူသုံးစွဲနိုင်မည်မဟုတ်ကြောင်း သတိပြုပါ။ သင့်သဘောတူညီချက် သို့မဟုတ် ခွင့်ပြုချက်ကို ရုပ်သိမ်းခြင်းသည် ရုပ်သိမ်းသည့်အချိန်မတိုင်ခင်အထိ သဘောတူညီချက်အပေါ် အခြေခံ၍ ဆောင်ရွက်ထားသော ကျွန်ုပ်တို့၏ စုဆောင်းမှုနှင့် စီမံဆောင်ရွက်မှု၏ တရားဝင်မှုကို ထိခိုက်စေမည်မဟုတ်ပါ။
• သက်ဆိုင်ရာဥပဒေအရ အခြားအခွင့်အရေးများ။

သင်သည် ဤပလက်ဖောင်းရှိ သင့်အကောင့်တွင်၊ https://account.xiaomi.com ရှိ သင့် Xiaomi အကောင့်တွင် သို့မဟုတ် သင့်စက်ရှိ သင့် Xiaomi အကောင့်သို့ ဝင်ရောက်ခြင်းဖြင့် အချို့သော ကိုယ်ရေးအချက်အလက်နှင့်ဆိုင်သည့် အသေးစိတ်အချက်အချို့ကို ဝင်ရောက်ကြည့်ရှုနိုင်၊ အပ်ဒိတ်လုပ်နိုင်ပြီး ဖျက်ပစ်နိုင်ကြောင်း သတိပြုပါ။ ထပ်ဆောင်းအချက်အလက်များကို သိရှိလိုပါက ကျွန်ုပ်တို့ထံ စာရေးသားပေးပို့ပါ သို့မဟုတ် https://privacy.mi.com/support မှတစ်ဆင့် ကျွန်ုပ်တို့ကို ဆက်သွယ်ပါ။

10. သင်၏ ဒေတာကာကွယ်ရေး အခွင့်အရေးများကို မည်သို့အသုံးချရမည်နည်း၊ ကျွန်ုပ်တို့ထံ မည်သို့ဆက်သွယ်ရမည်နည်း။

ဤကိုယ်ရေးလုံခြုံမှု မူဝါဒနှင့်ပတ်သက်၍ သင့်တွင် ထင်မြင်ချက်များ သို့မဟုတ် မေးစရာများရှိလျှင်ဖြစ်စေ၊ သင့်ကိုယ်ရေးအချက်အလက်ကို Xiaomi ၏ စုဆောင်းခြင်း၊ အသုံးပြုခြင်း သို့မဟုတ် ထုတ်ဖော်ခြင်းနှင့် ပတ်သက်၍ သင့်တွင် မေးစရာများရှိလျှင်ဖြစ်စေ၊ အထက်ဖော်ပြပါ အပိုင်းနှင့်အညီ သင်၏ ဒေတာကာကွယ်ရေး အခွင့်အရေးများကို အသုံးချလိုလျှင်ဖြစ်စေ https://privacy.mi.com/support သို့ သွားခြင်းဖြင့် သို့မဟုတ် အောက်တွင်ဖော်ပြထားသော လိပ်စာများတွင် ကျွန်ုပ်တို့ကို အချိန်မရွေး ဆက်သွယ်နိုင်ပါသည် (သင့်တောင်းဆိုမှုကို စာဖြင့်ရေးသား၍ တင်ပြရမည်)။ ကိုယ်ရေးအချက်အလက်များနှင့်ပတ်သက်သည့် မေးခွန်းများ သို့မဟုတ် အကြောင်းအရာများကို ဒေါင်းလုဒ်လုပ်ရန် သို့မဟုတ် ဝင်ရောက်သုံးစွဲရန် တောင်းဆိုမှုများကို လက်ခံရရှိသည့်အခါ အဆိုပါကိစ္စရပ်များကို ကိုင်တွယ်ဖြေရှင်းပေးမည့် ကျွမ်းကျင်အဖွဲ့တစ်ဖွဲ့ကို ကျွန်ုပ်တို့ထားရှိသည်။ ထိုအဖွဲ့တွင် ဒေတာကာကွယ်ရေးအရာရှိများ (DPO များ) ပါဝင်ပြီး ၎င်းတို့ကို https://privacy.mi.com/support မှတစ်ဆင့် သို့မဟုတ် အောက်ပါစာပို့လိပ်စာများဖြင့် ဆက်သွယ်နိုင်ပါသည်။ သင့်မေးခွန်းကိုယ်၌တွင် သိသာထင်ရှားသော ပြဿနာတစ်ခုပါရှိပါက ကျွန်ုပ်တို့သည် နောက်ထပ်အချက်အလက်များကို သင့်ထံမှ တောင်းဆိုနိုင်သည်။ သင်သည် ကျွန်ုပ်တို့နှင့် တိုင်ပင်ဆွေးနွေးပါက ကျွန်ုပ်တို့သည် သင်၏ လက်တွေ့အခြေအနေအပေါ်မူတည်၍ အသုံးပြုနိုင်သည့် သက်ဆိုင်ရာ တိုင်ကြားမှုလမ်းကြောင်းများနှင့်ပတ်သက်သည့် အချက်အလက်များကို ပေးပါမည်။

• ဥရောပ စီးပွားရေး ဧရိယာ (EEA)၊ UK နှင့် ဆွစ်ဇာလန် (CH) ရှိ သုံးစွဲသူများအတွက်-

Xiaomi Technology Netherlands B.V., Prinses Margrietplantsoen 39, 2595 AM, The Hague, The Netherlands

• အိန္ဒိယရှိ သုံးစွဲသူများအတွက်-

Xiaomi Technology India Private Limited, Building Orchid, Block E, Embassy Tech Village, Outer Ring Road, Devarabisanahalli, Bengaluru, Karnataka - 560103, India

ထိခိုက်လွယ်သော ကိုယ်ရေးဒေတာများ သို့မဟုတ် အချက်အလက်များကို စီမံဆောင်ရွက်ခြင်းနှင့် ပတ်သက်ပြီး ကွဲလွဲမှုများနှင့် မကျေနပ်ချက်များ ရှိပါက သတ်မှတ်ထားသည့် မကျေနပ်ချက်ဖြေရှင်းရေး အရာရှိထံ အောက်ဖော်ပြပါအတိုင်း အကြောင်းကြားရမည်-

အမည်- Vishwanath C

တယ်လီဖုန်းနံပါတ်- 080 6885 6286၊ တနင်္လာမှ စနေ၊ နံနက် 9 နာရီမှ ညနေ 6 နာရီအထိ

အီးမေးလ်- rievance.officer@xiaomi.com

• အခြားနိုင်ငံများ/နယ်မြေများရှိ သုံးစွဲသူများအတွက်-

Xiaomi Technologies Singapore Pte. Ltd. 1 Fusionopolis Link #04-02/03 Nexus@one-north, Singapore 138542

Xiaomi က သင့်အထောက်အထားကို စစ်ဆေးပြီး သင်သည် ဒေတာပိုင်ရှင်ဖြစ်ကြောင်း သို့မဟုတ် ဒေတာပိုင်ရှင်ကိုယ်စား တရားဝင်လုပ်ပိုင်ခွင့်ရှိသူဖြစ်ကြောင်း အတည်ပြုနိုင်ရန်အတွက် လုံလောက်သော အချက်အလက်များကို သင်ပေးအပ်ထားကြောင်း သေချာပါစေ။ သင့်တောင်းဆိုမှုကို ဆောင်ရွက်နိုင်ကြောင်း အတည်ပြုရန် လုံလောက်သည့် အချက်အလက်များကို ရရှိသည်နှင့်တစ်ပြိုင်နက် သင်နှင့်သက်ဆိုင်သော ဒေတာကာကွယ်ရေးဥပဒေအရ သတ်မှတ်ထားသည့် အချိန်ကာလအတွင်း သင့်တောင်းဆိုမှုကို တုံ့ပြန်ရန် ကျွန်ုပ်တို့က ဆက်လက်ဆောင်ရွက်ရပါမည်။

ကျွန်ုပ်တို့သည် အဓိပ္ပာယ်မရှိသော၊ သိသာထင်ရှားစွာ အခြေအမြစ်မရှိသော သို့မဟုတ် အလွန်အကျွံဖြစ်သော တောင်းဆိုမှုများ၊ အခြားသူများ၏ ကိုယ်ရေးအချက်အလက်လုံခြုံမှု ရပိုင်ခွင့်ကို ထိခိုက်စေသော တောင်းဆိုမှုများ၊ အလွန်လက်တွေ့မကျသည့် တောင်းဆိုမှုများ၊ နည်းပညာအရ အချိုးအဆမမျှသော လုပ်ဆောင်ချက်လိုအပ်သည့် တောင်းဆိုမှုများအပြင် ဒေသတွင်း ဥပဒေအရ မလိုအပ်သော၊ အများသိရှိအောင် ကြေညာထားသည့် အချက်အလက်နှင့် စပ်လျဉ်းသော၊ လျှို့ဝှက်အခြေအနေများတွင် ပေးထားသည့် အချက်အလက်နှင့် စပ်လျဉ်းသော တောင်းဆိုမှုများကို ဆောင်ရွက်မပေးရန် ငြင်းခွင့်ရှိသည်။ အဆိုပါ အချက်အလက်ကို ဖျက်ရန် သို့မဟုတ် ဝင်ရောက်ကြည့်ရှုရန် တောင်းဆိုမှုသည် ရှုထောင့်အချို့မှ ကြည့်လျှင် အထက်ဖော်ပြပါ လိမ်လည်မှုတိုက်ဖျက်ရေးနှင့် လုံခြုံရေး ရည်ရွယ်ချက်များအတွက် အဆိုပါအချက်အလက်ကို ကျွန်ုပ်တို့ တရားဝင်အသုံးပြု၍ မရနိုင် ဖြစ်စေမည်ဟု ကျွန်ုပ်တို့က ယူဆလျှင် ၎င်းတောင်းဆိုမှုကိုလည်း ပယ်ချနိုင်သည်။ သင့်တောင်းဆိုမှုကို မလုပ်ဆောင်ရန် ဆုံးဖြတ်ချက်မှန်သမျှနှင့် ဤဆုံးဖြတ်ချက် ချမှတ်ရသည့် အကြောင်းရင်းများကို သက်ဆိုင်ရာဥပဒေအရ လိုအပ်ပါက သင့်ထံ အကြောင်းကြားပါမည်။ ထိုသို့လုပ်ဆောင်ရာတွင် ကျွန်ုပ်တို့သည် သက်ဆိုင်ရာဥပဒေအရ သတ်မှတ်ထားသော အချိန်ကာလအတွင်း သင့်ကို အကြောင်းကြားမည်ဖြစ်သည်။

သင်ရရှိသည့် တုံ့ပြန်မှုအပေါ် ကျေနပ်မှုမရှိပါက သင်စိုးရိမ်ပူပန်သည့် အကြောင်းကိစ္စကို သင်နေထိုင်ရာ တရားစီရင်ပိုင်ခွင့်နယ်မြေရှိ သက်ဆိုင်ရာ စည်းကမ်းထိန်းသိမ်းရေးအာဏာပိုင်ထံ လွှဲပြောင်းနိုင်သည်။

11. သင့်ကိုယ်ရေးအချက်အလက်ကို ကမ္ဘာတစ်ဝန်းသို့ မည်သို့လွှဲပြောင်းသနည်း။

Xiaomi သည် ကမ္ဘာလုံးဆိုင်ရာ လုပ်ငန်းလည်ပတ်ရေးနှင့် ထိန်းချုပ်ရေး အခြေခံအဆောက်အအုံမှတစ်ဆင့် ကိုယ်ရေးအချက်အလက်များကို စီမံဆောင်ရွက်ခြင်းနှင့် အရန်သိမ်းဆည်းခြင်း ပြုလုပ်သည်။ သင့်ကိုယ်ရေးအချက်အလက်ကို ထိန်းချုပ်သည့် Xiaomi အဖွဲ့အစည်းသည် သင်နေထိုင်သည့်နေရာနှင့် သင်အသုံးပြုသည့် သီးခြားထုတ်ကုန် သို့မဟုတ် ဝန်ဆောင်မှုပေါ် မူတည်၍ ကွဲပြားနိုင်သည်။ သက်ဆိုင်ပါက နောက်ထပ်အသေးစိတ်အချက်အလက်များကို အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်တွင် ဖော်ပြပေးမည်ဖြစ်သည်။

ကျွန်ုပ်တို့၏ ဝန်ဆောင်မှုများကို သင်အသုံးပြုခြင်းတွင် ဤကိုယ်ရေးလုံခြုံမှု မူဝါဒ၊ အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်နှင့် သက်ဆိုင်ရာ ဥပဒေတွင် ဖော်ပြထားသည့် ရည်ရွယ်ချက်များကို အကောင်အထည်ဖော်ရန် လိုအပ်ပါက သင်နေထိုင်ရာနိုင်ငံအတွင်းနှင့် ပြင်ပတွင် သင့်ကိုယ်ရေးအချက်အလက်ကို လွှဲပြောင်းမှု၊ သိမ်းဆည်းမှုနှင့် စီမံဆောင်ရွက်မှုတို့ ပါဝင်နိုင်သည်။ Xiaomi သည် တရုတ်ပြည်မကြီး ပြင်ပတွင် ကမ်းလှမ်းသော ကျွန်ုပ်တို့၏ ထုတ်ကုန်များနှင့် ဝန်ဆောင်မှုများကို ပံ့ပိုးကူညီရန်အတွက် အိန္ဒိယ၊ နယ်သာလန်၊ ရုရှားနှင့် စင်္ကာပူတွင် တည်ရှိသော ဒေသဆိုင်ရာ ဒေတာလက်ခံသိမ်းဆည်းရေး အခြေခံအဆောက်အအုံကို အသုံးပြုပါသည်။

သက်ဆိုင်ရာ ဝန်ဆောင်မှုများ ပေးအပ်သည့် ဒေသပေါ် မူတည်၍ လက်ခံသိမ်းဆည်းမည့် တည်နေရာကို ဆုံးဖြတ်သတ်မှတ်သည်။ အထူးသဖြင့်−

• ရုရှားတွင် လုပ်ငန်းဆောင်ရွက်စဉ် ကျွန်ုပ်တို့စုဆောင်းရယူပြီး ထုတ်ပေးထားသည့် ကိုယ်ရေးအချက်အလက်ကို ရုရှားတွင် တည်ရှိသော ဒေတာစင်တာများ၌ သိမ်းဆည်းထားသည်။
• အိန္ဒိယတွင် လုပ်ငန်းဆောင်ရွက်စဉ် ကျွန်ုပ်တို့စုဆောင်းရယူပြီး ထုတ်ပေးထားသည့် ကိုယ်ရေးအချက်အလက်ကို အိန္ဒိယတွင် တည်ရှိသော ဒေတာစင်တာများ၌ သိမ်းဆည်းထားသည်။
• EEA/UK/CH တွင် လုပ်ငန်းဆောင်ရွက်စဉ် ကျွန်ုပ်တို့စုဆောင်းရယူပြီး ထုတ်ပေးထားသည့် ကိုယ်ရေးအချက်အလက်ကို နယ်သာလန်တွင် တည်ရှိသော ဒေတာစင်တာများ၌ သိမ်းဆည်းထားသည်။
• အထက်ဖော်ပြပါ ဒေသများမှလွဲ၍ အခြားဒေသများတွင် လုပ်ငန်းဆောင်ရွက်စဉ် ကျွန်ုပ်တို့ စုဆောင်းရယူပြီး ထုတ်ပေးထားသည့် ကိုယ်ရေးအချက်အလက်ကို စင်္ကာပူတွင် တည်ရှိသော ဒေတာစင်တာများ၌ သိမ်းဆည်းထားသည်။
• ထို့အပြင် Xiaomi သည် ကိုယ်ရေးအချက်အလက်များကို လက်ခံသိမ်းဆည်းထားရာ ဒေသပြင်ပတွင် တည်ရှိသော အဖွဲ့ဝင်ကုမ္ပဏီများ၊ ပြင်ပအဖွဲ့အစည်း ဝန်ဆောင်မှု ပံ့ပိုးပေးသူများနှင့် လုပ်ငန်းမိတ်ဖက်များထံသို့ ကိုယ်ရေးအချက်အလက်များကို ဤကိုယ်ရေးလုံခြုံမှု မူဝါဒနှင့် အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်တွင် ဖော်ပြထားသည့် ရည်ရွယ်ချက်များအတွက် လွှဲပြောင်းပေးပါသည်။
• Xiaomi သည် ကိုယ်ရေးအချက်အလက်များကို လက်ခံသိမ်းဆည်းထားရာ ဒေသပြင်ပတွင် တည်ရှိသော အဖွဲ့ဝင်ကုမ္ပဏီများထံသို့ဖြစ်စေ၊ ပြင်ပအဖွဲ့အစည်း ဝန်ဆောင်မှုပံ့ပိုးပေးသူများထံသို့ဖြစ်စေ၊ လုပ်ငန်းမိတ်ဖက်များထံသို့ဖြစ်စေ လွှဲပြောင်းသည့်အခါတွင် ကျွန်ုပ်တို့သည် သက်ဆိုင်ရာ ဒေတာကာကွယ်ရေး ဥပဒေများကို လိုက်နာပါသည်။ ထိုသို့သော လွှဲပြောင်းမှုများအားလုံးသည် သက်ဆိုင်ရာ တရားဝင် လွှဲပြောင်းမှု နည်းလမ်းနှင့် သင့်လျော်သော နည်းပညာပိုင်းဆိုင်ရာနှင့် အဖွဲ့အစည်းဆိုင်ရာ အစီအမံများ၊ ဥပမာ- အမည်ဝှက်ခြင်း၊ ကုဒ်ဝှက်ခြင်း၊ ဝင်ရောက်သုံးစွဲခွင့် ထိန်းချုပ်မှုများနှင့် ပုံမှန် လုံခြုံရေး အကဲဖြတ်မှုများကို လိုက်နာကာ သင့်အချက်အလက်ကို ပေးပို့စဉ်နှင့် နောက်ဆက်တွဲ စီမံဆောင်ရွက်စဉ် တစ်လျှောက်လုံးတွင် ကာကွယ်ပေးထားကြောင်း ကျွန်ုပ်တို့ အာမခံပါသည်။ https://privacy.mi.com/support တွင် ကျွန်ုပ်တို့ထံ ဆက်သွယ်ခြင်းဖြင့် သင့်ကိုယ်ရေးအချက်အလက်များနှင့်ဆိုင်သော ကာကွယ်ရေးအစီအမံများအကြောင်း နောက်ထပ်အချက်အလက်များကို ရယူနိုင်ပါသည်။

12. အရွယ်မရောက်သေးသူများ၏ ကိုယ်ရေးအချက်အလက်ကို ကျွန်ုပ်တို့ မည်သို့ ကာကွယ်ပေးသနည်း။

ကျွန်ုပ်တို့သည် အရွယ်မရောက်သေးသူများ၏ ကိုယ်ရေးအချက်အလက်များကို ကာကွယ်ပေးရန် ကတိပြုပါသည်။ ကျွန်ုပ်တို့၏ ထုတ်ကုန်များနှင့် ဝန်ဆောင်မှုများကို အရွယ်မရောက်သေးသူများ၏ အသုံးပြုမှုနှင့်ပတ်သက်၍ ကြီးကြပ်လမ်းညွှန်ပေးရန် မိဘများနှင့် အုပ်ထိန်းသူများအား တိုက်တွန်းအားပေးပြီး ကျွန်ုပ်တို့ကလည်း သက်ဆိုင်ရာ ဥပဒေများနှင့်အညီ သင့်လျော်သော ကာကွယ်ရေးအစီအမံများကို ဆောင်ရွက်ပေးလျက် အရွယ်မရောက်သေးသူများ၏ ကိုယ်ရေးအချက်အလက်များကို စီမံဆောင်ရွက်ပါမည်။

သင်သည် မိဘ သို့မဟုတ် အုပ်ထိန်းသူဖြစ်ပြီး အရွယ်မရောက်သေးသူတစ်ဦးက သင့်လျော်သော ခွင့်ပြုချက်မရှိဘဲ Xiaomi ထံသို့ ကိုယ်ရေးအချက်အလက်များ ပေးအပ်ခဲ့သည်ဟု ယူဆပါက https://privacy.mi.com/support မှတစ်ဆင့် ကျွန်ုပ်တို့ထံ ဆက်သွယ်ပါ။ ကျွန်ုပ်တို့သည် အဆိုပါကိစ္စကို ပြန်လည်သုံးသပ်ပြီး သက်ဆိုင်ရာ ဥပဒေအရ လိုအပ်ပါက အချက်အလက်ကို ဖျက်ခြင်းအပါအဝင် သင့်လျော်သော အဆင့်များကို ဆောင်ရွက်ပါမည်။

13. ပြင်ပအဖွဲ့အစည်း၏ စည်းကမ်းသတ်မှတ်ချက်တစ်ရပ်ရပ်ကို သင်သဘောတူရမည်လား။

ကျွန်ုပ်တို့၏ ကိုယ်ရေးလုံခြုံမှု မူဝါဒသည် ပြင်ပအဖွဲ့အစည်းတစ်ခုက ကမ်းလှမ်းသည့် ထုတ်ကုန်များ သို့မဟုတ် ဝန်ဆောင်မှုများနှင့် မသက်ဆိုင်ပါ။ သင်အသုံးပြုသည့် ဝန်ဆောင်မှုများပေါ် မူတည်၍ ကျွန်ုပ်တို့၏ ထုတ်ကုန်နှင့် ဝန်ဆောင်မှုအချို့တွင် ငွေပေးချေမှု စီမံဆောင်ရွက်ခြင်း ဝန်ဆောင်မှုများကဲ့သို့သော ပြင်ပအဖွဲ့အစည်းများ၏ ထုတ်ကုန်များ သို့မဟုတ် ဝန်ဆောင်မှုများ ပေါင်းစပ်ပါဝင်နိုင်သည်။ ၎င်းတို့ထဲမှ အချို့ကို ပြင်ပအဖွဲ့အစည်းများ၏ ဝက်ဘ်ဆိုက်လင့်ခ်များ ပုံစံဖြင့် ပံ့ပိုးပေးပြီး အချို့ကို SDK များ၊ API များ စသည့် ပုံစံဖြင့် ဝင်ရောက်သုံးစွဲနိုင်ပါမည်။ ဤထုတ်ကုန်များ သို့မဟုတ် ဝန်ဆောင်မှုများကို သင် အသုံးပြုသည့်အခါ အဆိုပါ ပြင်ပအဖွဲ့အစည်းများကလည်း သင့်အချက်အလက်များကို စုစည်းရယူနိုင်ပါသည်။ သို့ဖြစ်၍ သင့်အနေဖြင့် ပြင်ပအဖွဲ့အစည်း၏ ကိုယ်ရေးလုံခြုံမှု မူဝါဒကို အချိန်ပေးပြီး ဖတ်ရှုရန် ကျွန်ုပ်တို့ အလေးအနက် အကြံပြုပါသည်။ ဤကိုယ်ရေးလုံခြုံမှု မူဝါဒသည် ထိုပြင်ပအဖွဲ့အစည်းများမှ သီးခြားစီ စီမံဆောင်ရွက်ပြီးသည့် ကိုယ်ရေးအချက်အလက်နှင့် မသက်ဆိုင်ပါ။ သင့်ထံမှ စုဆောင်းထားသည့် ကိုယ်ရေးအချက်အလက်များအား ပြင်ပအဖွဲ့အစည်းများ၏ အသုံးပြုပုံကို ကျွန်ုပ်တို့က ထိန်းချုပ်နိုင်ခြင်းမရှိသလို တာဝန်လည်း မယူပါ။

14. ဤကိုယ်ရေးလုံခြုံမှု မူဝါဒကို ကျွန်ုပ်တို့ မည်သို့အပ်ဒိတ်လုပ်သနည်း။

ကျွန်ုပ်တို့သည် စီးပွားရေးလုပ်ငန်း၊ နည်းပညာ၊ သက်ဆိုင်ရာ ဥပဒေနှင့် သင့်လျော်သော လုပ်ထုံးလုပ်နည်းဆိုင်ရာ ပြောင်းလဲမှုများအပေါ် မူတည်၍ ဤကိုယ်ရေးလုံခြုံမှု မူဝါဒကို ပုံမှန် ပြန်လည်သုံးသပ်ပြီး ဤကိုယ်ရေးလုံခြုံမှု မူဝါဒကို အပ်ဒိတ်လုပ်နိုင်သည်။ ကျွန်ုပ်တို့သည် ဤကိုယ်ရေးလုံခြုံမှု မူဝါဒတွင် အရေးကြီးသော အပြောင်းအလဲ ပြုလုပ်ပါက ကျွန်ုပ်တို့ စုစည်းရယူသော အချက်အလက်များနှင့် ၎င်းတို့ကို အသုံးပြုပုံအကြောင်းကို သင်လေ့လာသိရှိနိုင်ရန်အတွက် ပေါ့ပ်အပ် ဝင်းဒိုးမှတစ်ဆင့် သို့မဟုတ် သင့် Xiaomi အကောင့်နှင့်ဆိုင်သည့် အီးမေးလ်လိပ်စာသို့ အီးမေးလ်ပေးပို့ခြင်းဖြင့် သို့မဟုတ် တရားဝင်အသုံးပြုနိုင်သော အခြားနည်းလမ်းများဖြင့် သင့်အား အသိပေးပါမည်။ ဤကိုယ်ရေးလုံခြုံမှု မူဝါဒရှိ ထိုသို့သောအပြောင်းအလဲများသည် အထက်ပါ အသိပေးချက်တွင် ဖော်ပြထားသည့် စတင်အကျုံးဝင်သည့် ရက်စွဲမှစ၍ အသက်ဝင်ပါမည်။ ကျွန်ုပ်တို့၏ ကိုယ်ရေးလုံခြုံမှု ဆောင်ရွက်ချက်များနှင့်ပတ်သက်၍ နောက်ဆုံးရ အချက်အလက်များကို သိရှိရန်အတွက် ဤစာမျက်နှာအား ပုံမှန် စစ်ဆေးကြည့်ရှုရန် တိုက်တွန်းအပ်ပါသည်။ ထပ်ဆောင်း ကိုယ်ရေးအချက်အလက်များကို သင့်ထံမှ စုစည်းရယူချိန် သို့မဟုတ် သင့်ကိုယ်ရေးအချက်အလက်များကို ရည်ရွယ်ချက်အသစ်များအတွက် အသုံးပြုချိန် သို့မဟုတ် ထုတ်ဖော်ပြောဆိုချိန်တွင် ကျွန်ုပ်တို့သည် သက်ဆိုင်ရာ ဥပဒေအရ လိုအပ်လျှင် သင်၏ ရှင်းလင်းတိကျသော သဘောတူညီချက်ကို တောင်းခံပါမည်။

ဥရောပ စီးပွားရေး ဧရိယာ၊ ယူနိုက်တက်ကင်းဒမ်းနှင့် ဆွစ်ဇာလန် (EEA/UK/CH) အတွက် ဖြည့်စွက်ချက်

ဥရောပ စီးပွားရေး ဧရိယာ ("EEA")၊ ယူနိုက်တက်ကင်းဒမ်း ("UK") သို့မဟုတ် ဆွစ်ဇာလန် ("CH") တွင် သင်နေထိုင်ပါက ဤဖြည့်စွက်ချက်သည် Xiaomi အထွေထွေ ကိုယ်ရေးလုံခြုံမှု မူဝါဒ ("ကိုယ်ရေးလုံခြုံမှု မူဝါဒ") ကို ဖြည့်စွက်ပြီး သင့်အပေါ် သက်ရောက်အကျုံးဝင်ပါသည်။ ၎င်းသည် သက်ဆိုင်ရာ ဒေတာကာကွယ်ရေး ဥပဒေများအရ လိုအပ်သော ထပ်ဆောင်းအချက်အလက်များကို ဖော်ပြပါသည်။ ဤဖြည့်စွက်ချက်သည် ကိုယ်ရေးလုံခြုံမှု မူဝါဒထက် ပိုမိုဦးစားပေး၍ အကျုံးဝင်မည်ဖြစ်သည်။ ဤဖြည့်စွက်ချက်တွင် ဖော်ပြမထားသည့် ကိစ္စရပ်များအတွက်မူ မူဝါဒက အကျုံးဝင်ပါမည်။

ထိန်းချုပ်သူများ

သင်သည် EEA၊ UK သို့မဟုတ် ဆွစ်ဇာလန်တွင် နေထိုင်ပါက Xiaomi Technology Netherlands B.V. နှင့် Xiaomi Communications Co., Ltd. တို့သည် စီမံဆောင်ရွက်ခြင်း လုပ်ဆောင်ချက်များအတွက် ပူးတွဲဒေတာထိန်းချုပ်သူများအဖြစ် ဆောင်ရွက်မည်ဖြစ်ပြီး ၎င်းတို့သည် ရည်ရွယ်ချက်များနှင့် မရှိမဖြစ်အရေးပါသော နည်းလမ်းများကို ပူးတွဲဆုံးဖြတ်ပါမည်။ ကန့်သတ်ထားပြီး လုံခြုံသော ဝင်ရောက်သုံးစွဲမှု လမ်းကြောင်းများသုံးပြီး တရုတ်ပြည်မကြီးမှနေ၍ သင့်ကိုယ်ရေးအချက်အလက်ကို အဝေးမှ ရယူအသုံးပြုနိုင်ပါသည်။ ထိုသို့ရယူအသုံးပြုခြင်းမှာ ကိစ္စရပ်အလိုက် နည်းပညာဆိုင်ရာ ပြဿနာရှာဖွေဖြေရှင်းခြင်းနှင့် ရောင်းချပြီးနောက် ဝန်ဆောင်မှု တောင်းဆိုချက်များ ကိုင်တွယ်ခြင်းကဲ့သို့ သီးခြားရည်ရွယ်ချက်များအတွက် လိုအပ်သည့် အတိုင်းအတာအထိသာ ဖြစ်ပါသည်။

သင် UK တွင် ရှိပါက ကျွန်ုပ်တို့၏ UK ကိုယ်စားလှယ်မှာ–

Xiaomi Technology UK Limited ဖြစ်ပြီး ၎င်း၏ မှတ်ပုံတင်လိပ်စာမှာ Us & Co Stratford, Floor BR 40-11-12-13-14 11 Burford Road London, England E15 2ST ဖြစ်သည်

သင် ဆွစ်ဇာလန်တွင် ရှိပါက ကျွန်ုပ်တို့၏ ဆွစ်ကိုယ်စားလှယ်မှာ–

Xiaomi Technology Switzerland GmbH ဖြစ်ပြီး ၎င်း၏ မှတ်ပုံတင်လိပ်စာမှာ Thurgauerstrasse 101, 8152 Glattpark (Opfikon) ဖြစ်သည်။

စီမံဆောင်ရွက်ခြင်းအတွက် ဥပဒေဆိုင်ရာ အခြေခံအကြောင်းရင်းများ

ကျွန်ုပ်တို့သည် သင့်ကိုယ်ရေးအချက်အလက်များကို ခိုင်လုံသော ဥပဒေဆိုင်ရာ အခြေခံအကြောင်းရင်းရှိမှသာ စီမံဆောင်ရွက်ပါသည်။ ကျွန်ုပ်တို့ သင့်ကိုယ်ရေးအချက်အလက်များကို စီမံဆောင်ရွက်သည့် ရည်ရွယ်ချက်များ၊ သက်ဆိုင်သော ဥပဒေဆိုင်ရာ အခြေခံအကြောင်းရင်းနှင့် တရားဝင်အကျိုးစီးပွားများကို ကျွန်ုပ်တို့အမှီပြုပါက ရည်ရွယ်လုပ်ဆောင်သည့် သီးခြားအကျိုးစီးပွားများကို အောက်ပါဇယားတွင် ဖော်ပြထားပါသည်။

နိုင်ငံတကာ ဒေတာ လွှဲပြောင်းမှုများ

EEA/UK/CH ရှိ ကျွန်ုပ်တို့၏ လုပ်ငန်းဆောင်ရွက်မှုများကို ပံ့ပိုးကူညီရန်အတွက်-

• ကျွန်ုပ်တို့၏ ကော်ပိုရိတ်အုပ်စုအတွင်းရှိ အချို့သော ကုမ္ပဏီများသည် EEA၊ UK နှင့် ဆွစ်ဇာလန်တို့ရှိ ကျွန်ုပ်တို့၏ လုပ်ငန်းဆောင်ရွက်မှုများကို ပံ့ပိုးကူညီနိုင်သည်။ Xiaomi Technologies Singapore Pte. Ltd. သည် အုပ်စုတွင်း စီမံဆောင်ရွက်သူအဖြစ် လုပ်ဆောင်ပြီး သက်ဆိုင်ရာ ထိန်းချုပ်သူ၏ ကိုယ်စားနှင့် ၎င်း၏ညွှန်ကြားချက်ဖြင့် ကိုယ်ရေးအချက်အလက်များကို စီမံဆောင်ရွက်ပါသည်။ ၎င်းသည် ဆာဗာနှင့် အခြေခံအဆောက်အအုံ ထိန်းသိမ်းမှုနှင့် နည်းပညာပိုင်းဆိုင်ရာ ပံ့ပိုးကူညီမှုတို့ကဲ့သို့ အမျိုးမျိုးသော ပံ့ပိုးကူညီရေး ဝန်ဆောင်မှုများကို ပေးအပ်ပါသည်။ ထိုသို့သော လွှဲပြောင်းမှုများကို တင်းကျပ်သော လုပ်ငန်းတွင်း ခွင့်ပြုချက်နှင့် ဝင်ရောက်သုံးစွဲခွင့် ထိန်းချုပ်မှု လုပ်ထုံးလုပ်နည်းများအရ လိုအပ်သည့်အခါမှသာ ခွင့်ပြုသည်။
• ကျွန်ုပ်တို့သည် ဤကိုယ်ရေးလုံခြုံမှု မူဝါဒ သို့မဟုတ် အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်တွင် ဖော်ပြထားသော ဝန်ဆောင်မှုများ ဆောင်ရွက်နိုင်စေရန် သင့်ကိုယ်ရေးအချက်အလက်ကို EEA/UK/CH ပြင်ပတွင် တည်ရှိသော ပြင်ပအဖွဲ့အစည်း ဝန်ဆောင်မှု ပံ့ပိုးပေးသူများနှင့် လုပ်ငန်းမိတ်ဖက်များထံသို့ လွှဲပြောင်းပါသည်။ ကျွန်ုပ်တို့၏ ထုတ်ကုန်များနှင့် ဝန်ဆောင်မှုများအကြား ကွာခြားမှုများကြောင့် (လက်ခံရရှိမည့်သူများ၊ နိုင်ငံများနှင့် တရားဝင်လုပ်ထုံးလုပ်နည်း အပါအဝင်) ဤလွှဲပြောင်းမှုများ၏ တိကျသော အသေးစိတ်အချက်အလက်များမှာ ကွဲပြားမှုရှိပါသည်။

ကျွန်ုပ်တို့သည် ကိုယ်ရေးအချက်အလက်များကို EEA/UK/CH မှ EEA/UK/CH ပြင်ပရှိ နိုင်ငံများသို့ လွှဲပြောင်းသည့်အခါ အောက်ပါ တရားဝင်လုပ်ထုံးလုပ်နည်းများကို သင့်လျော်သလို အမှီပြုအားထားပါသည်-

• လုံလောက်ပြည့်မီမှုဆိုင်ရာ ဆုံးဖြတ်ချက်များ- ဥရောပကော်မရှင်၊ UK အစိုးရနှင့် ဆွစ်ဖက်ဒရယ်ကောင်စီ အသီးသီးက အချို့သော နိုင်ငံများကို လုံလောက်ပြည့်မီသော ဒေတာကာကွယ်ရေးအဆင့် ပံ့ပိုးပေးသည့် နိုင်ငံများအဖြစ် အသိအမှတ်ပြုထားကြသည်။ ထုတ်ကုန် သို့မဟုတ် ဝန်ဆောင်မှုအချို့အတွက် ကျွန်ုပ်တို့သည် ဤဆုံးဖြတ်ချက်များကို အခြေခံ၍ အဆိုပါ နိုင်ငံများရှိ သတ်မှတ်ထားသော ပြင်ပအဖွဲ့အစည်း ဝန်ဆောင်မှု ပံ့ပိုးပေးသူများ သို့မဟုတ် လုပ်ငန်းမိတ်ဖက်များထံသို့ ဒေတာ လွှဲပြောင်းပေးနိုင်ပါသည်။ အသေးစိတ်သိရှိလိုပါက အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်ကို ဖတ်ရှုကိုးကားပါ။
• စံစာချုပ်ဆိုင်ရာ ဥပဒေအပိုဒ်ငယ်များ (SCC များ)- လုံလောက်ပြည့်မီမှုဆိုင်ရာ ဆုံးဖြတ်ချက် မရှိသည့်အခါတွင် ကျွန်ုပ်တို့သည် ယေဘုယျအားဖြင့် ဥရောပကော်မရှင်က အတည်ပြုထားသော စံစာချုပ်ဆိုင်ရာ ဥပဒေအပိုဒ်ငယ်များကို အဓိက ကာကွယ်ရေးအစီအမံအဖြစ် အမှီပြုအားထားပါသည်။ EEA/UK/CH ပြင်ပတွင် တည်ရှိပြီး ကျွန်ုပ်တို့နှင့်အတူ SCC များ ချုပ်ဆိုထားသည့် ကျွန်ုပ်တို့၏ အုပ်စုဝင်အဖွဲ့အစည်းများထံ လွှဲပြောင်းမှုများနှင့် ကန့်သတ်ထားသော အဝေးမှ ဝင်ရောက်သုံးစွဲခွင့် ပေးအပ်ခြင်းအတွက် ဤအရာများ (နှင့် UK နှင့် CH အတွက် အတည်ပြုထားသည့် တန်းတူအဆင့်ညီမျှသော စည်းမျဉ်းများ) ကို အသုံးပြုပါသည်။ ဤအဖွဲ့အစည်းများသည် စင်္ကာပူနှင့် တရုတ်ပြည်မကြီးတွင် တည်ရှိသည်။ တရုတ်ပြည်မကြီးသို့ လွှဲပြောင်းမှုများတွင် ကန့်သတ်ထားပြီး လုံခြုံသော အဝေးမှ ဝင်ရောက်သုံးစွဲမှုသာ ပါဝင်ပါသည်။ အချို့သော ပြင်ပအဖွဲ့အစည်း ဝန်ဆောင်မှု ပံ့ပိုးပေးသူများ သို့မဟုတ် လုပ်ငန်းမိတ်ဖက်များထံ လွှဲပြောင်းမှုများအတွက်လည်း SCC များကို အသုံးပြုပါသည်။ ထိုသို့ဖြစ်ပါက အကျုံးဝင်သော ထုတ်ကုန် ကိုယ်ရေးလုံခြုံမှု အသိပေးချက်တွင် ဖော်ပြမည်ဖြစ်ပါသည်။ စာချုပ်ဆိုင်ရာ ကာကွယ်ရေးအစီအမံများကို အခြေခံသည့် လွှဲပြောင်းမှုအားလုံးအတွက် ကျွန်ုပ်တို့သည် ဦးတည်ရာနိုင်ငံ၏ ဥပဒေများနှင့် လုပ်ထုံးလုပ်နည်းများကို အကဲဖြတ်ကာ လုံလောက်ပြည့်မီသော ကာကွယ်မှုအဆင့် ရရှိစေရေးအတွက် လိုအပ်သည့်အခါတွင် ဖြည့်စွက်အစီအမံများ (အမည်ဝှက်ခြင်း၊ ကုဒ်ဝှက်ခြင်း၊ အသေးစိတ် ဝင်ရောက်သုံးစွဲခွင့် ထိန်းချုပ်မှုနှင့် စဉ်ဆက်မပြတ် စောင့်ကြည့်ခြင်း အပါအဝင်) ကို အကောင်အထည်ဖော် ဆောင်ရွက်ပါသည်။

သင့်အနေဖြင့် https://privacy.mi.com/support တွင် ကျွန်ုပ်တို့၏ ဒေတာကာကွယ်ရေးအရာရှိထံ ဆက်သွယ်ခြင်းဖြင့် SCC များအကြောင်း မိတ္တူတစ်စောင် အပါအဝင် သက်ဆိုင်ရာ ကာကွယ်ရေးအစီအမံများနှင့် ပတ်သက်သည့် နောက်ထပ် အချက်အလက်များကို ရယူနိုင်ပါသည်။

တိုင်ကြားမှုများ

သင့်ဒေသတွင်းရှိ ဒေတာကာကွယ်ရေး ကြီးကြပ်ရေး အာဏာပိုင်ထံ တိုင်ကြားမှု တင်သွင်းပိုင်ခွင့်ရှိသည်။ EEA အာဏာပိုင်များ၏ စာရင်းကို ဤနေရာတွင် သင်ရှာဖွေတွေ့ရှိနိုင်ပါသည်။ UK တွင် သင်သည် အချက်အလက် ကော်မရှင်အဖွဲ့ဝင်ရုံး (ICO) ထံသို့ တိုင်ကြားနိုင်ပြီး ဆွစ်ဇာလန်တွင် ဖက်ဒရယ် ဒေတာကာကွယ်ရေးနှင့် အချက်အလက် ကော်မရှင်အဖွဲ့ဝင် (FDPIC) ထံသို့ တိုင်ကြားနိုင်သည်။ ထို့ပြင် သင်စိုးရိမ်သည့်ကိစ္စရပ်များကို ကျွန်ုပ်တို့၏ ဒေတာကာကွယ်ရေးအဖွဲ့ထံ https://privacy.mi.com/support တွင် တိုက်ရိုက်တင်ပြနိုင်သည် သို့မဟုတ် အောက်တွင်ဖော်ပြထားသည့် အသေးစိတ်အချက်အလက်များကို အသုံးပြု၍ ကျွန်ုပ်တို့၏ ဒေတာကာကွယ်ရေးအရာရှိထံ ဆက်သွယ်နိုင်သည်။

ကျွန်ုပ်တို့ထံ ဆက်သွယ်ရန်

သင်သည် ဤဖြည့်စွက်ချက်နှင့်ပတ်သက်၍ မေးစရာများရှိပါက သို့မဟုတ် သင့်အခွင့်အရေးများကို ကျင့်သုံးလိုပါက ကျွန်ုပ်တို့ကိုဖြစ်စေ၊ ကျွန်ုပ်တို့၏ DPO ကိုဖြစ်စေ အောက်ပါအတိုင်း ဆက်သွယ်နိုင်ပါသည်-

• အွန်လိုင်း- https://privacy.mi.com/support
• စာပို့လိပ်စာ- Prinses Margrietplantsoen 39, 2595 AM, The Hague, The Netherlands